هوندايات ركن الدين والصالحية

10/12/2024

10/12/2024

الشباب ماعندهم صبر وبلشوا شغل للحارات من هلق
اللي بيقدر يساعدهم ما يقصر ❤️
دخيل ربكم

09/12/2024

يا جماعة والله الوعي حلو . مو يعني اذا قررت الادارة العامة اربع ربطات خبز لكل مواطن يعني تاخد ولادك الاربعة و تاخد ٢٠ ربطة خبز . عم يقولو كل يوم متاح يعني ماتخاف لا تمون خبز عن شهر .
الزحمة عالافران صارت غير طبيعية و رح تذكرونا بأقرف منظر بحياتنا مر و اللي هو منظر الطوابير .
في عالم ما عم يطلعلها خبز بسبب الزحمة عالافران .
رجاء رجاء لحتى تكفي الكمية للجميع اتركو مجال لغيركم .
ما تخاف ما بقا في مظاهر التشحيد تبع كل عيلة بيطلعلا كم رغيف وكم قنينة عصير و كيلو رز بإذن الله .
اتركو مجال للناس كلها تاخد
#منقول

09/12/2024

- الي عم يسأل على صيدليات وكازيات فاتحة :
صيدلية الزعيم عند بلو تاور
وصيدلية رائد شارع الباكستان
صيدلية الملقى مزة شيخ سعد
- كازيات :
كازية الجد بساحة التحرير فاتحة
الي مقطوع عم يعبولو لترين، اللتر ب ٢٨ الف..
كازية آمال الوحدة تعمل ..

09/12/2024

حارتنا بلشت تفتح يا شباب الحمد لله وامور الناس رجعت تمشي ولو شي بسيط
الكهربا والمي انشالله بترجع شوي شوي
اللي عنده كهربا ومي يساعد اللي ماعنده
اتطمنوا على بعض دايما ولا تسكتوا عن اي زعران عم يستغلوا الموقف
ربي يحميكم جميعا وحطولنا صور جديدة للحارة

08/12/2024

يا حارة يا ركناوية الاحرار
ديرو بالكون ع منشأت الدولة هدول النا
لاحدا يحرق ويكسر كونو واعيين .. من يوم يومنا اهل عز وكرامة و ونخوة
لا تخلو يصير نهب ديرو بالكون وعو ولادكون .. نحن بايام صعبة الهربان هرب بعد ماحرق ودمر البلد
نحن لازم نحافظ ع الموجود ونبني الخربان ..
كونو واعيين المدراس والمخافر وموسسات الدولة هدول من مالنا ..
ويلي سرق سلاح بتمنى يروح ويرجعو
نحن كتير بحاجة بعض هلق ..
وحي الركناوية

08/12/2024

يا شباب مو مستوعب انو صار فينا نحكي
وما نخاف على اهالينا بالبلد
نحن بحلم ولا بعلم؟

08/12/2024

يا شباااب الحارة
احكولنا اول مكان حتروحوا عليه بالحارة اول ما تنزلوا عالشام

08/12/2024

الله يرحمك محمد وانلي استشهدت وماشفت هاللحظة ..
استشهادك كان شعلة بدرب الحرية

شباب ع حب النبي الفاتحة ع روحو لاب نزار
هاد رفيقي من 7 سنين .. كل مين بيشوف البوست
يقرئلو الفاتحة ...
الله يرحمك يا اب نزار الملك .. رح نشتقلك
اب عمرو

08/12/2024

مبروك للحارة ومبروك للسوريين 💚💚
سوريا لينا ماهي لبيت الاسد

29/10/2017

📛📛

29/10/2017

يسعد صباحكون يا شباب
حابب اعمل صورة فيها حارات من ركن الدين
اذا حدا خرج يساعدني لاني برات البلد
يلي عندو يبعتلي فورا مع اسم الحارة
اب كارلوس