What are the opening hours?

Monday 09:00 - 16:00 Tuesday 09:00 - 16:00 Wednesday 09:00 - 16:00 Thursday 09:00 - 16:00 Friday 09:00 - 16:00 Saturday 09:00 - 16:00 Sunday 09:00 - 16:00

https://www.facebook.com/288439421626185/

TL Carbon Cleaning Service

Home
Myanmar
Yangon
TL Carbon Cleaning Service

အဆြဲအရုန္းက်ေနေသာကားမ်ား မီးသံ

26/08/2026

Engine compression test လုပ်ခြင်း

==========================

Engine တွေမှာ compression မလုံတာက power efficent ဖြစ်ခြင်း မဖြစ်ခြင်းနဲ့ အဓိက သက်ဆိုင်တဲ့ အကြောင်းရာ တရပ်ဖြစ်ပါတယ်။

compression မလုံတာက valve တွေ မလုံတာ ဖြစ်ပါတယ်။

အကယ်၍ valve တွေ မလုံရင် engine power အပြည့်ဝ ရမှာမဟုတ်ပါဘူး

ဒါ့ကြောင့် valve လုံခြင်း မလုံခြင်းကို compression test လုပ်ပြီး တိုင်းတာ သိရှိနိုင်မှာဖြစ်ပါတယ်။

ဘယ်လို အချိန်မှာ compression test လုပ်သင့်လဲ?

engine တစ်လုံးရဲ့ good compression က 135psi မှာရှိပြီး bad compression က 85psi မှာ ရှိပါတယ်။

100psi ကတော့ ပုံမှန်လို့ ပြောလို့ရပါတယ်။

ဒီဇယ်အင်ဂျင်တွေမှာတော့ 300psi နဲ့ 700psi ကြားမှာရှိပါတယ်

ဘာကြောင့်လဲ ဆိုရင် ဒီဇယ်အင်ဂျင်က ဓာတ်ဆီထက် compression သိသိသာသာများပါတယ်။

အကယ်၍ engine ဟာ အသိပြုတဲ့ running kilo လဲများလာပြီ

engine oil လဲ စားလာပြီ

engine အသံလဲ မူမမှန်တော့ဘူး performance လဲ မကောင်းတော့ဘူးဆိုရင် compression test လုပ်ဖို့ သေချာသလောက်ရှိနေပါပြီ။

👉compresaion test လုပ်ခြင်း

▪️Step 1.

compression test လုပ်ဖို့အတွက် spark plug နဲ့ဆိုင်တဲ့ ignition coil စတာတွေ ဖယ်ရှားပေးပါ။

▪️step 2.

plug အပေါက်ထဲကို test နဲ့ ဂျိုင်းပေးပါ။

fuel pump , main relay စတာတွေနဲ့ ချိတ်ဆက်မှုကိုဖြတ်တောက်ထားပါ။

Ignition switch ကိုလှည့်ပြီး starter နိုးပါ။ fly wheel ၁၀ ပတ်လောက်ဆို tester မှာ အဖြေထွက်ပါပြီ

ဒါမှမဟုတ် starter ကို ၅စက္ကန့်လောက် နဲ့ ၃ ချက်လောက်ဆွဲရင်လဲ ရပါတယ်။

pistion ၄ လုံးပါရင် ၎င်း တို့ကို တလှည့်စီ test လုပ်သွားပါ

100psi အတွင်းမှာပဲ အားလုံးရှိနေရပြီး ±15psi အတိုးအလျော့ရပါတယ်။

အကယ်၍ test လုပ်နေစဉ်အတွင်း engine head နဲ့ plug ဘက်ကို engine oil တွေကျော်ထွက်လာရင် piston ring နဲ့ valve တွေမှာ ပြဿနာရှိနေပြီဖြစ်ပါတယ်။

Credit original uploader
မူရင်း‌ေရးသားသူအား လေးစားစွာ credit ပေးပါသည်

ဗဟုသုတရစေရန်ပြန်လည်မျှဝေပေးခြင်းသာ ဖြစ်ပါတယ်။

25/08/2026

TL Carbon Service မှ

ကာဗွန်ဂျိုးဆေးကြောခြင်း နှင့် ကျောက်ဇကာဆေးကြောခြင်း တို့ကို ဈေးနှုန်းသက်သာစွာ ဝန်ဆောင်မှုပေးနေပါသည်။

ကျောက်ဇကာ (Catalytic Converter) ဆေးရင် ဘာတွေထူးခြားမလဲ?

"ကျောက်ဇကာ" ဆေးကြောသန့်စင်ခြင်းဖြင့် ရရှိမယ့် အကျိုးကျေးဇူးတွေကတော့ -

🚀 အဆွဲအရုန်း သိသိသာသာ ပေါ့ပါးသွားခြင်း။

⛽ လောင်စာဆီ စားနှုန်းကို ပြန်လည်သက်သာစေခြင်း။

🔥 အင်ဂျင် အပူတက်ခြင်းကို လျှော့ချပေးခြင်း။

💨 အိတ်ဇော အနံ့ဆိုးနှင့် မီးခိုးမည်းများ ပျောက်ကွယ်ခြင်း။

💰 ကျောက်ဇကာအသစ်လဲရမည့် ကုန်ကျစရိတ်ကို သက်သာစေခြင်း။

"အင်ဂျင်သက်တမ်း ပိုရှည်ဖို့ ကျောက်ဇကာကို ပုံမှန်ဆေးကြောသင့်ပါတယ် "

👉▪️Carbon Cleaning

သင့်ကား အရင်လို မရုန်းတော့ဘူးလား? ဆီစားတွေ အရမ်းများနေပြီလား?

အင်ဂျင်အတွင်းပိုင်းမှာ ကပ်ငြိနေတဲ့ ကာဗွန်ဂျိုး (Carbon) တွေကြောင့် သင့်ကားရဲ့ စွမ်းဆောင်ရည်တွေ ကျဆင်းနေတာ ဖြစ်နိုင်ပါတယ်။ Carbon Cleaning လုပ်ပြီး အသစ်အတိုင်း ပြန်ဖြစ်အောင် ဖန်တီးလိုက်ပါ။

Carbon Cleaning လုပ်ခြင်းကြောင့် ရရှိမည့် ရလဒ်များ

🚀အင်ဂျင်ရုန်းအား သိသိသာသာ ပြန်ကောင်းလာခြင်း။

⛽လောင်စာဆီလောင်ကျွမ်းမှု ပိုမိုကောင်းမွန်လာခြင်း။

🔇စက်နှိုးထားစဉ် တုန်ခါမှုနှင့် ဆူညံသံများ လျော့ကျသွားခြင်း။

🌍အိတ်ဇောမှ အဆိပ်ငွေ့နှင့် မီးခိုးမည်းထွက်ခြင်းကို ထိန်းချုပ်ပေးခြင်း။

🛠️အင်ဂျင်အစိတ်အပိုင်းများ ပျက်စီးမှုကို ကာကွယ်ပေးခြင်း။

💰 ဈေးနှုန်းများ -

Carbon service

3 လုံးထိုး အင်ဂျင် - 25,000 ks

4 လုံးထိုး အင်ဂျင် - 35,000 ks

6 လုံးထိုး အင်ဂျင် - 50,000 ks

8 လုံးထိုးအင်ဂျင် - 70000 ks

ကျောက်ဇကာ ဆေးကြော - 30,000 ks / 50,000 ks

📞 ဆက်သွယ်ရန်

🚕 ကိုသက်လွင် 🚕

📍 ကြည့်မြင်တိုင် ရဲစခန်းဘေးလမ်း၊ ရုံးကြီးလမ်း / ဗားကရာချောက်အနီး၊ ရန်ကုန်။

☎️ Ph: 09 44300 3881

☎️ Ph: 09 79 65 29677

24/08/2026

သင့်ကားကို ဘယ်တော့မှမလုပ်သင့်တဲ့ အချက် ( ၁၀ ) ချက်

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ယနေ့ခေတ်ကားတွေဟာ လုံခြုံစိတ်ချရတဲ့ စွမ်းဆောင်ရည် တွေရှိနေပါပြီ၊ ပြီးတော့ ကွန်ပြူတာတွေကလည်း အားလုံးကိုချောမွတ်အောင်သွားစေနိုင်ဖို့၊ လွဲမှားနေတဲ့ အမိန်ပေးမှုတွေကနေ ဖြစ်စေတဲ့ ကားပိတ်ခြင်းတွေ ၊ကားမောင်းသူတွေကို ဘာတွေဖြစ်လာမယ်ဆိုတဲ့ ငြင်းဆိုနိုင်စွမ်းတွေက ကောင်းတာတွေဖြစ်လာစေဖို့အတွက် ဦးတည်နေပါတယ်၊

▪️၁။ အင်ဂျင်ကို ကားမောင်းနေရင်မပိတ်ပါနဲ့

အကယ်၍ သင်ဟာ အမြန်ဆုံးအလျင်နဲ့မောင်နေရင်းနဲ့ မတော်တဆ အင်ဂျင်ပိတ်မိသွားတယ်ဆိုရင်တော့ ဘာမှတော့မကောင်းတာဖြစ်လာမှာမဟုတ်ပါဘူး၊

ယနေ့ခေတ်ကားတွေက ထိုကဲ့သိုအခြေအနေတွေအတွက် ဘေးကင်းစေမယ့်နည်းလမ်းတွေထည့်သွင်းပေးထားတဲ့အတွက်ကြောင့်ပါ၊ ဘယ်လိုပဲဖြစ်နေပါစေ မပိတ်တာဟာ အကောင်းဆုံးပါပဲ၊

▪️၂။ မောင်းနေရင်းကားနောက်ပြန်ဆုတ်ဂီယာမထိုးပါနဲ့

ကားမောင်းနေရင်းနဲ့ နောက်ပြန်ဆုတ်တဲ့ ဂီယာကို ပြောင်းလိုက်တာဟာ သင့်ကားကွန်ပြူတာကတော့ တုံပြန်မှုပေးမှာမဟုတ်တော့ ဘာမှဖြစ်စေမှမဟုတ်ပေမယ့် မကောင်းတဲ့ အတွေးဖြစ်ပါတယ်၊

▪️၃။ မောင်းနေရင်း ရပ်နားခြင်းဂီယာမထိုးပါနဲ့

မစမ်းကြည့်ပါနဲ့၊ သင့်ကားကွန်ပြူတာဟာ လုံခြုံစေဖို့အတွက် အမိန်ပေးမှုကို ငြင်းဆန်မှာဖြစ်ပါတယ်၊ ကွဲလွဲတဲ့ အမိန်တွေဟာ သင့်ကားကို ထိခိုက်မှုတွေဖြစ်ကောင်းဖြစ်နိုင်ပါတယ်၊

▪️၄။ စက်နှိုးသော့ကို သော့တံတွေအများကြီးနဲ့ တွဲမထားပါနဲ့

သော့တွေအများကြီးတွဲထားတာက စက်နှိုးသော့ရဲ့ အလေးချိန်ကိုတိုးစေပြီး သော့တပ်တဲ့ အပေါက်ကို ထိခိုက်စေနိုင်ပါတယ်၊ ဒါကြောင့် ကားသော့မှာ သော့နှစ်ချောင်းတွဲလောက်ပဲထားပါ၊

▪️၅။ ဆီပြောင်းပါ

ထုတ်လုပ်သူတွေညွန်ကြားထားတဲ့ ဆီဘယ်လိုပြောင်းရမလဲဆိုတာကိုလိုက်နာပါ၊အကြောင်းရှိပါတယ်၊ များသောအားဖြင့် ကားသစ်တွေဟာ စက်ရုံကမထုတ်မီ ပါးလွှာတဲ့ဆီကိုသုံးပါတယ်၊ ဒါကြောင့် ၁၀၀၀ ကီလိုမီတာမောင်းပြီးရင်တော့ ဆီပြောင်းပါ၊

▪️၆။ အင်ဂျင်ကို ဆီ အပြည့်မဖြည့်ပါနဲ့

အင်ဂျင်ရဲ့ဆီလှောင်ကန်မှာ ပြည့်မပြည့်ဖော်ပြတဲ့ အရာပါပါတယ်၊ ပြည့်ပြီဆိုတဲ့ အညွန်းအထိပဲဖြည့်ပါ၊ လျှံအောင်ဖြည့်တယ်ဆိုရင်တော့ ကြီးမားတဲ့ ကျရှုံးမှုနဲ့အတူ ကားရဲ့ထောင့်တွေကနေ မီးခိုးတွေထွက်လာပါလိမ့်မယ်၊

▪️၇။ ဆီလုံးဝကုန်သွားတဲ့အထိမစောင့်ပါနဲ့

သန့်ပါတယ်ဆိုတဲ့ ဆီတွေတောင် အမှုန်တွေပါလာပြီး ထိုအမှုန်တွေကို ကမ္ဘာမြေကြီးကဆွဲထားတာကြောင့် အောက်ဖက်မှာအနယ်ထိုင်နေတာပါ၊အကယ်၍ မီးခိုးတွေထွက်တဲ့အထိမောင်းပြီးသုံးလိုက်တယ်ဆိုရင် အကြွင်းအကျန်တွေအနေနဲ့ ၎င်းအမှုန်တွေ ကပ်ကျန်နေပါလိမ့်မယ်၊ ယေဘုယျအားဖြင့် ပြောရရင်တော့ ဆီဒိုင်ခွက်မှာ ဆီကုန်ခါနီး တစ်လက်မလောက်ပဲ ကျန်တော့တယ်ဆိုရင်တော့ ဆီသွားဖြည့်သင့်ပါတယ်၊

ပြီးတော့ ၎င်းဟာ စိုစွတ်တဲ့ စက်တွေဖြစ်တဲ့အတွက် အမြဲတမ်းနှစ်မြုပ်နေအောင်ထားမှ အဆင်ပြေမှာပါ၊

▪️၈။ အချက်ပေးသင်္ကေတတွေကို ဂရုမပြုဘဲမနေပါနဲ့

ကားတစ်ခုနဲ့တစ်ခုမှာ အချက်ပြသင်္ကေတတွေဟာ မတူပါဘူး၊

ဒါပေမယ့် ယေဘုယျအားဖြင့် တော့ အရောင်လေးတွေနဲ့ပါ၊

အစိမ်းရောင် (တစ်ခါတစ်လေ အပြာရောင်)သင်္ကေတဟာ တစ်ခုသောစနစ်က အသက်ဝင်နေပြီဆိုတာပြပါတယ်၊

အဝါရောင်ကတော့ တစ်ခုခု လုပ်ပေးရမယ်၊ စစ်ဆေးရမယ်ဆိုတာကိုပြပါတယ်၊

အနီရောင်ကတော့ အချို့သောအမျိုးအစားတူတဲ့ အရေးကြီးတဲ့ ကိစ္စတွေကိုညွန်ပြနေပြီး သင့်ကားဟာ လက်တစ်လောမှာ မောင်းနှင်လို့မရကြောင်း ကိုဆိုလိုပြီး သင်လုပ်နေတဲ့အရာတစ်ခုကို ရပ်သင့်ကြောင်းဆိုလိုခြင်းဖြစ်ပါတယ်၊

ယေဘုယျအားဖြင့်ပြောရမယ်ဆိုရင်တော့ သင့်ကားရဲ့ ယာဉ်မောင်းရှေ့ရှိ ဒိုင်ခွက်ပေါင်မှာ အချက်ပေးချက်မီးလေးတွေ ပျောက်မသွားဘူးဆိုရင်တော့ စက်ပြင်ဆရာ ဆီကိုချက်ခြင်းပဲဖုန်းဆက်လိုက်ပါ၊

▪️၉။ တာယာလေလျော့မလျော့ကြည့်ပါ

နောက်ထပ် ကောင်းမွန်တဲ့ အလေ့အကျင့် တစ်ခုပါ၊ တာယာကို အမြဲကြည့်ကြည့်ပေးပါ၊ အကယ်၍ သင်ဟာ တာယာလေလျော့နေတယ်ဆိုတာ ခံစားမိတယ်ဆိုရင် ဒါမှမဟုတ် တာယာဟာ ပန်ကိတ်လိုမျိုး ပြားနေပြီဆိုရင်

တာယာအပြားကြီးနဲ့ မမောင်းသင့်ပါဘူး၊ အန္တရာယ် များပါတယ်၊ ဒီတော့တာယာလဲတာပဲဖြစ်ဖြစ် လေထိုးတာပဲဖြစ်ဖြစ်လုပ်ပေးသင့်ပါတယ်၊

▪️၁၀။ ဘီးတွေရဲ့ဟန်ချက်ကို ကြည့်ပေးပါ

အကယ်၍သင်ဟာ အတားအဆီးတစ်ခုကို တိုက်မိတယ်ဆိုရင် (လုပ်စမ်းပါ၊ ကျွန်တော်တို့အကုန်လုံးတိုက်မိဖူးပါတယ်၊)ကားကို ကားပြင်ဆိုင်ပို့ပါ၊ ပြီးတော့ စက်ပြင်ဆရာ ကို ဟန်ချက်နဲ့ ဖြောင့်တန်းမှုရှိမရှိ မေးကြည့်ပါ၊ အကယ်၍ ဘီးတွေဟာ ဟန်ချက်မညီဘူးဆိုရင် သင့်ကားကိုကောင်းကောင်းထိန်းလို့ရမှာမဟုတ်ပါဘူး၊ညှိပါ၊ ဝမ်းနည်းစေမှုတွေထက်စာရင်တော့ ပိုလုံခြုံပါတယ်၊
Cr.

မူရင်း‌ေရးသားသူအား လေးစားစွာ credit ပေးပါသည်

ဗဟုသုတရစေရန်ပြန်လည်မျှဝေပေးခြင်းသာ ဖြစ်ပါတယ်။

23/08/2026

Auto Gear Oil လှဲလှယ်ခြင်းသိမှတ်ဖွယ်ရာ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

အော်တိုဂီယာ(Auto Transmission)ကားတစ်စီး ဆီလဲရာတွင် ပထမဆုံးလိုအပ်ချက်မှာ…

ဆီမဖောက်ချခင် ၎င်းအော်တိုဂီယာသုံးထားသော ဆီအမျိုးအစားမှာ… ▪️ATF(Automatic Transmission Fluid) ဆီအမျိုးအစားလား… ▪️CVT(Continuously Variable Transmission)ဆီအမျိုးအစားလားသိရှိရန်မှာ… အလွန်အရေးကြီးသောအချက်ပင်ဖြစ်ပါသည်…

ဆီအမျိုးအစားမှားထည့်မိပါက ဂီယာဘောက်ပျက်စီးကာ… မော်တော်ယာဉ်ပိုင်ရှင်များမှာ နစ်နာကြရပေသည်…

မြန်မာပြည်တွင်ယခင်က CVT/ATF ဂီယာများ ပျက်စီးရခြင်း၏… ၅၀% ကျော်မှာ ဆီမှားထည့်ခြင်းကြောင့်သာဖြစ်သောကြောင့်… ဆီလဲပေးခြင်းလုပ်ငန်း လုပ်ကိုင်သော ကားဆားဗစ်များမှာ… အင်္ဂျင်ဝိုင်(Engine Oil) ဂီယာဝိုင်(Transmission Oil) အမျိုးအစားများကို… ကျွမ်းကျင်စွာသိရှိသော ဝန်ထမ်းများရှိရန်မဖြစ်မနေလိုအပ်ပါသည်…

ကျွမ်းကျင်ဝန်ထမ်းများရှိမှသာ ဆီအမျိုးအစားမှန်ကန်စွာလဲပေးနိုင်မှသာ… မော်တော်ယာဉ်များ၏ အော်တိုဂီယာများပျက်စီးချိန်မတန်ခင် ပျက်ခြင်းမှ… ကင်းဝေးစေမည်ဖြစ်ပါသည်…

ATF/CVT ဆီကိုခွဲခြားသိပါကလည်း… မိမိဆီလဲလှယ်သော အော်တိုဂီယာကားသည်… ATF ဖြစ်ပါက မိမိဆီလဲလှယ်ရသောကားသည်… Dexron , T-IV , WS , SP , Matic စသည်ဖြင့်… ကားထုတ်လုပ်သော ကုမ္ပဏီမှ ညွှန်ကြားထားသော ဆီအမျိုးအစားကို… မှန်ကန်စွာရွေးချယ်တတ်ရန်လိုပေသည်…

ထိုဆီအမျိုးအစားများကို အော်တိုဆီတိုင်းသော ဂိတ်တံ (ATF Level Gauge) တွင် ရေးသားဖော်ပြထားတတ်ပါသည်…

အကောင်းဆုံးကတော့ Genuine Oil ကတော့ အကောင်းဆုံးပင်ဖြစ်သော်လည်း… အချို့သောဆီများမှာ မူရင်းကုမ္ပဏီထုတ် AFT ဆီများမရရှိပါက… အခြားကုမ္ပဏီထုတ်ဆီများတွင်လည်း ၎င်းဆီပုံးတွင် အသုံးပြုနိုင်သော… ကားအမျိုးအစားများ ဆီအမျိုးအစားများကိုရေးသားညွှန်ကြားထားပါ၍… မိမိဆီလဲလှယ်သော ကားမည့်သည့်အမျိုးအစားထည့်ရမည်ကို… ရှာဖွေကြည့်ရှု့ကာ ဆီလဲလှယ်ပေးနိုင်ပါသည်…

CVT ဆီကတော့ Genuine Oil ကိုသာ မဖြစ်မနေသုံးရန်…

ကားကုမ္ပဏီများက Owner Manual တွင်ညွှန်ကြားထားပါသည်…

ကားကုမ္ပဏီ တစ်ခုနှင့် တစ်ခု CVT ဂီယာတွင် အသုံးပြုသော… Metal Belt မှာ မတူညီကြသဖြင့် CVT ဆီအသုံးပြုသောအမျိုးအစားများမှာလည်း… မတူညီပေ…

ထို့ကြောင့် မူရင်းကုမ္ပဏီထုတ် CVT ဆီကို မဖြစ်မနေသုံးရန်လိုအပ်ပေသည်…

ဥပမာ…Honda ကားအမျိုးအစားများတွင်အသုံးပြုသော CVT ဆီမှာ… HMMF ဆီအမျိုးအစားပင်ဖြစ်ပေသည်…

HMMF ဆီအစား အခြားဆီများထည့်ပါက Metal Belt များ ပျက်စီးကာ…

▫️စထွက်ကာစတွင် ကားတုန်ခြင်း…

▫️ဂီယာဘောက်အတွင်းမှ အသံမြည်ခြင်း…

▫️စအထွက်တွင် ပုံမှန်ရှိရမည့် အင်္ဂျင်အပတ်ရေနှင့် ကားမသွားသဖြင့်

လီဘာ (Accelerator) ကို ပိုနင်းမှ အင်္ဂျင်အပတ်ရေများမှကားသွားခြင်း…▫️ဂီယာအချိန်းနောက်ကျခြင်း ကုန်းမတက်နိုင်ခြင်း…

စသည့် ချို့ယွင်းချက်များဖြစ်တတ်ပါသည်။

ထို့ကြောင့် CVT ဆီများအား အတတ်နိုင်ဆုံး မူရင်းကုမ္ပဏီထုတ်ဆီသာ… အသုံးပြုသင့်ပါသည်…

အော်တိုဆီလဲလှယ်ရာတွင် ဆီကန်ဖွင့်၍ရသော အမျိုးအစားဖြစ်ပါက…

ဆီကန်ဖွင့်ကာ အော်တိုဆီစစ်အား ဆေးကြောသန့်စင်ပေးခြင်း…

အသစ်ဝယ်ယူလဲလှယ်၍ ရပါက အသစ်လဲလှယ်ပေးခြင်းပြုလုပ်သင့်ပါသည်…

အော်တိုဆီ လဲလှယ်ရာတွင် စက်ဖြင့်လဲခြင်းနှင့် ရိုးရိုးလဲလှယ်ခြင်းတို့ကို… မော်တော်ယာဉ်ပိုင်ရှင်မှ ရွေးချယ်နိုင်ပါသည်…

စက်ဖြင့်လဲလှယ်ပါက အော်တိုဆီဖိုး ၂ ဆ ကုန်ကျမည်ဖြစ်ကာ…

ရိုးရိုးလဲလှယ်ပါက ဆီးဖိုးတစ်ဝက်သက်သာမည်ဖြစ်ပါသည်…

သို့သော် အလွန်အမင်း ညစ်ပတ်နေသော အော်တိုဆီများကိုလဲလှယ်ရာတွင်… စက်ဖြင့် လဲလှယ်ခြင်း ဆီကန်ဖွင့်ကာ ဇကာဆေးခြင်းများလုပ်သင့်ပါသည်…

မည်သည့် နည်းဖြင့်လဲလှယ်သည်ဖြစ်စေ ဆီများအကုန်ဖောက်ချပြီးပါက…

ဖရုံသီး (Torque Converter) ထဲရှိဆီများ ကုန်သွားစေရန်…

စက္ကန့် (၃၀) ခန့် စက်နိုးလိုက် ရပ်လိုက်… ပြန်နိုးလိုက်နှင့် ၄/၅ ကြိမ်ခန့်ပြုလုပ်ပါက ဖရုံသီးနှင့် ဂီယာဘောက်ထဲရှိ… ဆီကျန်များ ထွက်နိုင်သမျှ ထွက်လာပါသည်…

စက်နိုးပြီး ရပ်လိုက်ချိန်တွင် ဆီမကျတော့ပါကဆီကန်အား ပြန်လည်တတ်ဆင်ခြင်း…

အော်တိုဆီ ဖောက်ချသော နတ်ပေါက်အား သေချာစွာပြန်လည်ကြပ်ကာ… အော်တိုဆီအားဖြည့်ရမည်ဖြစ်ပါသည်…

အော်တိုဆီထည့်နေချိန်တွင်ဂီယာအား Park Position တွင်ထား၍စက်နိုးထားရပါမည်…

အော်တိုဆီဖြည့်ရမည့် အတိုင်းအတာနီးပါဖြည့့်ပြီးပါက…

ကားပေါ်တက်ကာ B or L , S or 2, 3, 4, Drive ဂီယာများအားတစ်ခုချင်းဂီယာထည့်ပြီး ၅ စက္ကန့်ခန့်စီစောင့်ပါ

အဆိုပါဂီယာများထည့်ပြီးပါက Over Drive ခလုတ်ပါပါက… OD ခလုတ်နှိပ်ပြီး ခေတ္တစောင့်ဆိုင်းပါ

ပြီးလျှင် Reverse ဂီယာအားထိုးပါ ခေတ္တစောင့်ဆိုင်း၍… စက်သတ်ပြီးတိုင်းချိန်တွင် ဆီအပူချိန် 28 C ံ မကျော်ပါက… Maximum Cold အမှတ် နှင့် Minimum Hot အမှတ်အလည်တွင်ရောက်ရှိအောင်ဖြည့်ပါ…

ဒီနေရာတွင်ပြောစရာရှိသည်က အချို့ကားကုမ္ပဏီများကအော်တိုဆီတိုင်းရာတွင် စက်နိုး၍ တိုင်းရန်ညွှန်ကြားထားပြီး/အချို့သော်ကားကုမ္ပဏီများက စက်သတ်၍ တိုင်းရန်ညွှန်ကြားထားသောကြောင့်Owner Manual ရှိပါက ကြည့်ရှု့နိုင်သော်လည်းOwner Manual မပါရှိပါက စက်ရပ်၍ တိုင်းသည်က အကောင်းဆုံးဖြစ်ပါသည်

အဘယ့်ကြောင့်ဆိုသော် Oil Level မှတ်သည် လိုအပ်သည်ထက်ပိုများပါက… အော်တိုဆီများသည်အပူချိန်ပိုများက အော်တို ကလပ်ပြားငယ်များ ပျက်စီးမြန်ခြင်း…

Seal, O Ring များ မာကြောလာကာ ဆီမထိန်းနိုင်သောကြောင့် ဂီယာအချိန်းနောက်ကျခြင်း…

ဂီယာချိန်းလျှင်ဆောင့်ခြင်းတို့ဖြစ်ကာ ဂီယာပျက်စီးတတ်ပါသည်…

ထို့ကြောင့် နောက်ပိုင်းဂီယာများတွင် ဆီပိုမဖြည့်နိုင်စေရန် Oil Level ပေါက်များ ဖောက်ကာ ဂီယာဝိုင်များ၍ အပူချိန်များသောကြောင့် ဂီယာအတွင်းရှိ ပစ္စည်းများ ပျက်စီးမှုနည်းစေရန် ကာကွယ်ထားခြင်းဖြစ်ပါသည်…

ဒါကြောင့် ကျွန်တော်သည် စက်သတ်၍သာတိုင်းပါသည်…

ဆီမတိုင်းခင် အထက်တွင်ဖော်ပြခဲ့သလို ဂီယာအကုန်ထည့်ကာခေတ္တစောင့်ဆိုင်းရန်ကိုတော့ မဖြစ်မနေလိုအပ်ပါသည်…

ဆီဖြည့်ပြီးသတ်မှတ် Level ရောက်ပါကကားအား ၅ ကီလိုကျော်ခန့်စမ်းသပ်မောင်းနှင်ကြည့်ကာ ဂီယာအချိန်းအပြောင်းမှန်ပါက စက်ရပ်ကာ ဆီတိုင်းကြည့်ပါ

Maximum Hot အမှတ်တွင်မရောက်သေးပါက သတ်မှတ်အမှတ်ရောက်သည်အထိဆီထပ်ဖြည့်ပါ

အော်တိုဆီ ယိုစိမ့်ခြင်းရှိ / မရှိစစ်ဆေးပြီးလျှင်ဆီယိုစိမ့်ခြင်းမရှိပါက မော်တော်ယာဉ်ပိုင်ရှင်ထံသို့ ပြန်လည်အပ်နှံနိုင်ပြီဖြစ်ပါသည်

မှတ်ချက်။ စက်နိုးထား၍အော်တိုဆီတိုင်းပါက Cold Level ထက် ပို၍ မဖြည့်သင့်ပါ

အော်တိုဆီများပါက ဂီယာဝိုင်အပူချိန်ပိုများကာ ဂီယာအတွင်းပိုင်းပစ္စည်းများ ပျက်စီးစေတတ်သောကြောင့်ဖြစ်ပါသည်…

ယခုနောက်ပိုင်းလာသောမော်ဒယ်မြင့်ကားများတွင် အော်တိုဆီတိုင်းသော Level Gauge တံများမပါရှိသောကားများလည်းရှိပါသည်…

ထိုကားများတွင် ကားအမျိုးအစားအလိုက် Oil Level ပေါက်ပါရှိပါသည်… ထို Level ပေါက်မှ ဆီကျလာသည်အထိအထက်ဖော်ပြပါနည်းလမ်းအတိုင်း ဖြည့်ရမည်ဖြစ်ပါသည်

#မူရင်းရေးသားသူအား‌လေးစားစွာဖြင့်Credit ပေးပါသည်။

ဗဟုသုတရစေရန် ရည်ရွယ်၍ ပြန်လည်မျှဝေသည်။

စာဖတ်သူများကျန်းမာချမ်းသာဘေးကင်းကွာကြပါစေခင်ဗျာ🙏🙏🙏

22/08/2026

ရေတိုင်ကီ အဖုံးသေးသေးလေးမကောင်းရင် ဖြစ်တတ်တဲ့ ပြဿနာများ
~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ကားရေတိုင်ကီ အဖုံးလို. ခေါ်တဲ့ Radiator Cap (or) Pressure Cap လေးရဲ. အလုပ်လုပ်ပုံတွေ ၊ ကားရေတိုင်ကီ အဖုံးလေးမကောင်းရင် ဖြစ်တတ်တဲ့ ပြဿနာတွေကို ဆွေးနွေးတင်ပြပေးပါ့မယ် ။

ရေတိုင်ကီ အဖုံးလေး အကြောင်း မပြောခင် ယနေ. ကျနော်တို. လက်ရှိ အသုံးပြုနေတဲ့ ကားတွေရဲ. အင်ဂျင် အအေးပေးစနစ် ( Cooling System ) အကြောင်း အရင်ပြောပြချင်ပါတယ် ။

ကျနော်တို. လက်ရှိ အသုံးပြုနေတဲ့ ကားတွေမှာပါတဲ့ အင်ဂျင်တွေဟာ အတွင်းပိုင်းမီးလောင်ပေါက်ကွဲပြီးမှ စွမ်းအင်ရရှိတာ (Internal Combustion Engine ) တွေပါပဲ ။

ဒါကြောင့် ဒီအင်ဂျင်တွေဟာ အတွင်းပိုင်းမီးလောင်ပေါက်ကွဲရတဲ့ အတွက် ပူပါတယ် ။
ဒီလိုပူတဲ့အင်ဂျင်တွေဟာ အပူချိန်လွန်ကဲပြီး မပျက်စီးရလေအောင် အအေးပေးစနစ်တွေကို တီထွင်ဖန်တီးရပါတယ် ။

ကားအင်ဂျင်အအေးပေးစနစ်မှာ ပါ၀င်တဲ့ အဓိက ပစ္စည်းတွေကတော့
▪️1. Radiator ( ရေတိုင်ကီ )
▪️2. Water Pump ( ရေလည်အုံ )
▪️3. Cooling Fan ( ပန်ကာ )
▪️4. Thermostat ( သာမိုစတတ်)
▪️5. Radiator Cap (or) Pressure Cap ( ရေတိုင်ကီ အဖုံး ) စတာတွေ နဲ. ဖွဲ.စည်းထားပါတယ် ။

▪️Radiator Cap (or) Pressure Cap

ဒီ Cooling System ထဲမှာ ပါ၀င်တဲ့ Radiator Cap (or) Pressure Cap ဆိုတာကလည်း အင်ဂျင်အအေးပေးစနစ်အတွက် အဓိက အရေးကြီးတဲ့ အစိတ်အပိုင်းတခုပါပဲ ။

ကားရေတိုင်ကီ အဖုံးလေးရဲ. အဓိက လုပ်ဆောင်ချက်တွေက
▫️1. ရေတိုင်ကီထဲက Coolant တွေ အပြင်ကို မထွက်အောင်ကာကွယ်ပေးတာ
▫️2. ရေတိုင်ကီထဲက Coolant တွေရဲ. Pressure ကို လိုသလို ထိန်းညှိပေးတာ
▫️3. Cooling System ထဲမှာရှိတဲ့ Coolant တွေရဲ. Boiling Point တွေကို ထိန်းညှိပေးတာ
▫️4. အပူချိန်မြင့်မားနေတဲ့ Coolant တွေကို Expansion Tank လို.ခေါ်တဲ့ အအေးခံတဲ့ နေရာကို အ၀င်အထွက်လုပ်ရအောင် လုပ်ဆောင်ပေးတာ
အစရှိတဲ့ တာ၀န်တွေကို ထမ်းဆောင်ပါတယ် ။

Radiator Cap ကို Upper Pressure Seal , Lower Pressure Seal , Vacuum Valve , Pressure Spring Vacuum Spring တို.ဖြင့်ဖွဲ.စည်းထားပါတယ် ။

အင်ဂျင်အတွင်းမှာရှိတဲ့ Coolant တွေပူလာတဲ့အခါမှာ Cooling System အတွင်းမှာရှိတဲ့ ဖိအားတွေကလည်း တိုးလာပါတယ် ။ အဲ့ဒီလိုတိုးလာတဲ့ Coolant တွေရဲ. Normal Working Pressure (ပုံမှန်အလုပ်လုပ်သည့် ဖိအား) အတိုင်းတည်ရှိနေဖို. ဒီ Radiator Cap လေးက ထိန်းညှိပေးထားပါတယ် ။

Cooling System အတွင်းမှာရှိတဲ့ Coolant တွေရဲ. Normal Working Pressure မရောက်မခြင်း Radiator cap လေးမှာရှိတဲ့ pressure spring က တွန်းကန်ထားပြီး ၊ Coolant တွေရဲ. Pressure က အဲ့ဒီ Normal Working Pressure ကိုကျော်လွန်သွားပြီဆိုရင်တော့ Coolant တွေဟာ ဒီ Pressure Spring လေးကို တွန်းကန်ထွက်သွားပြီး Expansion Tank လို.ခေါ်တဲ့ ရေပြန်ဘူးထဲမှာ သွားရောက် အအေးခံရပါတယ် ။

ဒီလို အပူချိန်နဲ. ဖိအားများနေတဲ့ Coolant တွေ ရေပြန်ဘူးထဲကိုရောက်သွားတယ်ဆိုတာနဲ. ၊ အအေးပေးစနစ် Cooling System ထဲမှာ ဖိအားတွေလျော့ကျသွားပါတယ် ၊
ဖိအားလျှော့ကျသွားတာနဲ. Pressure Spring က ပြန်ပိတ်သွားပြီး အအေးပေးစနစ်ရဲ. ဖိအားကို ပုံမှန်အတိုင်းဖြစ်နေအောင် ဆက်လက်ထိန်းပေးထားပါတယ် ။

Vacuum Valve ကတော့ Pressure Valve ရဲ.အောက်ဖက်မှာတည်ရှိပြီး
အအေးပေးစနစ်ထဲမှာရှိတဲ့ အအေးခံရည် Coolant တွေရဲ. ဖိအားက ပြင်ပမှာရှိတဲ့ လေထုဖိအားထက်နည်းသွားပြီဆိုရင် Vacuum Valve ပွင့်သွားပြီး ရေပြန်ဘူးထဲက အအေးခံရည်တွေဟာ ရေတိုင်ကီထဲကို တခါပြန်လည်၀င်ရောက်လည်ပတ်ပါတယ် ။

အအေးပေးစနစ် ( Cooling System ) အတွင်းမှာ ဘာကြောင့် ဖိအားထိန်းထားရသလဲ ?

Cooling System အတွင်းမှာရှိတဲ့ coolant တွေပေါ်ဘာကြောင့် ဖိအားထိန်းညှိထားဖို.လိုတာလဲဆိုရင်တော့ Boiling Point ဆိုတဲ့ ရေဆူမှတ်ကို ထိန်းညှိကစားချင်လို.ပါ ၊

ပုံမှန်အားဖြင့် သာမာန် ရိုးရိုးရေတွေဟာ atmospheric pressure ဆိုတဲ့ လေထု ဖိအား 14.7 psi မှာရှိနေတယ်ဆိုရင် ဒီရေရဲ. ရေဆူမှတ်က 100 °C(စင်တီဂရိတ် ) ဖြစ်ပါတယ် ။

ဒီလိုပဲ လေထုဖိအားလျှော့ကျသွားလေလေ ၊ ရေဆူမှတ်တွေကလည်း လျော့လျော့ကျသွားလေလေပါ ။

ဒါကြောင့် မြေပြန်.အခြေအနေနဲ. တောင်ပေါ်ဒေသ အခြေအနေတွေမှာ ပင်လယ်ရေမျက်နှာပြင်ရဲ. အထက် အောက်ပေါ်မူတည်ပြီး ရေဆူမှတ်တွေလည်း ကွာခြားသွားပါတယ် ။

ယေဘူယျအားဖြင့် ဖိအား Pressure 1 lb ( 1 ပေါင် ) မြင့်တက်လာတိုင်း ရေဆူမှတ်က 1.714 °Cလောက်မြင့်တက်လာပါတယ် ။

ဒါကြောင့် 13-15 Psi ရှိတဲ့ Pressure Cap ကိုသုံးမယ်ဆိုရင် ရေဆူမှတ်က
26 °C ကနေ 30 °C လောက်ထိ ရေဆူမှတ်မြင့်တက်လာပါတယ် ။

ပုံမှန်ရေဆူမှတ်က 100 °C မှာဆူမယ်ဆိုရင် ဒီရေတိုင်ကီအဖုံးရဲ.ဖိအားကြောင့် 126 °C ကနေ 130 °C လောက်ရောက်မှ ရေဆူပါမယ် ။

အခြားစွမ်းဆောင်ရည်မြှင့်ထားတဲ့ ရေတိုင်ကီအဖုံးတွေဆိုရင်တော့ 19 – 30 Psi အထိ ဖိအားမြင့်ထားတဲ့ ရေတိုင်ကီအဖုံးတွေလည်းရှိပါတယ် ။

နောက်တချက်က အအေးပေးစနစ်ထဲမှာ အသုံးပြုနေတဲ့ Coolant တွေရဲ. ရေဆူမှတ်ကလည်း သာမာန်ရေထက်မြင့်များပါတယ် ၊
ဒီလိုမြင့်မားတဲ့ ရေဆူမှတ်ကို ရေတိုင်ကီအဖုံးရဲ. ဖိအားနဲ. ရေဆူမှတ်ထပ်မံတိုးမြှင့်ထားတဲ့အတွက် တော်ရုံနဲ. ရေမဆူနိုင်တော့ဘဲ ကားအင်ဂျင်ရဲ. လိုအပ်တဲ့ Normal Working Temperature (95 °Cကနေ 105 °C) အတွင်း အလွယ်တကူထိန်းထားနိုင်ပါတယ် ။

ဒီရေတိုင်ကီ အဖုံးလေးတွေရဲ. ဖိအား Pressure ကို Bar နဲ. Psi , KPa စတဲ့ ဖိအားယူနစ်တွေနဲ. အများဆုံးဖော်ပြလေ့ရှိပါတယ် ။

မြန်မာနိုင်ငံမှာ အသုံးများတဲ့ ရေတိုင်ကီအဖုံးလေးတွေရဲ. အပေါ်ကိုကြည့်ရင် သိနိုင်ပါတယ် ။

အောက်ကတော့ ရေတိုင်ကီအဖုံးရဲ. ဖိအားနဲ. ရေဆူမှတ်တွေ ဆက်စပ်ပြောင်းလဲပုံလေးတွေကို နမူနာတင်ပြထားတာပါ ။

ရေတိုင်ကီ အဖုံးဖိအား ၊ ရေဆူမှတ်
(Bar ) (Psi ) (KPa) ၊ ( °C ) ( ံ F )
(0.0) (0) (0) ၊ ( 100 ) (212)
(0.5) (7) (50) ၊ (112) (234)
(1) (15) (100) ၊ (120) (248)
ရေတိုင်ကီအဖုံးရဲ. ဖိအားထိန်းစနစ်ကြောင့် ရေလည်အုံ Water Pump မှာ ဖိအားစနစ်ရပြီး လည်ပတ်အားပိုမိုကောင်းမွန်စေတာ ၊ ရေဆူမှတ်မြင့်တက်လာမှုကြောင့် အင်ဂျင်ရဲ. လိုအပ်တဲ့ အပူချိန်ကို အလွယ်တကူထိန်းချုပ်နိုင်တာ အစရှိတဲ့ အကျိုးကျေးဇူးတွေ အများကြီးရှိပါတယ် ။

ဒါပေမယ့် ဒီရေတိုင်ကီ အဖုံးလေးမကောင်းလို. ၊ အထဲက ဖိအားပေးတဲ့ Spring တွေပျက်စီးသွားလို.ရှိရင်တော့ အောက်ပါ ပြဿနာတွေ ကြုံတွေလာရနိုင်ပါတယ် ။

▪️1. Coolant တွေ ယိုစိမ့်ထွက်တာ

ရေတိုင်ကီထဲက ဖိအားတွေများလာတဲ့အချိန်မှာ ဒီရေတိုင်ကီအဖုံးလေးက ဖိအားဒဏ်မခံနိုင်တော့လို. အတွင်းက Spring တွေပျက်စီးနေလို.ဆိုရင်တော့့ ရေတိုင်ကီထဲက ရေတွေက ဒီရေတိုင်ကီအဖုံးကနေ ယိုစိမ့်ထွက်ပြီး coolant တွေလျော့ အင်ဂျင်ဟိတက်လာမှာပါ ၊
ဒီပြဿနာက အဖြစ်များဆုံးပြဿနာတခုပါ ၊

တချို.ရေတိုင်ကီ အဖုံးတွေဆိုရင် အောက်ခြေပြတ်ထွက်ပြီး ဘာ Pressure မှ မထိန်းနိုင်လို. အလွယ်တကူ Heat တက် ထိုးရပ်တာတွေ ဖြစ်တာရှိပါတယ် ။

▪️2. Expansion Tank
ရေပြန်ဘူးထဲမှာ ရေတွေပြည့်လျှံကုန်တာ

ဒါလည်း ရေတိုင်ကီအဖုံးပျက်လို. Heat တက်တဲ့ ကားတော်တော်များများမှာ တွေ.ရတဲ့ ရောဂါပါ ၊

အပေါ်က ရှင်းပြထားသလို.ပဲ ရေတိုင်ကီအဖုံးမှာပါတဲ့ Pressure Spring မကောင်းရင် ဒီရောဂါအဖြစ်များပါတယ် ။

ဒီ Spring က လုံလောက်တဲ့ ဖိအားရောက်မှ ပွင့်ပေးရမှာပါ ၊
ဒီလိုမဟုတ်ဘဲ Spring မကောင်းတဲ့အတွက် ဖိအားမထိန်းနိုင်တော့ဘဲ ရေတိုင်ကီထဲက ရေတွေက ရေပြန်ဘူးထဲကို တောက်လျှောက်ထွက်ပြီး ရေပြန်ဘူးထဲကနေ လျှံကျပြီး ရေတွေကုန်ကာ အင်ဂျင် heat တက်စေတာပါ ။

▪️3. Radiator ထိပ်ခေါင်းပျက်စီးတာ

ဒါမျိုးကတော့ ဖြစ်ခဲပေမယ့် ၊ ဖြစ်လေ့ဖြစ်ထရှိပါတယ် ၊ ရေတိုင်ကီ အဖုံးက Pressure Spring တွေလုံး၀ အလုပ်မလုပ်တော့တဲ့အတွက် ဖိအားတွေများလာပြီး ရေတိုင်ကီအဖုံးအုပ်ထားတဲ့ ရေတိုင်ကီ ခေါင်းကို ကွဲထွက်တာ ၊ အက်ထွက်တာမျိုးတွေ ဖြစ်လာပြီးရေယိုစိမ့်ထွက် အင်ဂျင် heat တက်စေတာပါ ။

▪️4. ရေတိုင်ကီထဲ လေခိုတာ

ဒါကတော့ ရေတိုင်ကီအဖုံးမှာပါတဲ့ Seal တွေ မလုံတော့တဲ့အတွက် ၊ ပြင်ပလေက ရေတိုင်ကီထဲ၀င်ပြီး ရေလမ်းကြောင်းထဲ လေတွေရောပါပြီး လေခိုကာ အင်ဂျင်အအေးပေးစနစ်ကို နှောက်ယှက် အင်ဂျင်ဟိတက်စေတာမျိုးပါ ။

ဒီအချက်တွေဖြစ်လာပြီဆိုရင်တော့ ကားအင်ဂျင်အအေးပေးစနစ်ကို အနှောက်အယှက်ဖြစ်စေပြီး ကားအင်ဂျင် Heat တက်စေမှာပါ ၊

ကားမောင်းသူက ကားအင်ဂျင် Heat တက်တာကို သတိမပြုဘဲ မောင်းနှင်မယ်ဆိုရင်တော့ engine head gasket ပျက်စီးတာကနေ ၊ အင်ဂျင်တခုလုံး ပျက်စီးတာမျိုးအထိ ကြုံတွေရနိုင်ပါတယ် ။

ရေတိုင်ကီ အဖုံးသေးသေးလေးကို သတိထား မလဲလှယ်ဘဲ အသုံးပြုမှုတွေ ကြောင့် ကားအင်ဂျင်ပျက်စီးပြီး ငွေကုန်ကြေးကျများတဲ့ ပြုပြင်မှုတွေလုပ်ရတဲ့သူတွေ မနည်းပါဘူး ။

နောက်တချက်က ကားရေတိုင်ကီအဖုံး Radiator Cap တွေကို တွေ.ရာ အဖုံးကောက်တပ်လို.မရပါဘူး ၊

ဘာဖြစ်လို.ဆိုရင်တော့ အပေါ်မှာရှင်းပြခဲ့သလိုပဲ ၊ဖိအားတွေကွာခြားသွားတာနဲ. အမျှ ရေဆူမှတ်တွေပြောင်းလဲပြီး ကားအင်ဂျင်ရဲ. သတ်မှတ်အပူချိန် ထိန်းညှိမှုတွေ လွဲကုန်မှာပါ ။

ဒါကြောင့်ကားထုတ်လုပ်တဲ့ ကုမ္ပဏီရဲ. သတ်မှတ်ပေးလိုက်တဲ့ ဖိအားယူနစ်အတိုင်း အတိအကျ တပ်ဆင်အသုံးပြုရမှာဖြစ်ပါတယ် ။

နောက်ဆုံးတချက်ကတော့ ရေတိုင်ကီအဖုံးတိုင်းမှာလိုလိုပါတဲ့ "Never Open when hot" ဆိုတဲ့ ပူနေတဲ့အချိန် ဘယ်တော့မှ မဖွင့်ပါနဲ. ဆိုတဲ့ Safety လေးကို သတိထားဖို.ပါပဲ ။

ကားအင်ဂျင် heat တက်ပြီဆို လူတော်တော်များများက လန်.ဖြန်.ပြီး ရေတိုင်ကီအဖုံးကို ပြေးဖွင့်တတ်ကြပါတယ် ။

ရေတိုင်ကီအဖုံးကို ဖိအားမြင့်ပြီး ပူနေတဲ့အချိန်မှာဖွင့်မိလို. ရေပူတွေ မျက်နှာကို လောင်တဲ့သူတွေလည်း တော်တော်များပါတယ် ။

ဒါကြောင့် ဘာမဟုတ်တဲ့ သေးသေးလေးဆိုပြီး သတိမမူဘဲ ပြုမူမိရင် ကြီးကြီးမားမားပြဿနာတွေဖြစ်တတ်ပါကြောင်း စေတနာထားတင်ပြလိုက်ရပါတယ် ။

Credit : Primeautotechnology
Lynn Za Nee ( P.T.U )
မူရင်းရေးသားသူအားလေးစားစွာcreditပေးပါသည်
ဗဟုသုတ ရစေရန်ပြန်လည်မျှဝေခြင်းဖြစ်ပါတယ်

21/08/2026

Core Plug ဆိုတာ ဘာအတွက်လဲ ?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

အင်ဂျင်တွေရဲ့ အင်ဂျင်ဟက် (Engine Head) နှင့် အင်ဂျင်ဘလော့ (Engine Block) တွေမှာ ကိုးပလပ် (Core Plug) လို့ခေါ်တဲ့ အဝိုင်းပုံစံ သံအစွပ်ခွက်လေးတွေကို တွေ့မြင်ရမှာပါ။

Core Plug တွေကို Welch plug (သို့) Freeze plug (သို့) Expansion plug လို့လည်း ခေါ်ကြပါတယ်။

ဒီကိုးပလပ်တွေက အင်ဂျင်ကူးလန့်လိုင်းမှာ တပ်ဆင်ထားတာလည်း ဖြစ်ပါတယ်။

ဒီပစ္စည်းလေးတွေ ထည့်ပေးထားရတဲ့ အဓိကရည်ရွယ်ချက် ရှိပါတယ်။

အဲ့ဒါကတော့ အင်ဂျင်ဟက် နှင့် အင်ဂျင်ဘလော့တွေကို သဲနှင့်မိုလောင်း (Sand Mold) တဲ့အခါ အတွင်းထဲက သဲတွေကို ထုတ်ဖို့အတွက် အပေါက်တွေဖေါက်ထားရပါတယ်။

မိုလောင်းပြီးသွားတဲ့အခါ မိုလောင်းစဉ်အသုံးပြုထားတဲ့ သဲတွေကို ထုတ်ပြီး အပေါက်ပြန်ပိတ်တဲ့ ကိုးပလပ်တွေနဲ့ ပြန်ပိတ်ပေးထားတာဖြစ်ပါတယ်။

ဒီအချက်ကတော့ အင်ဂျင်တွေမှာ ပါဝင်တဲ့ ကိုးပလပ်တွေရဲ့ အဓိက ရည်ရွယ်ချက်တစ်ခုဖြစ်ပါတယ်။

ဒါ့အပြင် အင်ဂျင်အပူလွန်ကဲမှု အဆမတန်ဖြစ်ပွားတဲ့အခါ အင်ဂျင်ဟက်နှင့် အင်ဂျင်ဘလော့ မပျက်စီးအောင် ကိုးပလပ်တွေမှလည်း ပြုလုပ်ပေးပါတယ်။

တခါတလေ ကိုးပလပ်တွေက လုံးဝပျက်စီးသွားတာမဟုတ်ဘဲ အက်ကြောင်းလေးဖြစ်ကာ အင်ဂျင်ကူးလန့်တွေဖိအားမြင့်လာချိန် ယိုစိမ့်မှုတွေဖြစ်စေနိုင်ပါတယ်။

ကိုးပလပ်ပျက်စီးစေနိုင်တဲ့ အဓိကအကြောင်းရင်းကတော့ အင်ဂျင်ကူးလန့်ကို အသုံးမပြုဘဲ ရိုးရိုးရေကို အသုံးပြုခြင်းကြောင့် သံချေးတက်ကာ ကိုးပလပ်တွေပျက်စီးစေနိုင်တာဖြစ်ပါတယ်။

ဒါကြောင့် ရိုးရိုးရေအစား အင်ဂျင်ကူးလန့်ကို အသုံးပြုသင့်သလို အင်ဂျင်ကူးလန့်ယိုစိမ့်မှုဖြစ်တဲ့အခါ ကိုးပလပ်တွေကိုလည်း သေချာစစ်ဆေးသင့်ပါတယ်။

Credit original owner

မူရင်းရေးသားသူအားလေးစားစွာ Credit ပေးပါသည်

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

20/08/2026

ဒီဇယ်အင်ဂျင်ပြစ်ချက်များ
******************************************************************************************
ကားဆရာဖြစ်လာရင် ဓာတ်ဆီ ကားရော၊ ဒီဇယ်ကားပါမောင်းရမှာဘဲ။

ဓာတ်ဆီအင်ဂျင်က လူစီးကားလေး တွေလောက်ဘဲ သုံးပါတယ်။
ဒီဇယ် အင်ဂျင်က ပိုပြီးအသုံးများပါတယ်။ ထရပ်ကားတွေ၊ ဘတ်စ်ကားကြီးတွေ၊ ထရေလာကုန်တင်ကားကြီးတွေ၊ Dumper Truck တွေ၊ စက်ယန္တရား ကြီးတွေအားလုံး ဒီဇယ်အင်ဂျင်ဘဲ သုံးပါတယ်။ ဒီဇယ်အင်ဂျင်ကအား ကောင်းတယ်။ အကြမ်းခံတယ်။ ပြု ပြင်ထိန်းသိမ်းရတာနည်းတယ်။ ဆီ စားသက်သာပြီး ကုန်ကျစရိတ်သက် သာတယ်။

ဓာတ်ဆီအင်ဂျင်နဲ့စာရင် ပြဿနာနည်းတယ်။ ဒါကြောင့် ဒီဇယ် အင်ဂျင်ကို အသုံးများတယ်။

ဒီဇယ်အင်ဂျင်နဲ့ ဓာတ်ဆီအင်ဂျင် ဖွဲ့စည်းပုံမတူသလို အလုပ်လုပ်ပုံ လည်း ခြားနားပါတယ်။

ပထမဆုံး လောင်စာဆီမတူပါဘူး။ ဒီဇယ်ဆီက နည်းနည်းချွဲပျစ်ပါတယ်။ ချွဲပျစ်တဲ့အ တွက် ချောဆီဂုဏ်သတ္တိရှိပါတယ်။ ဒီဇယ် Injection Pump နှင့် နော် ဇယ်အတွင်းမှာ ချောဆီအဖြစ် ဆောင် ရွက်ပေးပါတယ်။ သာမန်အပူချိန်မှာ ဒီဇယ်ဆီက အငွေ့မပျံနိုင်ပါဘူး။ ဓာတ် ဆီကတော့ အငွေ့ပျံနှုန်းမြန်ပါတယ်။

ဒီဇယ်အင်ဂျင်ရဲ့Compression က ဓာတ်ဆီအင်ဂျင်ထက်မြင့်ပါတယ်။ Compression အချိုး (15:1) ကနေ (20:1) အထိရှိပါတယ်။ ဒါကြောင့်မို့ အင်ဂျင်အတွင်းဝင်သွားတဲ့လေကို ပစ္စ တင်ကဖိသိပ်လိုက်ရင် အလွန်ပူလာ ပါတယ်။ အပူချိန် (500°C) လောက် အထိပူမှ ဒီဇယ်ဆီမီလောင်ပေါက်ကွဲ နိုင်ပါတယ်။

ဒါကြောင့်အင်ဂျင်Compression ကျတဲ့ ဒီဇယ်ကားတွေ၊ စက် နှိုးရထိုင်းပါတယ်။ Compression ကျ တာဟာ ဗားတွေ Ring တွေမလုံ တော့လို့ပါ။
Compression Stroke မှာ ပူ နေတဲ့လေထဲကို ဒီဇယ်နော်ဇယ်ထိပ် ဖျားက ဆီဖြန်းပေးလိုက်တာနဲ့ အလို အလျောက် မီးပေးစနစ်တွေ၊ ပလပ် တွေမလိုပါဘူး။ ဒါပေမဲ့ Heat Plug ခေါ်တဲ့ ွူသတ မီးတော့လိုပါတယ်။ ဒီဇယ်အင်ဂျင်မှာ လောင်စာဆီပို့စနစ် က ဓာတ်ဆီအင်ဂျင်နဲ့ ခြားနားပါ တယ်။ ဒီဇယ် Injection ပန့်နဲ့ နော် ဇယ်ကိုသုံးပါတယ်။ ဒီကနေ့ ခေတ် ပေါ်ဒီဇယ်အင်ဂျင်တွေမှာတော့ Comon Rail Direct Injection စနစ်ကို သုံးပါတယ်။

ဒီဇယ်အင်ဂျင်အကြောင်းတွေ ပြောနေလို့ မပြီးပါဘူး။ အဓိကပြော ပြချင်တာက ကားဆရာတွေ အမြဲ ကြုံတွေ့ရနိုင်တဲ့ ဒီဇယ်အင်ဂျင်ပြဿ နာလေးတွေပါဘဲ။

ဆောင်းရာသီ အလွန်အေးခဲတဲ့ ဒေသတွေမှာ ဒီဇယ်ကားစက်နိုးရတာ ခက်ခဲတတ်ပါတယ်။

ဆောင်းရာသီမှာ သုံးရတဲ့အင်ဂျင်ဝိုင်က ပျစ်နေလို့မရ ပါဘူး။ မာတီဂရိတ်အင်ဂျင်ဝိုင်ကိုသုံး ပါ။ 5TS-20 လောက်ဆို သင့်တော် ပါတယ်။ မာတီဂရိတ်မှာညွန်းတဲ့ “Ts” ဆိုတဲ့ စာလုံးက “TS-inter” ဆောင်း ရာသီကိုဆိုလိုတာပါ။ ရေခဲအမှတ် လောက်အေးခဲနေတဲ့ဒေသမှာ သာမန် အင်ဂျင်ဝိုင် SAE 40 လောက်သုံးထား ရင် အင်ဂျင်ဝိုင်တွေလဲ ပျစ်ခဲနေမှာ သေချာပါတယ်။ မာတီဂရိတ်ဆီက မခဲပါဘူး။ အင်ဂျင်ဝိုင်ရဲ့သဘာဝက အေးရင်ပျစ်ခဲနေမယ်။ ပူလာရင် ဆီ ကျဲသွားမယ်။ ဒါပေမဲ့ မာတီဂရိတ်အင် ဂျင်ဝိုင်မှာ ထပ်ပေါင်းဓာတုပစ္စည်းတွေ ရောစပ်ထားတာကြောင့် အေးတဲ့အ ချိန်မှာ ဆီကျဲနေပြီး ပူလာရင် ဆီပျစ် သွားတတ်ပါတယ်။

ဒီဇယ်အင်ဂျင်အတွက် အင်ဂျင်ဝိုင်ကိုသုံးရင် ဒီဇယ် ကားအတွက် သီးသန့်လာတဲ့အင်ဂျင် ဝိုင်ဘဲသုံးပါ။ ဓာတ်ဆီကားမှာသုံးတဲ့ Motor Oil ကိုမသုံးရပါ။
ဓာတ်ဆီနဲ့ ဒီဇယ်မီးလောင်ပေါက်ကွဲတဲ့ဖြစ်စဉ် မတူလို့ပါဘဲ။

ဒီဇယ်ကားမှာ စက်နှိုး ရလွယ်ဖို့ မော်တာနဲ့ ဘက်ထရီပက် ကားကောင်းနေအောင် ထိန်းသိမ်းဖို့ လိုပါတယ်။ စက်နှိုးမော်တာစနစ်မှာ ဘာအပြစ်မှမရှိအောင် ထိန်းသိမ်းစစ် ဆေးပြုပြင်ထားဖို့လိုပါတယ်။

ဘက်ထ ရီအားကောင်းဖို့လည်း မိုးရေ-အက် ဆစ် Level မှန်ရမယ်။ ဘက်ထရီ ခေါင်းတွေ ဘက်ထရီကေဘယ်ကြို တွေ အဆက်ကောင်းရမယ်။ ဘက် ထရီချာဂျင်စနစ်ကောင်းရမယ်။ ဒိုင်နမို မီးထွက်ကောင်းရမယ်။ ဒီဇယ်ကားမှာသုံးတဲ့ဘက်ထရီက အမ်ပီယာအားကောင်းဖို့အတွက် ပလိပ်ပြားအရေအတွက်များတဲ့ အိုးကြီးကိုသုံးပါ။ ဘက်ထရီလည်း ကောင်းမယ်။ ချာဂျင်အားသွင်းစနစ် လည်းကောင်းမယ်။ မော်တာလည်း ကောင်းမယ်ဆိုရင် ကားသော့လှည့် လိုက်တာနဲ့ မော်တာအားကောင်း ကောင်းနဲ့လည်ပါလိမ့်မယ်။ ဒီဇယ် ကားဆိုတာ ကွန်ပရက်ရှင်နဲ့ စက်နှိုး ရတာကြောင့် စက်နှိုးမော်တာအီနေလို့ မရပါဘူး။ မော်တာအားကောင်း ကောင်းနဲ့လှည့်ပေးနိုင်ဖို့လိုပါတယ်။

မနက်ပိုင်း ကားစက်မနှိုးခင် အင် ဂျင်ဝိုင်တိုင်းပါ။ ရေတိုင်ကီရေဖြည့်ပါ။ Hand Pump ကို တင်းနေအောင်ရိုက် ပါ။ ကားစက်နိုးဖို့အဆင်သင့်ဖြစ်ရင် ဘက်ထရီအားကောင်း၊ မကောင်း ဟွန်းတီးကြည့်ပါ။ မီးကြီးဖွင့်ကြည့်ပါ။ အားလုံး OK ရင် ကားသော့ဖွင့်ပြီး ဂလိုးမီးအပူပေးပါ။ ၂ ကြိမ်လောက် အပူပေးပြီးရင် မော်တာဆွဲပြီးနိုးပါ။ မော်တာလှည့်တာနဲ့ ဒေါက်-ဝူးတစ် ချက်တည်းနဲ့ စက်နိုးရပါတယ်။ မော်တာတစ်ချက်တည်းနဲ့မနိုးနိုင်။ ၂ ခါ၊ ၃ ခါဆွဲပြီးမှ မနိုးချင်နိုးချင်နဲ့ အတော် လေးကို မော်တာဆွဲနေရရင်တော့ အခြေအနေမကောင်းလို့ပါဘဲ။ ဂလိုး မီး Heat Plug တွေမကောင်းတာလား၊ ဂလိုးမီးတိုင်မာ(Timer) မ ကောင်းတာလား၊ Pump ကျနေတာ ပြီလား။ အင်ဂျင် Compression ကျ နေလို့လား။ ချွတ်ယွင်းအားနည်းချက် တစ်ခုခုရှိနေလို့ပါဘဲ။

ဒီဇယ်အင်ဂျင်မှာ မီးပေးစနစ်မပါ တဲ့အတွက် အင်ဂျင်စတင်နိုးချိန်မှာ လုံလောက်တဲ့အပူချိန်ရဖို့ Glow Plug၊ Heat Plug တွေနဲ့ ကြိုတင်အပူ ပေးရပါတယ်။

အင်ဂျင်ဆလင်ဒါတစ် လုံးကို Glow Plug တစ်လုံးစီတပ်ဆင် အပူပေးတယ်။
၄ လုံးထိုးအင်ဂျင်မှာ Glow Plug ၄ လုံးပါပြီး
၆ လုံးထိုး မှာ Glow Plug ၆ လုံးပါတယ်။
Glow Plug ဆိုတာလည်း သုံးတာကြာလာ ရင် လောင်ကျွမ်းတတ်တယ်။
Plug ၂ လုံးလောက်မကောင်းရင် ဒီဇယ် အင်ဂျင်အနိုးထိုင်းတတ်ပါတယ်။

မနက်ပိုင်းအင်ဂျင်က အေးစက် နေတယ်။ စနိုးတဲ့အချိန်မှာ အပူလိုတယ်။ ဒီလိုအပ်ချက်ကြောင့် ဂလိုး မီးကို တပ်ဆင်ထားတာ။

စက်မနိုးခင် Glow Plug ကို ၅ စက္ကန့်လောက် လျှပ်စစ်စီးစေတာနဲ့ ချက်ချင်းပူတတ် လာပါတယ်။ အင်ဂျင်ကို မော်တာနဲ့ လှည့်လိုက်တဲ့အချိန်မှာ အင်ဂျင်ပေါက် လောင်းခန်းမှာ လေတွေကို ဖိသိပ်မိတယ်။ အင်ဂျင် Compression ဖိ အားရယ် Glow မီးအကူအားတွေ ကြောင့် ပေါက်ကွဲနိုင်တဲ့အဆင့်အထိ အပူချိန်မြင့်တတ်နေတယ်။ ဒီအချိန်မှာ နော်ဇယ်က ဒီဇယ်အမှုန်ကလေးတွေ ဖြန်းလိုက်တာနဲ့ ပေါက်ကွဲပြီး အင်ဂျင် ချက်ချင်းနိုးသွားစေတာဖြစ်တယ်။

ဒီဇယ်ကားတွေမှာ ကားသော့ ဖွင့်လိုက်တာနဲ့ ကွိုင်ပုံသဏ္ဍာန် ှုခသာ လေးနဲ့ Glow မီးနီကလေးလင်းလာ မယ်။ စက္ကန့်ပိုင်းကလေးမှာဘဲ Glow မီးငြိမ်းသွားမယ်။ အဲ့ဒီအချိန်ကျမှ မော် တာကိုလှည့်ပါ။ Glow Plug တွေကို Timer က ထိန်းချုပ်ပြီး မီးပေးတယ်။ တခါတလေ Timer မကောင်းရင် ဒါမှ မဟုတ် Relay ကူးမကောင်းရင် Glow Plug ကို မီးမရောက်ဘူး။

ဒီဇယ်ဆီမှာ ရေနဲ့အမှုန်အမွှား အညစ်အကြေးတွေရောပါတတ်တယ်။ ဆီသန့်ဖို့လိုပါတယ်။ ဒီဇယ်စစ်ဘူး ၁ လ သို့မဟုတ် ၂ လတစ်ကြိမ်လောက် အသစ်လဲပေးဖို့လိုပါတယ်။ အရည်အ သွေးညံ့တဲ့ ဒီဇယ်ဆီမှာ ဆာလဖာနဲ့ ဖယောင်းတွေပါဝင်နေပါတယ်။ ဒီအရာတွေက အလွန်အေးတဲ့ရာသီမှာ ဆီ လိုင်းမှာပိတ်နေတတ်ပါတယ်။ အရည် အသွေးကောင်းတဲ့ Ultra Low Sulfur Diesel ဆီကိုသုံးပါ။

ဒီဇယ်ဆီတိုင်ကီ ထဲမှာ ရေတွေနဲ့ မသန့်ရှင်းတဲ့ ဒီဇယ် အနယ်အနှစ်တွေရှိနေရင် အဏုဇီဝ ပိုးမွှားတွေ ရှင်သန်ပေါက်ဖွားနေတတ် ပါတယ်။ ရေနံကိုစားတဲ့ပိုးတွေရှိပါ တယ်။ ဒီပိုးမွှားတွေက ရေနံထွက် ပစ္စည်းတွေထဲမှာ အသက်ရှင်နေထိုင် ပြီး အကျိအချွဲတွေထုတ်လုပ်ပါတယ်။ ဒီအကျိအချွဲတွေကြောင့် ဒီဇယ်ဆီဟာ ပိုပြီးညစ်ပတ်သွားပါတယ်။ မကောင်း တဲ့အနံ့ဆိုးတွေထွက်ပါတယ်။ အဲ့ဒီအ ကျိအချွဲတွေနဲ့ ဒီဇယ်အနယ်အနှစ်တွေ က ဒီဇယ်ဆီပိုက်လိုင်းထဲမှာ ကော် စေးလိုကပ်တွယ်ပြီး ဒုက္ခပေးတတ်ပါ တယ်။ ဆီတိုင်ကီထဲမှာ ပိုးမွှားတွေမ ပေါက်နိုင်အောင် Biocide လို ပိုး သတ်ဆေးသုံးရပါတယ်။ ဒီဇယ်တိုင် ကီကိုလည်း ဖြုတ်ဆေးဖို့လိုပါတယ်။

ဆီလိုင်းထဲမှာ လေခိုနေရင်၊ စက် ထိုးရပ်သွားတတ်ပါတယ်။ Hand Pump ရိုက်ပြီး ဆီလိုင်းထဲကလေတွေ ကို လေချူပေါက်ကနေ ချူထုတ်ပေးရ ပါတယ်။

Air Cleaner ပိတ်ပြီး အင်ဂျင် လေငတ်ရင် အင်ဂျင်ဆွဲအားကျပါ တယ်။ မီးခိုးမဲတွေလည်းထွက်တတ် ပါတယ်။
Injection Pump Timing မမှန်ရင်လည်း ဒီဇယ်မီးခိုးထွက်တတ် ပါတယ်။
နော်ဇယ်တွေမကောင်းရင် လည်း မီးခိုးထွက်တတ်ပါတယ်။

ဒီဇယ်အင်ဂျင်အဆွဲအရုန်းကျမယ်၊ အ ထမကောင်းဘူး၊ မီးခိုးလိုက်တဲ့ပြဿ နာတွေရှိရင် ကျွမ်းကျင်တဲ့ဒီဇယ်ဆား ဗစ်ဆိုင်မှာ ပြသပါ။ Common Rail Diesel ကားတွေမှာတော့ ကွန်ပျူတာ နဲ့ ထိန်းကျောင်းတာကြောင့် အပြစ် ရှာမယ်ဆိုရင် ကွန်ပျူတာG-Scan Tool နဲ့ ရှာရပါတယ်။ ဆီအရည်အ သွေးမကောင်းတဲ့အတွက် Nozzle ထိပ်တွေ Injector ထိပ်တွေမှာ ဒီ ဇယ်ဗားနစ်(Varnish) တွေဖြစ်ပြီး ဆီဖြန်းတဲ့ပုံစံကို ပျက်စီးစေပါတယ်။ ဒီဇယ်ကားမှာ ဆီသန့်ဖို့၊ ချက်ဆီတွေ ရောမပါဖို့ ဆာလဖာပါဝင်နှုန်းနည်းဖို့ လိုပါတယ်။ Diesel Treatment ကို တခါတရံသုံးပေးပါ။

Credit-
ဆရာ KMA(သိပ္ပံနှင့်နည်းပညာ)
#မူရင်းရေးသားသူအား‌လေးစားစွာဖြင့်creditပေးပါသည်။
မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

19/08/2026

လူကြီးမင်၏ကား အရင်လို ပြန်ရုန်းနိုင်ဖို့ ကာဗွန်ဂျိုး/ ကျောက်ဇကာ

ဆေးကြောလိုက်ပါ!

ကာဗွန်ဂျိုးဆေးခြင်းကြောင့်

▪️အဆွဲအရုန်း သိသိသာသာ ပေါ့ပါးသွက်လက်လာခြင်း

▪️ဆီစားနှုန်း သက်သာလာခြင်း

▪️အင်ဂျင်တုန်ခါမှုနှင့် ဆူညံသံများ လျော့နည်းသွားခြင်း

▪️အိတ်ဇောမီးခိုးမည်းထွက်ခြင်းကို ထိန်းချုပ်ပေးခြင်း

တို့ကိုရရှိစေပါတယ်

"ကျောက်ဇကာ" ဆေးကြောသန့်စင်ခြင်းဖြင့်

🚀 အဆွဲအရုန်း သိသိသာသာ ပေါ့ပါးသွားခြင်း။

⛽ လောင်စာဆီ စားနှုန်းကို ပြန်လည်သက်သာစေခြင်း။

🔥 အင်ဂျင် အပူတက်ခြင်းကို လျှော့ချပေးခြင်း။

💨 အိတ်ဇော အနံ့ဆိုးနှင့် မီးခိုးမည်းများ ပျောက်ကွယ်ခြင်း။

💰 ကျောက်ဇကာအသစ်လဲရမည့် ကုန်ကျစရိတ်ကို သက်သာစေခြင်းတို့ကိုရရှိစေပါတယ်

"အင်ဂျင်သက်တမ်း ပိုရှည်ဖို့ကာဗွန်ဂျိုး နှင့်ကျောက်ဇကာကို ပုံမှန်ဆေးကြောသင့်ပါတယ် "

Price -

Carbon service

3 လုံးထိုးအင်ဂျင် - 25000 ks

4 လုံးထိုးအင်ဂျင် - 35000 ks

6 လုံးထိုးအင်ဂျင် - 50000 ks

ကျောက်ဇကာဆေးကြော - 30000 ks/50000 ks

ဆက်သွယ်ရန် -

🚕ကိုသက်လွင် 🚕

ကြည့်မြင်တိုင်ရဲစခန်းဘေးလမ်း

ရုံးကြီးလမ်း/ဗားကရာချောက်အနီး

ရန်ကုန်

☎️ Ph - 09 44300 3881

- 09 79 65 29677

Address

Yone Gyi Street
Yangon

Opening Hours

Monday	09:00 - 16:00
Tuesday	09:00 - 16:00
Wednesday	09:00 - 16:00
Thursday	09:00 - 16:00
Friday	09:00 - 16:00
Saturday	09:00 - 16:00
Sunday	09:00 - 16:00

Telephone

+95973003881

Website

facebook.com

Alerts

Be the first to know and let us send you an email when TL Carbon Cleaning Service posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TL Carbon Cleaning Service:

Want your business to be the top-listed Autos & Automotive Service in Yangon?