31/12/2023
နခွန်ဆဝမ်ဘေးမဲ့တောက ကြာကန်မှာ ပန်းရောင်ကြာပန်းတွေပွင့်ပြီ။
နခွန်ဆဝမ်ပြည်နယ်၊ ဘန်ဘိုရာဖက် တောရိုင်းတိရစ္ဆာန်ဘေးမဲ့တောက ကြာကန်ကြီးမှာကန်လုံးပြည့် ပန်းရောင်ကြာတွေပွင့်ဖူးနေပါပြီ။
မျက်စိတစ်ဆုံးကြာပန်းတွေဖူးပွင့်နေတဲ့မြင်ကွင်းကအရမ်းလှပြီး ခရီးသွားတွေကို ဆွဲဆောင်ထားတယ်။
ပန်းရောင်သွေးဖုံးလွှမ်းထားတဲ့ ကြာကန်ကြီးရဲ့လှပတဲ့မြင်ကွင်းကိုကြည့်ရှုဖို့ အမျိုးသား ဥယျာဉ်နဲ့ တောရိုင်းတိရစ္ဆာန်၊ အပင်ထိန်းသိမ်းရေးဦးစီးဌာနကနှစ်သစ်ကူးအားလပ်ရက်ကာလမှာ အလည် အပတ်ဖိတ်ခေါ်ထားပါတယ်။
ကြာကန်ကြီးက ရိုင် ၁၀၀၀ ကျော်ကျယ်ပြီး ထိုင်းနိုင်ငံရဲ့အကြီးမားဆုံးရေချိုကန်ကြီးလည်းဖြစ်ပါတယ်။
ဘန်ဘိုရာဖက်ဘေးမဲ့တောက စတုရန်းကီလိုမီတာ ၂၀၀ ကျယ်ဝန်းတယ်။ တောရိုင်းတိရစ္ဆာန်တွေ၊ ငှက်တွေနဲ့ အပင်မျိုးစိတ်ပေါင်း ၂၀၀ ကျော် မှီခိုနေထိုင်ကြတယ်။
အေးမြတဲ့ဆောင်းရာသီမနက်ခင်း ၆ နာရီကနေ ည ၉ နာရီထိ ကြာပန်းတွေပွင့်တတ်ပြီး ပြည်နယ်မှာ နာမည်ကြီးတဲ့ခရီးသွားအလည်အပတ်နေရာတစ်ခုဖြစ်လာပါတယ်။
ကြာပန်းတွေနဲ့ တောရိုင်းတိရစ္ဆာန်သဘာဝကို အနီးကပ်ကြည့်ရှုလိုတဲ့ခရီးသွားတွေအတွက် လှေစီး ခရီးစဉ်တွေလည်းရှိပါတယ်။
Location: Phra Non, Mueang Nakhon Sawan District, Nakhon Sawan 60000, Thailand
Google Map: https://maps.app.goo.gl/2CyG5x8WnTtkUdbs6
ref:nationalthailand
#ဘန်ကောက်လမ်းညွှန်ကိုစိုင်း
