06/11/2026
🇽🇰🏆 HISTORIA KA NJË EMËR – KUSHTRIM BYTYÇI! 🏆🇽🇰
PËR HERË TË PARË, KOSOVA KA KAMPIONIN E SAJ NË FIA CEZ – GROUP 5!
Ka fitore që festohen, por ka edhe fitore që shkruajnë histori. Kjo e Kushtrim Bytyçit është njëra prej tyre!
🏆 Kushtrim Bytyçi, anëtar i Auto Klubit Ferizaj, arrin atë që deri më sot nuk e kishte arritur askush nga Kosova – shpallet KAMPION i FIA CEZ në Grupën 5!
Një titull që nuk erdhi rastësisht. Pas tij qëndrojnë vite përkushtimi, sakrifice, pune të palodhshme dhe një pasion i jashtëzakonshëm për automobilizmin.
Në gara ku përballë kishte konkurrentë nga vende të ndryshme të Evropës, Kushtrimi tregoi karakter, guxim dhe shpirt të vërtetë kampioni. Ai nuk garoi vetëm për të fituar, por për të dëshmuar se edhe Kosova ka vend në majat e automobilizmit evropian.
Dhe ia doli! 🔥
🇽🇰 Nga Ferizaj, me flamurin e Kosovës, drejt një suksesi që do të mbahet mend gjatë!
Sot, ky trofe ka një peshë shumë më të madhe se një titull kampioni. Ai përfaqëson krenarinë e një vendi, mundin e një sportisti dhe ëndrrën që u kthye në realitet.
Për ne si Auto Klubi Ferizaj, është nder dhe krenari e veçantë që Kushtrim Bytyçi është pjesë e klubit tonë.
Kushtrim, sot nuk ke fituar vetëm një trofe. Ke hapur një kapitull të ri në historinë e automobilizmit të Kosovës!
Respekt për rrugëtimin, për sakrificën dhe për gjithçka që ke dhënë për ta arritur këtë sukses!
👏 Urime kampion! E meritove çdo moment të këtij triumfi!
🏆 I PARI NGA KOSOVA!
🇽🇰 KAMPION I FIA CEZ – GROUP 5!
🏁 KUSHTRIM BYTYÇI – EMËR QË SHKRUAN HISTORI!