31/08/2025
उद्यमशील नेपालीको भरपर्दो साथी महिन्द्रा बोलेरो ! कास्की अन्नपूर्ण गाउँपालिका - ३ का ‘मराम्चे अर्गानिक कृषि फर्म’का सञ्चालक ‘बलराम पौडेल’ज्यूलाई अग्नि इन्कर्पोरेटेडद्वारा सञ्चालित विशेष कार्यक्रमको अवसरमा महिन्द्रा बोलेरो पिक-अप हस्ताण्तरण गरिएको छ । अन्नपूर्ण गाउँपालिकाका अध्यक्ष श्री विष्णु बहादुर केसिको उपस्थितिमा पिक-अप हस्ताण्तरण गरिएको हो ।
उहाँले अग्नि ग्रुपका अध्यक्ष श्री क्याबिनेट श्रेष्ठ शार्क रहनुभएको सो - शार्क ट्याङ्क नेपालमा उहाँले आफ्नो कृषि फर्म विस्तारको लागि ‘पिच’ गर्नुभएको थियो । उहाँकै ‘पिच’ र ‘आस्क’ अनुरूप उहाँलाई दैनिक गाउँदेखि बजारसम्म र बजारदेखि गाउँसम्म सामान ढुवानी गर्न गाउँघरमा कच्ची बाटोमा चल्ने महिन्द्रा बोलेरो हस्तान्तरण गरिएको हो ।
बलराम पौडेलज्यूले हाल आफ्नो फर्ममा पशुपालन तथा तरकारी खेती गर्दै आउनुभएको छ । यही गाउँ, यही समाज, र यही माटोमा पौरख गर्छु भन्दै, उहाँले मराम्चेमै कृषि फर्म सञ्चालन गर्दै आउनुभएको हो । उहाँको कथा, उद्यमशीलताको यात्रा, र आफ्नो कर्मप्रतिको ऊर्जा साँच्चिकै प्रेरणादायी र हौसलापूर्ण छ । महिन्द्रा बोलेरो पिक-अप वर्षौँदेखि देशभर विश्वसनीय ढुवानीको साथ बलराम पौडेलज्यू जस्तै उद्यमशील नेपालीहरूको साथ बन्दै आएको छ । अग्नि ग्रुप, बलराम पौडेलज्यूलाई व्यवसायमा थप सफलताको शुभकामना व्यक्त गर्दछ ।
तस्बीरमा पिक-अप हस्तान्तरण कार्यक्रमका केही झलकहरू ।
