15/06/2026
～ 一週年回顧 ～
🎉 不知不覺，成為 ADI 已經一週年。
一年前嘅今個月，
我正式通過英國教車師傅最後一個階段考試，
成為一名 ADI（Approved Driving Instructor）。
回望當初決定轉行做教車師傅，
到完成整個資格考核過程，
真係一段唔容易嘅旅程。
好多人未必知道，英國教車師傅其實有唔同資格級別。
當通過第二階段（駕駛能力測試）後
師傅可以申請 PDI（Potential Driving Instructor）牌照，
成為實習師傅，
並合法開始收費教學。
但要成為正式嘅 ADI，
仲需要通過第三階段嘅教學能力考核（Part 3）。
而呢個階段，
正正係整個過程中公認最具挑戰性嘅部分。
因為考核嘅唔再係自己識唔識揸車，
而係能否因應學生需要作出分析、
制定合適教學方案、
培養學生獨立思考能力，
以及展現專業嘅教學技巧。
換句話講：
🚗 Part 2 考你係咪一個好司機
👩🏻🏫 Part 3 考你係咪一個好老師
可能多年做老師嘅經驗，
都幫助到我算係幾習慣有人睇住自己教學。
所以當考官坐埋入車望住我嗰40分鐘教成點時，
雖然都勁緊張，
幸好都好快調節到以學生為中心，
專注返喺佢身上，
幫佢喺路面處理上喺有限時間內有明顯嘅進步。
諗返嗰陣預備考試嘅自己，
好似已經過咗去好耐咁
欣賞當時無放棄嘅我😊
---------
喺教車嘅2年多歷程入面，
我有幸陪伴唔少香港人喺英國重新建立駕駛信心。
學生考到牌當然開心
原來之後收到嘅訊息仲可以用欣慰嚟形容：
「我今日第一次自己揸去返工呀！」
「我終於自己揸上高速公路喇！」
「我帶咗屋企人去旅行，全程自己揸！」
每一次見證學生成長，
都提醒我當初堅持考到最後一關係值得嘅。
更加感恩嘅係，喺我服務嘅區域內，
目前我所知自己係暫時唯一一位香港女性 ADI。
（即係已經keep咗呢個record一年喇😆）
呢個身份對我嚟講唔單止係一張證書。
佢代表住專業、責任，同埋我對每位學生嘅承諾。
多謝過去所有學生、家長同朋友嘅信任同支持，
亦多謝每一位介紹我俾朋友嘅你哋。
未來希望繼續用廣東話、用耐心、用專業，
幫助更多香港人喺英國安全而有信心咁上路。
❤️ ADI 一週年，感恩遇上每一位學生。
#女教車師傅之日常
#訂製車牌就係考試後送比自己嘅合格禮物😁
