Kashif Ghouri Offical

11/06/2026

🚨 اہم اطلاع برائے عوام شاہ کوٹ 🚨

شاہ کوٹ صفدر آباد روڈ پر موٹر سائیکل سے گرنے کے باعث ایک نوجوان لڑکی جاں بحق ہو گئی ہے۔ ابتدائی معلومات کے مطابق لڑکی کا تعلق شاہ کوٹ شہر یا بخاری ٹاؤن سے معلوم ہوتا ہے۔

متوفیہ کے ورثاء کی تلاش جاری ہے۔ اگر کسی شخص کو اس حوالے سے معلومات ہوں یا وہ متوفیہ کو پہچانتا ہو تو فوری طور پر متعلقہ حکام یا پولیس اسٹیشن صدر صدر آباد سے رابطہ کرے۔

03008882600
پیکچر کمنٹس سیکشن میں
📢 اس پیغام کو زیادہ سے زیادہ شیئر کریں تاکہ متوفیہ کے ورثاء تک اطلاع پہنچ سکے۔

11/06/2026

⚡ واپڈا شاہ کوٹ کے عامر فاروق (ایل ایس) اور ان کی ٹیم نے بروقت کارروائی کرتے ہوئے سپارکنگ کرنے والے ٹرانسفارمر کی مرمت مکمل کر دی۔ عوامی مسئلے پر فوری توجہ اور ذمہ دارانہ کردار قابلِ تعریف ہے۔

شکریہ واپڈا ٹیم شاہ کوٹ، جس نے شدید گرمی میں شہریوں کو ممکنہ مشکلات سے بچانے کے لیے فوری اقدامات کیے۔ 🙏
کاشف غوری

11/06/2026

گورنمنٹ پرائمری سکول ننکانہ روڈ نزد بشیر پلازہ کے قریب ٹرانسفارمر میں سپارکنگ کی اطلاع موصول ہوئی ہے۔ متعلقہ حکام کو آگاہ کر دیا گیا ہے۔ اُمید ہے کہ بروقت کارروائی کرتے ہوئے مسئلہ حل کر دیا جائے گا تاکہ شدید گرمی میں اہلِ علاقہ کو بجلی کی بندش اور مزید پریشانی سے بچایا جا سکے۔

11/06/2026

مرکزی انجمنِ تاجران، سلیکٹڈ و ہاف سلیکٹڈ نمائندگان اور معزز شہریوں کی رائے درکار ہے۔

یہ جو سڑک کے درمیان ڈیوائیڈر بنایا جا رہا ہے اور کرب سٹون لگائے جا رہے ہیں، کیا کوئی بتا سکتا ہے کہ پہلے لگائے گئے کرب سٹون اور اب لگائے جانے والے کرب سٹون میں کیا فرق ہے؟

اگر معیار، ڈیزائن یا لاگت میں کوئی تبدیلی ہے تو عوام کو بھی آگاہ کیا جانا چاہیے تاکہ شکوک و شبہات کی بجائے حقائق سامنے آئیں۔

کاشف غوری
سابقہ نائب صدر انجمن تاجران شاہ کوٹ (سلیکٹڈ)

11/06/2026

روڈ حادثات کی بڑی وجوہات میں ڈرائیور کا کم تجربہ، نیند پوری نہ کرنا، تیز رفتاری اور دورانِ ڈرائیونگ لاپرواہی شامل ہیں۔ ایک لمحے کی غفلت قیمتی انسانی جانوں کے ضیاع کا سبب بن سکتی ہے۔ محفوظ سفر کے لیے ضروری ہے کہ ڈرائیور مکمل آرام کے بعد گاڑی چلائے، ٹریفک قوانین کی پابندی کرے اور اپنی و دیگر افراد کی جانوں کو ترجیح دے۔

11/06/2026

‎وہ صبح سویرے کی قوالیاں، بڑے بڑے اسپیکر، کیسٹ والا ڈیک، اور محلے میں گونجتی ہوئی آوازیں — یہ صرف موسیقی نہیں تھیں، ایک ماحول تھا، ایک سکون تھا۔ اور پھر آج کی رات، بجلی کی بندش، نیند کا خراب ہونا، اور صبح دہاڑی پر جانے کی فکر… ایسے میں ایک قوالی سن کر دل کو بہلانے کی کوشش کرنا بالکل سمجھ آتا ہے۔

“بچپن میں قوالی جگایا کرتی تھی،
آج قوالی سلانے کی کوشش کرتی ہے۔
فرق صرف عمر کا نہیں،
ذمہ داریوں کا بھی ہے۔”

‎

11/06/2026

10/06/2026

🚨 مری ایکسپریس وے پر سیاحوں کی وین میں آگ لگ گئی، 6 افراد جھلس کر جاں بحق جبکہ متعدد افراد زخمی ہو گئے۔

یہ ایک انتہائی افسوسناک سانحہ ہے جو ایک بار پھر گاڑیوں میں غیر معیاری اور غیر محفوظ ایل پی جی کٹس کے استعمال پر سوالیہ نشان بن گیا ہے۔

جب تک ایل پی جی کٹس کی تنصیب اور استعمال پر سخت نگرانی یا مؤثر قانون سازی نہیں ہوتی، ایسے حادثات قیمتی انسانی جانیں نگلتے رہیں گے۔ چند روپے کی بچت یا معمولی فائدے کے لیے اپنی اور دوسروں کی جانوں کو خطرے میں ڈالنا کسی صورت درست نہیں۔ انسانی جان ہر چیز سے زیادہ قیمتی ہے، اور اس کے تحفظ کے لیے فوری اور عملی اقدامات ناگزیر ہیں۔

اللہ تعالیٰ مرحومین کی مغفرت فرمائے، لواحقین کو صبرِ جمیل عطا کرے اور زخمیوں کو جلد صحت یاب کرے۔ آمین۔

10/06/2026

🚨 گمشدگی کی اطلاع 🚨

نام: عمران شہزادہ
ولد: نعمت علی

عمران شہزادہ اتوار کے روز صبح تقریباً 11:30 بجے فروزواٹواں کے قریب فیصل مل کے علاقے سے لاپتہ ہو گئے ہیں۔ اہلِ خانہ شدید پریشانی میں مبتلا ہیں اور ان کی تلاش جاری ہے۔

اگر کسی بھائی یا بہن کو عمران شہزادہ کے بارے میں کوئی معلومات ہوں یا کہیں نظر آئیں تو براہِ کرم فوری طور پر درج ذیل نمبروں پر رابطہ کریں:

03008882600

🙏 گزارش ہے کہ اس پوسٹ کو زیادہ سے زیادہ شیئر کریں تاکہ عمران شہزادہ جلد از جلد اپنے گھر والوں تک پہنچ سکیں۔

10/06/2026

کمزور کی طاقت کا آغاز سچ بولنے سے ہوتا ہے🤲