29/04/2026
Na 15 wonderlike jare het die tyd aangebreek vir ons om ’n nuwe hoofstuk te begin.
Ons, die eienaars van Astron Energy Struisbaai, het die besluit geneem om die besigheid te verkoop. Die hoofrede hiervoor is dat ons aftree-ouderdom bereik het en voel dit is tyd om die leisels oor te gee aan ’n jonger geslag.
Ons wil van die geleentheid gebruik maak om elkeen van ons lojale kliënte opreg te bedank vir julle jare lange ondersteuning. Julle het ’n groot rol gespeel in ons sukses, en ons is innig dankbaar daarvoor.
’n Spesiale woord van dank ook aan ons personeel – sonder julle harde werk, toewyding en lojaliteit sou ons dit nie kon regkry nie.
Môre, 30 April 2026, is ons laaste dag by Astron Energy Struisbaai.
Die nuwe eienaars, Du Toit en Nicola van Niekerk, neem oor, en ons wens hulle alle voorspoed en sukses toe vir die toekoms.
Baie dankie vir alles – dit was ’n voorreg om julle te dien.
Vriendelike groete
Ben en Elmaré
