06/27/2026
هيونداي فينيو جايه مصر... وغبور قدامه فرصة يصلّح غلطة قديمة
في كلام بيتردد بقوة إن غبور بصدد إطلاق هيونداي فينيو خلال بداية الشهر الجاي إن شاء الله، كبديلة لأكسنت RB. الخبر لسه مش مؤكد رسميًا 100%، بس التفاصيل بدأت تتسرب.
عالميًا، فينيو 2026 بتيجي بموتور 4 سلندر 1.6 لتر بقوة 121 حصان. بخصوص الفتيس في النسخة المصرية، فيه رأيين متضادين بيتردد: واحد بيقول أوتوماتيك تقليدي "عادي وبدون مشاكل"، وتاني بيقول CVT. والاتنين لسه مجرد كلام متداول، لحد ما يصدر تأكيد رسمي.
اللي يستحق وقفة فعلية مش المواصفات بس، لكن أسلوب غبور في تقديم فئات الموديلات. الشركة معروفة بإنها بتنزل عدد كبير من الفئات لكل موديل، وده بيلخبط الزبون أكتر ما يساعده، عكس الفكرة الأبسط: فئتين أو تلاتة واضحين، بسعر مفهوم، وخلاص.
لو فينيو فعلاً جاية بمواصفات قوية وسعر منافس وفئات مبسطة، تبقى إضافة حقيقية لفئة السيارات الاقتصادية المهددة بالمنافسة الصينية. لو جاية بنفس منظومة "30 فئة" القديمة، يبقى الفرصة ضاعت.
شاركوا رأيكم: حد عنده تأكيد رسمي عن الموتور أو الفتيس؟ وإيه رأيكم في فكرة تبسيط الفئات؟
فكر يا عبدالصمد.. فكر!
