Driving TDC PDC 1 2 3 8

16/07/2026

📌

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Nais ipabatid ng Land Transportation Office (LTO) na nagpapatuloy pa rin ang maintenance activity ng online system ng ahensya at nangangailangan pa ng karagdagang troubleshooting upang matiyak ang ganap nitong kaayusan.

Dahil dito, pansamantalang hindi magagamit ang online services ng LTO sa lahat ng tanggapan sa buong bansa.

Pinapayuhan ang lahat ng kliyente na huwag munang magsagawa ng anumang online transaction upang maiwasan ang mga posibleng aberya, kabilang ang hindi kumpletong pagproseso ng transaksyon at ang hindi pagkakatugma sa mga rekord gaya ng Official Receipt at iba pang kaugnay na dokumento.

Maglalabas ang LTO ng panibagong abiso sa oras na maibalik ang normal na operasyon ng sistema.

Maraming salamat sa inyong patuloy na pasensya, pang-unawa, at pakikiisa.

16/07/2026

📌📌

Please be advised that the LTO Region VI - Operations Division is temporarily offline today, July 16, 2026 8:47 A.M due to intermittent internet connectivity. Online transactions and services may be delayed.

We apologize for the inconvenience and thank you for your understanding.

09/07/2026

📌📌📌

25/06/2026

𝐋𝐓𝐎 𝐂𝐇𝐈𝐄𝐅, 𝐏𝐄𝐑𝐒𝐎𝐍𝐀𝐋 𝐍𝐀 𝐍𝐀𝐊𝐈𝐓𝐀 𝐀𝐍𝐆 𝐏𝐀𝐆𝐒𝐀𝐊𝐀𝐘 𝐍𝐆 𝐌𝐆𝐀 𝐏𝐀𝐒𝐀𝐇𝐄𝐑𝐎 𝐒𝐀 𝐋𝐈𝐊𝐔𝐑𝐀𝐍𝐆 𝐁𝐀𝐇𝐀𝐆𝐈 𝐍𝐆 𝐏𝐈𝐂𝐊-𝐔𝐏 𝐓𝐑𝐔𝐂𝐊; 𝐀𝐆𝐀𝐃 𝐍𝐀 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐏𝐀𝐆-𝐈𝐒𝐘𝐔 𝐍𝐆 𝐒𝐂𝐎, 𝐋𝐈𝐒𝐄𝐍𝐒𝐘𝐀 𝐍𝐆 𝐃𝐑𝐀𝐘𝐁𝐄𝐑 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Sa ilalim ng pamumuno ni Assistant Secretary Markus V. Lacanilao, agad na ipinag-utos ng Land Transportation Office (LTO) ang paglalabas ng Show Cause Order (SCO) laban sa rehistradong may-ari at drayber ng isang Ford Ranger matapos itong personal na mamataan at makuhanan ng larawan ni Assistant Secretary Lacanilao habang nagsasakay ng mga pasahero sa likurang bahagi ng sasakyan sa isang pampublikong kalsada.

Habang bumibiyahe nitong umaga, Hunyo 23, 2026, personal na naaktuhan ni Assistant Secretary Lacanilao ang isang Ford Ranger na nagsasakay ng mga tao sa truck bed o likurang bahagi nito habang umaandar sa isang pampublikong kalsada. Agad niya itong nakuhanan ng larawan bilang ebidensya at iniutos ang agarang beripikasyon upang matukoy ang sasakyan at mga taong responsable sa naturang paglabag.

Matapos ang isinagawang paunang beripikasyon ng LTO, agad na naglabas ang ahensya ng SCO laban sa rehistradong may-ari at sa drayber nito upang pagpaliwanagin kaugnay ng insidente at mga posibleng paglabag sa umiiral na batas at regulasyon ng ahensya.

"Hindi natin maaaring balewalain ang mga gawaing naglalagay sa panganib sa buhay at kaligtasan ng mga pasahero. Ang pagsakay ng mga tao sa likurang bahagi ng isang pick-up truck habang bumibiyahe ay isang mapanganib na gawain na maaaring magresulta sa malubhang aksidente. Kaya agad nating inaksyunan ang kasong ito upang mapanagot ang mga responsable," pahayag ni Assistant Secretary Lacanilao.

Inaatasan ng LTO ang rehistradong may-ari at ang drayber na humarap sa Intelligence and Investigation Division (IID) at magsumite ng sinumpaang paliwanag kung bakit hindi sila dapat managot sa paglabag sa pagbabawal sa pagsasakay o pagpapahintulot na magsakay ng tao sa likurang bahagi ng sasakyan o Hitching or Permitting a Person, Bicycle, Motorcycle, Tricycle, or Skate Roller to Hitch to a Motor Vehicle.

Inaatasan din ang drayber na ipaliwanag kung bakit hindi dapat suspendihin, o bawiin ang lisensya dahil sa pagiging Improper Person to Operate a Motor Vehicle.

Habang nagpapatuloy ang imbestigasyon, iniutos ng LTO ang agarang pagsuko ng lisensya ng sangkot na drayber at isinailalim ito sa siyamnapung (90) araw na preventive suspension. Samantala, inilagay rin sa alarm status ang Ford Ranger upang hindi ito makapagsagawa ng anumang transaksyon sa LTO habang dinidinig ang kaso.

Muling pinaalalahanan ng LTO ang publiko na mahigpit na ipinagbabawal ang pagsasakay ng mga tao sa truck bed o likurang bahagi ng mga pick-up truck habang bumibiyahe sa pampublikong kalsada. Patuloy na paiigtingin ng ahensya ang pagpapatupad ng mga batas-trapiko laban sa mga iresponsableng gawain sa kalsada na naglalagay sa panganib sa buhay ng mga pasahero at ng publiko, bilang bahagi ng layunin nitong maisulong ang mas ligtas, mas disiplinado, at mas maayos na mga kalsada para sa lahat at magsasagawa ng kaukulang aksyon laban sa mga lalabag.

25/06/2026

𝐀𝐆𝐀𝐃 𝐍𝐀 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐀𝐍𝐆 𝐌𝐀𝐘-𝐀𝐑𝐈 𝐀𝐓 𝐃𝐑𝐀𝐘𝐁𝐄𝐑 𝐍𝐆 𝐒𝐔𝐕 𝐃𝐀𝐇𝐈𝐋 𝐒𝐀 𝐈𝐋𝐄𝐆𝐀𝐋 𝐍𝐀 𝐁𝐋𝐈𝐍𝐊𝐈𝐍𝐆 𝐋𝐈𝐆𝐇𝐓𝐒; 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀, 𝐋𝐈𝐒𝐄𝐍𝐒𝐘𝐀 𝐍𝐆 𝐃𝐑𝐀𝐘𝐁𝐄𝐑 𝐒𝐔𝐒𝐏𝐄𝐍𝐃𝐈𝐃𝐎

Muling nagpakita ng mahigpit na aksyon ang Land Transportation Office (LTO) laban sa mga motorista na gumagamit ng mga iligal na kagamitan upang makakuha ng espesyal na pribilehiyo sa kalsada.

Sa ilalim ng direktiba ni LTO Chief, Assistant Secretary Markus V. Lacanilao, agad na inisyuhan ng Show Cause Order (SCO) ang rehistradong may-ari at drayber ng isang Toyota Land Cruiser Prado matapos itong mamataang gumagamit ng p**a at asul na blinking lights sa isang pampublikong lansangan.

Batay sa viral video na nakarating sa opisina, natukoy na ang naturang sasakyan ay may nakakabit na unauthorized front-mounted blinkers o blinking lights sa harapang bahagi nito, na mahigpit na ipinagbabawal para sa mga pribadong sasakyan.

Dahil dito, pinapatawag ng LTO ang rehistradong may-ari at ang sangkot na drayber upang humarap sa pagdinig sa Hulyo 1, 2026, sa tanggapan ng Intelligence and Investigation Division (IID) ng LTO at magsumite ng kanilang paliwanag kaugnay ng naturang insidente.

Maaaring maharap ang rehistradong may-ari at ang sangkot na drayber sa mga paglabag na Reckless Driving, Operating a Motor Vehicle with Unauthorized Accessories, at pagdedeklara sa drayber bilang Improper Person to Operate a Motor Vehicle.

Samantala, bilang paunang aksyon, inilagay na sa alarm status ang nasabing sasakyan habang nagpapatuloy ang imbestigasyon ng LTO. Inatasan din ang pagsasailalim sa siyamnapung (90) araw na preventive suspension ng lisensya ng drayber sa sandaling matukoy ang pagkakakilanlan nito sa isasagawang pagdinig at agad itong aatasang isuko ang naturang lisensya sa IID ng LTO.

“Ang mga p**a at asul na blinking lights ay hindi aksesoryang maaaring ikabit basta-basta sa pribadong sasakyan. Nakalaan lamang ang mga ito sa mga sasakyang may awtoridad at may malinaw na gamit sa pagseserbisyo sa publiko. Kapag ginamit ito ng mga pribadong sasakyan, nagkakaroon ng maling impresyon na maaari silang bigyan ng prayoridad o espesyal na pagtrato sa kalsada, bagay na mahigpit nating binabantayan at inaaksyunan.” pahayag ni Assistant Secretary Lacanilao.

Kasabay nito, patuloy na binabantayan ng LTO ang paggamit ng mga iligal na blinker at iba pang unauthorized accessories sa mga sasakyan. Sa pamamagitan ng agarang pag-aksyon sa mga natatanggap na ulat at nakakalap na ebidensya, layunin ng ahensya na maiwasan ang mga gawaing maaaring magdulot ng kalituhan sa ibang motorista at higit na mapaigting ang pagsunod sa mga batas-trapiko at umiiral na mga regulasyon sa kalsada.

25/06/2026

𝐏𝐈𝐋𝐎𝐓𝐎𝐍𝐆 𝐃𝐑𝐀𝐘𝐁𝐄𝐑, 𝐀𝐆𝐀𝐃 𝐍𝐀 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐌𝐀𝐓𝐀𝐏𝐎𝐒 𝐌𝐀𝐒𝐀𝐍𝐆𝐊𝐎𝐓 𝐒𝐀 𝐕𝐈𝐑𝐀𝐋 𝐍𝐀 𝐈𝐍𝐒𝐈𝐃𝐄𝐍𝐓𝐄 𝐍𝐆 𝐏𝐀𝐍𝐀𝐍𝐀𝐊𝐎𝐓 𝐆𝐀𝐌𝐈𝐓 𝐀𝐍𝐆 𝐁𝐀𝐑𝐈𝐋 𝐒𝐀 𝐈𝐒𝐀𝐍𝐆 𝐌𝐀𝐋𝐋 𝐏𝐀𝐑𝐊𝐈𝐍𝐆 𝐀𝐑𝐄𝐀 𝐒𝐀 𝐌𝐀𝐍𝐃𝐀𝐋𝐔𝐘𝐎𝐍𝐆 𝐂𝐈𝐓𝐘; 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀, 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎

Mabilis na umaksyon ang Land Transportation Office (LTO) laban sa pilotong drayber ng isang sasakyan na nasangkot sa isang viral na insidente sa isang parking area sa Mandaluyong City, matapos itong maakusahan ng pananakot gamit ang baril kaugnay ng alitan sa parking space.

Batay sa isinagawang inisyal na imbestigasyon at sa video na kumakalat sa social media, nagkaroon ng pagtatalo sa pagitan ng naturang drayber at isa pang motorista hinggil sa parking slot. Sa gitna ng insidente, lumitaw ang alegasyon na ang drayber ay umano'y naglabas at nagwagayway ng baril ang laban sa isang magkasintahan na sangkot sa naturang alitan, at kasalukuyang nagrerekord ng insidente.

Dahil dito, agad naglabas ang LTO ng Show Cause Order (SCO) matapos matukoy ng LTO ang pagkakakilanlan ng drayber at ng rehistradong may-ari ng naturang sasakyan. Inaatasan ng LTO ang rehistradong may-ari at ang drayber na humarap sa pagdinig sa Intelligence and Investigation Division (IID) ng LTO at magsumite ng kanilang sinumpaang salaysay o paliwanag hinggil sa insidente at sa mga posibleng paglabag na maaaring isampa laban sa kanila. Kinakailangan ipaliwanag ng sangkot na drayber kung bakit hindi dapat suspendihin o bawiin ang lisensya nito dahil sa pagiging isang Improper Person to Operate a Motor Vehicle.

"Ang anumang uri ng pananakot, karahasan, o agresibong pag-uugali ng mga motorista ay hindi katanggap-tanggap at salungat sa prinsipyong dapat pairalin ng bawat responsableng gumagamit ng sasakyan. Ang bawat may hawak ng lisensya ay inaasahang magpakita ng disiplina, pagpipigil sa sarili, at paggalang sa kapwa sa lahat ng pagkakataon," pahayag ni LTO Chief, Assistant Secretary Lacanilao.

Habang nagpapatuloy ang pagdinig at imbestigasyon, iniutos ng LTO ang agarang pagsuko ng lisensya ng naturang drayber at isasailalim ito sa siyamnapung (90) araw na preventive suspension. Samantala, inilagay rin sa alarm status ang naturang sasakyan upang hindi ito makapagsagawa ng anumang transaksyon sa LTO habang nakabinbin ang kaso.

Muling pinaalalahanan ng LTO ang publiko na walang lugar sa kalsada at sa mga pampublikong lugar ang anumang anyo ng pananakot, dahas, at pag-abuso. Ang isang iglap ng galit ay maaaring magdulot ng panganib sa buhay ng iba at magbunga ng mabigat na pananagutan. Anuman ang estado sa buhay o propesyon, walang sinuman ang nakahihigit sa batas. Sa bawat pagkakataon, ang pagpili ng paggalang, pagpipigil sa sarili, at responsableng pagkilos ang tunay na sukatan ng mabuting mamamayan at responsableng motorista.

20/06/2026

📌📌📌

18/11/2025

📣📣📣

18/11/2025

📍📍📍

17/11/2025

📢📢📢

FYI...📣📣📣👇