29/09/2026
اتخيل انك تسوق توسان و إستهلاك البنزين بتاعها اقل من المورنينق😳
ده حيكون واقع حقيقي خلال السنة الجاية لانو توسان موديل 2027 حيكون في منها نسخة hybrid و الهايبرد هو عبارة عن وجود محركين داخل العربية
محرك كهربائي و محرك بنزين
المحرك الكهربائي هو البقوم بالتشغيل و ايصال قوة الدفع للعجلات
🔰
اما محرك البنزين ف مهمتو انو يواصل الحركة بعد سرعه 90 كيلو و في السرعات العالية
فالمنظومة دي بتساعد العربية انها تقلل إستهلاكها للوقود و ممكن تصل ل 5 لتر لكل 100 كيلو
و ده رقم ممتاااااز بالنسبة لسيارة بحجم توسان
🔰
هل حتفكر تتشريها بسبب الميزة دي ؟
طبعا سعرها لحدي ما تصل السودان حيكون فوق ال270 مليون
يعني حتحتاج تبيع كلـيتك اليمين و الشمال و معاها كم عضو من جسمك كدا
و بررضوا ما حتغطي معاك
#توسان #هيونداي
