28/11/2022
Jobbe med å bekjempe marin forsøpling i Bømlo og Fitjar?
Arbeidsgivar:
Skjærgårdservice AS
Stillingstittel:
Kystrenovatør til Rydd Norge Vestland (Bømlo og Fitjar)
Søknadsfrist:
13.01.23
Ansettelsesform:
Prosjektstilling, 100%: Kystrenovatør – ½ års stilling i perioden 01.03.23- 01.10.23
Presentasjon av stillinga:
Skjærgårdservice AS søkjer etter 2 stk kystrenovatør til profesjonelt kystryddeoppdrag som del av Handelens Miljøfond sitt "Rydd Norge Vestland". Oppdraget handlar om å rydde 40% av ytre kyst for marint avfall innan 2023. Me rydder kysten langs Bømlo og Fitjar.
Dette er ei unik moglegheit til å få jobb som profesjonell strandryddar kor du vil bruke arbeidsdagane dine ute i sol, regn og sjøsprøyt, langs verdas vakraste kyst. Dette er ein fysisk tung og utfordrande jobb, kor du bidreg til å løyse ei av vår tids største miljøproblem; plastforsøpling i havet og marin forsøpling.
Stillinga vil ha ei varigheit fra mars-oktober 2023. Prosjektet utførast med base på Fitjar/Stord.
Arbeidsoppgåver Kystrenovatør:
- Delta på ryddeaksjonar saman med resterande ryddelag.
- Oppgåver knytt til transport av avfall, lasting/lossing i felt
- Halde oversikt over og føre statistikk i felt; rydda område, koordinater, mengde/type og funn for bruk i rapportering
- Bilde-/videotaking i felt.
- Bidra med konstruktive forslag for problemløysing i felt
- Bidra til god HMS
Kvalifikasjonar Kystrenovatør:
- Høg grad av båterfaring.
- Minimum båtførarprøven, maritime kurs utover dette tel positivt
- STCW sikkerheitskurs for sjøfolk og VHF tel positivt
- D6, D5, D5L sertifikat er ikkje eit krav, men tel svært positivt
- Førarkort klasse B, og helst BE. Disponering av eigen bil er ein fordel.
- God fysisk form og ønske om å jobbe ute i all slags vær.
- Løysingsorientert med god praktisk sans.
- Lokalkjennskap for ryddeområdet er ein fordel.
Personlege eigenskapar:
Me leitar etter deg som er ryddig, positiv, påliteleg, med gode kommunikasjonsevnar og som likar å ta i eit tak. Du må vere løysingsorientert og praktisk anlagt, og me ynskjer deg som alltid ser etter forbetringspotensiale og effektivisering i ditt eige og laget sitt arbeid.
Du må ha gode haldingar som er med å bygge eit sunt og inspirerande arbeidsmiljø i teamet. Du må ha gode samarbeidseigenskapar og like å jobbe tett i eit lite samansveisa team.
Me ynskjer deg som har eit engasjement for havet og miljøet, og som brenn for ein reinare kyst!
Me tilbyr:
Me tilbyr ei helt unik og veldig spennande prosjektstilling med meiningsfylte oppgåver og eit sunt arbeidsmiljø. Du vil få ein arbeidskvardag utandørs i felt, på sjøen og i land på holmar og skjær i havgapet.
Dette er ei givande stilling, der du får delta i eit prosjekt for å rydde opp i ei av vår tids største miljøutfordringar – marin forsøpling.
Løn etter avtale.
Pensjonsordning og forsikringar.
Litt om arbeidsgivaren:
Me er eit firma som blei etablert i september 2020. Me jobbar med profesjonell strandrydding og sjøtransport av ulike slag.
Me er for tida 2 fulltidsansatte, men leier også inn personell etter behov.
Me har plukka ca 95 000 kg med marin forsøpling i Sunnhordland til no med hjelp av fondmidlar og bedrifter som har ryddeavtalar med oss.
Me har 3 båtar i ulike størrelsar som me disponerar etter type oppdrag.
Sjekk vår heimeside, Facebook og Instagram for å sjå kva me jobbar med😊
Skjærgårdsservice (skjargardservice.no)
Søknad og CV sendes til [email protected] innen 13.01.2023.
Del gjerne videre
