17/06/2026
Passenger princess for lifeβ¦
πππ, πππππππππ ππ πππ
πππππ πππ ππ πππππππππππ πππ πππππ πππππ ππ πππππππ ππ πππππ πππππππππ ππ ππππππππ, ππππππ
Pinatawan ng Land Transportation Office (LTO) ng pinakamabigat na administratibong parusa ang rider na nasangkot sa viral na insidente ng pananakit sa kapwa motorista na naganap noong Hunyo 1, 2026 sa kalsada ng Sampaloc, Manila matapos kumalat sa social media ang nasabing viral video.
Batay sa naging resolusyon ng LTO, revoked ang driver's license ng nanakit na motorista at siya rin ay panghambuhay na pinagbawalan na makukuha ng lisensya dahil sa kanyang mga paglabag sa mga umiiral na batas at regulasyon sa kalsada.
Nag-ugat ang insidente nang ang rider ay umano'y bumiyahe sa gitnang bahagi ng kalsada sa paraang halos magdulot ng banggaan sa motoristang nagre-record ng video. Kalaunan, sinundan ng rider at ng kanyang angkas ang naturang motorista, kung saan makikita sa video na hinampas ang biktima gamit ang helmet.
Ayon kay LTO Chief, Assistant Secretary Markus V. Lacanilao, ang naturang asal ay malinaw na salungat sa mga prinsipyo ng responsableng pagmamaneho at nagdudulot ng panganib hindi lamang sa mga direktang sangkot kundi maging sa iba pang gumagamit ng kalsada.
"Ang kalsada ay hindi lugar para sa karahasan at pananakot. Ang bawat may hawak ng lisensya ay inaasahang magpakita ng disiplina, paggalang, at pananagutan sa lahat ng oras," pahayag ni Lacanilao.
Ang ipinataw na parusa ay patunay ng mahigpit na pagpapatupad ng ahensya laban sa mga motorista na gumagamit ng dahas, naglalagay sa panganib sa ibang road users, at lumalabag sa itinakdang pamantayan ng ligtas at responsableng pagmamaneho.
Muling pinaalalahanan ng LTO ang publiko na panatilihin ang kahinahunan at respeto sa kalsada at iwasan ang anumang kilos na maaaring magdulot ng kapahamakan sa kapwa motorista. Hindi kukunsintihin ng LTO ang anumang uri ng karahasan sa lansangan. Makaaasa ang publiko na patuloy na magsasagawa ang ahensya ng agarang aksyon at magpapataw ng kaukulang parusa laban sa mga lumalabag sa batas trapiko at mga alituntunin sa kaligtasan sa kalsada.
Para sa naunang pahayag ng LTO kaugnay ng insidente, maaaring bisitahin ang facebook post na ito:
https://www.facebook.com/share/p/1BjG8gFTVu/
