12/09/2024
🛻ရေမြုပ်နေတဲ့နေရာတွေကိုဖြတ်မောင်းတော့မယ်ဆိုရင်ဘာတွေသိထားသင့်လဲ🛻
😭အခုလိုရေတွေကြီးနေချိန်မှာ Customers တွေအနေနဲ့ ရေမြုပ်နေတဲ့နေရာတွေကိုမဖြစ်မနေဖြတ်မောင်းရတော့မယ်ဆိုရင် ဘာတွေသိထားသင့်လဲ ပျက်စီးဆုံးရှုံးမှုကရောဘယ်လောက်ထိဖြစ်နိုင်လဲသိထားသင့်တာလေးတွေကိုမျှဝေချင်ပါတယ်။
🛻 Engine Hydrolocking ဆိုတာဘာလဲ🛻
Hydrolocking ဆိုတာကတော့ Engine Combustion Chamber (engine မီးလောင်ပေါက်ကွဲခန်း)ထဲကိုရေရောက်သွားပြီး Engine တစ်လုံး လုံးပျက်စီးဆုံးရှုံးသွားနိုင်တဲ့ (Crankshaft ကျိုးခြင်း၊Connecting rod ကောက်ခြင်း၊ လေဝင် လေထုတ် Valve များ နှင့် Pistons များပျက်စီးခြင်း၊Engine Block ထိုးခွဲခြင်း)ကြီးမားတဲ့ပျက်စီးဆုံးရှုံးမှုကိုဖြစ်စေသောပြဿနာတစ်ခုပါ ။
🛻 Hydrolocking ဘယ်လိုကြောင့်ဖြစ်သလဲ ဘယ်လိုကာကွယ်ကြမလဲ 🛻
ဘယ်လိုကြောင့်ဖြစ်ရလဲဆိုတာကိုသိချင်ရင်တော့အောက်မှာစိတ်ရှည်ရှည်ထားပြီးဖတ်ကြည့်စေချင်ပါတယ်။
👍ပျက်စီးဆုံးရှုံးမှုမရှိဖို့ဆိုရင်တော့ ဒါတွေသိရှိလုပ်ဆောင်ဖို့လိုပါမယ်။
🛻 Hydrolocking ဆိုတာဘာလဲ🛻
Hydrolocking က engine ထဲရေတွေရောက်ပြီး ဖြစ်တဲ့ ပြဿနာဖြစ်တာကြောင့်🛻 Engine ထဲရေတွေ ဘယ်ကနေဝင်ရောက်လာလဲသိဖို့လိုပါမယ်🛻
ကျနော်တို့ Internal Combustion Engine တွေလည်ပတ်ဖို့ဆိုရင် Oxygen (လေ) + Fuel (လောင်စာဆီ) + Heat (အပူမီး ) တို့ ပြည့်စုံဖို့လိုအပ်ပါမယ်။
(Gasoline engine နဲ့ Diesel engine မှာ Spark Ignition နဲ့ Compression ignition ဆိုပြီးHeating system ကွာခြားချက်တော့ရှိပါတယ်)
Engine ကိုစတင် လည်ပတ်တော့မည်ဆိုရင် ကျနော်တို့ သော့ကိုလှည့်ပြီး Startor Motor မှတစ်ဆင့် အလည်စွမ်းအင်နဲ့ engine ကိုစတင်လည်ပတ်ပါတယ်။အဲ့ဒီလိုစတင်လည်ပတ်ပြီဆိုတာနဲ့ Engine ကနေလေကို Intake Valve မှတစ်ဆင့်ဆွဲယူပြီး Injectors (ဆီဖြမ်းစနစ်)မှဆီဖျမ်းပေးသော လေနဲ့ဆီ အရောကို engine ထဲကိုဆွဲသွင်းပါတယ်(အသုံးများသော Port Fuel Injection System ရည်ညွှန်းခြင်းဖြစ်ပြီး Direct Injection system မှာတော့ ဆီဖြန်းတဲ့စနစ်အနည်းငယ်ကွဲပြားမှုရှိပါတယ်)
အဲ့ဒီလိုနည်းနဲ့ ဝင်ရောက်လာတဲ့လေနဲ့ဆီအရောကို လိုအပ်တဲ့ လေသိပ်သည်းမှုရအောင် Pistons မှတွန်းတင် ဖိကျစ်ပေးပြီး Spark plugs မှ (spark) အပူပေးပြီး ပေါက်ကွဲ လောင်ကြွမ်းစေကာ engine ရဲ့ အလည်စွမ်းအင်ကိုထုတ်ပေးပါတယ် ( Diesel Engine မှာတော့ compression ignition ဖြစ်လို့အနည်းငယ်ကွဲပြားပေမယ့် Hydrolocking ဖြစ်ဖို့တော့အကြာင်းအရာခြင်းတူညီပါတယ်)။
🛻အဲ့ဒီတော့ ရေထဲဖြတ်မောင်းလိုက်လို့ Snorkel (လေရှုပေါက်)မြုပ်လောက်တဲ့ထိ နစ်ပြီဆိုရင် ထိုSnorkel မှတဆင့်ရေတွေပါလာပြီဆိုရင် Engine ထဲကိုရေရောက်ပါပြီ။(Snorkel လေရှုပေါက်က Air Filter ရဲ့အရှေ့ဖက်အဆုံး engine ရဲ့ ပေါ်ဆုံးအပိုင်းမှာရှိလို့ တော်ရုံရေမြုပ်တာလောက်ကို ရေမဝင်နိုင်ပါဘူး အကြမ်းဖျင်းအားဖြင့် ကားသေးများ ဘီးတစ်လုံးလုံးရေမြုပ်ပြီဆိုရင်တော့ ဝင်နိုင်ခြေရှိပါပြီ) Snorkel location ကိုပုံမှာဖော်ပြပေးထားပါတယ်။
အဲ့လို Combustion Chamber ထဲကိုရေတွေရောက်သွားပြီးဆိုတာနဲ့ ရေသည် Non-compressible(ဖိသိပ်ကျစ်၍မရသော) ဂုဏ်သတ္တိရှိတဲ့အတွက် လေလိုဖိကျစ်၍မရဘဲတောင့်ခံထားပါတော့သည် ။ထိုအချိန်တွင် Engine လည်ပတ်မှု ရုတ်တရက် ရပ်တန့်သွားပါပြီ ။ထိုအခြေအနေထိ မိတ်ဆွေရဲ့ ကား engine သည် လည်ပတ်မှုရပ်တန့်ရုံမျှသာရှိသေးပြီး ပျက်စီးဆုံးရှုံးမှု မဖြစ်နိုင်သေးပါဘူး။
ဖိကျစ်၍မရသော ရေများ Chamber ထဲရောက်ပြီးလောင်ကြွမ်းမှုမပြုနိုင်တော့သည့်မိတ်ဆွေ၏ Engine ကို ထိုအခြေနေတွင် သော့မှတဆင့် Startor Motor မှတွန်းအားပေးပြီး လည်ပတ်ဖို့ကြိုးစားခဲ့မယ်ဆိုရင်တော့ ဖိကျစ်၍မရသော ရေများ၏တောင့်ခံတွန်းကန်အားကြောင့် Startor Motor မှတဆင့် ဖိအားပေး တွန်းပို့လာသည့် Crankshaft, Connecting Rod , Pistons များမှတဆင့် ပျက်စီးဆုံးရှုံးမှုများ ဖြစ်ပေါ်သွားပါပြီ။
သို့ဖြစ်ပါ၍ ဤအခြေမျိုးနှင့် မိတ်ဆွေတွေ့ကြုံ နေခဲ့ပြီဆိုပါကအောက်ပါအချက်အလက်များကိုလိုက်နာဆောင်ရွက်ဖို့လိုပါသည်။
👌ရေထဲဖြတ်မောင်းတော့မယ်ဆိုရင်
မိမိဖြတ်သန်းမောင်းနှင်မည့်ရေ level ကိုသုံးသပ်ပါ(ကားသေးများဘီးတစ်လုံးလုံးမြုပ်မယ့်အခြေအနေဆိုရင် အခြေအနေမကောင်းပါဘူး) off-road ကားတော်တော်တော်များများကတော့ Snorkel ကို extend လုပ်ပြီး ခေါင်မိုးအပေါ်ကိုထုတ်ထားတတ်ကြပါတယ်။
👌ရေထဲဖြတ်မောင်းလို့စက်ရပ်သွားပြီဆိုတာနဲ့ သော့လည့်ပြီး စက်ပြန်နှိုးဖို့လုံးဝ(လုံးဝ) မကြိုးစားပါနဲ့
သော့ဖြုတ်ပါ ရေလွတ်တဲ့နေရာကိုတွန်းရွှေ့(သို့) နားလည်တတ်ကြွမ်းတဲ့ သူကိုခေါ်ပါ။စက်နှိုးဖို့ ကြိုးစားကြည့်ခဲ့မယ်ဆိုရင်တော့ သင့်ရဲ့ ကား engine ဟာ ပျက်စီးဆုံးရှုံမှု ကြီးကြီးမားမားဖြစ်ဖို့ 90% သေချာသွားပါပြီ။
👌၂။Battery အနှုတ်ငုတ်ကို ဖြုတ်ပါ (မလိုလားအပ်တဲ့ Short Circuit တွေကိုကာကွယ်ပြီးသားဖြစ်ပါမယ်။
👍အဲ့လိုလေးတွေပြုလုပ်ခဲ့မယ်ဆိုရင်တော့ မိတ်ဆွေရဲ့ကားဟာ Engine Oil ပြန်လည်လဲလှယ်ခြင်း၊ Air Filter လဲလှယ်ခြင်း နဲ့ Wire sockets များ လေမှုတ်အခြောက်ခံခြင်းတို့ ပြုလုပ်ပေးရုံလောက်နဲ့ အကောင်းပကတိပြန်ရနိုင်ပါမယ်။
👌ရေlevel နည်းလို့ဖြတ်မောင်းတော့မယ်ဆိုရင်လဲ
Electronic devices (Lighting,AC, Audio,TV)စည်တို့ကိုအရင်ပိတ်ပါ ၊မလိုလားအပ်တဲ့ Short circuit တွေကိုကာကွယ်ပြီးသားဖြစ်မှာပါ ။
👌မိမိကား Steering System က Hydraulic Power Steering System လား Electronic power steering system လား နားလည်တတ်ကြွမ်းတဲ့သူကိုမေးမြန်းထားပါ။Electronic Power Steering System (EPS) ဆိုပါက ရေနည်းနေရင်တောင်ရှောင်သင့်ပါတယ်။
👌EV နဲ့ Hybrid ကားတွေဆိုရင်တော့ အထူးသတိထားရှောင်သင့်ပါတယ်။
🙏ဘေးအန္တရယ်အပေါင်းမှကင်းဝေးကြပါစေ🙏
KAUNG THIT Auto Service
Tapin Shwe Htee Road,North Dagon Township,Yangon.
