04/08/2026
नयाँ प्रणालीमा अझै केही समस्याहरु देखिइरहेका छन् । यीनीहरुको समाधानका निम्ति प्रदेश मन्त्रालय तथा यातायात व्यवस्था विभागलाई जानकारी गराइ सहकार्य गरिरहेका छौँ ।
कार्यालयमा अनलाईन आवेदनहरु प्राप्त भएका छन् र तीनको Verification र Approval गर्ने तयारी मा कार्यालय छ । प्रणालीले सही रुपमा काम गर्न थालेपछि नविकरण, प्रतिलिपी, नयाँ तथा वर्गथप, रिट्रायल परीक्षा लगायत सबै सेवाहरु सूचारु हुन थाल्नेछन् । आशा छ विभागले छिटै यी समस्याहरु समाधान गरेर सहज सेवाप्रवाह गर्न मिल्ने बनाउनेछ ।
• राजस्व calculation मा गडबडी छ ।
• License Number generation मा समस्या छ ।
• परीक्षार्थीहरुको सहि अवस्था पत्ता लगाएर सिस्टम अघि बढ्न सकेको छैन ।
• राजस्व तिरेको छैन तर application tracking गर्दा लाइसेन्स जारी भइसक्यो भन्ने देखिएको छ।
• Renew को medical, office approve नहुँदै सबै complete देखाएर payment गर भन्ने सन्देश देखिन्छ ।
• निश्चित वर्गको फाराम भर्न योग्य हुँदा पनि अवधि नपुगेको देखाएको छ
• Trial Pass को Online Payment गर्न जाँदा New form मा पुर्याईदिएको छ ।
• System ले ५ महिनाभन्दा बढी अवधि बाँकी रहेकोले renew गर्न मिल्दैन भन्ने देखाएको छ ।
• कर्मचारीहरुको तालिम, सेवाग्राहीहरुको ट्यूटोरियल तथा कार्यालयको म्यानुवल उपलब्ध भईसकेको छैन ।
सिस्टम साउन १ गते देखिनै लागु छ तर सहज रुपमा काम गर्न सकिएको छैन । थुप्रै Error हरु आइरहेकोले सेवाग्राहीहरु पनि अन्यौलमा हुनुहुन्छ र कार्यालयमा हामी पनि असमान्जस्य स्थितिथिमा छौँ ।
साउन १ गते बाट अहिले सम्म आइपुग्दा धेरै सुधारहरु भएका पनि छन् । अनलाईन पेमेन्ट गर्न मिल्ने भएको छ । पास भएर पेमेन्ट गरेपछि डिजिटल लाइसेन्स आउने भएको छ । थोरै मात्र डाक्टरहरु सक्रिय भएता पनि केही सेवाग्राहीहरुले मेडिकल सकाएर कार्यालय एप्रुभलको लागि पठाउनु भएको छ । पुरानो सिस्टमबाट लिखित, ट्रायल परीक्षा दिनुभएका सेवाग्राहीहरु नयाँ प्रणालीमा देखिन थालेको छ (केही सेवाग्राहीहरुको स्टेप मिलेको छैन) । अब छिटै हामी नविकरण / प्रतिलिपीका आवेदनहरुलाई भेरिफाई गर्दै यो सेवालाई सूचारु गर्ने चरणमा छौँ । त्यसपछि क्रमशः अन्य सेवाहरु पनि सूचारु हुँदै जानेछन् ।
