11/07/2026
بتستخدم مية حنفية في الرادييتر عشان توفّر؟ بالعكس إنت بتخرب الموتور من جوه من غير ما تحس
سائل التبريد مش مجرد مية هو خليط من ماء مقطّر وجلايكول يعني ماده كيميائيه وكدا ومواد مانعة للصدأ وظيفته اي بق بص وظيفته إنه يمنع السخونة والتجمد والتآكل جوة المحرك.
تب ليه ماتستخدمش مية الحنفية؟
عشان كذا سبب بص
1- فيها أملاح ومعادن (كالسيوم وماغنيسيوم) ⛔
2- بتعمل ترسبات وتكلسات جوا الرادييتر والمجاري الداخلية
3- بتسبب صدأ وتآكل في طرمبة المية والبلوك
4- نقطة غليانها 100°، وسائل التبريد بيغلي عند 120-130° (أمان أكتر)
5- بتتجمد في الشتاء وتكسر الرديتر أو البلوك
تب أنواع سائل التبريد حسب اللون والتركيب:
بص
اللون النوع مناسب لـ
🟢 أخضر IAT (تقليدي) العربيات القديمة (قبل 2000) – بيتغير كل 2 سنة
🔴 أحمر / وردي OAT العربي الياباني والكوري الحديث – عمره طويل (5 سنين)
🟠 برتقالي / أصفر HOAT (هجين) مناسب لأغلب العربيات الحديثة – عمره 5 سنين
🔵 أزرق خاص بعض الأوروبي (زي بي إم دبليو وفولكس) استخدم الأصلي
إزاي تختار النوع المناسب لعربيتك؟
1- شوف كتالوج العربية أو استيكر الرادييتر مكتوب عليها النوع الموصى به.
2- لو مش لاقي، استخدم النوع المتوافق مع لون السائل الموجود حالياً.
3- ماتخلطش بين الأنواع المختلفة (أخضر مع أحمر) – هتعمل تفاعل كيماوي وتبوظ النظام.
بتستخدم مية حنفية ولا سائل تبريد في عربيتك؟👇
