29/07/2026
Noong 1993, isang mag-aaral ng Agrikultura sa UP Los Baños na si Eileen Sarmenta ang naging biktima ng isa sa mga pinakakarumaldumal na krimen sa kasaysayan ng bansa. Bilang bahagi ng kanyang proyekto sa paaralan, kinakailangan niyang magsagawa ng panayam sa isang may-ari ng sakahan. Sa pagkakataong iyon, nakapanayam niya ang noo’y alkalde ng Calauan, Laguna, na si Antonio Sanchez.
Dito nagsimula ang trahedya. Nahumaling ang alkalde kay Eileen at kalaunan ay ipina-kidnap ang dalaga. Nadamay rin ang kanyang kaklase na si Allan Gomez, na kasamang dinala sa isang liblib na sakahan na pagmamay-ari rin ng alkalde.
Sa nasabing lugar, paulit-ulit na ginaha** si Eileen ng alkalde. Matapos nito, ipinasa pa siya sa anim na tauhan, na gumawa rin ng parehong karumal-dumal. Sa kabila ng pagmamakaawa ni Eileen para sa kanyang buhay, siya ay binaril sa ulo at pinat*y. Pinat*y rin si Allan Gomez upang wala umanong makapagsumbong sa nangyari.
Noong 1995, matapos ang masusing paglilitis, hinatulan ng reclusion perpetua (habambuhay na pagkakabilanggo nang walang parol) ang lahat ng sangkot, kabilang si Antonio Sanchez. Ang kasong ito ay nanatiling mantsa sa kasaysayan ng Pilipinas at nagsilbing paalala ng pang-aabuso sa kapangyarihan at kawalan ng hustisya para sa mga biktima.
Si Antonio Sanchez ay namatay noong 2021 habang nakakulong, at hanggang ngayon, ang sinapit nina Eileen Sarmenta at Allan Gomez ay patuloy na inaalala bilang simbolo ng panawagan para sa hustisya.
