12/09/2026
Magalang po naming hinihiling sa Pamahalaang Bayan ng Morong, Rizal na mabigyang-pansin at agarang masuri ang kondisyon ng kalsada sa bahagi ng sitio Taghangin brgy Maybancal MORONG RIZAL
May ilang bahagi po ng kalsada na lubog at nangangailangan ng pagkukumpuni. Ang ganitong kondisyon ay maaaring magdulot ng panganib sa mga motorista, partikular sa mga nakamotorsiklo, at maaaring maging sanhi ng mga aksidente.
SA TOTOO LANG PO MAY DALAWANG MOTORISTA NA PO ANG NAAKSIDENTE SA MAGKASUNOD NA ARAW. Kaya po ako po nababahala baka marami pang mapahamak kapag hindi pa aga ito naaksiyonan
Ang panawagang ito ay hindi naglalayong manisi ng sinuman, kundi isang mahinahon at taos-pusong pakiusap mula sa isang concerned citizen para sa kaligtasan ng lahat. Hinihiling po namin na maisagawa sa lalong madaling panahon ang kinakailangang inspeksiyon at pagkukumpuni upang maiwasan ang mga aksidente at mapanatiling ligtas ang mga gumagamit ng nasabing kalsada.
Umaasa po kami sa agarang pagtugon at nararapat na aksiyon ng mga kinauukulan. Maraming salamat po sa inyong patuloy na serbisyo, malasakit, at pang-unawa.
