09/08/2013
اغتصبوها ...
هي مروحة ال6 من (lycée)... مزروبة تخمم في لعشاء...
الطقس بارد والدنيا شتاء... الشارع فارغ والبر خلا...
تسمع في زوز من تالي يكلموا فيها... في كلام يحشم يحكيوا عليها...
ولات تزرب في مشيتها... لين حست خطوتهم ولات أسرع من خطوتها...
هي جرات وهما داروا بيها... واحد منا وواحد منا عينيهم مرشوقة فيها...
هي صاحت وواحد منهم غطالها بيدوا فمها... لاخر يكركر فيها من شعرها في آخر الزنقة لمها...
الزوز كالكلب قبل ما ياكل ماكلة يقربلها ويشمها... وهي تبكي وتعيط على همها...
حتى واحد منهم مارحمها... بالدور يتناوبوا عليها... لاخمموا لا في بوها لا في أمها...
وهي كالحمامة المذبوحة... ملوحة... تتخبط في دمها...
دقايق تعدات سوايع... وهي تبكي وتقرق على شرفها الضايع...
هوما ولا واحد منهم حس... كل واحد منهم ضميرو بايع...
داخت... ومالوجيعة مارتاحت...
وهما حتى واحد منهم ماسلم... حتى بعد مادموم الطفلة ساحت...
مشاوو وخلاوو الطفلة ملوحة في الثنية.. كاينوا الي عملوه حاجة عادية...
لمطر ليلتها بالذات صبت قوية... كونش عليها تبكي على شرف هاكل لولية...
بوها على ساقيه يلوج عليها من ثنية لثنية... وأمها تدعي يا ربي حميلي بنتي نِيّة ...
بنتها الي ملوحة في التركينة... لا نعرفوها لاميتة لا حية...
