15/08/2026
Personal na binisita ni Governor Emmylou "Lala" J. Taliño-Mendoza ang Provincial Gymnasium ngayong Sabado, Agosto 15, 2026 na matatagpuan sa Capitol Compound, Amas, Kidapawan City, upang alamin ang kasalukuyang estado ng isinasagawang rehabilitasyon sa nasabing pasilidad.
Kasama si Acting Provincial General Services Officer Engr. Gilmor G. Catacutan, ininspeksyon ng gobernadora ang mga natapos na bahagi ng gym upang matiyak ang kalidad ng pagkakagawa nito para sa kaligtasan ng lahat ng dadalo para sa anumang aktibidad na idadaos dito.//idcd-pgo-frigillana/photoby:WSamillano
