21/09/2023
LOOK: SUSPEK SA PAGPAMUSIL SA USA KA 53 ANYOS NGA BABAE NGA TAGA BARANGAY MAYO MATI CITY; NAARESTO NA SA KAPULISAN
Naaresto na sa mga personahe sa Mati PNP ang suspek sa nahitabong pagpamusil nga gika angol sa usa ka 53 anyos nga babae nga giilang si Rosita Daldes Estrera niadtong nakalabayng Setyembre 19 ning tuig kasamtangan sa Barangay Mayo Mati City.
Suspek giilang si Fidel Dogcotanon alyas “Oloy”, 31 anyos, single, usa ka CAFGU Active Auxillary member sa Delta Coy 66IB PA ug residente sa Purok Durian Barangay Mayo ning dakbayan.
Subay sa inisyal nga imbestigasyon sa Mati PNP, nasayran nga nagsakay matud pa og Baobao ang biktima kauban ang iyang bana ug laing usa pa gikan sa Barangay Mayo ug padulong unta sila sa Cagayan de Oro dihang pag abot sa lugar sa insidente kalit lang matud pa miduol ang suspek sakay sa usa ka motor ug sa wa damhang higayon, gipusil ang biktima ug naigo kini sa iyang tiyan nga bahin.
Sa kasamtangan, padayon pa ang gihimong lawm nga imbestigasyon sa Mati PNP maykalabot sa motibo sa maong pagpamusil.
VIA: MATI PNP
