https://www.facebook.com/573909302778022/

Yangon Car News, mingalar taung naunt tw, Yangon (2026)

13/08/2026

မကွေးတွင် သက်တမ်းလွန် မော်တော်ယာဥ်များကို သက်တမ်းတိုးပေးမည်
---------------------------
မကွေးတိုင်းဒေသကြီးမှာ ငါးနှစ်နဲ့ အထက် သက်တမ်းလွန် မော်တော်ယာဥ်တွေကို သတ်မှတ်စည်းကမ်းချက်တွေနဲ့ အညီ ပြန်လည်စိစစ်ပြီး ဒဏ်ကြေးတွေပေးဆောင်စေကာ မှတ်ပုံတင် သက်တမ်းတိုးဆောင်ရွက်ပေးမယ်လို့ မကွေး တိုင်းဒေသကြီးအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးဆန်းညွန့်အောင်က ပြောပါတယ်။

ဩဂုတ်လ ၁၁ ရက်က ကျင်းပတဲ့ တတိယအကြိမ် မကွေးတိုင်းဒေသကြီးလွှတ်တော် တတိယပုံမှန်အစည်းအဝေး ဒုတိယနေ့မှာ မင်းလှမဲဆန္ဒနယ် အမှတ် ၂ တိုင်းဒေသကြီး လွှတ်တော်ကိုယ်စားလှယ် ဦးနိုင်မင်းသူ မေးမြန်းတဲ့ ငါးနှစ်နဲ့အထက် သက်တမ်းလွန်ကာ မှတ်ပုံတင်ပယ်ဖျက်ခံရတဲ့ မော်တော်ယာဥ်တွေကို ပြန်လည်စိစစ်ပြီး ဒဏ် ကြေးလျှော့ပေါ့သက်တမ်းတိုးပေးဖို့ အစီအစဥ်ရှိ/ မရှိ မေးခွန်းနဲ့ပတ်သက်ပြီး ဦးဆန်းညွန့်အောင်က အခုလိုပြန် လည်ဖြေကြားလိုက်တာပါ။

ငါးနှစ်နဲ့အထက် သက်တမ်းလွန် မော်တော်ယာဥ်တွေကို သတ်မှတ်စည်းကမ်းတွေနဲ့အညီစိစစ်ပြီး ယာဥ်ငယ်ကို ဒဏ်ကြေး ကျပ် ၂၅,၀၀၀ နဲ့ ယာဥ်ကြီးကို ဒဏ်ကြေး ကျပ် ၅၀,၀၀၀ ပေးဆောင်စေကာ မှတ်ပုံတင်သက်တမ်းတိုး ဆောင်ရွက်ပေးမယ်လို့ ဦးဆန်းညွန့်အောင်က ပြောပါတယ်။ လက်ရှိအချိန်မှာ မကွေးတိုင်းဒေသကြီးအတွင်း မော်တော်ယာဥ် ၂၂၄,၈၅၉ စီး မှတ်ပုံတင်ထားတယ်လို့ မကွေးတိုင်းဒေသကြီးအစိုးရအဖွဲ့ကနေ သိရပါတယ်။
Copy

30/07/2026

🚗 "ကားအပွား" ပြဿနာအတွက် QR Code အသစ် ပြန်လည် ထုတ်ပေးတော့မည်

● ဆီဆိုင်မှာ သွားရောက်တန်းစီပြီး scan ဖတ်လိုက်တဲ့အခါ "ဆီဖြည့်ပြီးသား" ဆိုတဲ့ စာသား ပေါ်လာခဲ့လို့ ကားပိုင်ရှင်အစစ်တွေ အလွန် ဒုက္ခရောက်ခဲ့ကြရတဲ့ "ကားအပွား" ပြဿနာနဲ့ ပတ်သက်ပြီး ဖြေရှင်းနိုင်မယ့်နည်းလမ်းတစ်ခုပေါ်လာပါပြီ။ မိမိပိုင် ယာဉ်နံပါတ်၊ ယာဉ်လိုင်စင် (Wheel Tax) များကို အခြားသူများမှ "ပုံတူပွား" ၍ မသမာသောနည်းလမ်းဖြင့် စက်သုံးဆီ ခိုးထုတ်ဝယ်ယူခြင်း ခံရသည့် ယာဉ်ပိုင်ရှင်များအတွက် စက်သုံးဆီဝယ်ယူခွင့် QR Code အသစ် ပြန်လည် ထုတ်ပေးရေး လုပ်ငန်းစဉ်များကို စတင် ဆောင်ရွက်ပေးတော့မည် ဖြစ်ပါတယ်။

● အရင်က ကားအပွားစီးခံရပါက ယာဉ်ထိန်းရုံးနှင့် DIO အဆင့်ဆင့်သို့ သွားရောက်တိုင်ကြားကာ ဖြေရှင်းခဲ့ကြရသော်လည်း အခုအခါတွင် ရေနံထွက်ပစ္စည်း ကြီးကြပ်စစ်ဆေးရေး ဦးစီးဌာန (တိုင်း/ပြည်နယ် ရုံးများ) သို့ အောက်ပါ အထောက်အထား (၅) မျိုးနှင့်အတူ လျှောက်ထားရမည် ဖြစ်ပါတယ် -

👉 ကညန (RTAD) ရဲ့ ထောက်ခံချက်မူရင်း
👉 ယာဉ်မှတ်ပုံတင် သက်သေခံလက်မှတ် မိတ္တူ (Colour)
👉 ယာဉ်ပိုင်ရှင်၏ မှတ်ပုံတင် မိတ္တူ (Colour)
👉 ယာဉ်ပိုင်ရှင်၏ နေရပ်လိပ်စာနှင့် ဆက်သွယ်ရန် ဖုန်းနံပါတ်
👉 မသမာ ဆီဝယ်ယူခံခဲ့ရသည့် အထောက်အထား (ရက်စွဲ၊ အချိန်၊ ဆိုင်အမည်)

● အထောက်အထားများနှင့် လျှောက်ထားပြီးပါက စိစစ်ပြီးသည်နှင့် QR Code အသစ် ထုတ်ပေးမည်ဖြစ်ပြီး QR အသစ် ရရှိပြီးပါက ယခင် Barcode နှင့် QR Code ဟောင်းများ (မသမာသူများ ကိုင်ဆောင်ထားသည့် QR) ဖြင့် ဆီဝယ်ယူခွင့် ရရှိတော့မည် မဟုတ်ဘဲ အသစ်ရရှိသည့် QR ဖြင့်သာ ရရှိမည် ဖြစ်ပါတယ်။

● ကားပွားစီးခြင်းသည် ရာဇသတ်ကြီး ပုဒ်မ ၄၆၈/ ၄၇၁၊ မော်တော်ယာဉ် စီမံခန့်ခွဲမှု ဥပဒေ ပုဒ်မ ၉၅ နှင့် ပို့ကုန်သွင်းကုန် ဥပဒေ ပုဒ်မ ၈ တို့အရ ထောင်ဒဏ်များအပြင် ကားပါ ပြည်သူ့ဘဏ္ဍာ သိမ်းခံရမည့် ရာဇဝတ်မှု ဖြစ်ပါတယ်။ မိမိကားတွင် အပွား ရှိ၊ မရှိ စစ်ဆေးရင်း မသမာသူများ၏ ခိုးယူမှုကို ခံထားရပါက အထက်ပါ အထောက်အထားများနှင့်အတူ QR Code အသစ် ပြန်လည် လျှောက်ထားပါ။

Copy

17/07/2026

ဘာသာရေးစော်ကားမှူတွေထိ ရှိလာတဲ့ Grab Taxi

ကားနံပါတ်.GG-4749
နာမည်. Zaw Tun Aung

သူ့သမီးးအရွယ်လောက်ဘဲရှိတဲ့မိန်းကလေးတစ်ယောက်ကိုကားပေါ်လော့ချပီးးဘာသာရေးးနဲ့ဆဲဆိုကြိမ်မောင်း

ကျောက်မြောင်းကနေ မြယာကုန်း ဂမုန်းပွင့်ကိုသွားမလို့ grab ခေါ်ပါတယ်။ 6600 ks ကျပါတယ် ..ကားခေါ်ပီးတာနဲ့
cb မှာ kpay ယူပေးပါဆိုတဲ့စာလေးပို့ခဲ့ပါတယ်
ခနနေတော့ကားရောက်လာပါတယ်

ကားပေါ်တက်တာနဲ့ ဦးလေးရေသမီးကို kpay လေးယူပေးပါနော်လို့ ချိုချိုသာသာပြောခဲ့ပါတယ် စပြောထဲကနေ
မယူပေးနိုင်ဘူး။ကေပေးလည်းမသုံးးဘူး စေ-ာက်ရုးတွေဘဲ kpay သုံးတာလို့ပြန်ဖြေခဲ့ပါတယ်

လူကြီးမို့စိတ်အခန့်မသင့်လို့နေမှာပါဆိုပီးး ဘာမှပြန်မပြောခဲ့ပေမယ့်ပိုက်ဆံမမပါဘဲ နင်တို့ကအပြင်ဘာထွက်လုပ်လဲဆိုပိးးပြောပါတယ်

ညီမဖက်ကလည်း မဟုတ်ဘူးဦးးလေး ခုနောက်ပိုင်းက တော်တော်များများက ကေပေးးဘဲသူံးကြတယ်ဆိုပီးးပြန်ပြောခဲ့တယ်

သူ့ဘက်ကလည်း အာ့ဆိုအဲ့ကောင်တွေကားးကိုငှားစီးးငါ့ကားးကငါ့သဘော စေ-ာက်ပေါက်မချောင်နဲ့
လို့ပြောခဲ့ပါတယ် 6600ကိုလည်းရှိတဲ့အကြွေနဲ့ပေးခဲ့ပါတယ်
ပိုက်ဆံယူပီးးတော့လည်းး

(ရှိရဲ့သားနဲ့စောက်လုပ်ကိုရှုပ်တယ် စေ-ာက်ကုလ-ားမ ဆိုပီးးပြောပါတယ်
‌
စေ-ာက်ကုလားးမ ခေါင်းပေါင်း ပေါင်းပီးး အပြင်ထွက်
စေ-ာက်ပြသာနာလိုက်ရှာနေတယ် အဲ့တာကြောင့်နင်တို့ကုလ-ားမျိုးရိုးးတွေက လူရာမဝင်ဘဲ တစ်ကမ္ဘာလုံးရဲ့ချဉ်ဖက်ဖြစ်နေတာဆိုပီးးအော်ကြီးဟစ်ကျယ်ပြောပါတယ် )

ညီမကတော့အဲ့ထဲကနေသိလိုက်ပီ ဒီလူကဦးနှောက်ဂုတ်ကပ်ပီးး အရင်ခေတ်အတွေးးတွေနဲ့ ဘာသာရေးမုန်းတီးးတဲ့သူဆိုတာ

ညီမကလည်းးးမီးပိွုင့်မိ‌ေနချိန်

ဦးလေးးရေသမီးးကိုကားရပ်ပေးပါ ဒီမှာဆင်းလိုက်တော့မယ် ပိုက်ဆံလည်းပြန်မယူဘူး ဆိုပီးးပြောပီးး ကားတံခါးဖွင့်မယ့်အချိန် သူ့ဖက်ကနေ တခါးလော့ကိုချထားးးပီးးး
ဘက်မှန် ကနေ
(Shut up. Shut up. Shut up. Shut up နင့်စေ-ာက်ပါးစပ်ပိတ်ထားး
စေ-ာက်ကုလ-ားမ
စေ-ာက်လက်ကိုချထားးး

ငါ့ကားပေါ်ရောက်လာရင်ငါ့တာဝန်ပီးအောင်ပို့ရမှာ ‌‌ေစာက်ပါးစပ်ပိတ်ထားဆိုပီးး )ကားးတံခါးကိုလော့ချကာ ကားပေါ်မှာအော်ကြီး ဟစ်ကျယ်ဆဲဆိုပါတယ်

ညီမလည်းကြောက်ကြောက် နဲ့ မီးပွိုင့်က အထွက်။အကွေ့နေရာမှာ ကားပေါ်က ခုန်ချခဲ့ပါတယ် ကံကောင်းလို့ ခြေထောက်ဘာညာမကျိုးးတာ အဲ့အချိန်မှကားရပ်ပေးပါတယ် ပိုက်ဆံလည်းပြန်မယူခဲ့ပါဘူးး

ကားပေါ်ကဆင်းတော့ အနီးနားက ဦးလေးကြီးးတွေက သမိးးဘာဖြစ်တာလဲဆိုပိးးအနားပြေး‌လာပီးမေးကြပါတယ်

သူ့သမီးးအရွယ်လောက်ဘဲရှိတဲ့မိန်းကလေးတစ်ယောက်ကိုကားပေါ်လော့ချပီးးဘာသာရေးးနဲ့ဆဲ ဆိုကြိမ်မောင်းးး တော့ အကြောက်လွန်ပီးး လမ်းမအလယ်မှာဘဲ ဘာမှပြန်မဖြေနိုင်ဘဲအော်ငိုချမိပါတယ်

ဒါတွေအားလုံးကိုလည်းး ညီမဆင်းတဲ့နေရာနဲ့ခပ်လှမ်းလှမ်းမှာနေပီးး၁၅ မိနစ်လောက်ညီမကိုစောင့်ကြည့်နေပါတယ်

ကူညီပေးတဲ့ဦလေးတွေကသူ့ကိုလှမ်းကြည့်မှ ကားမောင်းပီးထွက်သွားးးပါတယ်
ညီမလည်း မိနစ်၃၀ လောက်နေမှ ကားထပ်ငှားပီးပြန်လာခဲ့ပါတယ်

ဒါကတော့ဖြစ်စဉ်အကုန်ပါ

ပြောချင်တာက လုံခြုံချင်လို့ safe ဖြစ်ချင်လို့ grab ခေါ်တာပါ ခုလိုကြီးးက နောက်ဆိုတော်တော်စဉ်းစားရမယ် grab သုံးးဖို့ကို

kpay. မယူပေးတာကိုလက်ခံတယ် မယူပေးတဲ့ ကားဆရာတွေရှိရင်ဘည်းအပြင်ကနေထုတ်ပေးပီးး အမြဲအဆင်ပြေအောင် လုပ်ခဲ့ပါတယ် ဒါပေမယ့် ..သူ့ဘာသာဘယ်နေရာမှာ ဘယ်အဆင်မပြေလာလဲမသိဆေးဘဲ‌ေကြာင်နေတာလားမသိ ..ကားပေါ်မှာလက်ညိုးထိုးးအော်ဟစ်ဆဲဆိုပီးး ကားပေါ််ကပေးမဆင်းတာကိုလက်မခံတာ

ကားပေါ်ကဆင်းပီးးတာတောင် မသွားသေးဘဲ ရပ်စောင့်နေတာ ကိုယ်သာချက်ချင်း ပြန်မိရင်
အနောက်ကလိုက်လာမှာလား?
ကိုယ်ထိလက်ရောက်လုပ်မို့ စာင့်နေတာလားး?
ကိုယ့်သားသမီးးအရွယ်မိန်းကလေးတစ်ယောက်ကိုဘယ်လိုစိတ်နဲ့များး
ဘာသာရေးးနဲ့ဆဲဆိုရတာလဲ?
Grab ကားဆက်စိးဖို့ကောလုံခြုံသေးရဲ့လား?
ဘာသာခြားဆိုရင်ကော ကားမစီးးရဘူးလား?

ခါးပိုက်နှိုက်က‌ ကြောက်လို့ grab စိးးပါတယ်ဆို
လူရိုင်း‌ေတွနဲ့တွေ့ရင် တကယ်ကြောက်ဖို့ကောင်းးတယ် ကိုယ်ကတော့ကြုံလိုက်ပီ တကယ်ကြောက်သွားပီ🥲

ကျန်တဲ့မိန်းကလေးတွေကိုအထူးသတိထားးစေချင်လိူ့တင်ရခြင်းးပါ 😢
Copy

01/07/2026

တရားမဝင်မှုက တရားဝင်မှုကိုစိန်ခေါ်လာသောအခါ (သို့)
စည်းကမ်းမဲ့ဆိုင်ကယ်ဘေးတွဲများ

ကျွန်တော်တို့ ကားတစ်စီး လမ်းပေါ်မောင်းဖို့ဆိုတာ လွယ်ကူလှတာမဟုတ်ပါဘူး။ နိုင်ငံတော်ကို ပေးဆောင်ရမယ့် ဘီးခွန်၊ ကုန်းလမ်းပို့ဆောင်ရေး ဥပဒေနဲ့အညီ အခွန်အခတွေ စနစ်တကျဆောင်ပြီးမှ လမ်းပေါ်တက်ကြရတာပါ။ ယဉ်မောင်းလိုင်စင်ရဖို့အတွက်လည်း ယဉ်စည်းကမ်း၊ လမ်းစည်းကမ်းတွေကို စနစ်တကျ သင်ယူ၊ ဖြေဆိုပြီးမှ စည်းကမ်းရှိရှိ မောင်းနှင်နေကြတာ ဖြစ်ပါတယ်။

ဒါပေမဲ့ ဒီနေ့ လမ်းမတွေပေါ်မှာ ဘာတွေမြင်တွေ့နေရပါသလဲ?

ဆင်းရဲနွမ်းပါးသူတွေရဲ့ အလုပ်အကိုင်အခွင့်အလမ်းနဲ့ ဝမ်းရေးအတွက်ဆိုပြီး ဥပဒေကို လက်တလုံးကြားလုပ်ပြီး ဘေးတွဲဆိုလိုင်စင်မဲ့လည်းမဖမ်းဘူးဆိုတဲ့ ပါးစပ်မိန့်လားမသိ၊ ညွှန်းကြားချက်လားမသိတဲ့ ဥပဒေအပေါ်ကခွင့်ပြုခဲ့တဲ့ "ဆိုင်ကယ်ဘေးတွဲ" တွေဟာ အခုဆိုရင် လမ်းမတွေပေါ်မှာ ကြီးစိုးလာနေပါပြီ။ နောက်ဆုံးပြည်သူရဲ့အသံဆိုပြီး လွှတ်တော်ထဲထိအောင်ရောက်ခဲ့ပါပြီ (ပြည်သူ့အသံ ဥပဒေမဲ့ပြည်သူ့အသံကိုတော့ လွှတ်တော်ထဲထိနောက်ထပ်မယူမိစေဘို့ဂရုစိုက်ရပါမယ်)။ သူတို့က ယခင်ကလို အားကိုးတကြီးနင်းရတဲ့ လူနင်းဆိုက်ကား "အနှေးယဉ်" အမျိုးအစားတွေ မဟုတ်တော့ပါဘူး။

သူတို့ကို တည်ဆောက်ထားတဲ့ ပစ္စည်းတွေက သံဟင်ကလန်တွေ၊ ချွန်ထက်တဲ့ L ပုံသံပြားတွေ ဖြစ်ပါတယ်။ မတော်တဆထိမိရင်လည်း သူတို့က ဟင်ဂလန်နှစ်ပေလောက်ပြန်ဖြတ်ဆက်လိုက်ရင်ကိစ္စပြီးပါတယ်။ ဒါမှမဟုတ် လမ်းပေါ်က လူတစ်ယောက်ကို တိုက်မိရင် ခြေသလုံးရိုးပါ ပြတ်တောက်သွားနိုင်လောက်တဲ့အထိ အင်မတန် အန္တရာယ်များတဲ့ သံထည်တွေတွေပါ။ ဒီလို ပြင်းပြင်းထန်ထန် မောင်းနှင်နိုင်တဲ့ ယာဉ်တွေကို မောင်းနေသူအများစုက လမ်းစည်းကမ်းကို နားမလည်ကြသလို၊ ယာဉ်မှာလည်း အန္တရာယ်ကင်းရှင်းရေးအတွက် အခြေခံအကျဆုံးဖြစ်တဲ့ ဘရိတ်စနစ်၊ အချက်ပြမီး (Signal) တွေ ပြည့်စုံစွာ ပါရှိမနေပါဘူး။

"မြန်မာ့ဥပဒေရဲ့ မှားယွင်းနေတဲ့ အားနာတတ်မှု"
အဆိုးဆုံးကတော့ မြန်မာပြည်ရဲ့ ယာဉ်တိုက်မှုဥပဒေ သက်ရောက်ပုံက "အားနည်းတဲ့သူ (သို့) ယာဉ်အသေးသမားက မှန်မှန်မှားမှား အမှန်ဖြစ်နေတတ်ခြင်း" ပါပဲ။ စည်းကမ်းမဲ့ မီးပွိုင့်ဖြတ်တယ်၊ လမ်းပြောင်းပြန်မောင်းတယ်၊ အချက်ပြမီးမပါဘဲ ကွေ့ချင်သလိုကွေ့တယ်၊ ပြီးရင် "ဆင်းရဲလို့ပါ၊ ဝမ်းရေးမို့ပါ" ဆိုတဲ့ ဆင်ခြေနဲ့ မတော်တဆဖြစ်ခဲ့ရင်ဘယ်သူမှားမှား ကားကလျော်ဆိုတဲ့ လမ်းမပေါ်က ကျီးကန်းတွေရဲ့ဥပဒေနဲ့ဝိုင်းအာပြီး အန္တရယ်ပေးကြကြပါတယ်။

ဒီလိုနဲ့ပဲ ဥပဒေအရ အခွန်ဆောင်၊ စည်းကမ်းလိုက်နာပြီး လမ်းပေါ်မောင်းနှင်နေတဲ့ ယဉ်မောင်းတွေမှာသာ နေ့စဉ်နဲ့အမျှ ကြုံနေရတဲ့ အန္တရာယ်တွေ၊ မလိုလားအပ်တဲ့ ပြဿနာတွေကို ရင်ဆိုင်ဖြေရှင်းနေရပါတယ်။

တစ်ဖက်သားရဲ့ ဝမ်းရေးနဲ့ အလုပ်အကိုင်ကို စာနာရမှာမှန်ပေမယ့် ဥပဒေစိုးမိုးမှုနဲ့ လမ်းမပေါ်က အများပြည်သူ အသက်အိုးအိမ်နဲ့ လုံခြုံရေးကိုတော့ အလဲအထပ် မလုပ်သင့်ပါဘူး။ ညှာတာမှုကနေတစ်ဆင့် ပရမ်းပတာဖြစ်မှုတွေ ဖြစ်မလာစေဖို့၊ ဆိုင်ကယ်ဘေးတွဲတွေရဲ့ ယဥ်တည်ဆောက်ရာမှာလိုက်နာရမယ့်စည်းကမ်းနဲ့ ယဉ်စည်းကမ်းကို ထိရောက်စွာ အရေးယူ ထိန်းကျောင်းပေးဖို့ အချိန်တန်ပါပြီ။

#လမ်းစည်းကမ်း #ယာဉ်အန္တရာယ်ကင်းရှင်းရေး #ဥပဒေစိုးမိုးမှု

05/06/2026

YGN ကားများ လိုင်စင်သက်တန်းတိုးလျှင် ပြစ်မှုကင်းရှင်းကြောင်း သက်သေခံစာရွက် တင်ပြရမည်

ယာဉ်သက်တမ်းတိုးရန်အတွက် "ပြစ်မှုကင်းရှင်းကြောင်း" သက်သေခံစာရွက် ထုတ်ယူရမည့်နေရာများ

မိမိယာဉ်ကို သက်တမ်းတိုးမည်ဆိုပါက ပြစ်မှုကင်းရှင်းကြောင်း သက်သေခံအထောက်အထား (စာရွက်စာတမ်း) ကို အောက်ပါနေရာများတွင် ထုတ်ယူရပါမည်။

(၁) ပုဇွန်တောင်မြို့နယ်: အမှတ် (၂) ယာဉ်ထိန်းရဲတပ်ဖွဲ့ခွဲမှူးရုံး၊ မှုခင်းစစ်ဆေးရေးဌာန။

(၂) ကုန်းလမ်းပို့ဆောင်ရေး ညွှန်ကြားမှုဦးစီးဌာန (ကညန) ရုံးများရှိ One Stop Service များ:

မြင်သာ
အင်းစိန်
ဒဂုံတောင်
ရွာသာကြီး (ဒဂုံအရှေ့)
သန်လျင်

ထုတ်ပြန်သူ: ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီ

Credit

04/06/2026

ကားဈေးကျပြီးလာ?
မင်းတို့ပြောတော့ ကားဈေးမကျဘူးဆို 28.5.2026မှ4.6.2026 အထိကားအရောင်းအဝယ်မဖြစ်တော့ပါ
ကားပွဲစားတန်းတွင်
ကားဝယ်မည်ဆိုသူများသည်လဲ အမှန်တစ်ကယ်ကားလာဝယ်သူများမဟုတ်ပါ ကားဝယ်မယ်ပြောပြီး ကားဈေးစုံစမ်းသူများဖြစ်ကြပြီး ယခင်
အရောင်းမရှိသလောက်ရှားပါးနေသော Toyota fielder taxi. ကား
ရန်ကုန်ကား 2001 မှ 2004 model
အထိ သူထက်ငါအပြိုင်အဆိုင် online ပေါ်တင်ရောင်းလာကြပြီး ထိုသို့ရောင်းသူများနှင့်
ကားပွဲစားများအဆိုအရ အရည်ကျိုရမည်အထဲတွင် taxiများမပါ ဟုပြောစဆိုနေကြပြီး model.နိပ် အိမ်စီးကားအများစုသည်လဲ ယခင် 650သိန်းတန်ကားများကို ဝယ်ရောင်းများထံကားအ‌ရောင်းလာစပ်ကြသည်မှာ mitsubishi /mark 2 /Passo/probox /500/550ဖြစ်လာအရောင်းစပ်ကြပြီး ကားဝယ်ရောင်းအများစုသည်ဒီရက်ပိုင်း ကားအဝယ်ရပ်ထားကြပြီးလက်ထဲရှိနေသည်ကားများကိုသာအ
မြန်ရောင်းရန် online တင်ချင်း ပွဲစားများထံပွဲခ 3%ပေးမည် ဆိုကာအရောင်းအပ်ခြင်းများသာပြုလုပ်နေကြပါသည်

(အဝယ်နဲ့အရောင်း လွန်ဆွဲချင်)
ကားဝယ်ယူမည်သူများသည်လည်း
အစိုးရမူဝါဒ ကိုနားစွင့်နေရင်း
ကားဈေးအကျကိုမျော်နေသလို
အရည်ကျိုကိုင်ထားကြသောဝယ်ရောင်းအများစုနှင့် showroom များသည်လဲ အမျိုးစုံသော အရောင်းမြင့်တင်နေကြပါသော်လည်းအရောင်းအဝယ်ကိုမရှိသလောက်ဖြစ်နေပါသည်
ရန်ကုန်taxiအများစုသည်
မြို့တော်အင်္ဂါရပ်နှင့်မကိုက်ညီတော့ဘဲ
Modelနှိပ်ကားများဖြစ်ကြပြီး ယာဉ်ကြံ့ခိုင်မှူ့အား အနည်းဆုံးကားများပြပါဆိုလျှင်ရန်ကုန် CNG taxi များဖြစ်သောကြောင် အရည်ကျိုအပ်သည်နေရာတွင် CNG /နှင့် ရိုးရိုးtaxiကားများရောထွေးမှူ့မရှိရလေအောင် လာမည့်
၁.၆.၂၀၂၆ တွင်CNGသက်တန်းတိုးလျှင်
အုံနာဘုတ်တွင်CGNတုံးမပါလျှင် သက်တန်မတိုးပေးတော့ပါ ဟုကြော်ငြာထားသည်ကိုလည်းတွေရှိရပါသည်
လာမည်နှစ်တွင် နာမည်ပျက်နေသည့်ရန်ကုန်taxiများအပြောင်းအလွဲဖြစ်လာတော့မည်ဟုကြားသိရပါသည်
Model.အမြင့်ကိုင်ထားကြသူများအပျော်ကြီးပျော်ပြီး ဈေးအမြင့်ဆုံးခေါ်ကာ ငုပ်တုပ်ထိုင်နေကြပါသည် မှန်းချက်နှင့်နှမ်းထွက်မကိုက်လိုပါ modelအမြင့်ကိုင်ထားသူများသည် model အနှိပ်အရည်ကျိုကားများ အရည်ကျိုလိုက်ရင်ငါတို modelအမြင်ကားတွေတော့ဈေးတက်ပြီးအရောင်းအဝယ်ဖြစ်တော့မည်ဟုမှန်ထားသောလည်းမေးသူမရှိ
အဝယ်မရှိ showroom အများစုမှစုံစမ်းသိရှိရပါသည်

စိုးသန်းကန်တော်ရိပ်

04/06/2026

မနက်ဖြန် က စ သတိထားစေချင်🙄(ဥပဒေသစ်တွေထုတ်လိုက်ပြီနော်....)

အားလုံးဆင်ခြင်နိုင်ကြပါစေ...

#ယာဉ်နံပါတ်မထင်ရှား = ကျူးလွန်သည့်ပုဒ်မ(၈၄-က)။ အရေးယူသည့်ပုဒ်မ-၉၄ = ဒဏ်ငွေသုံးသိန်း. ထောင် သုံးလ။

#အခြားနံပါတ်တပ် = ကျူးလွန်သည့်ပုဒ်မ(၈၄-ခ)။ အရေးယူသည့်ပုဒ်မ-၉၄ = ဒဏ်ငွေ သုံးသိန်း.

ထောင်သုံးလ။

#ယာဉ်နံပါတ်ပြားမတပ်= ကျူးလွန်သည့်ပုဒ်မ(၈၄-ဂ)။ အရေးယူသည့်ပုဒ်မ-၉၄ = ဒဏ်ငွေ

သုံးသိန်း. ထောင် သုံးလ။

#ဝှီးတက်သက်တမ်းကုန် = ကျူးလွန်သည့်ပုဒ်မ(၈၀)။ အရေးယူသည့်ပုဒ်မ-၉၁ = ဒဏ်ငွေ

တစ်သိန်း. ထောင် တစ်လ။

#ယဉ်မောင်းလိုင်စင်မရှိ = ကျူးလွန်သည့်ပုဒ်မ(၈၁-က)။အရေးယူသည့်ပုဒ်မ-၉၁ = ဒဏ်ငွေတစ်သိန်း. ထောင် တစ်လ။

#တခြားသူ၏ယာဉ်မောင်းလိုင်စင်သုံး = ကျူးလွန်သည့်ပုဒ်မ(၈၁-ဂ)။ အရေးယူသည့်ပုဒ်မ-၉၁။ဒဏ်ငွေတစ်သိန်း. ထောင် တစ်လ။

#ယာဉ်မဆင်မခြင်မောင်း =ကျူးလွန်သည့်ပုဒ်မ(၈၁-င)။ အရေးယူသည့်ပုဒ်မ ၉၁ = ဒဏ်ငွေ တစ်သိန်း. ထောင် တစ်လ။

#မူးယစ်ဆေးဝါးသုံးအရက်အမူးလွန်းမောင်း ပုဒ်မ(၈၁-ဇ)။ အရေးယူသည့်ပုဒ်မ ၉၁ = ဒဏ်ငွေ တစ်သိန်း. ထောင် တစ်လ

#ယဉ်မောင်းလိုင်စင်မပါ ပုဒ်မ(၇၅-က)။ အရေးယူသည့်ပုဒ်မ-၈၆ = ဒဏ်ငွေ သုံးသောင်း။

#ယဉ်မောင်းလိုင်စင်သက်တမ်းလွန် = ကျုးလွန်

သည့်ပုဒ်မ(၇၅-ဂ)။ အရေးယူသည့်ပုဒ်မ- ၈၆ = ဒဏ်ငွေ သုံးသောင်း။

#မီးပိုတပ် = ကျုးလွန်သည့်ပုဒ်မ(၇၅-ဆ)။

အရေးယူသည့်ပုဒ်မ-၈၆ = ဒဏ်ငွေ သုံးသောင်း။

#ယာဉ်မောင်းစဉ်ဖုန်းအသုံးပြု = ကျုးလွန်သည့်ပုဒ်မ(၇၅-ဋ)။ အရေးယူသည့်ပုဒ်-၈၆ = ဒဏ်ငွေ

သုံးသောင်း။

#ဘက်မှန်မပါ = ကျူးလွန်သည့်ပုဒ်မ(၇၆-က)။ အရေးယူသည့်ပုဒ်မ ၈၇ = ဒဏ်ငွေ သုံးသောင်း။

#ရှေ့မီးအနိမ့်နေ့/ညဖွင့်မောင်းရန်ပျက်ကွက် = ကျူးလွန်သည့်ပုဒ်မ(၇၆-ခ)။

အရေးယူသည့်ပုဒ်မ ၈၇ = ဒဏ်ငွေသုံးသောင်း။

#ပါဝါအိတ်ဇောအသံထိန်းမပါ = ကျူးလွန်သည့်ပုဒ်မ(၇၆-က)။

အရေးယူသည့်ပုဒ်မ ၈၇ = ဒဏ်ငွေ သုံးသောင်း။

#ဦးထုပ်မဆောင်း =ကျူးလွန်သည့်ပုဒ်မ(၇၆-ဂ)။ အရေးယူသည့်ပုဒ်မ ၈၇= ဒဏ်ငွေသုံးသောင်း။

တို့ဖြစ်သည်။

#သိထားတော့ဆောင်ရန်ရှောင်ရန်နားလည်ထားတာပေါ့_စေတနာဖြင့်အသိပေးအပ်ပါသည်။

02/06/2026

အားလုံးပဲမင်္ဂလာပါခင်ဗျာ. ဆီအခက်အခဲနှင့်စုံ/မ ကိစ္စများပေါ်ပေါက်လာချိန်မှ လိုင်စင်ကားပိုင်ရှင်များ ကြုံတွေ့ရတဲ့အပွါးကားဖြေရှင်းမှုပြသနာများကို ကိုယ့်တွေ့ အတွေ့အကြုံတစ်ခုကိုမျှဝေချင်ပါတယ်၊ ကျွန်တော့ကားက ygn-19 4L-7530 Honda fit GP1ပါ နိုင်ငံတော်မှ ဆီဆိုင်များတွင် စုံရက် မရက် ဆီဖြည့်ရန်နှင့် ကျွန်တော့်တို့ကားအမျိုးအစားများမှ တစ်ပတ်လျှင်၃၅လီတာခွဲတမ်းဖြင့်ဆီဖြည့်ရန်ညွှန်ကြားပြီးချိန်မှစ၍ ဆီဆိုင်များတွင် ဆီဖြည့်ရာ အပွါးကား(အမျိုးသမီးမောင်း)မှ ၁၄-၂-၂၀၂၆ ရပ်နေ့မှစ၍ အပတ်စဉ် ဆီဖြည့်ပြီး မောင်းနှင်နေသည့်အတွက် ၅၁ လမ်းရုံး(တာဝန်မှူးရုံးခန်း)နှင့် သက်ဆိုင်ရာတာဝန်ရှိသူများ(မြောက်ဉက္ကာလာ/တောင်ညွန့်/ဗိုလ်တထောင်/စမ်းချောင်း/ဗဟန်း/ဒဂုံ)မြို့နယ်များ)မှ ယာဉ်ထိန်းတပ်ဖွဲ့စုမှူးများသို့ တိုင်ကြားခဲ့ရာ သတင်းစုံစမ်းခဲ့ပြီး ဆီဆိုင်များမှ ဆီဖြည့်မှတ်တမ်းများရယူခဲ့ပြီး ဖမ်းဆီးရမိရေးဆောင်ရွက်ခဲ့ရာ ၂-၆-၂၀၂၆ ရက်နေ့တွင် အဆိုပါ အပွါးကားအား ဒဂုံတပ်ဖွဲ့စုမှူး ဒုရဲမှူး ပြည်စိုး ကွပ်ကဲမှုအောက်ရှိမြို့မကျောင်းလမ်းတွင် ဖမ်းဆီရမိခဲ့ပါသည်။ ပြည်သူများအနေဖြင့် မိမိကားအပွါးခံရပါက လိုင်းပေါ်တွင်အရင်မတင်ပဲ သက်ဆိုင်ရာတာဝန်ရှိသူများသို့ အဆင့်ဆင့်တိုင်ကြားပြီး အမြန်ဆုံးဖမ်းဆီးရမိနိုင်ရေး ဆောင်ရွက်မှသာ လိုင်စင်အပွါးကားများ အရေးယူခံပြီး မူလပိုင်ရှင်များနစ်နာမှုမရှိမှာဖြစ်ပါသည်။ မြန်မာနိုင်ငံ၊ယာဉ်ထိန်းရဲတပ်ဖွဲ့အနေဖြင့်လည်း တိုင်ကြားလာပါက အမြန်ဆုံးဖော်ထုတ်ဖမ်းဆီးနိုင်ရေး နေ့/ညမလပ် ကြိုးပမ်းအားထုတ်ဆောင်ရွက်လျက်ရှိသည့်အတွက် ပြည်သူများမှ ယုံကြည်အားကိုးစွာ တိုင်ကြားသင့်ကြောင်း ကျွန်တော့အတွေ့အကြုံအရ တင်ပြပေးလိုက်ပါတယ်ခင်ဗျာ…..
အထူးကျေးဇူးတင်ရှိသူများ—-
မြောက်ဉက္ကလာမှ ဒုရဲမှူး လှိုင်ဝင်းအောင်
စမ်းချောင်းမှ ဒုရဲမှူး အောင်ဖြိုးသိန်း
မင်္ဂလာတောင်ညွန့်မှ ဒုရဲမှူး ဇော်အောင်ထွန်း
ဗိုလ်တထောင်မှ ဒုရဲမှူး ဆန်းညွန့်ဦး
ဒဂုံမှ ဒုရဲမှူး ပြည်စိုး နှင့်တကွ
တာဝန်မှူးတာဝန်ကျသော ကမာရွတ် တပ်ဖွဲ့စုမှူးနှင့် လှည်းကူးတပ်ဖွဲ့စုမှူးတို့အား အထူးပင်ကျေးဇူးတင်ရှိပါတယ်ခင်ဗျာ…
(၅၁)လမ်း ယာဉ်ထိန်းရုံးဖုန်း တိုင်ကြားရန်-၀၁၂၉၁၂၈၅ —

Myo Myint Khant

30/05/2026

သက်တမ်း၂၀ နှစ် မကျော်သော်လည်း မိမိဆန္ဒအရ အပ်နိုင်သည်
မြန်မာစာကို မြန်မာတွေမဖတ်တက်အောင်ရေးထားသလားပေါ့
ယခုထုပ်ပြန်ချက်သည် မြန်မာတစ်ပြည်လုံးအတွက်ထုပ်ပြန်ထားတာပါ
တစ်ချိုက ကျွန်တော်တို့မြို့ပါလားလို့မေးလို့
Taxi ဆရာကြီးကလည်းလာမေးပြန်ရော ကျွန်တော်တို taxiတွေ‌ရော
ပါလားတယ့် ပါပါတယ် ပါတာမှ ပါပါပါလိုတောင်မည်သေးတယ် ကား၏model ကိုပြောတာဆိုရင်
ထုပ်လုပ်သည်ခုနှစ်မှ နှစ်၂၀
ဆိုရင် 2006
modelအထိအပ်လိုရပါသည်
လာမည်2027နှစ်တွင်2007model
ကားသည်လည်း နှစ်20ပြည့်ပါမည်
စာမှာရေးထားတာက သက်တမ်း၂၀ ယာဉ်များ မိမိဆန္ဒအရ အပ်နိုင်သည်ဆိုတော့
ရန်ကုန်taxi ကားအများစုသည် modelနှိပ် ကားများဖြစ်သည့်အတွက်
ကြံ့ခိုင်မှူ့စစ်ဆေးရင် ဖျက်သိမ်းဖို့များပါသည်
ရန်ကုန်taxi. model နှိပ် proboxအများစုသည် ကားအတွင်းခန်း ခြေနင်း ကြမ်းခင်းများဆွေးပြီးပေါက်ပြဲနေသည်ကများပါသည် taxi ဆရာများသည်လည်း မပြုပြင်ကြပါ ထိုကြမ်းခင်းများကိုပြုပြင်ပြီးကညနတွင်ယာဉ်သက်တန်းတိုး
ယာဥ်စစ်လျှင်
အောက်ကြမ်းခင်းဖြတ်ဆက်ထားလို့ မှတ်တမ်းထည့်ရမည်ဆိုကာ ငွေကြေး
တောင်ခံချင်း တို့ကြောင့် taxiဆရာကြီးများသည်လည်း မပြုပြင်ပဲထရှိသည်ကများပါသည်
( မော်တော်ယာဉ်ကို အန္တရာယ်ကင်းရှင်းစွာ မောင်းနှင်းရန် ပြင်ဆင်၍ မရနိုင်သည်မော်တော်ယဉ်များ)
မော်တော်ယဉ်သက်တန်းတိုးလျှင် ကညနမှ
မော်တော်ယာဉ်ကြံ့ခိုင်မှူ့စစ်ဆေးပါမည် ထိုအခါ 🚕 ကားတွေကိုပိုလို့တောင်စစ်ဆေးသင့်ပါသည်
ကြံ့ခိုင်မှူ့အားအနည်းဆုံးကားများသည်
(W)RTA ကားများဖြစ်ပြီး w/RTA ကားများသည် ကြံ့ခိုင်မှူ့အားနည်းလို့ ယာဉ်တိုက်မှူ့ဖြစ်ထားလို့ ပြန်လည်ပြုပြင်ထားသည့်အတွက် ကညနမှ မှတ်တမ်းတင် (w ) (RTA) မှတ်သားထားခြင်းဖြစ်ပါသည်
ဒီတော့ဗျာ ကြံ့ခိုင်မှူ့စစ်ဆေးရင်
ဒီကားတွေကိုတော့ modelနဲ့မဆိုင်တော့ဘူး ယာဉ်သက်တန်းတိုးရင် သေသေချာချာ စစ်ဆေးရတော့မှာပေါ့
မြန်မာတစ်နိုင်ငံလုံး အတိုင်းအတာ နဲ့ ဆို မော်တော်ယာဉ်စုစုပေါင်း ၆ သိန်းကျော်ရှိပါတယ်။ 2006 Model နှင့်အောက် ကားတွေက အစီးရေ ၃ သိန်းလောက်ရှိပါတယ်။
အဲ့ဒီ အစီးရေ 3သိန်းလောက် ထဲမှာ
Taxiကားသည်လဲ ပါနေသည်
ဒီနေရာမှာ မေးထားတာလေး ဖြေပေးပါမည် ကားဈေးတက်မှာလာကျမှာလာ ?
ကားဈေးအကျ အတက်သည် နိုင်ငံရေးနှင့်သက်ဆိုင်နေသည့်အတွက်
သမ္မတကြီး ဦသိန်းစိန်ပြန်လာပြီး ယခင် အတိုင်းမှတ်ပုံတင်ရှိသူတိုင်း ကားသွင်းနိုင်သည်ဆိုရင်တောင် ခင်ဗျာ တို့မျော်လျှင့်နေသလို honda fit ge6 model.2011 ကို သိန်း160နဲ့ပြန်စီးလိုမရတော့ဘူး ဘာလို့လဲဆိုတော့
ဦသိန်းစိန်လက်ထက် $က1100ဈေးလေ
2026မှာ $4050ဖြစ်နေပြီးလေ သုံးဆတက်သွားပြီးလေ အရင်ဈေးတွေနဲ့တော့ပြန်မလာနိုင်ဘူးလေ
2021မှာ ကြက်ဥ တစ်လုံး200ကျပ်
2026မှာ ကြက်ဥ တစ်လုံး 600ကျပ်
အရည်ကျို 29.5.2026‌
ဈေးygn/450သိန်း ပေါက်နေတာကို
ဘာတွေမျော်လင်နေတာလဲ
Model နှိပ်တွေဖျတ်သိမ်းလေ ဓါတ်ဆီကားတွေရှားပါးလာမယ်ဒီတော့ ဓါတ်ဆီကားဈေးပိုပို‌ ဈေးတက်လာမယ်
EVကားဆိုတာမြန်မာတစ်နိုင်ငံလုံး သုံးလို့ရနေတာမဟုတ်ဘူး မြို့ပေါ် မှာပဲသုံးလို့ကောင်းတာ ကမ္ဘာ့ အင်အားကြီးနိုင်ငံ
ဖြစ်တယ့် အမေရိကန်နိုင်ငံမှာတောင် EVထက် ယနေတိုင် ဓါတ်ဆီကားကို အားကိုးပြီးသုံးစွဲနေကြ ရပါသည်
ထိုနည်းလည်ကောင်းဘဲ EVကို
အ‌မြောက်အများထုပ်လုပ်နေသည့်
တရုပ်နိုင်ငံမှာတောင် ယနေ့တိုင် ဓါတ်ဆီကားတွေကို အားကိုအားထားသုံးစွဲနေရတုံးပါ
ဒီတော့ ရလာသည့်အဖြေအရ ကားဈေး
တက်မှာလာ ကျမှာလာ ?
Comment မှာ ဝင်မန့်သွားကြပါအုံး။

(မလမ)ကိုဖြိုး

29/05/2026

စီးပွားကူးသန်းက ထုတ်ပြန်တဲ့စာမှာ
အိုမင်းဟောင်းနွမ်းသောယာဉ်များသည်
စက်သုံးဆီ ပိုမိုသုံးစွဲရခြင်းကြောင့်
ဆိုတာထားကို ပြောရမယ်ဆိုရင်
အခု စီးပွားကူးသန်းက
တင်သွင်းခွင့်ပေးထားတဲ့
နောက်ဆုံးထုတ်
တရုတ် ICE ကား 1.5 အင်ဂျင်ကားနဲ့
၂၀၀၅ ဝန်းကျင် 1.5 JDM ကားတစ်စီးနဲ့
ရန်ကုန် မန္တလေးကို
ကီလို ၁၀၀ လောက်နဲ့ အတူတူမောင်းသွားကြည့်ပါရင်
2025/26 ထုတ်
တရုတ် 1.5 နဲ့ JDM 1.5 ဘယ်ကားက ဆီပိုစားမယ်ဆိုတာ
လောင်စာဆီကုန်ကျမှု့ ပိုများမယ်ဆိုတာ
သိလာပါလိမ့်မယ်ဗျာ...

ယာဉ်များ၏ ကြံခိုင်မှု့အားနည်းခြင်းကြောင့်
ယာဉ်မတော်တဆဖြစ်ပေါ်ခြင်း၊

ယာဉ်‌မတော်တဆမှု့ဆိုတာ
မော်တော်ယာဉ်‌မောင်းနဲ့ပဲ ဆိုင်ပါတယ်...
မော်ဒယ် နိမ့်တာ မြင့်တာနဲ့
လုံးဝ မဆိုင်ပါဘူး...
ငါးနှစ်တောင် မပြည့်သေးတဲ့
မော်ဒယ်အသစ်တွေ
ယာဉ်မတော်တဆမှု့ ဖြစ်ထားတာ
အများကြီးပါ...
ယာဉ်မတော်တဆမှု့ဆိုတာက
မော်တော်ယာဉ်ကို ထိန်းချုပ်မောင်းနှင်သူနဲ့သာ တိုက်ရိုက်သက်ဆိုင်ပါတယ်...

ကိုယ်ထိန်းသိမ်းနိုင်တဲ့
အရှိန်ထက် ပိုမောင်းရင်...
အရက်ကို ယာဉ်ကိုမထိန်းချုပ်နိုင်လောက်အောင်ထိ သောက်ပြီးမောင်းရင်...
ရမ်းကားပြီး မောင်းရင်...
ယာဉ်မောင်းသူရဲ့ ကျန်းမာရေးမပြည့်စုံရင်...
အိပ်ငိုက်ရင်...
ယာဉ်မောင်းနှင်သူဟာ
စိတ်ခံစားပြင်းထန်နေရင်...
အလောတကြီး အလျင်လိုပြီးမောင်းရင်...
စတဲ့အချက်တွေပေါ်မှာ မူတည်ပါတယ်...
ထိုင်းနိုင်ငံ မယ်ဆိုင် ဟွေခိုက် ချင်းရိုင်းလိုင်းပြေးနေတဲ့အထဲမှာ
Hilux 1976 Model ကားတွေ
တော်တော်ကျန်သေးတယ်...
ယာဉ်ဟောင်းလို့ မတော်တဆဖြစ်ရမယ်ဆိုရင်
အဲ့ကားကို စီးပြီး ကျောင်း အလုပ် သင်တန်း ကျန်းမာရေးကိစ္စသွားနေတဲ့သူတွေ
တစ်ယောက်မှ ကျန်တော့မှာ မဟုတ်ပါဘူးဗျာ...

ယာဉ်မှ ပိုမိုထွက်သော မီးခိုးငွေ့များသည် သဘာဝ ပတ်ဝန်းကျင်
ပျက်စီးစေခြင်း၊

ဒီတချက်ကလည်း တရုတ်ကားအသစ်တွေထက်
JDM ကားတွေမှာ
Engine Exhaust ကထွက်
Carbon monoxide(CO)ကို
စစ်ထုတ်ပေးတဲ့
Catalytic Converter က
Euro Standard မှီပြီး
ကားအင်ဂျင်အလိုက် ၂ လုံးကနေ
၄ လုံးအထိပါတယ်...
ဥပမာ Mark 2 2001 ကားတစ်စီးမှာဆိုရင်
Catalytic Converter ၄ လုံးတောင်ပါတယ်...

‌ဒါလည်း ကညနတိုင်းမှာ
Carbon Monoxide Tester တွေ
ရှိကြတာပဲလေ...
CO Testing လုပ်ကြည့်
မအောင်ရင် နောက်တစ်ခါထပ်ချိန်း
ထပ်ကျရင် အချိန်တစ်ခုသတ်မှတ်ပေးလိုက်
အဲ့တာမှ ကျရင် လိုင်စင်သက်တမ်းမတိုးပေးနဲ့တော့...
ထိုင်းမှာလည်း အဲ့လိုလုပ်နေတာပါ...

စီးပွားကူးသန်းက လူကြီးတွေ
ထိုင်းမှာ မော်တော်ယာဉ်စစ်ဆေးတာနဲ့ ပတ်သက်ပြီး
သွားရောက်လေ့လာအတုယူသင့်တယ်လို့လည်း
နိုင်ငံတော်အတွက် အကြံကောင်းပေးပါရစေဗျာ...

EV ကားတွေသုံးစွဲရင် မီးခိုးမထွက်တာ မှန်ပေမယ့်...
EV Lithium Battery တွေ
စွန့်ပစ်ရင်
ICE ကားထက် သဘာဝပတ်ဝန်းကျင်ကို
ကြာရှည်စွာ ထိခိုက်နိုင်ပါတယ်ဗျာ...

နောက်တစ်ခုက
EV Charging Station တွေ
မြန်မာပြည်မှာ လုံလောက်နေပြီလား မီးအမြဲလာနေလားဆိုတာကို
ရန်ကုန်မြို့တွင်း အမြန်လမ်းတလျောက်
EV Charging Station တွေမှာ
အများပြည်သူ အားလပ်ခရီးသွားရက်
မဟုတ်တာတောင်
EV ကားတစ်စီး တစ်ခါအားသွင်းဖို့
ဘယ်လောက်ကြာအောင်
စောင့်ရလဲ ဆိုတာကို
စီးပွားကူးသန်း တာဝန်ရှိသူများ
သွားရောက်လေ့လာစေချင်ပါတယ်ဗျ...

EV Charging Station တွေမှာ
အိမ်တွေမှာ မီးမလာလို့
မီးစက်နဲ့ နိုးပြီးအားသွင်းရရင်
Catalytic Converter မပါတဲ့
မီးစက်တွေရဲ့ Exhaust က
တိုက်ရိုက်ထွက်လာတဲ့
Carbon Monoxide ဟာ
Catalytic Converter ပါတဲ့
ကားအစီးတစ်ရာထက်
Carbon Monoxide ပိုများပါတယ်...
သဘာဝ ပတ်ဝန်းကျင်ကို
ထိခိုက်စေနိုင်ပါတယ်...

နှစ် ၂၀ အပ်ကားတွေက
စီးပွားကူးသန်းရဲ့ စာထဲက
Flow အရဆိုရင်တော့
မဖြစ်မနေအပ်ရမလား
မအပ်ရမလားဆိုတာကို
အတိအကျမသိရသေးဘူးဖြစ်နေပါတယ်ဗျာ...

မည်သို့ပင် ဆိုစေကာမူ
ပြည်သူလူထု၏ ချွေးနှဲစာများဖြင့်
ကိုယ်ပိုင်ငွေများဖြင့် ဝယ်ယူထားရသော
မော်တော်ယာဉ်များအားလုံးသည်
ကညနမှ ကြံခိုင်မှု့အခြေအနေအရ
ဆက်လက်အသုံးပြုရန်
မသင့်လျော်ဟု
မသတ်မှတ်မချင်း
မိမိဆန္ဒအလျောက်သာ
အပ်ချင်ပါက အပ်
သုံးချင်ပါက ဆက်သုံးသာ
အသင့်တော်ဆုံးသာဖြစ်ပါကြောင်း
ပြည်ထောင်စုသမ္မတ
မြန်မာနိုင်ငံတော်အစိုးရ
တာဝန်ရှိသူလူကြီးမင်းများအား
ရိုသေလေးစားစွာဖြင့်
တင်ပြအပ်ပါတယ်ခင်ဗျာ...

ချစ်ခြင်းအားဖြင့်
ကိုတိုး(အွန်လိုင်းကားဝပ်ရှော့)
Copy

Yangon Car News

13/08/2026

30/07/2026

17/07/2026

01/07/2026

05/06/2026

04/06/2026

04/06/2026

02/06/2026

30/05/2026

29/05/2026

Address

Telephone

Website

Alerts

Shortcuts

Share

Category

Listing takedown request