28/08/2026
Сүүлийн үед евро5 ба энгийн Аи92 бензиний ялгааг их асуугаад бна, товч тайлбар өгье.
Монгол улсын MNS 0217-2017 "Автобензин. Техникийн шаардлага." стандартаар Евро-5 буюу К5 ангиллын АИ92 болон энгийн буюу К2 ангиллын АИ92 автобензиний ялгаа нь юу вэ? гэвэл зөвхөн хүхрийн агууламж болон бензолын агууламжаараа л ялгагдана.
• Октаны тоо 2-лаа яг ижил, тийм учраас Евро-5 хийлээ гээд машин илүү хүчтэй болно гэсэн үг биш,
• Евро-5 нь илүү экологийн стандартын шаардлага хангасан бензин.
• Евро-5-д хүхрийн агууламж 10 ппм хүртэл маш бага бөгөөд хоёрдогч вакуум нэрлэгийн гүн боловсруулалтын бүтээгдэхүүн, иймээс үйлдвэрлэлийн өртөг өндөр, чанар сайжруулагч нэмэлт бодисууд ихтэй, бүрэн шатна, утаа бага, катализатор, хүчилтөрөгчийн мэдрэгч зэрэг яндангийн системд илүү ээлтэй.
Хэт цэвэршүүлсэн бензин тул бүрэн шаталттай, хуурайшсан, ууршилт ихтэй тул зарцуулалт бага зэрэг нэмэгдэнэ, гэхдээ хөдөлгүүр бүрэн чадлаараа ажиллана.
• Евро-5-д бензолын агууламж 1%, бензиний үнэр бага, өнгө маш тунгалаг.
• Найрлага, чанарын стандартын хувьд шаталт илүү тогтвортой, хүрээлэн буй орчинд хорт утааны хаягдал багатай.
Хамгийн гол ялгаа нь октаны тоо яг ижил ч, Евро-5 нь чанар ба найрлагын эко стандартын өндөр шаардлагыг хангасан, хөдөлгүүрийн хэвийн ажиллагаанд ээлтэй бензин байдаг.
Энгийн Аи92-ийн хүхрийн агууламж 100-200 ппм, анхан шатны боловсруулалтын бүтээгдэхүүн, бензолын агууламж 5%. Евро 2, 3 ангиллын хөдөлгүүрт тохирно. Үнийн хувьд харьцангуй хямд.
Бензинд агуулагдах октаны тоо хэмжээ буюу хөдөлгүүрийн цилиндрийн камер доторхи тэсрэлтийг тэсвэрлэх (детонаци) чадварыг илэрхийлсэн тоогоор нэр төрөл, чанар, ангилал ялгагдана
