22/02/2026
Ek het gisteraand by my outjie geslaap. Net geslaap don't worry, nie dat dit enigstens julle besigheid is wat ek in die nag doen nie, maar ons het sommer bo op die duvet gelê want dit was mos daardie "lê soontoe" soort warm gisteraand soos julle almal mos weet.
Lang storie kort, toe ek vanoggend die bed opmaak (ja mens maak 'n bed op al het jy nie onder die komberse goed geslaap nie)
Beddegoed moet elke dag lig en lug kry. 'N bed is nie 'n broeiplek nie. Jy het nie 'n heatrash nie. As jy d**k jy het dalk 'n heatrash, vra eers jouself, "ruik my beddegoed bedompig? Is my laken ivory of moet hierdie goed gewas word? Het ek off-white beddegoed gekoop of is my beddegoed dalk net vuil? Hoekom hou my bottel Jik so lank?"
Antwoord eerlik en besluit dan self of dit 'n heatrash is. Dis nie altyd nagmerries wat ons wakker hou nie. Soms byt iets jou.
Anyway punt van my storie is ek sien toe sy laken is tangerine of helder oranje. Ek lei mos aan angs en as ek gister aand hierdie laken gesien het sou ek niks geslaap het nie.
Helder kleure is vir kleuterskole, uitverkopings, kinder eenhede by hospitale en Boswell & Wilkie se sirkus. Beddegoed moet verkieslik wit of dalk grys wees. Kussingslope en lakens moet wit wees. Jou duvet cover is jou duvet cover, doen wat jy wil. Ek verkies natuurlik wit, maar jy is groot en dis jou geld, so maak wat jy wil met jou duvet cover.
Julle gaan nou skree, "nee dit word gou vuil", maar engel jy moet dit elkgeval elke week was of change. So dit maak nie saak nie. Ons moet almal weer saans begin was voor ons gaan slaap soos toe ons klein was. Kies 'n tyd en maak dit elke aand jou bad/was/stort tyd. Jou beddegoed sal langer mooi skoon bly. Jou gesig en kopvel sal minder uitslaan, hare sal langer skoon lyk en voel. En dit alles tedanke aan wit beddegoed en saans was voor ons gaan slaap.
Dis dan die einde van hierdie week se advies vir 'n beter 2026.
Mavis Vannie Lavis was baie gereeld haar beddegoed en mens kan sien. Daai is een netjiese dame wanneer sy nie k@k praat op Facebook nie. Kakpraatkosniksi se outjie is net so netjiese klong so ek weet hy was elke week sy beddegoed.
Daai Colored Girls Rock!!! Se dametjie love mos sukke public service announcements so ek weet sy gaan share. Regte staatmaker daai kind. Ek moet nou gaan uitfigure hoe ek hierdie orange laken en kussings gaan maak verdwyn sonder dat outjie oplet. Lyk my ek gaan vanmiddag bietjie Sheet Street toe.
Lekker week vir julle almal. Ek hoop julle was kerk toe.
Robbie
