Auto Expert Mongolia

06/02/2025

№03
Ford 150,000 Bronco-г эргүүлэн татаж буй ГАЙХМААР шалтгаан

Ford Bronco Raptor нь Blue Oval-ийн хамгийн шилдэг бартаат замын жийп хэдий ч хямд өртөгтэй адал явдлыг Badlands болон Sasquatch загваруудаас мэдрэх боломжтой. Гэвч хамгийн сүүлийн үеийн мэдээг харгалзан үзвэл, Ford саяхан илрүүлсэн асуудлаа засах хүртэл та хэт их бартаат замаас зайлсхийх хэрэгтэй болж магадгүй.

Нэгдүгээр сарын дунд үеэр Ford болон АНУ-ын Үндэсний авто замын хөдөлгөөний аюулгүй байдлын удирдах газар (NHTSA) нь 2021-2024 оны хооронд үйлдвэрлэгдсэн хоёр болон дөрвөн хаалгатай Bronco загварын автомашинуудын арын амортизаторын асуудлаас болж бараг 150,000 машиныг эргүүлэн татах шийдвэр гаргасан байна.

Хэрэв та 2020 оны 9-р сарын 30-наас 2024 оны 7-р сарын 23-ны хооронд үйлдвэрлэгдсэн Bronco эзэмшдэг бол жолоочийн хаалганы хүрээ дээрх шошгыг шалгаарай.

Энэ хугацаанд Bilstein компани Ford-д Badlands болон Sasquatch багцтай Bronco загваруудад зориулсан арын амортизаторыг нийлүүлсэн бөгөөд энэ нь End Stop Control Valve (ESCV) системийн нэг хэсэг болох нэмэлт сав (external reservoir)-тай байжээ.

ESCV нь илүү дэвшилтэт шахалт болон тэлэлтийн (compression & rebound) процессыг хангадаг бөгөөд анхдагч цохилтыг дотоод системээр зөөлрүүлж, хэт их шахалтад орохоос өмнө гаднаас нэмэлт хамгаалалт үзүүлдэг.

Bilstein-ийн энэ систем нь амортизаторын биед илүү их тос багтаах боломжтой тул поршенгийн хөдөлгөөнийг уртасгаж, хөөсрөлтөөс сэргийлэх азотын шахуургатай поршенийг гадна байрлуулах боломжийг олгодог.

Асуудал нь амортизаторын их бие болон гадаад савыг суурилуулах фланцын хооронд үүсэх зэврэлтэй холбоотой.

Энэхүү зэврэлт нь зөвхөн амортизаторын тос алдалтад хүргэхээс гадна, нэмэлт сав нь бүрэн унаж, зам дээр бусад жолооч нарт аюул учруулах эрсдэлтэй аж.

Гэхдээ бүрэн эвдрэхээс өмнө асуудлыг анзаарах боломжтой. Хэрэв таны Badlands эсвэл Sasquatch загварын арын амортизатор хэвийн ажиллахаа больсон, эсвэл арын дугуйнуудын ойролцоо тосны гоожилтын шинж тэмдэг илэрч байвал, амортизаторын бэхэлгээний холбоос тасарсан байх өндөр магадлалтай. Ийм тохиолдолд та нэн даруй ойролцоох Ford дилер рүү хандах хэрэгтэй гэж зөвөлжээ.

Одоогоор энэхүү эргүүлэн таталт зөвхөн арын амортизаторуудад хамаарч байгаа ч урд тэнхлэгт мөн адил Bilstein амортизатор ашиглагддаг.

Яагаад зөвхөн арын амортизаторуудад зэврэлт үүсэж байгаа талаар албан ёсны тайлбар гараагүй байгаа ч, бидний таамаглаж буйгаар, арын амортизаторууд нь урд хэсгийнхээс илүү их гадны нөлөөнд өртөж цохилт авдагтай холбоотой.

Мөн Bilstein-ийн энэхүү амортизаторууд Ford-ийн бусад загваруудад ашиглагддаг эсэх, эсвэл ижил төстэй нэмэлт сав бүхий амортизаторуудад зэврэлт, салалтын асуудал гарч байгаа эсэх нь тодорхойгүй байна.

25/08/2023

16/07/2022

Тоёота өөрийн хоёр дахь хамгийн эртний нэрийн хуудас болсон Toyota Crown тансаг седан загвараа 2023 онд SUV эрин үеийн загварт зориулан шинэчилэн танилцууллаа.

Toyota Crown нь 1955 оноос Японд дөрвөн хаалгатай седан хэлбэрээр худалдаалагдаж байгаа LandCruiser (1954)-ийн дараа орсон дахь хамгийн эртний нэрийн хуудас болсон загвар юм.

Загварын түүхэн дэх 16 дахь үеийн Crown нь нэгээс дөрвөн хэв маяг болж өөрчлөгдсөн байна.

27/05/2022

№02
📢2023 оны Toyota 4Runner 40-н жилийн ойд зориулж Limited Edition буюу хязгаарлагдмал загвараа танилцуулжээ.

Уг загвараас ердөө 4040 ширхэг гаргах ба BSM (сохор бүсийн мэдрэгч) болон арын хөдөлгөөн мэдрэгчтэй болох юм байна. Энэ загварт нэмэгдсэн шинэчлэл нь зураг дээрхи 3 өнгийн Рад судал болон 17-н инчийн хүрэл обуд юм. Мөн хамгийн өндөр хүлээлт үүсгээд байсан хөдөлгүүртээ шинэчлэлт хийгээгүй нь уг авто машин сонирхогч хүмүүсийн хувьд тийм ч таатай мэдээ биш аж.

👍Мэдээ таалагдсан бол манай хуудсанд нэгдэж постыг LIKE & SHARE хийж биднийг дэмжээрэй.

18/11/2021

№01
📢Хойд Америкийн Тоёота компани 243,000 ширхэг 2018-2019 оны загварын Toyota Camry седан автомашиныг цахилгаан тоормосны асуудлын улмаас эргүүлэн татхаар болсон байна.

▶️Хойд Америк даяар 238,000 тээврийн хэрэгсэл уг асуудалд өртөөд байгаа аж. Эргэн татсан нийт тээврийн хэрэгслийн 227,400 нь АНУ-д байгаа юм.
Эдгээр машинууд нь жолооч тоормосны дөрөө гишгэхэд цахилгаан тоормосны тусламж үзүүлэх системтэй байдаг. Энэхүү системийн нэг хэсэг дэх тусгай эд ангиуд нь хугацаанаас нь өмнө элэгдэж, тоормосны систем гэнэт алдагдахад хүргэж болзошгүй" гэж үзэж байгаа юм.

▶️Тоёота компаний зүгээс " Цахилгаан бус тоормосны функц хэвийн ажиллах болно." гэж мэдэгджээ. "Гэсэн хэдий ч жолоо барьж байх үед тоормосгүй болох нь осолд өртөх эрсдэлийг нэмэгдүүлдэг."

▶️Тоёота компанийн төлөөлөгч энэ нөхцөл байдалтай холбоотой гэмтэл, осол, нас баралтын талаар автомашин үйлдвэрлэгч мэдэж байгаа эсэх талаар тайлбар өгөхөөс татгалзсан байна. Хэвлэлийн төлөөлөгч мөн сэлбэг нийлүүлэгчийг тодруулахаас зайлас хийв.

▶️Асуудлыг засахын тулд дилерүүд вакуум насосыг шалгаж, уг хэсгийг засах эсвэл шинээр солих бөгөөд асуудалд өртсөн тээврийн хэрэгслийн эздэд нэгдүгээр сард
хариу өгнө гэжээ.

23/05/2021

№6 Шороон замын дэржигнүүр ямар хүчин зүйлээс болж үүсдэг вэ ?

📌Хөдөө нутгийн шороон замаар тоос татуулан давхих сайхан ч овон товон дэржигнүүрээс болж тав тух нэлээд алдагддаг. Манай оронд ихэвчлэн говийн болон баруун аймгуудын нутагт "үнэгүй массаж" хийдэг иймэрхүү замууд олон бий. Иймд та бүхэнд замд дэржигнүүр үүсэх буюу англиар "washboarding" (нидрүүлэг) хэмээх үзэгдэл юунаас шалтгаалж бий болдгийг физикийн ухааны үүднээс тайлбарлаж өгье.

Сул, элсэрхэг хөрстэй газар дахь цардаагүй шороон зам хэзээ нэгэн цагт дэржигнүүртэй болно. Эхлээд хэсэг газруудад жижигхэн овон товон үүсч эхлээд яваандаа замын турш байгалийн хурд сааруулагчууд бий болдог.

Энэхүү үзэгдэл нь дэлхийн хаана ч байдгаас гадна зөвхөн зам дээр биш өөр гадарга дээр ч үүсдэг. Учир нь зөөлөн гадаргуу дээр параллель хүч үйлчлэхэд үргэлж долгион бий болно. Усан дээр чулуу үсэргэж тоглоход үүсдэг долгионуудыг та санаарай.

Дэржигнүүр үүсэхэд машины дугуй мэдээж ихээр нөлөөлнө. Донсолгоо дээгүүр гарах үед амортизатор хүчийг шингээж, дугуйг зам руу буцаан түлхдэг. Ингэснээр сул шороо тодорхой зайнд хуримтлагдаж, дэржигнүүрийг улам томруулдаг аж.

Харин байгаль, цаг уурын талаас нөлөөлдөг хүчин зүйл нь хөрсний төрөл, хур тунадасны хэмжээ юм. Элсэрхэг сул шороо удаан хугацаанд чийггүй байснаас хатуу давхраагүй болж, хэлбэрт орох нь амар болдог. Дэржигнүүртэй зам манай орны бороо хур багатай, говийн нутгуудад их байдгийн шалтгаан нь энэ аж.

⚠Дэржигнүүрийг аль болох бага мэдрэхийн тулд 10 км/цагаас хэтрүүлэхгүй явах, эсвэл 80-90 км/цаг гарган хурдлах хоёр л арга бий.

🚩Дээрх бүгдээс дүгнэхэд шороон зам яваандаа дэржигнүүртэй болох нь тодорхой учраас асфальтан замаар солих л гол шийдэл билээ.

14/05/2021

№5⃣

▶Авто машины дугуйн обуд дээрхи тэмдэг ба түшнийг унших ойлгох нь

Via За Рулём Монгол

26/04/2021

№4⃣

▶Машиныхаа дугуйг азотоор хийлдэг үү ⁉

📌Машины дугуйг азотын хийгээр хийлэх нь энгийн агаар шахахаас илүү ашигтай байж чадах уу? Шатахуунд хэмнэлттэй юу, машины жолоодлогод нөлөөтэй юу, мөн дугуйны эдэлгээг уртасгах уу? Бидний амьсгалж буй агаарын 78 хувь нь азотын хий, 21 хувь нь хүчилтөрөгч, үлдсэн хувь нь ус,нүүрстөрөгч зэрэг бодисууд байдаг. Дугуйгаа цэвэр 100 хувийн азотын хийгээр хийлэх нь зарим нэг давуу талтай.

Азот нь хүчилтөрөгчийг бодвол резинээр нэвтэрч гарах нь бага тул дугуй хийгээ удаан хадгалана гэсэн үг. Мөн азотын хийгээр хийлсэн дугуй дулааны хэм болон даралтын өөрчлөлтийг сайн тэсвэрлэдэг болохоор машины уралдаанд өргөнөөр хэрэглэдэг. Та салхи татуулан давхиж, огцом эргэлт хийх дуртай бол дугуйгаа азотын хийгээр хийлүүлэхээ мартав аа.

Нийтийн унаа, холын замд явах машины дугуйг азотын хийгээр хийлэх нь аюулгүйн талаасаа ч мөн ашигтай. Учир нь азотын хийгээр хийлэх нь дугуйнд чийг буюу ус оруулахгүй байх сайн талтай. Азотын хийгээр хийлэхдээ хүчилтөрөгчийг бүрэн гаргахын тулд олон удаа хийлдэг тул ус чийгийг ч мөн гүйцэд гаргаж чаддаг байна. Тэгвэл дугуйнд ус чийг орох нь ямар хор уршигтайг та бүхэн сайн мэдэх биз ээ. Наанадаж метал обуданд зэврэл үүсгэнэ. Хурдан давхих, огцом эргэлт хийх үед дугуйн доторх ус чийг нь хуурай агаараас хурдан халдаг тул дугуй амархан хагарах аюултай.

Машинаараа бага зэрэг хурдтай давхиж байгаад замаас гарч зогсоод дугуйныхаа хийн бөглөөг онгойлгон эрхий хуруугаараа дарж үзээрэй. Хуруу тань чийгтэй болсон байвал дугуйнд ус байна гэсэн үг. Дугуйг хийлэх үед ус чийг хамт орох нь тун амархан. Мөн дугуйгаа хийлэхийн өмнө халуун наранд дор хаяж цаг байлгах хэрэгтэй гэж зөвлөдөг.
Азотын хийгээр дугуйгаа хийлэх нь мэдээж харьцангуй үнэтэй. Гэхдээ машины тань дугуй хийгээ удаан барина, дугуй засварын зардлыг багагүй хэмнэнэ, мөн машины шатахуун зарцуулалтыг ч бага зэрэг багасгах давуу талтай. Хамгийн гол нь аюулгүй байдлын баталгаа тань тодорхой хувиар нэмэгдүүлэх юм.

Мэдээ таалагдсан бол манай пэйжид нэгдэж LIKE/SHARE хийгээрэй.

15/04/2021

№3⃣

📌Limited-Slip Differential (L*D) буюу Хязгаарлагдмал эргэлттэй Дифференциал гэж юу вэ ?

Энэ төрлийн дифференциал нь энгийн нээлттэй болон түгжигддэг төрлүүдийн хосолсон хувилбар гэж хэлж болно. Ихэнх нөхцөлд нээлттэй төрөл шиг ажиллаж, гулгамтгай зам дээр өөрөө автоматаар түгжигддэг. Түгжээ нь тусгай шингэнт буюу виско төрлийн, авцуулах холбоо эсвэл арааны тусламжтайгаар түгжигддэг.

Цэвэр механик limited-slip дифференциал нь хариу үйлдэл үзүүлэхдээ маш сайн байдаг. Гэхдээ энэ төрлийн дифференциал дугуйнд гулгалт үүсэхээс нааш түгжигддэггүй.

Ийм төрлийн дифференциал ихэвчлэн спорт суудлийн (уралдааны зориулалттай) машинд суурьлагдсан байдаг. Манай нөхцөлд Оффрөүд буюу бартаат замын машинд суурьлуулах нь элбэг.

22/03/2021

№2

CAR AUCTION SHEET гэж юу вэ ?

📌Та авто машин худалдан авахдаа үнэлгээнийн хуудсийг шалгаж авдаг уу ?

Манай улсад импортоор орж ирдэг ихэнхи машин Япон улсаас ирдэг гэвэл үнэнээс нэг их хол зөрөхгүй биз. Японд авто машин эзэмшигч нь өөрийн авто машинаа дуудлага худалдааны компаниар дамжуулан гурав дахьч этгээдэг худалдаалдаг. Уг дуудлага худалдаанд дэлхийн өнцөг булан бүрээс тухайн авто машиныг авахыг хүссэн мянга мянган хүмүүс цаг дуусах хүртэл хэн хамгийн өндөр үнэ амлана тэр хүн авдаг жамтай.

Авто машиныг дуудлага худалдаанд оруулахын өмнө авто үнэлгээчин тухайн тээврийн хэрэгсэлийн бүрэн бүтэн байдал, гадна өнгө үзэмж, явсан километрийн заалт, сэв зураас гээд бүхий л талаар сайтар шинжэж тухайн авто машинд үнэлгээ тогтоож АВТО ҮНЭЛГЭЭНИЙ ХУУДАС-т тэмдэглэнэ үлдээдэг.

Ерөнхий үнэлгээг тоо ашиглана тэмдэглэдэг:

S- Үйлдвэрлэснээс хойш 12 сар (1жил) болоогүй мөн 10000км хүртлэх гүйлттэй. Шинэ машинтай ижил

6-Үнэлгээ (Үйлдвэрлэснээс хойш 36 сар (3жил) болоогүй мөн 30000км хүртлэх гүйлттэй. Шинэ машинтай ижил

5-Үнэлгээ (50000км-ээс ихгүй гүйлттэй . Бага зэрэг зураастай байж болно)

4.5-Үнэлгээ (100000км-с ихгүй гүйлттэй. Бага зэрэг косметик засвартай)

4-Үнэлгээ (150000км-ээс ихгүй гүйлттэй. Гадна тал бага зэргийн хонхорхойтой)

3.5-Үнэлгээ (Нэлээд сэв, хонхор, зураастай, кузов засуулах шаардлагатай, салон толботой, бохир, тамхины галд түлэгдсэн эсвэл эдгээр дефект байхгүй ч 150000км-ээс их гүйлттэй)

3-Үнэлгээ ( Дээрхтэй адил боловч илүү дефекттэй эсвэл их гүйлттэй)

2-Үнэлгээ (Техник үзүүлэлт маш муу)

1-Үнэлгээ (Муу машин,усанд авахуулсан, мөндөрт цохиулсан,шатаж байсан, ослын дараа засагдсан)

RA-Үнэлгээ (Осолд орсон ч сайн зассан, Үндсэн эд ангиудад гар хүрээгүй)

R-Үнэлгээ (Илүү ноцтой осолд орсон, засварласан)

*** - Үнэлгээтэй машин ихэвчлэн маш ноцтой гэмтэлтэй байдаг. Хөдөлгүүр ажилгаагүй болж таг зогссон гэх мэт

Дотор салоны үнэлгээг латин үсгээр тэмдэглэдэг:

A- Шинэ, ямарч сэвгүй

B- Бага зэргийн бохирдолтой. Хөнгөн цэвэрлээд шинэ мэт болно

C- Дунд зэргийн салон бохирдол ихтэй, тамхины түлэгдэлтэй, шрубны нүхтэй, цэвэрлэх шаардлагатай

D- Маш бохир муу салон. Гүн цэвэрлэгээ хийх шаардлагатай

E- Маш их бохирдолтой, үнэр орж муудсан

Одоо бүгдээрээ кузов дээрхи сэвийг хэрхэн тэмдэглэдэг мөн ямар утга агуулдаг болохийг харцгаая

A, B - Зураас
E буюу U - Хонхор
S -Зэв
Y - цоорхой
W, P – будаг ховхорсон
X – солих шаардлагатай эд анги
XX – солигдсон эд анги
Энэ үсэгнүүдийн ардах тоогоор дефектын зэрэглэлийг ялгадаг