12/12/2025
🚗 رسالة من مدرّب تعليم السياقة إلى كل مستعملي الطريق
سيارة تعليم السياقة مشي كأي سيارة… اللافتة فوقها تعني حاجة واحدة:
بداخلها شاب أو شابة يتعلم، يخاف، يتردد، ومازال ما يتحكمش مليح في الطريق.
المترشح يشوف الخطر قبل ما يصير… ورجلو ديما فوق الفرامل من الخوف.
لهذا يا إخواني السائقين:
ما تلصقوش بينا… ما تديروش منبهات صوتية… وما تزيدوش تربّكوه.
ما تنساوش… كلكم كنتو في بدايتكم، كلكم كنتو مبتدئين.
وكل واحد فيكم مرّ بيوم كان فيه الطريق يخوّفه.
مدرّب تعليم السياقة خدام باش يكوّن سائق محترم…
ومهنتو أصعب مما تتصوروا لأنها مسؤولية أرواح.
🙏 لذلك نطلب منكم بكل احترام:
احترموا مسافة الأمان، تفهّمونا، تعاونوا معنا… وبارك الله فيكم
