14/09/2026
ခေါင်းလေးမော့ပြီးတော့ ဖြေပေးပါ
ငါ့ကို ဘယ်တုန်းကမှ မချစ်ခဲ့ဘူးလား
ငါ အသိတရား မရှိခဲ့တာလား
ငါ မဆင်ခြင်မိခဲ့တာလား
ချစ်စစ်နဲ့ ချစ်ခဲ့တာပါ
စည်းလေးတစ်ဖက်ခြားမှာ
ငါ အမြဲတမ်း ရှုံးတယ်
အရှုံးသမား လို့တော့ အမည်မတွင်ချင်ဘူး
ကျေးဇူးပြုပြီး ဘေးကကြည့်ခွင့်ပေးပါ
အဖြူသက်သက်မို့
မေတ္တာကို စော်ကားခံရတော့
အသည်းထဲထိ နာတယ်
အားမတန်လို့ မာန်လျှော့တယ်လို့တော့
မထင်လိုက်နဲ့ကွယ်
မာန်ဘယ်လောက်တင်းတင်း
ကာယကံရှင်က ကိုယ့်ဘက်မပါမှတော့
ဘယ်လိုပဲ နွှဲနွှဲ ရှုံးတဲ့ပွဲကြီးပါပဲ
နင့်ဘက်က ၀ှက်ဖဲ တစ်ချပ်
လပ်ခနဲ အပြ
ဟောဒီကောင် ရင်ထဲ
နာကျင်မှုတွေက စိမ့်ခနဲ ပဲ
ငါ နင့်ကို ချစ်သလိုအချစ်မျိုးနဲ့
နင်က သူကို ချစ်ခဲ့တယ်
တကယ်တော့ စည်းမှားကျော်မိတဲ့ငါ
တရားခံစစ်စစ်ပါဟာ...
ပျော်ရွှင်မှုနဲ့ နာကျင်မှု
တစ်ခုခုကို ဖြေလိုက်ပါဟာ
ကြိုးရှည်ရှည်နဲ့ လှန်ထာတာ မဟုတ်ပေမဲ့လဲ
နင့်လက်ထဲက ကြိုးစကိုတော့
ဘယ်တော့မှ ဖြေမချခဲ့ဘူး
တကယ်တော့ ငါ အမှန်တရားကို
ဘယ်တော့မှ မကြည့်ရဲခဲ့ဘူး
ငါ့အလိုပြည့်ဖို့ ဆိုတာထက်
နင့်အလိုကို ငါ ဦးစားပေး ဖြည့်ဆည်းခဲ့တယ်
ဒါပေမဲ့ ဒဏ်ရာတွေကြီးပဲ နင်ချန်ထားခဲ့တယ်
ငါ တရှိုက်မက်မက် ကိုးကွယ်ခဲ့သော အချစ်စစ်တခု..
နင် ပြက်ရယ်ပြုခဲ့ပြီ
ယောက်ျားတန်မဲ့ မျက်ရည်ကျရပါတယ်
ငါ အရှုံးမပေးခဲ့ပါဘူး
ငါ အနိုင်မရခဲ့တာ
ဘ၀ဆိုတာ အန်စာတုံးတစ်ခုလိုပါပဲ
လှည့်လိုက်တိုင်း အကောင်းမကျနိုင်ဘူး
ဒီ ပါးနှစ်ဖက်က မျက်ရည်တွေ ပထုတ်
နင့်ကို ချစ်တဲ့ အသိနဲ့ အားတင်းလိုက်ချိန်တိုင်းလဲ
ငါ့ဘေးမှာ နင်မရှိဘူး
ကောင်းကင်လွဲသော ငါ့အိပ်မက်တွေ
နောက် ဘ၀ဆိုတာမျာ ရှိခဲ့ရင်
ကောင်းကောင်း မက်ပါရစေ
(ချစ်သူရယ်)
အရိပ်မှာ နေပြီး အခက်ကို ချိုးပါ
နင့်ကြောင့်ပဲ
ငါ့ရေသောက်မြစ်တွေ
ဟိုး ..အတွင်းထဲထိ နက်တယ်
ဖယောင်းတစ်တိုင်ရဲ့ သီအိုရီကို သုံးပါရစေ
တတ်နိုင်သမျှ လင်းပေးပါ့မယ်
အလင်းတွေ ကုန်တဲ့ တစ်ချိန်ချိန်
ငါ နင့်ဘေးက တိုးတိုးလေး ထွက်သွားပြရစေ
ဆင်ဖြူမျက်နှာ ဆင်မည်း မကြည့်ဝံ့ခဲ့ပါဘူး
ချစ်တယ် လို့ဆိုခဲ့သော ငါ
နင့်အတွက် အရမ်း ရိုင်းနေခဲ့သလား
မယဉ်ကျေးသူငါ
ရလဒ်တခုကတော့ နင်ပြန်မချစ်ခဲ့ခြင်းတဲ့
ငါ့ အသိတရားမှာ စာလုံးပေါင်းကြည့်တယ်
နင့်ရဲ့ချစ်ခြင်းတွေ ဘယ်သူရှိမှာလဲ ဟာ
ငါ့ မိုက်ပြစ်တွေ အတွက်
ငါ့ကိုယ်ငါ စည်းချထားမယ်
ငါ အတွင်းစည်းထဲကပဲ စောင့်ကြည့်နေပါရစေ
နင့်အတွက် လိုအပ်လာမဲ့ တစ်ချိန်ချိန်
အဲဒီ စည်းလေးထဲ
ခွင့်မတောင်းဘဲ ၀င်လာနိုင်ပါတယ်..
စုပ်လဲစူး စားလည်းရူး ဆိုတာမျိုးလား
ဒါဆို
အရူးတစ်ယောက်ရင်ထဲ နင့်ရဲ့ စူးအတိစူးခဲ့ပြီ
ငါးစာသာမြင် ငါးချိပ် မမြင်ခဲ့သောငါ
ကံတရား ချိပ်မှာ သွေးစွန်းခဲ့ရတယ်
နင် တကယ် မလိုအပ်တော့ဘူးလား
ဒါဆိုရင်လဲ နင့်ဓါးအိမ်လေးထဲ ဓါး ထည့်လိုက်ပါ......
ငါ့ကိုယ်ငါသာ
သေ
မိန့်
ပေး
လိုက်
ပါ
ရ
စေ
တော့
ဟာ .....
