Dardanët Kosova MotoKlub

30/03/2026

Vemendje !!!

27/02/2026

Telegram Ngushëllimi

Me pikëllim të thellë morëm lajmin për ndarjen e papritur nga jeta të Presidentit të Klubit Motoristik Plisat Agron Azemi.

Në emër të Klubit Dardanët, ju shprehim ngushëllimet tona më të sinqerta familjes, miqve dhe të gjithë anëtarëve të klubit. Humbja e tij është goditje e rëndë jo vetëm për komunitetin tuaj, por për gjithë skenën motoristike dhe sportive.

Kontributi, përkushtimi dhe energjia që ai dha për klubin dhe për bashkimin e motoristëve do të mbeten të paharruara.

Në këto momente të vështira, jemi pranë jush me mendje dhe zemër.

Me respekt,

Klubi Dardanët

25/02/2026

🏍 Parakalim Motoristik – Epopeja e UÇK-së
📅 06 Mars 2026

Federata e Motoçiklizmit e Kosovës, në bashkëpunim me Klubin “Dardanët” dhe Klubin e Aeronautikës “Shqiponjat e Kastriotit”, organizon parakalimin motoristik dhe aktivitetin e paragllajdizmit në nderim të Epopesë së UÇK-së, me moton:

🇦🇱 “Ta nderojmë historinë tonë të lavdishme.”

Ky aktivitet ka për qëllim përkujtimin me dinjitet të sakrificës dhe historisë sonë kombëtare, duke bashkuar komunitetin e motoristëve dhe sportdashësve në një organizim simbolik dhe madhështor.

⸻

🕘 Programi i aktivitetit

📍 09:00 – 09:40
Grumbullimi i pjesëmarrësve
HIB Parking – HIB Petrol, Bresje (Fushë Kosovë)
• Arritja dhe sistemimi i motoristëve
• Formimi dhe koordinimi i kolonës
• Udhëzime mbi sigurinë

🏍 09:40 – Nisja nga Bresja drejt Skenderajt

📍 10:00 – Takimi në Komoran
Nisja e kolonës drejt Skenderajt

📍 11:30 – 12:00 – Takimi në Sheshin e Skenderajt
• Kafe mikpritëse nga Klubi “Dardanët”
• Homazhe tek busti i Adem Jasharit – ora 12:00
• Fotografim i përbashkët

✈ Paragllajdistët nga Klubi “Shqiponjat e Kastriotit” do të realizojnë përcjelljen ajrore të kolonës drejt shesh*t dhe më pas drejt Prekazit.

🏍 12:15 – Vazhdimi i kolonës drejt Prekazit

📍 Prekaz
• Homazhe në Kompleksin Memorial – ora 12:30
• Takim me familjen Jashari – ora 13:00
• Vazhdimi drejt Kompleksit Memorial Morinë – ora 13:30

🕑 14:00 – Kthimi sipas dëshirës

⸻

🌙 Iftar i përbashkët

Klubi “Dardanët” organizon iftar për të gjithë motoristët pjesëmarrës.

📞 Ju lutemi konfirmoni pjesëmarrjen në: 049 772 006
(Në iftar mund të marrin pjesë vetëm ata që e konfirmojnë paraprakisht.)

⸻

👉 Ftohen të gjithë motoristët dhe qytetarët që t’i bashkohen këtij aktiviteti për të nderuar me respekt dhe unitet historinë tonë të lavdishme.

09/09/2025

Fushatë sensibilizuese

13/08/2025

Faleminderit nga zemra – Moto Klubi “Dardanët”

Vëllezër e motra
Moto Klubi Dardanët ju përshëndet me respekt dhe mirënjohje për pjesëmarrjen tuaj madhështore në moto-mitingun tonë!
Ishim të nderuar që patëm pranë vetes klube motoristike nga të gjitha trojet shqiptare – ju jeni forca që e bën këtë kulturë të gjallë dhe krenare!

Një falënderim special për Moto Drenica 🙌 – për mbështetjen, respektin dhe bashkëpunimin që na dhuruat në çdo hap të organizimit.
Gjithashtu, një respekt të madh për sponsorët tanë që e bënë të mundur këtë event:

Komuna e Skenderajit
(Drejtori i Kultures) Alban Berisha

(Bizneset lokale)
Ruko Power
QTA
Durmart
Cola Mix
Tenda 3
Petuqi
Rrustem Dobra
Sulejman Durmishi
Ilir Thaçi

Organizatori i programit
Erman Sejdiu &
DJ. Flloko .

Faleminderit nga zemra – Moto Klubi “Dardanët”

10/08/2025

Të nderuar motorklubistë, të dashur miq, zonja dhe zotërinj,Sonte jemi mbledhur këtu për të festuar jo vetëm pasionin tonë për motorra, por edhe miqësinë, vëllazërinë dhe respektin që na bashkon. Moto Club Dardanët e kanë pasur gjithmonë një qëllim të qartë – të krijojnë një familje të madhe motorklubesh, ku secili prej nesh ndihet i mirëpritur dhe i vlerësuar.Është kënaqësi e veçantë t’ju kemi të gjithëve sot këtu – klube nga afër e larg, që keni marrë mundimin dhe kohën për t’u bërë pjesë e kësaj feste. Prania juaj është nder për ne.Le ta shfrytëzojmë këtë mbrëmje për të ndarë histori, për të bërë kujtime dhe për të forcuar lidhjet tona. Sepse më shumë se një festë, kjo është një dëshmi që pasioni për motorët na bashkon dhe na bën të ndjehemi si një.Mirë se erdhët në Moto Festën e Dardanëve! 🏍️🔥

08/08/2025

📣 Rikujtim për ata që “harrojnë” me qëllim…
Nesër, me të ra ora 18:00, në Skenderaj fillon festa më “e qetë” e vitit – moto mitingu i Moto Grupit Dardanët! 🏍🔥

Edhe pse nis në 18:00… ku me ditë kur përfundon – ndoshta diku rreth mëngjesit… ose kur dikush e kupton që s’po i ndihen këmbët prej kërcimi.

🎸 Muzika? Jo, s’është ndonjë altoparlant me bluetooth. Është TNT live – po po, ai grupi legjendar që s’e lëshon mikrofonin pa t’çue nalt!

🍺 Birra? Mos pyt! Ma mirë se me pasë pare, se gjithsesi ka për krejt!

💥 Argëtimi? Nuk matet me orë, matet me kujtime (edhe ndonjë video që s’duhet me u postu kurrë 😅)

E praa… vesh helmetën, ndez motorin, merr energjinë e mirë dhe hajde t’i kallim sa të kemi zë e benzinë!

07/08/2025

06/08/2025

Moto klubi Dardanët mbeshtet dhe konfirmon pjesmarrjen ne protesten e 7 gushtit kundër padrejtësisë !

04/08/2025

Faleminderit Federata e Motoçiklizmit të Kosovës🍻

18/07/2025

🎉 Njoftim për krejt ata që s’dojnë me mbet tu pa storiet e tjerëve! 📱

Nëse s’do me u pendu t’dielën pse s’ke qenë në nejën që po përflitet në gjithë qytetin, mos prit me të tregu tjerët çka ke humb!

🛵 Me 9 GUSHT, ora 18:00, fillojmë Moto Mitingun legjendar – e zoti e din kur e perfundojm!
Kur na merr malli për gjumë ose na mbaron benzina!)

🎸 Rrok n’fund të damarëve,
🏐 aktivitete që s’t’i harron as story i Instagramit,
🤣 shoqni, gaz e hajgare që s’ka me pasë nevojë për filtera!

🍻 OFERTË E ÇMENDUR NGA KLUBI “DARDANËT”:
BIRRA PA PARE deri në sabah!
Gjithsesi edhe ushqim pa stres – barku s’ka me t’mbet keq!

Mos thuj JO, mos thuj s’e kam ditë, e mos thuj: “Uff, pse nuk shkova?”
Shkurt: Hajde, se kena me u çu peshë krejt qytetin!

🛞 Motoja jonë?
Shpejtësi, sport, zhurmë e birrë sa t’don zemra!

15/07/2025

🎸 FTESË PUBLIKE – 9 GUSHT, SKENDERAJ | ORA 18:00

Të nderuar,

Moto Klubi Dardanët ka kënaqësinë t’ju ftojë më 9 gusht 2025, në një ngjarje të hapur në qytetin e Skenderajt, ku do të bashkohemi për muzikë rock live, atmosferë vëllazërore dhe mikpritje tradicionale për të gjithë motoristët që marrin pjesë.

📍 Vendndodhja: Skenderaj
📅 Data: 9 Gusht 2025
🕕 Ora e fillimit: 18:00

🎤 Çka ofrohet:
• Performancë me muzikë rock live .
• 🍔 Ushqim dhe birra FALAS për çdo motorrist që merr pjesë
• Ambient i hapur për shoqëri, miqësi dhe respekt mes të pasionuarve të motorëve dhe muzikës

🔸 Ky aktivitet është jo-komercial dhe synon të sjellë së bashku komunitetin e motoristëve dhe qytetarët në një natë ndryshe – të mbushur me zë, ritëm dhe shpirt rebel.

Ftojmë të gjithë motoristët dhe adhuruesit e muzikës të na bashkohen dhe ta bëjmë këtë mbrëmje një traditë që nuk harrohet.