National Rally For Peace

National Rally For Peace Contact information, map and directions, contact form, opening hours, services, ratings, photos, videos and announcements from National Rally For Peace, Quirino Grandstand, Quezon City.

11/05/2026

WAG IPAGPILITAN MGA KAIBIGAN HINDI KATOLIKO ANG TATAG NI CRISTO MALI YAN, KUNDI IGLESIA NI CRISTO ITINAYO NI JESUS TINUBOS NG DUGO

SI DARWIN GITGANO NAG HIHINGI NG REMATCH TINALO NI KA RAMIL PARBA, ANG DALAWANG CFD NA MAHILIG UMINOM NG ALAK
10/05/2026

SI DARWIN GITGANO NAG HIHINGI NG REMATCH TINALO NI KA RAMIL PARBA, ANG DALAWANG CFD NA MAHILIG UMINOM NG ALAK

10/05/2026

ANG DAPAT SAMBAHIN NG TAO AY DIOS SA ESPIRITU AT KATOTOHANAN, HINDI REBULTO O SANTO GAWA NG TAO NA WALANG MAGAGAWA, DI NAKAKAGALAW

10/05/2026

MALI ANG ARAL AT DOKTRINA NG KATOLIKO, KAYA INAANYAYAHAN PO NAMIN KAYO MAGSURI AT PUMASOK SA IGLESIA NI CRISTO ITINAYO NI JESUS.

10/05/2026

ISA LANG TUNAY NA DIOS HINDI DALAWA, DI MARAMI, IGLESIA NI CRISTO LAMANG ITINAYO NI JESUS HINDI KATOLIKO NI IGNACIO AT PROTESTANTE

10/05/2026

MATAAS ANG PAGKAKILALA NAMIN KAY JESUS PANGALAN PALANG IGLESIA NI CRISTO, PANGINOON, SINASAMBA, TAGAPAMAGITAN, TAGAPAGLIGTAS💚🤍❤️

10/05/2026

SI KA FELIX MANALO AY ANGHEL SA TUNGKULIN, SUGO NG DIYOS UPANG MANGARAL NG TUNAY NA ARAL SA IGLESIA NI CRISTO ITINAYO NI JESUS. 💚

SI KAPATID NA FELIX MANALO AY ANGHEL, SI CRISTO AY TAO, PAANO NANGYARI?Ang Kapatid na Felix Manalo Ay Anghel, Si Cristo ...
10/05/2026

SI KAPATID NA FELIX MANALO AY ANGHEL, SI CRISTO AY TAO, PAANO NANGYARI?

Ang Kapatid na Felix Manalo Ay Anghel, Si Cristo Ay Tao, Paano Nangyari?

Paboritong tanung ng mga tumutuligsa sa Iglesia Ni Cristo tungkol sa pagiging Anghel ni Kapatid na Felix Manalo na siyang itinuturo mula sa hinulaan na "Ibang anghel" sa Apoc.7:2.Dahil sa ang doktrina at aral sa loob ng Iglesia Ni Cristo ay ang Kalagayan ni Cristo ay "Tao", kanilang tinuligsa ito at isa raw pamumusong. Paano nila ito iniugnay? Mula po sa talatang ito :

Hebreo 2:9
" Kundi nakikita natin ang ginawang mababa ng kaunti kay sa mga anghel, sa makatuwid ay si Jesus, na dahil sa pagbata ng kamatayan ay pinutungan ng kaluwalhatian at karangalan, upang sa pamamagitan ng biyaya ng Dios ay lasapin niya ang kamatayan dahil sa bawa't tao. "

Dahil sa ang binanggit ay

"Ginawang mababa kay sa mga anghel"

Isa raw itong pamumusong kay Cristo, sapagkat kung anghel ang kapatid na Felix Manalo, mababa raw sa kanya si Cristo. Kitang kita natin rito kung paano binulag ang isipan ng mga tao na nagkaroon ng sariling pagpapaliwanag at pag-unawa ukol dito.

2 Pedro 1:20
" Na maalaman muna ito, na alin mang hula ng kasulatan ay hindi nagbuhat sa sariling pagpapaliwanag. "

Kaya, upang hindi tayo magkakaroon ng sariling pang-unawa at pagpapaliwanag,ay ating linawin sa pamamagitan ng Biblia. Ating itanung :

Ang anghel ba na tinutukoy sa Hebreo 2:9 ay katulad ba sa anghel na tinutukoy sa Apoc. 7:2?

Ating unahin ang anghel na tinutukoy ayun sa itinuturo mula sa aklat ng Hebreo kung saan si Cristo ay ginawang mababa kay sa mga anghel na ito. . Ganito ang ating mababasa :

"Ano ang mga anghel, kung ganoon? Sila'y mga espiritung naglilingkod sa Diyos at mga isinugo upang tumulong sa mga maliligtas." (Hebreo 1:14,MBB)

Ang uri ng Anghel na gaya ng itinuturo sa aklat ng Hebreo ay mga espiritu sa kalagayan. Dito palang, mali na ang kanilang iniisip. Sapagkat sa loob ng INC ay hindi nagtuturo na ang kalagayan ng kapatid na Felix Manalo ay espiritu kundi siya ay tao. Ang kaibahan ng espiritu sa tao ay gaya ng pinaliwanag ni Cristo na ang espiritu ay walang laman at buto, na di gaya Niya na meron (Luc.24:39).

Dito ay malinaw na malinaw sa atin kung bakit sa Hebreo 2:9 ay Binanggit na si Cristo ay mababa kay sa mga anghel sapagkat sa likas na kalagayan ay Siya'y tao. Si kapatid na Felix Manalo naman ay mababa kay sa kay Cristo sapagkat si Cristo ang nakakataas sa lahat ng uri ng tao.

Samakatuwid, ang katotohanan dito ay ang pagiging mababa ni Cristo kay sa mga anghel ay ang kanya lamang likas na kalagayan, subalit ang KARAPATAN at KAPANGYARIHAN na ibinigay ng Diyos sa Kanya at ang Posisyon na pinanghawakan sa langit ay ang naghirang sa kanya bilang mataas kay sa mga anghel. Pinatunayan ba ito ng Biblia? Opo, Ganito ang patotoo ng Bibliya :

" Na nasa kanan ng Dios, pagkaakyat niya sa langit; na ipinasakop sa kaniya ang mga anghel at ang mga kapamahalaan ang mga kapangyarihan. "(1 Pedro 3:22,Ang Biblia)

Dito po mapapatunayan natin. Si Cristo ay naging mataas kay sa mga anghel dahil sa kaloob ng Dios na Ama sa kanya ng Kaluwalhatian,Karapatan at kapangyarihan, at iniutos rin ng Dios na Siya'y sambahin ng mga anghel :

" At nang isusugo na ng Diyos ang kanyang panganay na Anak sa sanlibutan ay sinabi niya, “Dapat siyang sambahin ng lahat ng anghel ng Diyos.”(Hebreo 1:6,MBB)

Malinaw po kung paano naging mataas si Cristo kay sa mga anghel, at katotohanang mas mataas si Cristo kay sa kapatid na Felix Manalo, sapagkat kahit pa espiritu sa kalagayan ay ipinag-utos ng Diyos na Siya'y sambahin ng mga anghel. Ito ang malaking patotoo mula sa Biblia. kaya, ang pagiging anghel ay hindi tumutukoy sa likas na kalagayan kundi sa tungkulin na taglay nito. Sinasang-ayunan po ba ito ng ibat-ibang mga relihiyon? Opo. . Ganito ang kanilang patotoo.

PAG SANG-AYUN NG IBANG RELIHIYUN

Mula sa Aklat-katoliko :

"Sila ay tinatawag na mga 'ANGHEL', mula sa salitang Griyego na nangangahulugang sugo. Ang salitang 'Anghel' , samakatuwid, ay hindi nagpapahayag ng kalagayan ngn mga espiritung ito, kundi manapa'y ng mga tungkulin. ," [ Discourses of the Apostles' Creed,p. 72 ]

Isa pang paring katoliko, si Juan Trinidad, ay may patotoo rin ukol dito :

"2, 1: Anghel: ang anghel na tagatanod ng iglesya, o kaya'y ang mismong iglesya; o kaya naman, (at ito ang lalong karaniwang pakahulugan), ang Obispo ng iglesya. . ." [ footnote, salin ni Trinidad ]

patotoo ng awtoridad na Protestante :

"Mga Anghel. Bukod dito, na siyang pinakamataas na uring paggamit ng salitang anghel, matatagpuan nating ginagamit ang pariralang ito patungkol sa kaninumang sugo ng Dios, tulad ng mga propeta, Isa. 42:19 ; Hag.1:13 ; Mal. 3:1 , mga saserdote, Mal. 2:7, at mga tagapamahala ng mga iglesiang Cristiano, Apoc. 1:20. "[ A Dictionary of the Bible, p. 40 ]

Patotoo ng SAKSI NI JEHOVA :

"Anghel. Ang salitang ito, kapuwa sa wikang Griyego at Hebreo, ay nangangahulugang isang sugo.
Nagpapakilala ito ng katungkulan, at hindi ng kalagayan ng kinatawan. " [ Emphatic Diaglott, p. 872 ]

patotoo ni Webster :

"Anghel--mula sa Latin 'angelus', Griyego 'aggelos' , utusan, isang sugo ng Dios. . . . .Isang ministro o pastor ng iglesia sa efeso. "[ Webster's New International Dictionary, p. 83]

Malinaw po at sinang ayunan ng ibat ibang relihiyun at awtoridad na ang anghel ito ay sa gampanin sa pagkasugo at hindi sa likas na kalagayan.May makikita ba tayong halimbawa mula sa Biblia na tao na sa tungkulin ay anghel? Mayroon po. Ganito ang halimbawa:

Mark 1:2-3
“ As it is written in Isaias the prophet: Behold I send my ANGEL before thy face, who shall prepare the way before thee. A voice of one crying in the desert: Prepare ye the way of the Lord; make straight his paths.” [Douay Rhimes Version ]

Sino po ba ang kinatuparan nito ayun sa hula ng propeta Isaias? Ito ba espiritu sa kalagayan? Ganito po ang sagot:

" Ang mga pinuno ng mga Judio sa Jerusalem ay nagsugo ng ilang paring Judio at Levita upang itanong kay Juan kung sino nga ba siya. Sumagot si Juan sa pamamagitan ng pangungusap mula sa aklat ni Propeta Isaias, “Ako ang tinig ng isang taong sumisigaw sa ilang, ‘Tuwirin ninyo ang daraanan ng Panginoon.’” (Juan 1:19, 23, MBB)

Malinaw po. Ito ay kinatuparan kay Juan bautista. Kaya nagpapatunay lamang na ang pagiging Anghel ay hindi sa likas na kalagayan, kundi sa tungkuling ginagampanan ng pagiging Sugo o Mensahero. Kaya, mula sa ibang salin ng Biblia ng Apoc. 7:2 ay malinaw ring mababasa natin ang ganito :

Revelation 7:2
" and I saw another messenger going up from the rising of the sun, having a seal of the living God, and he did cry with a great voice to the four messengers, to whom it was given to injure the land and the sea, saying " (Young’s Literal Translation ).

Kaya, ang mga manunuligsa ng Iglesia Ni Cristo. Bago man mag isip ng mali, mas mabuting suriin at tiyakin muna kung "ANO ANG KAHULUGAN NG ANGHEL" . .
-Lahing Tapat



IGLESIA NI CRISTO | KA FELIX MANALO SUGO NG DIYOS SA APOC. 7:2-3Apocalipisis 7:2-3 Ang Anghel na Umaakyat Mula sa Silang...
10/05/2026

IGLESIA NI CRISTO | KA FELIX MANALO SUGO NG DIYOS SA APOC. 7:2-3

Apocalipisis 7:2-3 Ang Anghel na Umaakyat Mula sa Silangan

BAKIT KAMI NAKATITIYAK NA SI Kapatid na Felix Y. Manalo ANG KATUPARAN NG HULA TUNGKOL SA “IBANG ANGHEL” NA UMAAKYAT MULA SA SILANGAN?

Ang paniniwala na si Kapatid na Felix Y. Manalo ang isinugong mensahero ng Diyos sa mga huling araw ay isa sa mga pangunahing doktrinang itinataguyod ng Iglesia Ni Cristo. Naniniwala kami na ang kaniyang pagkasugo bilang huling sugo ng Diyos ay nakabatay sa mga salita ng Diyos na nasusulat sa Bibliya.
Ang pag-aaral na ito ay pangunahing nakatuon sa Revelation 7:2-3, isa sa mga talata ng Banal na Kasulatan na nagpapatunay sa katotohanan at bisa ng doktrinang ito. Ganito ang mababasa:

“At nakita ko ang isa pang anghel na umaakyat mula sa silanganan ng araw, na may tatak ng Diyos na buhay. At siya’y sumigaw nang malakas sa apat na anghel na pinagkaloobang pinsalain ang lupa at dagat, na nagsasabi, ‘Huwag ninyong pinsalain ang lupa, ni ang dagat, ni ang mga punongkahoy hanggang sa matatakan namin sa kanilang mga noo ang mga alipin ng ating Diyos.’”
(Revelation 7:2-3, salin sa Filipino mula sa New King James Version)

ANG “IBANG ANGHEL” NG REVELATION 7:2-3

May mahahalagang salita sa Revelation 7:2-3 na kailangang masusing pag-aralan upang magkaroon ng malinaw na pagkaunawa sa hulang tinutukoy. Ang unang salitang kailangang linawin ay ang terminong “angel” o “anghel.”
Kapag naririnig ng marami ang salitang “anghel,” agad nilang naiisip ang karaniwang konsepto na ang mga anghel ay mga espiritung nilalang sa langit, karaniwang inilalarawan na may anyong tao, may pakpak, at may bilog sa ulo.

ANG KAHULUGAN NG SALITANG “ANGEL”

Subalit, ang salitang “angel” ay hindi lamang tumutukoy sa mga espiritung nilalang kundi maaari ring tumukoy sa mga taong isinugo ng Diyos. Ang salitang “angel” ay mula sa salitang Griyego na “aggelos” na nangangahulugang “mensahero”:

“Agg’-el-os: … a messenger; … by impl. a pastor: -angel, messenger.”
(Strong’s Dictionary of the Greek Testament, p. 7:32)

Samakatuwid, ang sabihin na mayroong “another angel” ay nangangahulugang mayroong “ibang mensahero.” Kaya sa salin ng Young’s Literal Translation, ganito ang pagbubukas ng talata:

“At nakita ko ang ISA PANG MENSAHERO na umaakyat mula sa sikat ng araw, na may tatak ng Diyos na buhay.”
(Rev. 7:2)

ANG SALITANG “ANGEL” AY TUMUTUKOY SA TUNGKULIN AT HINDI SA KALIKASAN NG ISINUGO

Ang terminong “angel” ay tumutukoy sa tungkulin o gawain ng isinugo ng Diyos. Maging ang mga awtoridad Katoliko ay nagpapatunay na ang salitang “angel” ay hindi tumutukoy sa kalikasan kundi sa tungkulin ng isinugo:

“Sila ay tinawag na ‘Angels,’ mula sa salitang Griyego na nangangahulugang mensahero. Kaya ang salitang ‘Angel’ ay hindi nagpapahayag ng kalikasan ng mga espiritung ito kundi ng kanilang tungkulin...”
(Crock, Clement H., Discourses on the Apostles’ Creed, p. 72)

Kaya ang literal na kahulugan ng “angel” ay “mensahero,” at hindi nito tinutukoy ang likas na kalagayan kundi ang tungkulin ng isinugo ng Diyos.

MAY MGA TAONG TINAWAG NA “ANGEL” SA BIBLIYA

May mga taong mariing tumututol na ang “ibang anghel” sa Revelation 7:2-3 ay tumutukoy sa isang tao sapagkat para sa kanila, ang salitang “angel” ay para lamang sa mga nilalang sa langit. Ngunit ang paniniwalang ito ay nakabatay lamang sa sariling unawa at hindi sa katotohanan ng Bibliya.
May mga taong tinawag na “angel” sa Bibliya. Sa Matthew 11:7-10 ng Douay-Rheims Version, si Juan Bautista ay tahasang tinawag na “angel”:

“At nang sila’y umalis, nagsimulang magsalita si Jesus sa mga tao tungkol kay Juan: Ano ang pinunta ninyo sa ilang upang makita? Isang tambo bang inuuga ng hangin?
Ngunit ano ang pinunta ninyong makita? Isang taong nakadamit ng maringal? Narito, ang mga nagsusuot ng mariringal na damit ay nasa mga bahay ng hari.
Ngunit ano nga ba ang pinunta ninyong makita? Isang propeta? Oo, sinasabi ko sa inyo, at higit pa sa propeta.
Sapagkat ITO ANG TINUTUKOY NA NASUSULAT: ‘NARITO, SINUSUGO KO ANG AKING ANGHEL SA UNAHAN MO, na maghahanda ng iyong daraanan.’”
(Matthew 11:7-10, salin sa Filipino mula sa Douay-Rheims)

Dito ay malinaw na si Juan Bautista ay tinawag na “angel.” Tandaan na ang Douay-Rheims ay isang saling Katoliko.
Sa maraming salin sa Ingles, ang ginamit na salita ay “messenger.” Ngunit sa tekstong Griyego ng Matthew 11:10, ang salitang ginamit ay “aggelon”:

“idou ego apostello ton ANGELON mou pro prosopou sou...”
(Matthew 11:10, Nestle-Aland, Novum Testamentum Graece)

Ang salitang “aggelon” na ginamit para kay Juan Bautista ay siya ring salitang ginamit para sa Anghel Gabriel:

“kai apokritheis ho ANGELOS eipen auto: ego eimi Gabriel...”
(Luke 1:19, Nestle-Aland, Novum Testamentum Graece)

Dahil ang “aggelos” ay literal na nangangahulugang “mensahero,” kaya maraming salin sa Ingles ang nagsalin nito bilang “messenger.” Kaya hindi mali ang Douay-Rheims nang isalin itong “angel.”

ANG PAGGAMIT NG SALITANG “ANGEL” SA AKLAT NG REVELATION

May ilan namang tumatanggap na may mga taong tinawag na “angel” sa Bibliya ngunit ipinipilit nila na sa aklat ng Revelation, ang “angel” ay para lamang sa mga nilalang sa langit. Ngunit muli, ito ay batay lamang sa sariling unawa at hindi sa katotohanan ng Bibliya.
Ginamit ng aklat ng Revelation ang salitang “angel” nang humigit-kumulang 83 beses, at ito ay tumukoy kapwa sa mga nilalang sa langit at sa mga tao.
Sa Revelation 5:11:

“At ako’y tumingin, at narinig ko ang tinig ng maraming anghel sa palibot ng trono...”
(Revelation 5:11 NKJV, salin sa Filipino)

Dito, ang “angel” ay tumutukoy sa mga nilalang sa langit.
Ngunit sa Revelation 2:1:

“Sa anghel ng iglesia sa Efeso ay isulat mo...”
(Revelation 2:1 NKJV, salin sa Filipino)

Ang “anghel ng iglesia sa Efeso” ay isa sa “pitong anghel ng pitong iglesia” na binanggit sa Revelation 1:16,19-20.
Maging ang mga awtoridad Katoliko ay nagpapatunay na ang “pitong anghel” ay tumutukoy sa mga obispo o tagapangasiwa ng mga iglesia:

“Angel: ang tagapag-ingat na anghel ng Iglesia, o ang iglesia mismo, o gaya ng karaniwang pananaw, ang obispo ng iglesia.”
(Footnote of Revelation 2:1, Douay-Rheims)

Kaya malinaw na ginamit ng Revelation ang salitang “angel” kapwa para sa mga nilalang sa langit at sa mga taong isinugo.

ANG MGA ANGHEL NA ESPIRITU AT ANG MGA ANGHEL NA TAO

Napatunayan na natin na ang “angel” ay nangangahulugang “mensahero.” Dapat ding isaalang-alang ang katotohanang biblikal na ang mga “mensahero” o “anghel” na espiritu ang kalikasan ay isinugo ng Diyos para sa tiyak na layunin, gaya ni Gabriel:

“Ako si Gabriel, na nakatayo sa harapan ng Diyos, at isinugo upang magsalita sa iyo...”
(Luke 1:19 NKJV, salin sa Filipino)

Ang mga anghel na espiritu ay naghahatid ng tiyak na mensahe at pagkatapos ay bumabalik sa langit.
Samantalang ang mga mensaherong tao ay siyang inuutusan ng Diyos upang ipangaral ang Ebanghelyo sa mga tao.
ANG “IBANG ANGHEL” NG REVELATION 7:2-3 AY MAY TATAK NG DIYOS NA BUHAY
Ano ang nagpapatunay na ang “ibang anghel” sa Revelation 7:2-3 ay hindi espiritung nilalang?
Sinasabi ng Bibliya na ang “ibang anghel” ay may taglay na tatak ng Diyos na buhay at siya ang magtatatak sa mga alipin ng Diyos:

“At nakita ko ang isa pang anghel na umaakyat mula sa silanganan ng araw, na may tatak ng Diyos na buhay...”
(Revelation 7:2-3)

Ano ang ibig sabihin ng “tatak” o “seal”?

“Kayo rin naman, nang inyong marinig ang salita ng katotohanan, ang ebanghelyo ng inyong kaligtasan, at kayo’y sumampalataya, ay tinatakan ng Espiritu Santo...”
(Ephesians 1:13-14 NIV, salin sa Filipino)

Ang “seal” ay ang Espiritu Santo, at ang “pagtatatak” ay ang pangangaral ng Ebanghelyo upang ang mga nakarinig at sumampalataya ay maligtas.
Kaya ang “angel” o mensaherong tinutukoy sa Revelation 7:2-3 ay hindi espiritung nilalang kundi isang taong mangangaral ng Ebanghelyo.

ISANG MENSAHERO MULA SA SILANGAN

Isa pang palatandaan sa hula ay ang mensaherong ito ay “umaakyat mula sa silangan”:

“At nakita ko ang ISA PANG MENSAHERO na umaakyat MULA SA SIKAT NG ARAW...”
(Rev. 7:2)
Sa ibang salin:
“Then I saw another angel ascending from the east...”
(Rev. 7:2-3 NKJV)

Samakatuwid, ang hinuhulaan sa Revelation 7:2-3 ay isang MENSAHERO MULA SA SILANGAN na may tatak ng Diyos at inatasang mangaral ng Ebanghelyo.

BAKIT MAS NAKATITIYAK KAMI NA SI KAPATID NA FELIX Y. MANALO ANG KATUPARAN NG HULANG ITO?

Ang Panginoong Jesucristo, si Juan Bautista, at si Apostol Pablo ay nagmula rin sa silangan. Kaya bakit si Felix Y. Manalo ang itinuturing na katuparan?
Sapagkat ibinigay ng Bibliya ang takdang panahon ng katuparan ng hula sa Revelation 7:2-3. Nakita ni Apostol Juan ang “ibang anghel na umaakyat mula sa silangan” sa katapusan ng “ikaanim na tatak” at bago buksan ang “ikapitong tatak.”

REVELATION 6:12-13 — NANG BUKSAN ANG IKAANIM NA TATAK

“Ako’y tumingin nang kaniyang buksan ang ikaanim na tatak, at narito, nagkaroon ng malaking lindol...”
(Revelation 6:12-13 NKJV, salin sa Filipino)

Ayon sa paliwanag sa hanay na ito, ang “malaking lindol” ay ikinakabit sa lindol sa Lisbon noong 1755.
Ang “pagdidilim ng araw” at “pagiging dugo ng buwan” ay ikinakabit sa tinatawag na “Black Friday” noong Mayo 19, 1780.
Ang “pagkahulog ng mga bituin” ay ikinakabit naman sa meteor shower noong 1833.

REVELATION 6:14-17 — ANG MALAKING ARAW NG KANIYANG P**T

Ayon sa paliwanag, ang “dakilang araw ng poot” ay tumutukoy sa isang malaking digmaan:

“Sapagkat dumating na ang dakilang araw ng kanilang poot...”
(Revelation 6:17 NIV, salin sa Filipino)

Ito ay iniuugnay sa Unang Digmaang Pandaigdig noong 1914-1918.

REVELATION 7:1 ANG APAT NA ANGHEL NA PUMIPIGIL SA HANGIN

“Pagkatapos nito ay nakita ko ang apat na anghel na nakatayo sa apat na sulok ng lupa, na pinipigil ang apat na hangin ng lupa...”
(Revelation 7:1 NKJV, salin sa Filipino)

Sa pagpapaliwanag na ito, ang “hangin” ay sumasagisag sa digmaan, at ang “apat na anghel” ay tumutukoy sa mga pinunong tinawag sa kasaysayan na “Big Four” matapos ang Unang Digmaang Pandaigdig.

REVELATION 7:2-3 — ANG “IBANG ANGHEL” NA UMAAANGAT MULA SA SILANGAN

Habang pinipigil ng “apat na anghel” ang digmaan, nakita naman ang “ibang anghel” na umaakyat mula sa silangan:

“At nakita ko ang isa pang anghel na umaakyat mula sa silangan...”
(Revelation 7:2-3 NKJV, salin sa Filipino)

Ayon sa paliwanag ng hanay na ito, ito ang panahon kung kailan nagsimulang lumaganap ang gawain ni Ka Felix Y. Manalo at ng Iglesia Ni Cristo sa Pilipinas.

REVELATION 8:1 NANG BUKSAN ANG IKAPITONG TATAK

“Nang buksan niya ang ikapitong tatak, nagkaroon ng katahimikan sa langit nang may kalahating oras.”
(Revelation 8:1 NKJV, salin sa Filipino)

Batay sa paliwanag, ang “kalahating oras” ay katumbas ng humigit-kumulang 20 taon at 10 buwan, na iniuugnay sa pagitan ng pagtatapos ng Unang Digmaang Pandaigdig noong 1918 at pagsisimula ng Ikalawang Digmaang Pandaigdig noong 1939.

KONKLUSYON
Ayon sa paliwanag ng hanay na ito, ang magkakasunod na pangyayaring binanggit sa Revelation 6 hanggang Revelation 8 ay nagbibigay-katiyakan na si Kapatid na Felix Y. Manalo ang katuparan ng “ibang anghel” na umaakyat mula sa silangan na binanggit sa Revelation 7:2-3.
Kabilang sa mga pangyayaring iniuugnay rito ang:
Ang lindol sa Lisbon noong 1755
Ang “Black Friday” noong 1780
Ang meteor shower noong 1833
Ang Unang Digmaang Pandaigdig noong 1914-1918
Ang pagpupulong ng “Big Four” noong 1919
Ang paglaganap ng Iglesia Ni Cristo sa Pilipinas
At ang pagitan ng dalawang digmaang pandaigdig na tinukoy bilang “kalahating oras” sa Revelation 8:1.

-The Iglesia ni Cristo blogspot (isinalin na sa filipino)



"ANG ANGHEL NA MAY TATAK NG DIYOS" [ANGHEL, SUGO NG DIYOS SA MGA WAKAS NG LUPA IGLESIA NI CRISTO ITINAYO NI JESUS MALAYO...
10/05/2026

"ANG ANGHEL NA MAY TATAK NG DIYOS" [ANGHEL, SUGO NG DIYOS SA MGA WAKAS NG LUPA IGLESIA NI CRISTO ITINAYO NI JESUS MALAYONG SILANGAN BANSANG PILIPINAS]

Ang Anghel Na May Taglay Ng Tatak ng Diyos

Hindi lamang iisa ang hulang tumutukoy sa paglitaw ng Iglesia ni Cristo sa Pilipinas at sa sugo ng Diyos sa huling araw. Marami ang hulang nagpapatotoo tungkol dito. Ang isa ay ang hulang nasa Apoc. 7:2-3, tungkol sa ibang anghel na may taglay ng tatak ng Diyos na buhay. Sa kabanatang ito’y liliwanagin natin kung sino ang kinatuparan ng hulang ito. Sipiin muna natin ang nilalaman ng Apoc. 7:2-3:

“At nakita ko ang ibang anghel na umaakyat mula sa sikatan ng araw, na taglay ang tatak ng Dios na buhay: at siya'y sumigaw ng tinig na malakas sa apat na anghel na pinagkaloobang maipahamak ang lupa at ang dagat,

“Na nagsasabi, Huwag ninyong ipahamak ang lupa, kahit ang dagat, kahit ang mga punong kahoy, hanggang sa aming matatakan sa kanilang mga noo ang mga alipin ng ating Dios.”

Bago natin liwanagin kung sino ang katuparan ng anghel na may taglay ng tatak ng Diyos na binabanggit sa Apoc. 7:2-3, alamin muna natin kung may ilang uri sa kalagayan ang tinatawag na anghel.

May Ilang Uri Sa Kalagayan Ang Tinatawag Na Anghel?
Sa Heb. 1:13-14, ay ganito ang sinasabi:

“Nguni't kanino sa mga anghel sinabi niya kailan man, Lumuklok ka sa aking kanan, Hanggang sa ang iyong mga kaaway ay gawin kong tungtungan ng iyong mga paa?

“Hindi baga silang lahat ay mga espiritung tagapaglingkod, na mga sinugo upang magsipaglingkod sa kapakinabangan ng mangagmamana ng kaligtasan?”

Ito ang isa sa uri sa kalagayan ng tinatawag na anghel. Ang kalagayan sa pagkalalang ay espiritu. Ang tahanan ng mga anghel na ito’y sa langit, sa paligid ng luklukan ng Diyos (Apoc. 5:11). Tangi rito, mayroon pa bang tinatawag na anghel na iba ang uri sa kalagayan kay sa nasa kalagayang espiritu? Sa Apoc. 1:16, ay ganito ang sinasabi:

“At sa kaniyang kanang kamay ay may pitong bituin: at sa kaniyang bibig ay lumabas ang isang matalas na tabak na may dalawang talim: at ang kaniyang mukha ay gaya ng araw na sumisikat ng matindi.”

Ano itong pitong bituin na hawak sa kanang kamay? Ito ba’y literal na bituin ang mga bituing planeta? Sa Apoc. 1:20, ay ganito ang sinasabi:

“Ang hiwaga ng pitong bituin na iyong nakita sa aking kanang kamay, at ng pitong kandelerong ginto. Ang pitong bituin ay ang mga anghel ng pitong iglesia: at ang pitong kandelero ay ang pitong iglesia.”

Ano itong pitong bituin? Ito ay mga anghel ng pitong Iglesia. Samakatuwid, ay may mga anghel ng Iglesia, at ang mga ito’y itinutulad sa bituin. Ang Iglesia ay wala sa langit kundi nasa lupa, kaya ang itnatawag na anghel ng Iglesia na itinutulad sa bituin ay hindi taga langit kundi taga lupa. Ano ang kalagayan sa pagkalalang nitong anghel ng Iglesia na itinutulad sa bituin? Sa Dan. 12:3, ay ganito ang sinasabi:

“At silang pantas ay sisilang na parang ningning ng langit; at silang mangagbabalik ng marami sa katuwiran ay parang mga bituin magpakailan man.”

Ang anghel ng Iglesia na itinutulad sa bituin ay pantas sa pagpapabalikloob ng marami sa katuwiran ng Diyos. Sino ba itong nagpapabalikloob ng mga tao sa Diyos? Ito ang mga ministrong halal ng Diyos na isinusugo sa pangangaral ng ebanghelyo. Ano ang kanilang kalagayan sa pagkalalang? Sila’y tao, may laman at may buto at hindi espiritu. Tinatanggap ba ng mga tagapagturong Katoliko na ang kanilang mga Obispo na tao sa kalagayan sa pagkakalalang ay tinatawag nilang anghel ng Iglesia? Sa Bagong Tipan na isinalin sa Tagalog ng paring si Juan L. Trinidad, sa Apoc. 2:1, ay ganito ang sinasabi:

“Sa anghel ng iglesya sa Efeso ay isulat mo: Ito ang sinasabi na may hawak ng pitong bituin sa kanan Niyang kamay, at lumalakad sa gitna ng pitong ilawang ginto.”

Ano ang paliwanag ng paring si Juan L. Trinidad sa anghel ng Iglesia? Sa footnote ay ganito ang kanyang paliwanag:

“2, 1: Anghel; ang anghel na tagatanod ng iglesya, o kaya’y ang mismong iglesya; o kaya naman, (at ito ang lalong karaniwang pakahulugan), ang Obispo ng iglesya…”

Sa paliwanag na ito ng paring si Juan Trinidad sa anghel ng iglesia ay maliwanag na tinatanggap niya na ang Obispo, na sa kalagayan sa pagkalalang ay tao, may laman at may buto, ay tinatawag na anghel. Bakit kung kami ang nangangaral nito ay nagagalit ang mga Katoliko at maging ang mga pari? Bakit daw namin sinasabing si Kapatid na Felix Manalo’y anghel, gayong ito ay tao na may laman at may buto? Kapag mga pari ba ang mangangaral ay tama at kung kami ay mali?

Bakit ba ang salitang anghel ay ikinakapit sa nasa kalagayang espiritu at itinatawag pa rin sa nasa kalagayang tao? Ano ba ang kahulugan ng salitang anghel? Ang salitang anghel ba’y pangalan ng kalagayan sa pagkalalang o pangalan ng tungkulin? Marami ang nagkakamali sa bagay na ito. Ang akala nila’y ang salitang anghel ay pangalan ng kalagayan sa pagkalikha, gaya ng tao, hayop, isda, ibon, at iba pa. Ito ay mali. Ito ay pangalan ng tungkulin o ng karapatan at hindi ng kalagayan sa pagkalalang. Ano ang kahulugan ng salitang anghel ayon sa Biblia? Sa Heb. 1:13-14, na atin nang sinipi sa unahan nito, sinasabing ang mga anghel ay mga sinugo upang magsipaglingkod sa kapakinabangan ng magmamana ng kaligtasan. Samakatuwid, sugo ang kahulugan ng salitang anghel. Pinatutunayan din ito ng mga paring Katoliko. Sa aklat na The Apostle’s Creed, na sinulat ng paring si Clement H. Crock, pahina 72, ay ganito ang sinasabi:

“They are called ‘Angels,’ from a Greek word which means messenger. The word ‘Angel,’ therefore, does not express the nature of these spirits, but rather the offices for which God at times uses them in His government and ordering of the universe.”

Sa Wikang Pilipino:

“Sila’y tinatawag na mga ‘Anghel,’ mula sa isang salitang Griego na ang kahuluga’y sugo. Ang salitang ‘Anghel,’ kung gayon, ay hindi nagpapahayag ng kalagayan ng mga espiritung ito, kundi ng mga tungkulin, na may pagkakataong ang Diyos ay ginagamit sila sa Kanyang pamamahala at inuutusan sa sanlibutan.”

Paring Katoliko ang nagpapatotoo nito. Aklat-Katoliko ang ating sinipi. Pinatutunayang ang kahulugan ng salitang anghel ay sugo, at ang salitang anghel ay hindi nagpapahayag ng kalagayan sa pagkalalang kundi ng tungkulin. Ang mga nilalang ng taga-langit na ang kalagayan ay espiritu ay tinatawag na anghel, hindi sapagka’t sila’y taga-langit o may pakpak, kundi dahil sa sila’y sinusugo ng Diyos. Sugo ang kahulugan ng salitang anghel. Tinatawag ding anghel ang mga taong inihalal ng Diyos sa pangangaral ng ebanghelyo, sapagka’t sila’y mga sugo ng Diyos. Ang sabi ng mga Apostol: “Kami nga’y mga sugo sa pangalan ni Cristo, na waring namamanhik ang Dios sa pamamagitan namin: kayo’y pinamamanhikan namin sa pangalan ni Cristo, na kayo’y makipagkasundo sa Dios” (II Cor. 5:20). Kung gayon, ang salitang anghel na ang kahuluga’y sugo ay hindi lamang itinatawag sa nasa kalagayang espiritu, kundi itinatawag din naman sa nasa kalagayang tao, gaya ng mga ministrong halal ng Diyos sa pangangaral ng ebanghelyo. Ang tumututol dito’y tumututol sa katotohanang nasusulat sa Banal na Kasulatan.

Anong Uri Sa Kalagayan Itong Anghel O Sugo Na May Taglay Ng Tatak Ng Diyos?

Ayon sa hulang nasa Apoc. 7:2-3, na sinipi na natin sa unahan nito, ang anghel na ito’y may taglay ng tatak ng Diyos na buhay. Ano ang gawaing pinangangasiwaan ng sugong ito. Gawaing pagtatatak. Tatatakan niya at ng kanyang mga kasama ang mga alipin ng Diyos. Ano ang tatak at papaano ang pagtatatak? Sa Efeso. 4:30, sinasabing ang tatak ng Diyos ay ang Espiritu Santo. Papaano itinatatak ang Espiritu Santo? Sa Efe. 1:13, ay ganito ang sinasabi:

“Na sa kaniya'y kayo rin naman, pagkarinig ng aral ng katotohanan, ng evangelio ng inyong kaligtasan, na sa kaniya rin naman, mula nang kayo'y magsisampalataya, ay kayo'y tinatakan ng Espiritu Santo, na ipinangako.”

Papaano ang pagtatatak? Sa pamamagitan ng pangangaral ng ebanghelyo ng mga sinugo ng Diyos, ang mga nakinig at sumampalataya ay natatatakan ng Espiritu Santo na ipinangako. Talaga bang sa pangangaral ng mga sinugo tinatanggap ng mga sumasampalataya ang Espiritu Santo? Sa Gawa 10:44, ay ganito ang sinasabi:

“Samantalang nagsasalita pa si Pedro ng mga salitang ito, ay bumaba ang Espiritu Santo sa lahat ng nangakikinig ng salita.”

Sa pangangaral ni Apostol Pedro na sugo ng Diyos natatakan ng Espiritu Santo ang mga nakinig. Hindi lamang si Pedro ang nagtatak kundi maging si Apostol Pablo ay nagtatak din, ayon da kanyang patotoo na nasusulat sa Roma 15:28:

“Kung maganap ko nga ito, at aking matatakan na sa kanila ang bungang ito, ay magdaraan ako sa inyong patungo sa Espana.”

Maliwanag kung gayon, na ang tatak ay Espiritu Santo at ang pagtatatak ay pangangaral ng ebanghelyo ng mga sugo ng Diyos. Ang anghel na binabanggit sa Apoc. 7:2-3, ay magtatatak sa mga alipin ng Diyos, kaya natitiyak nating tao ang kalagayan sa pagkalalang ng anghel na ito. Ang mga anghel na may kalagayang espiritu ay hindi nangangaral ng ebanghelyo. Sila’y isinusugo ng Diyos upang maghatid ng maikling balita sa mga tanging tao sa mga tanging panahon (Mat. 1:20-24; Gawa 10:3-7; 12:7-10)

Ang Dakong Lilitawan Ng Sugong May Taglay Ng Tatak Ng Diyos

Saang dako lilitaw ang pagtatatak o ang pangangaral ng ebanghelyo ni Cristo ayon sa pangitain ni Apostol Juan? Ayon sa hulang nasa Apoc. 7:2, ito ay magmumula sa sikatan ng araw. Alin itong sikatan ng araw? Sa Apoc. 7:2, ng Bibliang Ingles ay ganito ang nakasulat:

“And I saw another angel ascending from the East, having the seal of the living God…”

Sa Pilipino:

“At nakita ko ang ibang anghel na umaakyat mula sa Silangan, taglay ang tatak ng Diyos na buhay…”

Sa Silangan magmumula itong anghel o taong sinugo ng Diyos sa pangangaral ng tunay na ebanghelyo. Ngunit ang Silangan ay nahahati sa tatlong bahagi: Silangang Malapit (Near East), Gitnang Silangan (Middle East), at Malayong Silangan (Far East). Aling bahagi ng Silangan ang pagmumulan ng taong magdadala ng payo o ng mga salita ng Diyos na itinulad sa ibong mandaragit? Sa Isa. 46:11, na isa sa mga hulang tumutukoy sa sugo ng Diyos sa huling araw, ay ganito ang sinasabi:

“Na tumatawag ng ibong mangdadagit mula sa silanganan, ng taong gumagawa ng aking payo mula sa malayong lupain; oo, aking sinalita, akin namang papangyayarihin; aking, pinanukala, akin namang gagawin.”

Dito’y may binabanggit na ibong mandaragit na tatawagin ng Diyos mula sa silangan. Tunay na ibon ba ito sa kalagayan? Nililiwanag din sa talata na hindi ito ibon sa kalagayan kundi tao na gumagawa ng payo ng Diyos mula sa malayong lupain. Kung gayon, ang ibon na mula sa silangan ay siya ring tao na mula sa malayong lupain. Kaya’t ang taong sinugo ng Diyos na itinulad sa ibong mandaragit ay magmumula sa malayong silangan. Alin ang malayong silangan ayon sa patotoo ng kasaysayan? Sa World History nina Boak, Slosson at Anderson, pahina 445, ay ganito ang sinasabi:

“The Philippines were Spain’s share of the first colonizing movement in the Far East…”

Sa Pilipino:

“Ang Pilipinas ay naging bahagi ng Espanya sa unang kilusan sa pananakop sa Malayong Silangan…”

Alin ang Malayong Silangan? Ang Pilipinas. Kung gayon, sa Pilipinas lilitaw ang taong sinugo ng Diyos na mangangaral ng tunay na ebanghelyo ni Cristo.

Ang Panahong Itinakda Ng Diyos Sa Paglitaw
Ng Sugong Magmumula Sa Pilipinas
Kailan ang panahon ng paglitaw ng sugong magmumula sa Pilipinas ayon sa itinakda ng hula? Sa Apoc. 7:1-2, ay ganito ang sinasabi;

“At pagkatapos nito ay nakita ko ang apat na anghel na nakatayo sa apat na sulok ng lupa, na pinipigil ang apat na hangin ng lupa, upang huwag humihip ang hangin sa lupa, o sa dagat man, o sa anomang punong kahoy.

“At nakita ko ang ibang anghel na umaakyat mula sa sikatan ng araw, na taglay ang tatak ng Dios na buhay: at siya'y sumigaw ng tinig na malakas sa apat na anghel na pinagkaloobang maipahamak ang lupa at ang dagat.”

Kailan ang panahon ng pangangaral ng anghel o ng sugong magmumula sa Pilipinas? Ang sabi sa hulang sinipi natin, pagkatapos nito, may nakitang apat na anghel na pinipigil ang apat na hangin ng lupa, at kaalinsabay nito ay saka nakitang umaakyat ang anghel o ang sugong magmumula sa Pilipinas. Alin itong natapos na sinasabi sa Apoc. 7:1? Sa Apoc. 6:12, 15, ay ganito ang sinasabi:

“At nakita ko nang buksan niya ang ikaanim na tatak, at nagkaroon ng malakas na lindol; at ang araw ay umitim na gaya ng isang magaspang na kayong buhok na maitim, at ang buong buwan ay naging gaya ng dugo;

“At ang mga hari sa lupa, at ang mga prinsipe, at ang mga pangulong kapitan, at ang mayayaman, at ang mga makapangyarihan, at ang bawa't alipin at ang bawa't laya, ay nagsipagtago sa mga yungib at sa mga bato sa mga bundok.”

Alin ang natapos? Ang pagtatago sa yungib ng mga hari, prinsipe, pangulong kapitan, mayayaman, mga makapangyarihan, at ang bawa’t alipin at ang bawa’t laya, na ito’y mangyayari sa dulo o katapusan ng ikaanim na tatak ng panahon ni Cristo. Bakit nagsipagtago sa yungib ang lahat ng uri ng tao sa katapusan ng ikaanim na tatak? Ano ang dahilan ng kanilang pagtatago? Sa Jer. 4:13, 19, ay ganito ang sinasabi:

“Narito, siya'y sasagupang parang mga ulap, at ang kaniyang mga karo ay magiging parang ipoipo ang kaniyang mga kabayo ay lalong matulin kay sa mga aguila. Sa aba natin! sapagka't tayo'y nangapahamak.

“Ang hirap ko, ang hirap ko! Ako'y nagdaramdam sa aking puso; ang dibdib ko ay kakabakaba, hindi ako matahimik; sapagka't iyong narinig, Oh kaluluwa ko, ang tunog ng pakakak, ang hudyat ng pakikipagdigma.”

Ano ang dahilan ng pagtatago sa yungib ng mga tao mula sa hari hanggang sa mga alipin sa dulo ng ikaanim na tatak? Dahil sa digmaan! Eh, ano kung may digmaan? Hindi ba ang digmaan ay pangkaraniwan na rito sa mundo sa mula’t mula? Tunay nga, ngunit ang digmaang naganap sa dulo ng ikaanim na tatak ay walang katulad sa mga digmaang nakaraan. Bakit? Ang digmaang ito’y ginamitan ng mga makabagong kasangkapan sa digma, gaya ng mga karo na parang ipo-ipo at mga kabayong lumilipad na matulin pa kay sa mga agila. Alin ang mga karong parang ipo-ipo? Ito ang ang mga tangkeng pandigma. Alin naman ang mga kabayong lumilipad na matulin pa sa mga agila? Ito ang mga eroplano, na kung tawagin ng kasaysayan ay “aerial cavalry” o kabayuhang panghimpapawid (World History, p. 478). Kapag sumasalakay ang mga eroplano ay may hudyat. Alin itong hudyat? Ang tunog ng mga sirena (air raid siren). Kapag ito’y narinig ng mga tao’y kumakaba ang kanilang mga dibdib at nagsisipagtago sila sa mga yungib (air raid shelter). Alin ang digmaang unang ginamitan ng mga tangke at eroplano? Ito ang Digmaang Pandaigdig na nagsimula noong 1914 (World History, p. 478).

Ayon sa hulang nasa Apoc. 7:1-2, pagkatapos ng pagtatago sa yungib ay may nakitang apat na anghel na nakatayo sa apat na sulok ng lupa, na pinipigil ang apat na hangin ng lupa, at kaalinsabay nito ang pag-akyat mula sa Malayong Silangan o Pilipinas ng anghel o ng sugong magtatatak o mangangaral ng tunay na ebanghelyo. Alin itong hanging pinipigil ng apat na anghel? Ang hangin ay sumasagisag sa digmaan (Jer. 4:11-13, 19). Sino naman ang apat na anghel na pumipigil sa hangin o digmaan? Ito ba ay mga anghel nasa kalagayang espiritu? Hindi! Ito ba ay mga anghel na tao sa kalagayan na sinusugo ng Diyos sa pangangaral ng ebanghelyo? Hindi rin. Tao rin ang kalagayan ng anghel na ito, nguni’t hindi tagapangaral ng ebanghelyo. Ano ang kanilang gawain? Sila ay mga pinuno ng bansa. Tinatawag din silang anghel o sugo (I Ped. 2:13-14).

Sinu-sino itong apat na sugo ng bansa na kumatawan sa pagpigil sa Digmaang Pandaigdig na nagsimula noong 1914? Sila ay sina Lloyd George ng Gran Bretana, Clemenceau ng Pransiya, Orlando ng Italya at Wilson ng Amerika. Sila ay lalong kilala sa tawag na “The Big Four” (World History, p. 494). Kaalinsabay ng pagpigil ng ito sa Digmaang Pandaigdig, ay nakita namang umaakyat mula sa Malayong Silangan o Pilipinas ang anghel o sugong mangangaral ng tunay na ebanghelyo. Nang magsimula ang digmaan ay 1914. Noon nagsimulang magtanim ng binhi o mangaral ang sugo ng Diyos sa huling araw na si kapatid na Felix Manalo. Nang matapos ang digmaan ay 1918. Sa panahong ito’y umaakyat na, ibig sabihi’y unti-unti nang nahahayag ang sugo at pasugo na hinulaang lilitaw sa Pilipinas, na ito’y walang iba kundi ang Iglesia ni Cristo sa pangangasiwa ng sugo ng Diyos na si Kapatid na Felix Manalo. Kaya maliwanag na natupad kay Kapatid na Felix Manalo ang hulang nasa Apoc. 7:2-3, tungkol sa ibang anghel na may taglay ng tatak ng Diyos na buhay.

Source:
Isang Pagbubunyag Sa Iglesia Ni Cristo
Copyright 1964 by Church of Christ
(Iglesia ni Cristo) Kabanatang XIX
Pahina 157-164


Address

Quirino Grandstand
Quezon City
1012

Telephone

+639120202453

Website

Alerts

Be the first to know and let us send you an email when National Rally For Peace posts news and promotions. Your email address will not be used for any other purpose, and you can unsubscribe at any time.

Contact The Business

Send a message to National Rally For Peace:

Shortcuts

Share