26/06/2023
*Maalinta Carafa ❪يوم عرفة❫*
*❪①❫* Maalinta Carafa waa maalinkii uu ilaahay ❪ﷻ❫ inoo dhammaystiray diinta islaamka.
{ٱلۡیَوۡمَ أَكۡمَلۡتُ لَكُمۡ دِینَكُمۡ وَأَتۡمَمۡتُ عَلَیۡكُمۡ نِعۡمَتِی وَرَضِیتُ لَكُمُ ٱلۡإِسۡلَـٰمَ دِینࣰاۚ}
[سُورَةُ المَائـِدَةِ: ٣]
*❪②❫ Soonka maalinka Carafa:*
Nabiga ❪ﷺ❫ waxaa la weydiiyay Soonka maalinta Carafa? Wuxuu yidhi: ❪Waxaa lagu dhaafaa (dambiga) Sannadkii tagay iyo sannadka soo socda.❫ –Muslim
Rasuulku ❪ﷺ❫ wuxuu yidhi: ❪Soonka maalinta Carafa waxaan ilaahay kaga ajar xisaabsanayaa inuu ku dhaafo (dembiga) sannadkii h**e iyo sannadka dambe.❫ – Muslim
Ku dedaal maalinkaa fadliga badan inuusan Soonkiisu ku dhaafin oo aad soonto ilaahay daraadiina u soonto si laguugu dhaafo labo sanno dambigooda.
*❪③❫ Ducada Maalinta Carafa:*
Rasuulku ❪ﷺ❫ wuxuu yidhi: ❪Duco waxa ugu khayr badan ducada maalinta Carafa, waxaana ugu khayr badan waxaan idhaahdo aniga iyo Nabiyadii iga horreeyayba:
❪لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ.❫
Baahidaada oo dhan ilaahay u bandhigo maalinkan oo ha ka daalin inaad ilaahay waxaad rabto waydiisato ilaahay waa mid deeqtoon oo innagaa mar walba u baahan.
*❪④❫* Maalin ay ka farabadantahay in naar la iska xoreeyo maalinta Carafa ma jirto.
Rasuulku ❪ﷺ❫ wuxuu yidhi: ❪Ma jirto maalin ay ka badantahay ilaahay addoon inuu naar ka xoreeyo maalinka Carafa.❫ –Muslim
Ilaahay waxaynu waydiisanaynaa inuu maalinkaa innaga mid dhigo kuwa uu naarta ka xoreeyo dambigoodana dhaafo. Allahuma Aamiin.
*Maalinka Carafa waa goorma?*
Maanta waa 08-da bisha Dul-Xijjah berri oo Salaasa ah waa 09-ka bisha Dul-Xijjah waana Maalinka Carafa.
U diyaar garaw maanta iskuday inaad maalinkan ka faa'idaysato oo aad kaga faa'idaysto camalada wanaagsan samayntooda.
*Fiiro Gaar:* Qormadan waad qaadan kartaan oo barahiina bulshada ayaad ku baahin kartaan Facebook, Twitter, WhatsApp iyo meel kasta oo lagu wada xidhiidho iskuday in aad ugu yaraan hal qof xasuusiso.
