Auto Ecole Mornagui

22/08/2026

تدشين مشروع إنجاز محطة تحويل الكهرباء للجهد العالي ببوعرڨوب

06/06/2026

تقر سلسلة حملات مرورية مشددة: مخالفات للدراجات غير المسجلة وحملات فحص فني عرضي للعربات
نابل، 05 جوان 2026
انعقدت بمقر الولاية جلسة اللجنة الجهوية للسلامة المرورية بإشراف السيدة والية نابل، وفي إطار تنفيذ أنشطة الإستراتيجية الوطنية متعددة القطاعات للسلامة المرورية الرامية إلى تعزيز قواعد السلامة الخاصة بالدراجات النارية والعربات والحد من الحوادث المرورية.

حيث قدم ممثل المرصد الوطني للمرور خلال الجلسة عرضاً حول الإحصائيات المتعلقة بالسلامة المرورية بولاية نابل، متضمناً اقتراحات بالإجراءات الواجب اتخاذها لتوفير الحد الأدنى من شروط السلامة المرورية والحد من حوادث المرور.

وبعد التحاور والنقاش مع الحضور حول معالجة الإشكاليات وتوضيح الإجراءات ذات العلاقة بالدراجات النارية من حيث وسائل الحماية ورخص السياقة وتسجيل الوسيلة، إضافة إلى تحيين مؤشرات السلامة للعربات، تم الاتفاق على:

✅ إطلاق سلسلة حملات مراقبة ميدانية لتحرير مخالفات ضد الدراجات النارية غير المسجلة، وعدم ارتداء الخوذة، وعدم امتلاك رخص سياقة الدراجات.
✅ تكثيف حملات الفحص الفني العرضي للعربات بكافة معتمديات الجهة، للتثبت من مدى مطابقتها لشروط السلامة.

وأكدت اللجنة على ضرورة تضافر جهود كافة الأطراف المتداخلة والمجتمع المدني لإنجاح هذه الحملات وترسيخ ثقافة السلامة المرورية لدى مستعملي الطريق.
تقر سلسلة حملات مرورية مشددة: مخالفات للدراجات غير المسجلة وحملات فحص فني عرضي للعربات

06/05/2026

اللي يعرف قربص، يعرف اللي الطريق عدد 128 كانت شريان حياة، تربط المنطقة مرورًا بـ عين أقطر، وتختصر المسافة بين سليمان وقربص في وقت قياسي.
من نهار الانهيار، الطريق تسكّرت… والناس ولات تدور من تاكلسة، وقت أطول، تعب أكثر، وكلفة إضافية… أما اللي يوجّع أكثر موش التحويلة، بل السنوات اللي تعدّات بعدها.

أكثر من 25 سنة والطريق مغلوقة… على مسافة ما تتعدّاش 4,5 كم.

اليوم، نشوفو تقدّم في الأشغال وصل تقريبًا لـ 80%، وطريق يبدو عليه عصري، وهذا يبعث الأمل… أمل إنو المنطقة ترجع تتنفّس، ويرجع شريان اقتصادي مهم بعد ما كانت تقريبًا معزولة لسنين طويلة.

واللي يمشي اليوم لـ قربص يفهم بالضبط على شنوّا نحكيو: حمّامات مهملة، بنية تحتية منهارة، حجار طايحة على الطريق، وزحمة كبيرة في نهار الراحة… منطقة ما عادش قادرة تتحمّل عدد الزوّار اللي تجيها.

لهنا أهمية المشروع: موش كان طريق، بل إعادة حياة لمنطقة كاملة.

أما في نفس الوقت، السؤال يبقى مشروع:هل المشروع هذا باش يكون في قيمة 20 سنة انتظار؟

إن شاء الله ما نشوفوش نفس السيناريو بعد الافتتاح:defauts، مشاكل في الطريق، أو حلول مؤقتة ترجعنا لنقطة الصفر.

المسؤولية اليوم كبيرة، خاصة على المهندسين وكل من باش يستلم المشروع:يلزم وعي، ضمير، واحترام للمعايير… خاطر الطريق هذا موش مشروع عادي، راهو أمل منطقة كاملة.

قربص تستحق أكثر… وموش كان طريق.

شرايكم؟
منقول

30/04/2026

🚗 توضيح مهم 🚨
حاجة للعباد اللي تسألني وتقلي:
"نحبك تعاونّي باش ناخو البرمي"
❌ أنا مانيش نفرّق في البرميات
❌ وما نخدمش بالحاجات الغالطة
✅ خدمتي واضحة:
نعلّم السياقة، نقرّي code، نحضّر التلميذ باش ينجح بجهد
🎯 الهدف متاعي هو:
نخرّج سواق واعي، يعرف يسوق ويحترم روحو ويحترم غيرو في الطريق
البرمي ما يعطيها حد…
إنت اللي تجيبها بمجهودك
والمعلم يخدم بضميرو،
والنجاح يجي بالقراءة والتطبيق والصبر 👌
وإن شاء الله نكون سبب في نجاحكم 👌
فما شكون يطيح في البرمي،🛑
ويمشي يبدّل مدرسة… وهذا حقّو عادي 👍
أما موش باهي إنو:
❌ يبدى يذم في المكوّن القديم
❌ ويحكي عليه بالخايب
خاطر الحقيقة واضحة:
النجاح مسؤولية مشتركة،
والفشل زادة يلزمنا نتحمّلوه ونصلحو من رواحنا
المعلم يعطيك الطريق،
أما إنت اللي تمشي فيه 👌
حاجة أخرى 🛑
كلمة للمكوّنين (حاشا الرجال اللي تخدم بضميرها) 👇
الميدان هذا يلزمو أخلاق قبل كل شي
❌ موش باهي إنو مكوّن يمد وذنو لكلام ويزيد يذم زميلو
✔️ كل واحد يخدم بضميرو
✔️ والرزق على ربي
✔️ والاحترام بيناتنا هو اللي يرفع المهنة
🔚 كلمة الختام 🔚
أنا ما نبيعش وعود…
أنا نعلّم رجال ونساء كيفاش يسوقو بثقة وبضمير
🥰اللي يحب يتعلّم مرحبا بيه،
🤷واللي يحب طريق مختصرة… ربي يسهّلو في بلاصة أخرى
سمعتي ما نبنيهاش بالكلام… نبنيها بالخدمة
واللي يخدم بصدق، الوقت يثبت قيمتو
🤝 الاحترام بين الناس يبقى…
والميدان ينظّف بروحو

22/04/2026

22/04/2026

22/04/2026

⚠️ "إذا فيك الحاجات هاذم… عمرك ماك باش تتعلم السياقة بسهولة!"
برشة تلامذة يحسبو المشكل في الكرهبة…
ولا في المكون… ولا في الحظ 😅
أما الحقيقة مختلفة شوية 👇

المشكل الكبير يكون في الكراكتار متاعك:
😰 تخاف برشة → تغلط حتى في الساهل
😤 تعاند → ما تسمعش وتبقى تعاود نفس الغلطة
⏳ تستعجل → تضغط على روحك وتضيع التركيز
🙉 ما تركّزش → تفاصيل صغار يعملو الفرق تضيعهم
وهنا يولي التعلم صعيب… حتى كان عندك إمكانيات باهية 🚗

💡 أما نحب نقلك حاجة مهمة:
السياقة موش موهبة… السياقة عقلية تتبنى!
✔ بدّل طريقتك في التفكير
✔ اسمع مليح للمكون
✔ خذ وقتك وما تستعجلش
✔ وخلّي الغلطة تعلّمك موش تحبطك
🚦 كي تصلّح الكراكتار… السياقة تولّي أسهل ببرشة مما تتصور

11/04/2026

علاش الوزارة المشرفة على قطاع التامين لا تجبر شركات التامين على قبول ملفات تامين الدرجات النارية ملف كبير برشا اغلب الدرجات في تونس بدون تامين جراء رفض شركات التامين قبول ملفات الدرجات النارية باي ثمن بتعلة الادارة المركزية رافضة يعني شركات التامين داخلة في الربح خارجة من الخسارة والناس ساكتة بدون رقيب ولا حسيب

30/03/2026

بيان حول أزمة مواعيد امتحان رخصة السياقة
يشهد قطاع تعليم السياقة في تونس خلال الفترة الأخيرة تأخيرًا ملحوظًا في مواعيد امتحان رخصة السياقة، وذلك نتيجة النقص الكبير في عدد الممتحنين، الأمر الذي أدى إلى تباعد المواعيد وارتفاع مدة انتظار المترشحين لاجتياز الامتحان.

ومع اقتراب فصل الصيف الذي يشهد عادة ارتفاعًا كبيرًا في عدد المترشحين، فإن هذه الوضعية مرشحة لمزيد من التعقيد، مما قد يؤدي إلى تراكم كبير في الملفات وتأجيل المواعيد لمدد أطول، وهو ما من شأنه أن ينعكس سلبًا على المترشحين وعلى نشاط مدارس تعليم السياقة.

إن هذه الوضعية تستوجب اتخاذ إجراءات عاجلة قصد إيجاد حلول عملية تضمن حسن سير منظومة الامتحانات، وتوفر الظروف الملائمة للمترشحين لاجتياز امتحان رخصة السياقة في آجال معقولة.

وعليه، فإننا نأمل من الجهات المعنية النظر في هذه الإشكالية وإيجاد الحلول المناسبة لتفادي تفاقم الأزمة خلال الفترة القادمة.

مع فائق الاحترام والتقدير.