Employés METS

04/07/2023

أمورنا قانونية

و ربي يعين كل مرا و راجل يجري على خبزتو و خبزت صغارو

21/06/2023

الحقيقة عملت مجهود كبير بش نفهم المغزى و الهدف من المؤتمر الصحفي عاد لا لقيت لا مؤتمر و لا صحافة.. لقيت محاولة مؤامرة بكلها مغالطات و أفلام من الخيال الكنفدرالي..
أولا تحكي على رجوع لنقابة ماعادش موجودة لا بالقانون و لا حتى كأفراد..
ثانيا تعمل في مقارنات لا تجوز بين أرقام قديمة و وضعية جديدة مخالفة من حيث عدد العمال و من حيث عدد المترشحين و الناس الكل تعرف سياسة القائمة الواحدة قبل كيفاش كانت تتخدم..
و أخيرا كي وفات الزنقة بالهارب و الريق شاح و حتى سي الحبيب لا زاد لا نقص الكلمة خرجت و زرفت هههه "عاش الاتحاد العام التونسي للشغل" و الناس الكل عداتها بضحكة و بروح رياضية..
هاكا علاش تو لازمك تعترف انو المسلسل كمل و النتيجة مش لصالحك و تقبل بيها بكل روح رياضية..
و يا مبدل لحية بلحية تشتاقهم الاثنين..

16/06/2023

صباح الانتصار
شكر جزيل لكل من ساهم في نجاح الانتخابات و عودة المياه لمجاريها و إن شاء الله الجاي خير..
كما لا ننسى شكر الكنفدرالية العامة للشغل لي رفعت قضية لافشال و الغاء المؤتمر في محاولة فاشلة لتطويل فترة الفراغ و الحمد لله القضاء رفض القضية شكلا و مضمونا و هذا لي زاد عطانا دفع و طاقة بش تكون نسبة المشاركة كبيرة و تكون انتخابات ناجحة..
مبروك لزملاءنا لي بش يكونو إن شاء الله على قد المسؤولية بش يمثلونا..

15/06/2023

رفضت المحكمة الابتدائية بسوسة اليوم 15 جوان 2023 الدعوى المرفوعة من الكنفدرالية العامة التونسية للشغل لإيقاف أشغال مؤتمر النقابة الأساسية لمصنع كهرباء التقنية بسوسة - ماتس التابعة للاتحاد العام التونسي للشغل، مقرّة بذلك قانونية وشرعية المؤتمر.

وجاء رفض دعوى الكنفدرالية العامة التونسية للشغل لعدم وجاهة المطلب من الناحية الواقعية والقانونية.

04/06/2023

ان شاء الله لباس الناس الكل 🙏🙏

⛔️ تعرضت اليوم احدى حافلات نقل عمال و عاملات مصنع دراكسلماير سوسة الى محاولة اعتداء من قبل بعض المجهولين والحمدلله ان جميع ركابها بخير، حيث توجه فريق السلامة على عين المكان للاطمئنان على الجميع كما تم اعلام السلطات الامنية قصد الكشف عن ملابسات هذه الحادثة

31/05/2023

⛔دراكسلماير سوسة تقرر إيقاف الدعوى القضائية ضد العمال الموقوفين⛔

📌 قرر السيد ماهر بن ريانة، مدير المصنع التدخل لفائدة أعضاء النقابة السابقين رمزي الدرواز و عبد الوهاب العوري و المنصف الهرابي و إسقاط حق المؤسسة في التتبّع ضدّهم بالجلسة المزمع عقدها اليوم الأربعاء 31 ماي 2023, استجابة لمطالب عائلات الموقوفين وتلبية لنداء عمال وعاملات ماتس.

📌 حيث تقدم المدعوون الثلاث باعتذاراتهم الرسميّة بعد أن اتضح أنه تم استغلالهم و الزج بهم في مسائل شخصية لا تخدم القضايا الشغلية من قبل أطراف لا علاقة لها بالمؤسسة.

📌 كما تقدموا تلقائيا باستقالتهم من مصنع دراكسلماير سوسة بالإضافة إلى استقالتهم من المنظمة العمالية وبالتالي لم تعد تربطهم أي علاقة بالنقابة الأساسية وبتمثيل العمال.

‼ وتؤكّد دراكسلماير حرصها على حماية عمالها ومواطن شغلهم وتمسّكها بمواصلة التتبّعات القضائية ضدّ كل من ثبت تورّطه في الإصرار على تعكير المناخ الاجتماعي وإستغلال أبناءها و تعطيل السير العادي للعمل.

30/05/2023

تم الاتفاق بالتراضي بين 3 زملاء و الإدارة على ان تتنازل الادارة على الشكوى، و ان شاء الله يتم الافراج على كل من رمزي و عبد الوهاب و منصف غدا بعد الجلسة مباشرة

الحمد الله

28/05/2023

❗️❗️❗️❗️

فما نقطة مهمة جدا تقالت في اجتماع اليوم مع النقابة الي هي تخلي الخدامة يطالبو بالغاء poste de nuit لكل من جماعة Ks, Vk et Zeta … نحب نقول للخدامة الواعين و الي يعرفوا و فاهمين الخدمة مليح راهو مايجيش الطلب هذا … بلاهي ياخدامة باللوجيك عنا par example 30 machines .. كي تجي تقسم 3 postes على اثنين لعباد الزايدة وين و شنوة باش تخدم ؟ نخمو بمخاخنا شوية ؟ و نعرفوا وقتها لعباد الزايدة شنوة يصيرلها.. و النقطة الاهم انو تنجم الKS et VK يهزوهم immédiatement ل SATS et STAE للعباد الي تخدم بالليل و ما يهمها كان الخدمة و سبق الجمعة الي فاتت تنحى الprojet من قدامكم .. دونك ماتسمعوش الكلام الي وصلكم للهلاك .. فيقو راهي تلعب بيكم كيما تحب

27/05/2023

بعد ما غرو بيهم توا مازالو باش يخدمو بيهم، لا حول ولا قوة الا بالله، مازالت بش تخرج في فيديوات تبكيلكم و تسخفكم…
زادوا بلوكاونا باش مانحكيوش الحقيقة و تحكي عالديمقراطية ههههه.. تي اما ديمقراطية يا مدام ؟

هنية بيدها مازالت باش تتعدى على الصراط المستقيم في تهمة 2 مليارات رشوة، ان شاء ما تطلعش اختها المحامية و تقول الحكم جاي معاهم

27/05/2023

خلاصة الحديث في الندوة صحفية:
هنية بن صالح تصاعد باش تجبر الادارة ما تسامحش
فتحية بن صالح: تتهم السلطاط بالطواطأ و عدم احترام القانون، باش تزيد تغرقهم و دز بيهم في حكم السجن
معناها الوخيات الزوز يحبوهم يقعدو في الحبس باش يكملو يتاجرو بيهم و يكسبو تعاطف الخدامة باش هوما زادة تكمل تضحي بيهم و يمشييو معاها في الاضرابات و التوترات...

وينهم الخدامة الي تخاف على خبزتهم و زمايلهم الي في الحبس؟؟؟ قولولها سيبنا، يزيك و احنا اتو ننتخبو لعباد و النقابة الي نحبو عليها، قولولها يزيك من التحدي والكذب و التجارة باحاسيس و مستقبل لعباد، ماتس و الخدامة موش متاعك ، خدمت و دافعت و جبت و بارك الله فيك، اما توة يزيك و اخرج منها قبل ما تهلك لعباد الكل بمؤسستهم في جرتك…

27/05/2023

الّي قاعد صاير توا مالوا الا تصعيد من هنية و الكنفدرالية CGTT الي راهو ما عاد عندهم حتى صلوحية في الماتس ، و هذا مايسمى بالاستغلال الواضح لكل من رمزي و عبد الوهاب و منصف حتى و هم في حالة وقوف بتعلة الرجوع الى الشركة و ان كلف ذلك التضحية بهم ..

و توضيح صغير…..
هي تقول و تعاود الي الادارة مهياش قابلة ال CGTT, موش صحيح لانو العمل النقابي مهم جدا في اي شركة ، الادارة رافضة نقابة فيها هنية لا اكثر و لا اقل و ليس كما تدّعي هي , لانها اصبحت خارج الشركة و لا علاقة لها لا بالمؤسسة و لا بالعمال ,تزايد في المغالطات و الكذب عيني عينك ، و سبق و هبطنا مكتوب
الادارة لرفض اعضاء النقابة موش النقابة

26/05/2023

استقالة و انسلاخ العضو الجديد محمد علي بن بلقاسم من الكنفدرالية العامة التونسية للشغل قبل الابتداء في مهامه…
فهم الطرح على بكري .. يعطيه الصحة