A1 Auto Service - Hlaing Township, 44, Yadanar Mon 3 Street, 5 Quarter, Hlaing Township, Yangon (2026)

18/11/2025

ကားအများစု အင်ဂျင် Heat တက်လျှင် ဖြုတ်ခြင်း
sensor ကို ကျော်ထားခြင်း
pump မလည်ခြင်း
တိုက်ရိုက်လည်ခြင်း

ဒီလိုကားလေးတွေ A1 Auto Service တွင် စစ်ဆေးပြုပြင်ပေးပါသည်။

Tremostart ပြန်တပ် ECT sensor အပူချိန် ပုံမှန်ပြန်ထိန်း ပြီး အင်ဂျင်ရဲ့ အပူချိန်ကို Original ပြန်လုပ်နိုင်ပါတယ်။

နဂိုမူလ ပုံမှန် အတိုင်းပြန်လည်ပြုပြင်ချင်ပါက ပြုလုပ်ပေးပါသည်။

A1 Auto Service (09 775 908050, 09 40446 7766)

15/11/2025

အင်ဂျင်ဝိုင်အကြောင်းသိကောင်းစရာများ
------------------------------------

အင်ဂျင်ဝိုင်တွေကို ကားတိုင်းထည့်သွင်းအသုံးပြုကြပါတယ်။

ဘာအင်ဂျင်ဝိုင်ထည့်သုံးရမလဲနှင့် ဘာကြောင့် အင်ဂျင်ဝိုင်ဂျိုးများတက်ပြီး
အင်ဂျင်ပျက်စီးတက်သလဲကိုတော့ သိတဲ့သူနည်းနေပါသေးတယ်။

အင်ဂျင်ဝိုင်ဘာထည့်သုံးရမလဲ???

ဈေးကွက်ထဲတွင် အလွယ်တကူ ဝယ်လို့ရတာတွေကတော့
0W20
5W30
10W30
10W40

အင်ဂျင်ကားအများစုရဲ့ အင်ဂျင်တစ်လုံး မီးလောင်ခန်း လုံနေပြီး ဆီထိမ်းရာဘာများ ကောင်းနေသေးသော အခြေအနေတွင် အင်ဂျင်ဝိုင်ကို အကျဲသုံးပေးလို့ရပါတယ်။

0W20 အင်ဂျင်ဝိုင် Grade ကို Honda Hybrid ကားအများစုအသုံးပြုကြသလို
Model မြင့်သော ကားများကိုလည်း အင်ဂျင်ဝိုင်အကျဲဆုံး 0W20 ကိုပဲအသုံးပြုစေပါသည်။

5W30 Grade ကို အင်ဂျင်ဝိုင်ပုံမှန်လဲသော မည်သည့်ကားမဆိုအသုံးပြုလို့ရပါသည်။

ဈေးသက်သာစေပြီး ဆီအပူချိန်ပိုခံစေရန် ရေနံပိုမိုပါဝင်သော 10W30 ကိုအသုံးပြလို့ရပါသည်။

10W40 Grade ကို အင်ဂျင်ပါဝါကြီးသော 2500CC, 3000CC, 4000CC ကားများတွင်
အသုံးပြုဖို့သင့်လျော်ပါသည်။

ကားအင်ဂျင်ပါဝါသေးသော ကားများအတွက် အင်ဂျင်ပျက်စီးမှုများလာပါက
10W40 ကို ကားများတွင်ထည့်သွင်းအသုံးပြုနိုင်ပါသည်။

အင်ဂျင်ဝိုင်အမျိုးအစားမည်သို့ ရွေးချယ်ရမည်နည်း???

PAO Blend (Polyalphaolyphene)-ရေနံကိုရဲ့ အသန့်စင်ဆုံး chemical အင်ဂျင်ဝိုင်
HC (Hydro Cracked)-လူလုပ် Molecule များဖြင့်ပါဝင်သော အင်ဂျင်ဝိုင်
Ester Core - အပင်မှရရှိသော ဓာတုဗေဒဖြင့် အင်ဂျင်ဝိုင် အမျိုးအစားများဖြစ်ကြပါသည်။

ဒါဆိုရင် PAO ဖြင့် ထုတ်လုပ်သော အင်ဂျင်ဝိုင်များဖြစ်သော AISIN နှင့် အခြားအင်ဂျင်ဝိုင်အများစုကို PAO Blended နည်းဖြင့်ထုတ်လုပ်ပါသည်။

Liqui Moly နှင့် Castrol အုပ်စုများသည် Molecule fiction နည်းပညာပါဝင်ပြီး Additive ပါသော HC Technology
အုပ်စုနည်းဖြင့် ထုတ်လုပ်ပါသည်။

Ester Core ကတော့ Module, Mobil 1 တို့လို့ Brand ကောင်းပြီး နောက်ဆုံးပေါ်နည်းပညာဖြစ်သော အပင်မှ ဓါတုပစ္စည်းများဖြင့် အင်ဂျင်ဝိုင် ထုတ်လုပ်ပါသည်။

Engine Flush နှင့် Flushing Oil ကို မည်သို့အသုံးပြုသင့်သနည်း???

Engine Flush နှင့် Flushing Oil ကို PAO Blended နှင့် HC နည်းပညာထုတ် အင်ဂျင်ဝိုင်များအတွက် အင်ဂျင်ဝိုင်ဂျိုးကိုဆေးပေးရန် မရှိမဖြစ်လိုအပ်သည်။ (အင်ဂျင်ဝိုင်ဂျိုးတက်ပြီး အင်ဂျင်ထိခိုက်နိုင်လို့ပါ)

Ester Core ဖြင့်ထုတ်လုပ်သော အင်ဂျင်ဝိုင်များဖြစ်သည့် Module, Mobile 1, Shell အင်ဂျင်ဝိုင်တို့သည် အပင်မှ ဓါတုနည်းဖြင့် ထုတ်လုပ်ထားသော Engine Cleaning ဆေးရည်ပါဝင်သည်။ (အင်ဂျင်ဝိုင်ဂျိုးတက်ခြင်းမရှိလို့ Engine Flush နှင့် Flushing Oil သုံးရန်မလိုပါ)

လူသိနည်းပြီး စက်ပြုပြင်ဆရာတိုင်းမသိသော အင်ဂျင်ဝိုင်သက်တမ်းများ ဆိုတာဘာလဲ???

PAO Blended ဖြင့်ထုတ်လုပ်ထားသော အင်ဂျင်ဝိုင်များသည် ကီလိုမီတာ (၅၀၀၀)ထိပဲ မောင်းနှင်အသုံးပြုသင့်ပါသည်။

အင်ဂျင်ဝိုင်ဂျိုးအတက်မြန်ပြီး အင်ဂျင်ဝိုင်ရဲ့ သက်တမ်းအရမ်းတိုသောကြောင့် ဖြစ်ပါသည်။

HC Technology ဖြင့်ထုတ်လုပ်သော အင်ဂျင်ဝိုင်များသည် ကီလိုမီတာ (၇၀၀၀)(၈၀၀၀)မှ (၁၅၀၀၀၀)ထိ မောင်းနှင်နိုင်ပါသည်။
Molecule fiction နည်ပညာမြင့်ကြောင့် ဆီရဲ့ ခံနိုင်ရည် စွမ်းအင်မြင့်မားပါသည်။

Ester Core ဖြင့် ထုတ်လုပ်သော အင်ဂျင်ဝိုင်များသည် ကီလိုမီတာ (၇၀၀၀)(၈၀၀၀)မှ (၁၅၀၀၀၀)ထိ မောင်းနှင်နိုင်ပါသည်။

အင်ဂျင်ဝိုင်ဂျိုးမတက်ခြင်း အင်ဂျင်ဝိုင်ရဲ့ သက်တမ်းကြာရှည်ခြင်းနှင့် အသုံးပြုမှုရှည်ကြာစွာ သုံးစွဲနိုင်ခြင်းတို့ကြောင့်ဖြစ်သည်။

နောက်ပိုင်း ခေတ်များတွင် အင်ဂျင်ဝိုင်အများစုက Ester Core မှ ထုတ်လုပ်သော အင်ဂျင်ဝိုင်ကို တန်ဖိုးကြီးကားများတွင်
ပိုမိုအသုံးပြုလာကြပါမည်။

မိမိကား အင်ဂျင်ဝိုင်ဝယ်မည်ဆိုပါက မည်သည့် အင်ဂျင်ဝိုင် အမျိုးအစားသည် အကောင်းဆုံးဖြစ်မည်ကို သိရှိပြီးဖြစ်လောက်ပါပြီ။

အင်ဂျင်ဝိုင်နည်းပညာများသည် ကား Model အသစ်များနှင့် အင်ဂျင်အသစ်များကြောင့် Grade ကိုလည်း SN, SN plus မှ SP grade ထိ
အဆင့်မြှင့်တင်လာကြပါသည်။

A1 Auto Service (Sanchaung)
09 775 908050

A1 Auto Service (Hlaing)
09 40 4467766

10/11/2025

(11.11.2025) Promotion
-----------------–--------

4L အင်ဂျင်ဝိုင် တစ်ဗူးဝယ်ယူသူတိုင်း injector cleaner တစ်ဗူး လက်ဆောင်ရယူပါ။

ဆီပန့်နှင့် အင်ဂျက်တာကို အကောင်းဆုံးဖြစ်အောင် injector cleaner ကို ကီလို 5000 မောင်းပြီးတိုင်း တစ်ဗူးထည့် သုံးပေးပါ။

အမြဲ အားပေးနေသော မိတ်ဆွေ ကားပိုင်ရှင်များကို အထူးကျေးဇူးတင်ပါသည်။

A1 Auto Service (Sanchaung)
09 775 908050

A1 Auto Service (Hlaing)
09 40446 7766

09/11/2025

Misfire code (အင်ဂျင်မီးလောင်မှုမညီညာခြင်း ပြဿနာ)
--------------------------------------------------

မီးသံခေါက်တဲ့ Error ဆိုလည်းပြောလို့ရပါတယ်။

Misfire ဆိုတာက အင်ဂျင်ဆလင်ဒါတစ်လုံး (သို့) တစ်လုံးထက်ပိုပြီး စနစ်တကျ မီးမလောင်ဘဲ ဆီလောင်းကျွမ်းမှု မညီညာခြင်းကို ပြောတာပါ။ ကားက ချက်ချင်းဆိုသလို တုန်ခါနေပြီး "Check Engine" မီးလင်းလာနိုင်ပါတယ်။

Misfire Code ဖြေရှင်းခြင်း အဆင့်ဆင့်

ပထမဆုံး အဆင့် - ပြဿနာကို အတိအကျဖော်ထုတ်ပါ

1. OBD-II Scanner ဖြင့် Code ဖတ်ပါ: ကားရဲ့ OBD-II port (အများအားဖြင့် ကားမောင်းသူခုံအောက်ဘက်တွင် ရှိ) မှာ scanner ချိတ်ပြီး အတိအကျသိရှိရန် code ကိုဖတ်ပါ။

· Generic Code: P0300 (Random/Multiple Cylinder Misfire Detected) - ဆလင်ဒါအမျိုးမျိုးမှ ပြဿနာဖြစ်နိုင်သည်။

· Specific Code: P0301, P0302, P0303, P0304 ... - ဂဏန်းက ပြဿနာဖြစ်နေတဲ့ ဆလင်ဒါနံပါတ်ကို ညွှန်းပါတယ် (ဥပမာ - P0301 ဆိုရင် ဆလင်ဒါနံပါတ် ၁ မီးမလောင်တာ)။

2. ပတ်ဝန်းကျင်အခြေအနေကို စစ်ဆေးပါ: Scanner အများစုမှာ "Freeze Frame" data ကိုကြည့်လို့ရပါတယ်။ ပြဿနာဖြစ်ချိန်က ကားရဲ့ အပူချိန်၊ ရွေ့လျားမှုအမြန်နှုန်း စတာတွေကို သိရှိပြီး ပြဿနာကို ခန့်မှန်းနိုင်ပါတယ်။

ဒုတိယအဆင့် - ရိုးရှင်းပြီး စျေးပေါတဲ့ အရာတွေကနေ စစ်ဆေးပါ

Misfire ရဲ့ 90% လောက်က အောက်ကအချက်တွေကြောင့် ဖြစ်ပါတယ်။

1. မီးပွား (Spark Plugs) နှင့် မီးပွားကြိုး (Ignition Coils) တွေက အဖြစ်အများဆုံး အကြောင်းရင်းပါပဲ။

· လုပ်ဆောင်နည်းမှာ ပြဿနာဖြစ်နေတဲ့ ဆလင်ဒါရဲ့ မီးပွားနဲ့ မီးပွားကြိုး (သို့) coil pack ကို စစ်ဆေးပါ။

· ဖြေရှင်းနည်းများက မီးပွားတွေ မညီမညာတောက်နေလား၊ အက်ကွဲနေလား စစ်ဆေးပါ။ မီးပွားကြိုး/coil ကို အနီးအနားက ကောင်းတဲ့ဆလင်ဒါတစ်ခုနဲ့ လဲလှယ်ကြည့်ပါ (Swapping Test)။ ပြဿနာက လိုက်ပြောင်းသွားရင် အဲဒီ coil (သို့) ကြိုး ပျက်စီးနေတာပါ။

2. လောင်စာဆီ ထိုးပို့စနစ် (Fuel System)

· အကြောင်းရင်းမှာ Fuel Injector ပိတ်နေခြင်း (သို့) ညစ်ပတ်နေခြင်း။

· လုပ်ဆောင်နည်းမှာ Injector ကို နားရပ်ကြည့်ပါ (Stethoscope ဖြင့် ကြားရသံစစ်ဆေးခြင်း)။

ဖြေရှင်းနည်းမှာ Fuel Injector Cleaner ကို လောင်စာဆီတိုင်ကယ်ထဲ ထည့်သုံးကြည့်ပါ။ မရပါက Injector ကို အစားထိုးရန် စဉ်းစားပါ။

3. လေစီးကြောင်း (Air Intake)

· အကြောင်းရင်းမှာ လေစုပ်စနစ်မှ လေယိုစိမ့်မှု (Vacuum Leak) ရှိနေခြင်း။

· လုပ်ဆောင်ရန်နည်းလမ်းမှာ လေယိုစိမ့်နိုင်တဲ့ Vacuum hose တွေ၊ intake manifold gasket တွေကို မျက်စိနဲ့စစ်ဆေးပါ။ ဆပ်ပြာရည်ဖျန်းကြည့်ပါ (မီးမကပ်ပါနှင့်) - ပူဖောင်းထွက်လာရင် အဲဒီနေရာမှာ ယိုစိမ့်နေတာပါ။

တတိယအဆင့် - ပိုမိုနက်ရှိုင်းသော ပြဿနာများ

အထက်ပါအချက်တွေနဲ့ မပြေလည်ရင် ဒီအချက်တွေကို စဉ်းစားရပါမယ်။

1. ဖိသိပ်မှု ဆုံးရှုံးခြင်း (Compression Loss) - ဆလင်ဒါအတွင်းမှာ ဖိအားမထိန်းနိုင်တော့ခြင်း ဖြစ်ပါတယ်။
· အကြောင်းရင်းမှာ Piston Ring, Valve, Head Gasket စတာတွေ ပျက်စီးခြင်း။
· စစ်ဆေးနည်းမှာ Compression Tester ဖြင့် ဖိသိပ်မှုကို တိုင်းတာပါ။

2. Timing Belt/Chain ပြဿနာ နှင့် အင်ဂျင်အစိတ် အပိုင်းတွေရဲ့ အချိန်ကိုက်ရွေ့လျားမှု မှားယွင်းသွားခြင်း။
· လက္ခဏာမှာ ကားစက်နှိုးရခက်၊ စွမ်းဆောင်ရည်ကျဆင်း။
· စစ်ဆေးနည်းမှာ ကျွမ်းကျင်သူထံပြသပါ။

3. Sensor များ ပျက်စီးခြင်း

· Crankshaft Position Sensor / Camshaft Position Sensor: ဒီ Sensor တွေ ပျက်ရင် အင်ဂျင်က မီးဘယ်လောက်လောင်ကျွမ်းရမှန်း မသိတော့ပါဘူး။

· Mass Airflow Sensor (MAF)

အင်ဂျင်ထဲဝင်လာတဲ့ လေပမာဏကို တိုင်းတာပေးပါတယ်။ ညစ်ပတ်ရင် မီးမညီမညာဖြစ်တတ်ပါတယ်။ MAF Sensor Cleaner နဲ့ သန့်စင်ကြည့်ပါ။

4. EGR Valve ညစ်ပတ်ခြင်း

Exhaust Gas Recirculation valve ပိတ်နေရင် (သို့) ဟနေရင် misfire ဖြစ်တတ်ပါတယ်။ ချွတ်ပြီး သန့်စင်ကြည့်ပါ။

အတိုချုပ်အကြံပြုချက်

1. Code ဖတ်ပါ -> ဘယ်ဆလင်ဒါလဲဆိုတာ သေချာ သိအောင်လုပ်ပါ။

2. မီးပွား (Spark Plug) နဲ့ မီးပွားကြိုး/Coil (Ignition Coil) ကို အရင်ဆုံး စစ်ဆေးလဲလှယ်ကြည့်ပါ။

3. Fuel Injector Cleaner သုံးကြည့်ပါ။

4. လေယိုစိမ့်မှု (Vacuum Leak) ရှိမရှိ စစ်ဆေးပါ။

5. ဒါတွေနဲ့မှ မရသေးရင် ကျွမ်းကျင်သူဆီ အပ်နှံပါ။ Compression loss နဲ့ Timing belt ပြဿနာတွေက ပိုမိုရှုပ်ထွေးပြီး စရိတ်ကြီးတတ်ပါတယ်။

မည်သည့်ကားပြဿနာမဆို ဘေးကင်းစွာဖြေရှင်းရန် အရေးကြီးပါသည်။ အတွေ့အကြုံရှိသူများသာ လုပ်ဆောင်သင့်ပါသည်။ မရှင်းလင်းပါက ကျွမ်းကျင်သူထံ အပ်နှံပါ။

ပြဿနာကို အဆင့်ဆင့် ခွဲခြမ်းစိတ်ဖြာပြီး ရှင်းသွားရင်
misfire code ကို အောင်မြင်စွာ ဖြေရှင်းနိုင်ပါလိမ့်မယ်။

A1 Auto Service(Sanchaung)
09 775 908050

A1 Auto Service(Hlaing)
09 40446 7766

08/11/2025

DENSO Fuel Pump ကြောင့်

Toyota Recall ဖြစ် ပြီ
ပြသနာက
Denso ဆီပန့်တွင် impeller
(resin impeller)
Resin Impeller အားနည်းပီး
တည်ဆောက်မှူ အားနည်းပြီး ကားက ၅ နှစ်လောက်ကြာတော့

ဆီ
Pressure အားနည်းပြီး စက်မနိုးတာတွေ ကြုံခဲ့ရတာပါ ....

ဒီလို Denso Gasoline Pump ကို တပ်ထားတဲ့ကားအရေအတွက်က
Model 22 ခု မှာ
328,108 စီးရေဖြစ်ပြီး
Denso က ထုတ်လုပ်ပြီးပစ္စည်း 2.68 သန်းဖြစ်နေပါတယ်

2017 မှ 2020 Model အတွင်း ....
Toyota Noah၊ Voxy၊ Esquire၊ Hiace၊ Regius Ace၊ Alphard၊ Vellfire၊ Land Cruiser Prado၊ Crown၊ Harrier၊ Land Cruiser၊ Toyota Ambulance နှင့် Crown Patrol တို့ ပါဝင်တယ်

Lexus
NX300 IS300h
RX300
GS300h
GS450h RC300h LX570
နှင့် ``Bongo Brony Van´ အောက်တွင် Mazda အမှတ်တံဆိပ်
များ တွင်ဖြစ်ပါတယ်

ထုတ်လုပ်မှုကာလက၂၀၁၇ ခုနှစ် ဇူလိုင်လ ၃ ရက်နေ့မှ ၂၀၂၀ ခုနှစ် ဇန်နဝါရီလ ၁၄ ရက်နေ့အထိ ဖြစ်တယ်
🇲🇲👇👍

Recall စစ်တာ ထွက်လာရင်
မြန်မာနိုင်ငံက Toyota က တကယ့် Toyota Authorized ဖြစ်ရင်
မြန်မာပြည်ရောက်နေတဲ့ ကားများကိုလည်း အခမဲ့လှဲပေး ပါမည်

မြန်မာပြည်က Toyota ကတော့ ကျနော်မသိပါ

Recall Car များရဲ့ Chassic ထွက်လာရင် ကျနော် ပြန်လည်တင်ပေးပါ့မယ်

U Dom
Automotive Engineer JP
နောက် ဆက်လက် တင်ပေးမည်

07/11/2025

Engine Oil Grade SP အကြောင်း
-------------------------------------

SP သည် မော်တော်ကားအင်ဂျင်ဆီအတွက် API (American Petroleum Institute) မှ သတ်မှတ်ပေးထားသော စံညွှန်းတစ်ခု ဖြစ်ပါတယ်။ ဒီ "SP" ဆိုတဲ့ အဆင့်ဟာ လက်ရှိ ဓာတ်ဆီအင်ဂျင်များအတွက် အဆင့်အမြင့်ဆုံး စံညွှန်း ဖြစ်ပါတယ်။

SP ဆိုတာ ဘာကို ဆိုလိုတာလဲ???

API စံညွှန်းမှာ "S" သည် "Spark Ignition" ကို ကိုယ်စားပြုပြီး ဓာတ်ဆီအင်ဂျင်များ အတွက်သာ ဖြစ်ပါတယ်။ "P" သည် အဆင့်ကို ဖော်ပြပါတယ်။ A, B, C,... စသဖြင့် စာလုံးအက္ခရာ နောက်ပိုင်းကို သွားလေလေ၊ နည်းပညာအဆင့် မြင့်လေလေ ဖြစ်ပါတယ်။ ဒါကြောင့် SP ဟာ ၎င်းရဲ့ ရှေ့အဆင့်ဖြစ်တဲ့ SN, SN Plus ထက်စာရင် ပိုမိုကောင်းမွန်တဲ့ အဆင့်ဖြစ်ပါတယ်။

SP ဆီရဲ့ အဓိက အားသာချက်များ

SP စံညွှန်းဟာ ခေတ်သစ် အင်ဂျင်နည်းပညာများရဲ့ လိုအပ်ချက်တွေကို ဖြေရှင်းပေးနိုင်ဖို့ ဒီဇိုင်းဆွဲထားတာဖြစ်ပါတယ်။

၁။ LSPI (Low-Speed Pre-Ignition) ကာကွယ်နိုင်မှု ပိုကောင်းခြင်း

@ ခေတ်သစ် Turbocharged (တာဘိုနှိုး) အင်ဂျင်တွေမှာ အင်ဂျင်အရှိန်နှေးချိန် (low RPM) မှာ မီးစ提前 မီးလောင်တဲ့ LSPI ပြဿနာ ဖြစ်တတ်ပါတယ်။ ဒီပြဿနာဟာ အင်ဂျင်ကို ပျက်စီးစေနိုင်ပါတယ်။
· SP ဆီဟာ LSPI ဖြစ်ပွားမှုကို ထိရောက်စွာ လျှော့ချ ပေးနိုင်တဲ့ ဖော်မြူလာနဲ့ ဖော်စပ်ထားပါတယ်။

၂။ ချေးကပ်တား စွမ်းရည် မြင့်မားခြင်း

@ Timing Chain လို အင်ဂျင်အစိတ်အပိုင်းတွေမှာ ချေးကပ်တာကို ကာကွယ်ပေးနိုင်စွမ်း ပိုမိုကောင်းမွန်ပါတယ်။
@ Piston မှာချေးကပ်တာကိုလည်း ကောင်းစွာ ကာကွယ်ပေးနိုင်ပါတယ်။

၃။ ဆီစားနှုန်း သက်သာခြင်း

@ ပွတ်တိုက်မှုကို လျှော့ချပေးနိုင်တဲ့ စွမ်းရည်ရှိလို့ လောင်စာဆီ စားနှုန်း အနည်းငယ် ကောင်းမွန်စေပါတယ်။

၄။ သံချေးတား စွမ်းရည်

@ အင်ဂျင်အတွင်းက သတ္တုအစိတ်အပိုင်းတွေ သံချေးမတက်အောင် ကာကွယ်ပေးနိုင်ပါတယ်။

၅။ မြင့်မားသော အပူချိန်နှင့် ဖိအားဒဏ်ခံနိုင်ရည်

@ Turbocharged အင်ဂျင်တွေရဲ့ မြင့်မားတဲ့ အပူချိန်နဲ့ ဖိအားကို ခံနိုင်ရည်ရှိအောင် ထုတ်လုပ်ထားပါတယ်။

---

SP ဆီကို ဘယ်လိုကားတွေမှာ သုံးသင့်လဲ???

@ ခေတ်သစ် Turbocharged (တာဘိုနှိုး) အင်ဂျင် ပါသော ကားအားလုံးနီးပါး (အထူးသဖြင့် ၂၀၂၀ နောက်ပိုင်း ကားများ)
@ Direct Injection (GDI/TFSI) အင်ဂျင် ပါသော ကားများ
@ ကားထုတ်လုပ်သူက SP စံညွှန်း အဖြစ် သတ်မှတ်ထားသော ကားအားလုံး
@ SP ဟာ ရှေ့အဆင့်ဖြစ်တဲ့ SN, SM စတာတွေထက် ပိုကောင်းတဲ့အတွက် အရင် SN အဆင့် သုံးထားတဲ့ ကားတွေမှာလည်း သုံးလို့ အဆင်ပြေပါတယ်။

SP ဆီ ရွေးချယ်ရာတွင် ဘာတွေ သတိထားရမလဲ???

SP ဆီဝယ်တဲ့အခါ ဆီဗူးရဲ့ နောက်ကျောမှာ API Donut လို့ခေါ်တဲ့ လုံးဝိုင်းပုံစံ သင်္ကေတမှာ "API SP" လို့ ရှင်းရှင်းလင်းလင်း ဖော်ပြထားမှသာ စစ်မှန်တဲ့ SP ဆီဖြစ်ပါတယ်။

အကျဉ်းချုပ်ပြောရရင်...

Engine Oil Grade SP ဟာ ခေတ်သစ် ဓာတ်ဆီအင်ဂျင်တွေ၊ အထူးသဖြင့် တာဘိုနှိုးအင်ဂျင်တွေရဲ့ ခက်ခဲတဲ့ လိုအပ်ချက်တွေကို ဖြေရှင်းပေးနိုင်တဲ့ လက်ရှိအဆင့်မြင့်ဆုံး ဆီစံညွှန်းတစ်ခု ဖြစ်ပါတယ်။ သင့်ကားက ခေတ်သစ်ကားတစ်စီးဖြစ်တယ်ဆိုရင် SP အဆင့် ဆီသုံးသင့်ပါတယ်.

သင့်ရဲ့ မော်ဒယ်မြင့်ကားတွေ အတွက် SP Grade ကို ရွေးချယ်ပြီး A1 Auto Service တွင် November လအတွင်း ထည့်သွင်း အသုံးပြုလိုက်ပါ။

A1 Auto Service (Sanchaung)
09 775 908050

A1 Auto Service (Hlaing)
09 40446 7766

04/11/2025

Mobil 1 Super Engine Oil Promotion
-----------------------------------

ကားတွေကို အင်ဂျင်ဝိုင်
ကီလိုမီတာ 5000 ပြည့်တိုင်း
လဲပေးလို့ရပါတယ်။

ကားကို အသုံးမပြုဘဲ အင်ဂျင်ထဲမှာ
6 လ 1 နှစ် အင်ဂျင်ဝိုင်တွေကြာနေလျှင်
အင်ဂျင်ဝိုင် အဟောင်းကို ဖောက်လဲပေးရပါတယ်။

အင်ဂျင် Flushing ပြုလုပ်ခြင်းကို အင်ဂျင်ဝိုင်လဲတိုင်း ပြုလုပ်နိုင်လျှင် အကောင်းဆုံးပါ။

အင်ဂျင်ကာဗွန်ဂျိုးများကို ကီလိုမီတာ 5000 တစ်ခါ HHO Carbon Cleaning ပြုလုပ်ခြင်းသည်။ Piston ထိပ်ကို အသန့်ရှင်းဆုံး ဖြစ်စေပါသည်။

ရေရှည်သုံးမည့်ကားများက Maintenance ဂရုစိုက်နိုင်လျှင် နှစ် 20 ကျော်လည်း ဆက်သုံးလို့ ကောင်းနေပါလိမ့်မည်။

ကျွန်တော်လည်း နှစ် 20 ကျော်ကားပဲစီးပါတယ် ခင်ဗျ။

အင်ဂျင်ဝိုင်လဲ ချင်လို့ Mobil Super တံဆိပ် USA Brand လေးသုံးချင်ရင် ဆိုင်မှာ ရှိပါတယ်။

A1 Auto Service (Sanchaung)
09 775 908050

A1 Auto Service (Hlaing)
09 40446 7766

A1 ATS- Automotive Training School
09 894 338811
09 7878 77077

04/11/2025

ဘာအင်ဂျင်ဝိုင်လဲရမလဲ စက်ပြင် ဆရာရေ???

ကားဝပ်ရှော့တွေရဲ့ အခြေခံအကျဆုံးနဲ့ ဝင်ငွေအများဆုံးပြပါဆိုလျှင် အင်ဂျင်ဝိုင် ဂီယာဝိုင် လဲတာပါပဲ။

အခြေ ခံကျပြီး လွယ်လွန်းတော့လည်း အင်ဂျင်ဝိုင် ဂီယာဝိုင်တွေ မှန်ကန်တဲ့ Grade ထည့်ဖို့ကျ မရွေးချယ်ပေးနိုင်ပြန်ပါဘူး။

ဘာ အင်ဂျင်ဝိုင် ထည့်ရမှန်းမသိလျှင် 10W40 ထည့်
အင်ဂျင် Compression ကျနေလျှင် 10W40 ထည့်
အင်ဂျင်ဝိုင်လျော့နေလျှင် 10W40 ထည့်
စျေးသက်သာချင်လျှင် 10W40 ထည့်

တကယ်တော့ VVTi controller ကားတွေက ဆီ အကျဲ ဆီအပါးကို ကြိုက်တယ်။

2018 Model မြင့်ကားတွေက ဆီထူတာသုံးရင် သိတာတယ်။ 10W40 ထည့်မိရင် အင်ဂျင်က အကျဘက်ကို ရောက်သွားနိုင်တယ်။ အင်ဂျင် ကျနေပြီလို့ ယူဆကြတယ်။

မှန်ကန်သော အင်ဂျင်ဝိုင် Grade ရွေးချယ်ပါ။
မှန်ကန်သော အင်ဂျင်ဝိုင်ဆီကို သုံးပါ။

မိမိကားကို ရေရှည်အသုံး ခံပါတယ်...

A1 Auto Service (စမ်းချောင်းမြို့နယ်)
09 775 908050

A1 Auto Service (လှိုင်မြို့နယ်)
09 40446 7766

A1 ATS(Automotive Training School)
09 894 338811
09 7878 77077

24/10/2025

အော်တိုဝိုင်လဲ သင့်ပြီလား?
–---------------------------

ပုံမှန် အော်တိုဝိုင်လဲဖို့ဆို 1နှစ် မှ 2နှစ်အတွင်း ကီလိုမီတာ 25000 မောင်းပြီးတိုင်း လဲသင့်ပါတယ်။

တစ်ချို့ ဂီယာဝိုင်ကယတွေက ကီလိုမီတာ 80000 မှ 100000 ထိအသုံပြုနိုင်ပါသည်။

ဂီယာဝိုင်ရဲ့ လဲဖို့ လက္ခဏာတွေကို ပြတတ်ပါတယ်.....

1. ဂီယာချိန်းမှု နှေးနေခြင်း

2. အော်တိုဂီယာဝိုင် အရောင်မဲညစ်လာခြင်း

အနီရောင်လေး ရှိနေတဲ့ အော်တိုဝိုင်က အမည်းရောင် (သို့မဟုတ်) အညိုမဲရောင် ကိုပြောင်းသွားပြီဆိုရင် အော်တိုဝိုင် လဲပေးဖို့ ပြတဲ့ လက္ခဏာတစ်ခုပါ။

3. ဂီယာချိန်းမမှန်လဲ ဂီယာ ချော်ထွက်ခြင်း

4. အရှိန်မောင်းနေစဥ် ဂီယာမချိတ်ခြင်း

5. ဂီယာဆီရဲ့ အပူလွန်ကဲလာခြင်း

6. အော်တိုဝိုင် ယိုစိမ့်ခြင်း

Transmission Gear တွေမှာ Gear Seal တွေ၊ Gasket တွေကတဆင့် အော်တိုဝိုင်တွေ ယိုစိမ့်နေရင် ဆီပြန်ဖြည့်ပေးပြီး မောင်းနှင်နိုင်ပါသည်။

ဂီယာဝိုင်လဲလှယ်ခြင်းအပြင် ဂီယာဝိုင် Filter ကို ဆေးကြော လဲလှယ်ရန်လိုအပ်ပါသည်။

ဂီယာဝိုင်အညစ်အကြေးများကြောင့် Valve body များ ဆီလမ်းကြောင်းပိတ်ပြီး Solenoid ပိတ်ပါက ဆေးကြောခြင်းဖြင့် ပြန်လည်ကောင်းမွန်ပါသည်။

A1 Auto Service
09 40446 7766
09 45 5409936

18/10/2025

အခွန်ရုံးမှ ဖုန်းတစ်ကော (သို) ကျားဖြန့် Calling
--------------------------------------------------
ဖုန်းတစ်ခုခေါ်လာတယ်။ 18-10-2025(Saturday)

မေး - ကျွန်တော်တို့ အခွန်ရုံးကပါ ဖြိုးကျော်အောင်မှန်ပါသလား?
ဖြေ - မှန်ပါတယ်လို့ ဘာကိစ္စရှိလို့လဲ။ ပြောပါလို့။

မေး - အချက်အလက် စစ်ဆေးစရာရှိလို့ အတည်ပြုပေးလို့ရမလား?
ဖြေ - နေပြည်တော်အခွန်ရုံကပါတဲ့။ ရပါတယ် ဘာလုပ်ပေးရမလဲ။

မေး - ဖုန်းက Viber သုံးလား? ကျွန်တော်တို့ အချက်အလက်လေးပို့ပေးပါ့မယ်မှန်ကန်ကြောင်းအတည်ပြုပေးပါလား?
ဖြေ - သုံးပါတယ်။ ရတယ် ပို့လိုက်ပါ။ ကျွန်တော်စစ်ကြည့်ပေးပါမယ်။ Viber နဲ့ Message တွေပို့လာပါတယ်။

ဖုန်းထပ်ဝင်လာပါတယ်။
စစ်ဆေးကြည့်တော့ ဆိုင်နာမည်နဲ့ လုပ်ငန်းလိုင်စင်ကို သိနေပြီး ဖုန်းနံပါတ်လည်း Private နံပါတ်ပါ။
အခွန်ရုံးက ငါ့အချက်အလက်တွေ ဘယ်လိုလက်လွှဲ ခံရတာလဲဆိုတာ စဉ်းစားမိတယ်။ သံသယစိတ်ပေါ့။

မေး - ကျွန်တော်တို့ ပို့ပေးတာ မှန်ကန်လားခင်ဗျ? ပြင်စရာရှိရင်ပြော ပေးပါတဲ့? ကျွန်တော်က နေပြည်တော် ရုံးကပါခင်ဗျ?
ဖြေ - အချက်အလက်က မှန်ပါတယ် ခင်ဗျ။ ကျွန်တော်အခွန်လည်း ဆောင်ထားတယ်ခင်ဗျ။ ဒါဆိုရပြီမလားပေါ့။
ကိုယ်လည်း အဆင်ပြေရင်ပြီးပြီထင်ထားတာ။ စကား ထပ်ပြောလာတယ်။

မေး - ကျွန်တော်တို့ကို မှန်ကန်ကြောင်း ဖောင်လေးဖြည့်ပေးပါတဲ့။
ပေးထားသော Link လေးကို ဝင်ပြီး download ဆွဲပေးပါခင်ဗျတဲ့။
IRD ဆိုတဲ့ software ပါခင်ဗျ။
ဖြေ - မဖြည့်တက်ဘူး။ ကျွန်တော် ရုံးသွားလိုက်မယ်။
အိမ်နဲ့ အခွန်ရုံးက လမ်းထိပ်တင် စမ်းချောင်းဆိုတော့ မဟာမြိုင်လမ်းထိပ်က
အခွန်ရုံးပဲလေ ပြောလိုက်တယ်။

မေး - ကျွန်တော်တို့က နေပြည်တော်ရုံးကပါ။
ဖုန်းနောက်တစ်လုံး ရှိရင် Video call ခေါ်ပြီး တစ်ခါတည်း ရှင်းပြပေးပါမည်။
တစ်ခါတည်း ကျွန်တော်တို့ လုပ်ပေးပါမယ်။
ဖြေ - ဒါဆိုရတယ်။ လုပ်မယ် ပြောပြီး သူပြောတဲ့အတိုင်း တခြားဖုန်းတစ်လုံးနဲ့ APK software ကို download ဆွဲပြီး install လုပ်ကြည့်လိုက်တယ်။

အဲ့ဒီဖုန်းက မသုံးတဲ့ဖုန်းဆိုတော့ လုပ်ရဲတယ်။ Bank account တွေဘာတွေမသုံးထားဘူးပေါ့ဗျာ။

မေး - Software ကစဖွင့်ကြည့်ပေးပါ။ ပြီးရင် ဖုန်းရဲ့ management ထဲက accept တွေကို အကုန်ဖွင့်ပေးပါ။
ဖြေ - အဲ့ဒါမလုပ်ပေးနိုင်ဘူးဗျာ။ ကျွန်တော်အခွန်ရုံးသွားပြီး လုပ်လိုက်ပါ့မယ်။

မေး - အဲ့လိုလုပ်လို့မရဘူး ကျွန်တော်တို့က နေပြည်တော်ရုံးက ခင်ဗျားဆိုင်ကို ဆင့်ခေါ်စာနဲ့ ပို့မယ်။ ဘာဖြစ်မယ် ချိန်းခြောက်ပါတယ်။
ဖြေ - ရပါတယ်။ အခွန်ရုံးမှာပဲ ဖြေရှင်းလိုက်ပါ့မယ်။ ပြောပြီး ဖုန်းချလိုက်ရတယ်။

(၁၀)မိနစ်လောက်ကြာသွားတယ် ဖုန်းပြောချိန်။

ကျွန်တော်အရင်က တစ်ယောက်တင်ထားတာဖတ်ဖူးတယ် ခင်ဗျ။

Kpay တွေလျော့သွားတာ မြင်နေရတယ်။

ကိုယ်မလွှဲဘဲနဲ့ လျော့သွားတာတို့။ bank account ထဲကငွေတွေ အခိုးခံရတယ်တို့ပေါ့ ဖတ်ဖူးတယ်။

Password ဘယ်လိုသိလဲတို့။ Security passcode ဘယ်လိုရလဲတို့ ဆိုတာက မိမိဖုန်းကို recording လုပ်ထားရင် အကုန်ရနိုင်တာပဲ။

အမှန်တော့ ဖုန်းထဲကို Software ထည့်ပြီး Recording လုပ်ထားတာဆိုတော့ ကိုယ်ဖွင့်သမျှ လုပ်သမျှတွေ အကုန်မြင်နေရမှာပါပဲ။

ဒါမျိုးတွေက နည်းပညာသမားတွေ လူငယ်တွေတော့ သိကြပါတယ်။

အသက်ကြီးသူတွေ နည်းပညာနဲ့ အလှမ်းဝေးသူတွေဆို ဒီလိုကိစ္စတွေမှာ
အလိမ်ခံရနိုင်ပါတယ်။

သတိထားရမှာက အချက်အလက်တွေ ဘယ်လို ရောင်းစားခံရတာလဲ။
ကျွန်တော် သိပ်မသုံး သိတဲ့သူပဲသုံးဘဲ Private ဖုန်းနံပါတ်ကို ဘယ်လိုသိတာလဲ။
အခွန်ရုံးက Data တွေရတာလား ဆိုတာတော့ စဉ်းစားစရာပါပဲ။

အိမ်က မိန်းမကတော့ပြောတယ် စနေနေ့ကြီး ဖုန်းခေါ်တာကို ရုံးကလို့ ပြောထဲကိုက လိမ်နေတာလို့ စသိရမယ်တဲ့။ ခေါင်းသုံးပါတဲ့။

မိန်းမကတော့ ရုံးသွားမေးတဲ့ အချက်အလက် Data တွေ ဘယ်လို ကျားဖြန့်ဆီရောက်ကုန်တာလည်း သိချင်ရင် ရုံးမှာမေးကြည့်ခိုင်းတယ်။

အော်... ဖုန်းပြေနေတုန်းတော့ စနေနေ့လို့ သိပ်လည်းမတွေးမိပါဘူး။

မိမိအချက်အလက်ကို Viber နဲ့ပို့တော့ စိတ်ထဲမှာ ၅၀% လောက်ယုံမိတယ်လို့ပါ။ တကယ်လား ငါ့အကြောင်းတွေ အမှန်ကို သိနေတယ်ပေါ့။

ကားပိုင်ရှင် မိတ်ဆွေများရော ဖုန်းဆက်လိမ်မည့် ကျားဖြန့်တွေရော ဒီ Post လေးတင်ပြီး အတွေ့အကြုံမျှဝေလိုက်ပါတယ်။

ပုံလေးတွေ တင်ပေးလိုက်ပါတယ်ခင်ဗျ။ စာဆုံးအောင်ဖတ်လို့သတိထားစရာဖြစ်ရင် ရပါပြီ။

ကားပိုင်ရှင်မိတ်ဆွေများလည်း အလိမ်မခံရအောင် ဂရုစိုက်ကြပါခင်ဗျ။ သတိထားကြပါ။

ကျားဖြန့်လက်က မြန်မာနိုင်ငံကြီးကို လွတ်ပါစေ ခင်ဗျ။

မိတ်ဆွေများ ဂရုစိုက်ကြပါခင်ဗျ
A1 Auto Service (ko phyo kyaw)

A1 Auto Service - Hlaing Township

18/11/2025

15/11/2025

10/11/2025

09/11/2025

08/11/2025

07/11/2025

04/11/2025

04/11/2025

24/10/2025

18/10/2025

Address

Telephone

Website

Alerts

Contact The Business

Shortcuts

Share

Category