KSH - Kaung Swann Htet Trading Co.,Ltd, No(2), (12)Quarter, Min Dhama Road, Parami Valley, Hlaing, Yangon (2026)

22/04/2025

KSH CSR ဖောင်ဒေးရှင်းနဲ့ Supplier များမှ မြေငလျင် ပြန်လည်ထူထောင်ရေးဒေသများအတွက် ကျပ်ငွေ သိန်း (၁၀၀၀၀)မတည်လှူဒါန်း
=====================================

၂၀၂၅ ခုနှစ်၊ မတ်လ (၂၈) ရက်နေ့တွင် ဖြစ်ပွားခဲ့သော အင်အားပြင်းငလျင်ကြောင့် မြန်မာနိုင်ငံအနှံ့ရှိ ပြည်သူများရဲ့ အသက်အိုးအိမ်စည်းစိမ်များ ဆုံးရှုံးမှုအတွက် KSH CSR အဖွဲ့အနေဖြင့် မိသားစုဝင်များနှင့်အတူ ဝမ်းနည်းကြေကွဲရကြောင်း ဦးစွာပြောကြားလိုပါတယ်။

ဒါကြောင့် ငလျင်ဘေးသင့် ပြည်သူများအတွက် KSH CSR အဖွဲ့နဲ့ Supplier များပူပေါင်းပြီး ကနဦးအနေဖြင့် အရေးပေါ်လိုအပ်ချက်များဖြစ်တဲ့ အစားအသောက်၊ အခြေခံအသုံးအဆောင်ပစ္စည်းများ ကို သိန်းပေါင်း (၄၀၀၀) ကျော် လှူဒါန်းခဲ့ပြီး ဖြစ်ပါသည်။

ဒါ့အပြင် ပြန်လည်တည်ဆောက်ရေးလုပ်ငန်းများဖြစ်တဲ့ စာသင်ကျောင်းများ ပြန်လည်မွမ်းမံတည်ဆောက်ခြင်း နှင့် ရေတွင်းရေကန်များ ပြုပြင်တည်ဆောက်ခြင်း တို့အတွက်လည်း သိန်းပေါင်း (၆၀၀၀) ခန့် ထပ်မံလှူဒါန်းသွားမှာ ဖြစ်ပါတယ်။

16/04/2025

KSH CSR ဖောင်ဒေးရှင်းမှ မန္တလေးတိုင်း ငလျင်ဘေးသင့်ပြည်သူများအတွက် ကူညီထောက်ပံ့မှု ပုံရိပ်များ
===========================
KSH CSR ဖောင်ဒေးရှင်းမှ မန္တလေးတိုင်းဒေသကြီးအတွင်း ငလျင်ဘေးသင့်တဲ့ နေရာများအတွက် အစားသောက်နှင့် ရေသန့်များကို ဧပြီလ 5 ရက် နေ့မှ 8 ရက်နေ့ အတွင်း သွားရောက် လှူဒါန်းခဲ့တဲ့ ပုံရိပ်များဖြစ်ပါတယ်ရှင်။

-(5.4.2025) - မန္တ‌လေးကျုံးဘေးရှိ ယာယီကယ်ဆယ်ရေးစခန်းများသို့ ထမင်းဗူး (1000)ရေသန့် (1000) လှူဒါန်းခြင်း။
-(7.4.2025) - စိန်ပန်းရပ်ကွက် ငလျင်နှင့်မီးဘေးသင့်ကယ်ဆယ်ရေးစခန်းသို့ ထမင်းဗူး (2000) ရေဗူး (2000) ) လှူဒါန်းခြင်း။
-(8.4.2025) - ဘုံးအိုးကျေးရွာအနီး ဘုန်းကြီးကျောင်းအတွင်းရှိ ကယ်ဆယ်ရေးစခန်းများသို့
ဆန်အိတ် (15) အိတ်၊ ဖျာ - (600) ၊ ထမင်းဗူးနှင့် ရေသန့် (600) ဗူးစီ လှူဒါန်းခြင်း။
-(8.4.2025) - အမရပူရ၊ ကပ်ကျော်ဘုရား၀န်းရှိ ငလျင်ဘေးသင့်ပြည်သူများကို ထမင်းနှင့်ရေသန့် (700) ဗူးစီ လှူဒါန်းခြင်း။
-(8.4.2025) - အမရပူရ၊ ဦးပိန်တံတားအနီး မယ်ဇယ်တန်းရှိ ငလျင်ဘေးသင့်ပြည်သူများအတွက် ထမင်းနှင့်ရေသန့်ဗူး (700) ဗူး လှူဒါန်းခြင်း။

ယခုလှူဒါန်းမှုများဟာ KSH CSR အဖွဲ့နှင့်အတူ ကျွန်မတို့ရဲ့ Supplier ကြီးများရဲ့ စုပေါင်းဒါနတစ်ခုဖြစ်ပြီး ဘေးအန္တရာယ်ကြောင့် နစ်နာဆုံးရှုံးမှုများကို ရင်ဆိုင်နေရသူများအတွက် ရည်ရွယ်ပြီးပြုလုပ်ခဲ့တဲ့ KSH လူမှုအကျိုးပြုလုပ်ငန်းစဉ် (CSR)ရဲ့ တစ်စိတ်တစ်ပိုင်းဖြစ်ပါတယ်။

ယခုကဲ့သို့ လှူဒါန်းမှုများကို ငလျင်ဘေးသင့် ပြည်သူများအတွက် လူမျိုးဘာသာမရွေး ခံစားနေရတဲ့ အခက်ခဲများအား တစ်ထောင့်တစ်ထောင့်နေရာကနေ မျှဝေခံစားရင်း ဆောင်ရွက်ခဲ့တာဖြစ်ပါတယ်။

16/04/2025

KSH CSR ဖောင်ဒေးရှင်းမှ စစ်ကိုင်းမြို့ ငလျင်ဘေးသင့်ပြည်သူများအတွက် ကူညီထောက်ပံ့မှု ပုံရိပ်များ
==================================
၂၀၂၅ ခုနှစ်၊ မတ်လ ၂၈ ရက်နေ့က ဖြစ်ပွားခဲ့သော ပြင်းထန်သည့်ငလျင်ဒဏ်ကြောင့် စစ်ကိုင်းတိုင်းဒေသကြီးအတွင်းရှိ ပြည်သူများ အတွက် KSH CSR အဖွဲ့သားများ မှ ဧပြီလ ၄ရက်နေ့တွင် သွားရောက်လှူဒါန်းခဲ့ပါတယ်။
စစ်ကိုင်းမြို့အတွင်းရှိ ဒေသခံများအနေဖြင့် ငလျင်ဘေးအား ပြင်းထန်ဆိုးဝါးစွာခံစားခဲ့ရပြီး စစ်ကိုင်းမြို့ရဲ့ (၈၀)ရာခိုင်နှုန်းခန့်မှာ ငလျင်ဒဏ်ကြောင့်ပျက်စီးပြိုကျမှုများစွာဖြစ်ခဲ့ပါတယ်။ ထိခိုက်မှုလည်း အများဆုံးဖြစ်ခဲ့ပါတယ်။ စစ်ကိုင်းမြို့မှာရှိတဲ့ ငလျင်ဒဏ်သင့်ပြည်သူများဟာ ကူညီရေးအဖွဲ့တွေ ၊ ဘုန်းတော်ကြီးကျောင်းတွေမှာ ဖွင့်လှစ်ထားတဲ့ ကယ်ဆယ်ရေးစခန်းတွေမှာ သွားရောက်ခိုလှုံနေထိုင်နေရတာတွေကိုလည်း စိတ်မကောင်းဖွယ် တွေ့မြင်ခံစားခဲ့ရပါတယ်။
စစ်ကိုင်းမြို့အတွက် ကူညီလှူဒါန်းမှုု အစီအစဉ်မှာ
အိမ်ထောင်စုပေါင်း ၂၂ဝဝ အတွက်-
* အခြေခံစားနပ်ရိက္ခာများ (စားသောက်ကုန်အမျိုးအစား ၁၈မျိုးပါပုံး) ၂၂ဝဝ ပုံး
*သောက်သုံးရေသန့်ဗူးကဒ် ၅ဝဝ ကျော်
*လူမှုသုံးပစ္စည်းများ (ဖျာ၊ စောင်၊ ခြင်ထောင်)
*ကျန်းမာရေးဆိုင်ရာ အရေးပေါ်သုံးပစ္စည်းများ
*အရေးပေါ်သုံး ဆိုလာမီးအိမ် ၆ဝဝ ကျော်
*ဆန်အိတ် ၃ဝဝ ၊ ဆီ ၁ဝပိသာဝင် ၅ဝပုံး စသည်တို့ ပါဝင်ပါတယ်။
KSH CSR အဖွဲ့အနေဖြင့် စစ်ကိုင်းတိုင်းအတွင်းရှိ ငလျင်ဘေးသင့်ပြည်သူများအတွက် ကူညီထောက်ပံ့ရေးပစ္စည်း တန်ဖိုးငွေ ကျပ်သိန်းပေါင်း ၂၆ဝဝ ခန့်ကို လက်ဆင့်ကမ်းပေးအပ်နိုင်ခဲ့ပါတယ်။
ယခုလှူဒါန်းမှုအစီအစဉ်ဟာ KSH CSR အဖွဲ့နှင့်အတူ ကျွန်မတို့ရဲ့ Supplier ကြီးများရဲ့ စုပေါင်းဒါနတစ်ခုဖြစ်ပြီး ဘေးအန္တရာယ်ကြောင့် နစ်နာဆုံးရှုံးမှုများကို ရင်ဆိုင်နေရသူများအတွက် ရည်ရွယ်ပြီးပြုလုပ်ခဲ့တဲ့ KSH လူမှုအကျိုးပြုလုပ်ငန်းစဉ် (CSR)ရဲ့ တစ်စိတ်တစ်ပိုင်းဖြစ်ပါတယ်။

လက်ရှိကြုံတွေ့နေရသည့် အခက်အခဲအချို့ကို ခေတ္တကူညီပေးနိုင်သည့်ထောက်ပံ့ရေးအစီအစဉ်များအပြင် ရေရှည်တွင် ပျက်စီးဆုံးရှုံးမှုများကို ပြန်လည်တည်ဆောက်နိုင်ရေးအတွက် စာသင်ကျောင်းများ၊ ကျန်းမာရေးဌာနများနှင့် အခြားအများပြည်သူအကျိုးပြုအဆောက်အအုံများ ပြန်လည်မွမ်းမံတည်ဆောက်ရေးလုပ်ငန်းများကိုလည်း ကူညီထောက်ပံ့ ပေးသွားဖို့ စီစဉ်ထားကြောင်း အသိပေးအပ်ပါတယ်။

#စစ်ကိုင်းငလျင်ကူညီမှု

16/04/2025

KSH CSR ဖောင်ဒေးရှင်းမှ ငလျင်ဘေးသင့်ခဲ့သည့် မန္တလေးတိုင်းအတွင်းရှိ ဘုံးအိုးကျေးရွာ၊ စိတ္တရကျေးရွာ နှင့် အမရပူရ(တောင်မြို့) ရှိ ပြည်သူများအား အရေးပေါ်လှူဒါန်းခြင်း
===============================
မန္တလေးတိုင်းဒေသအတွင်းရှိ ပြင်းထန်ငလျင်ဘေးဒဏ်ခံစားခဲ့ရသော အိမ်ခြေ (၄ဝဝ) ကျော် နှင့် လူဦးရေ ၄ဝဝဝ ကျော်နေထိုင်လျက်ရှိပြီး နေထိုင် စားသောက်ရေး အခက်အခဲများကြုံတွေ့နေရသော ဘုံးအိုးကျေးရွာ၊ ကမ်းပါးပြိုကျပြီး နေထိုင်စားသောက်ရေး အခက်အခဲများခံစားနေရသော စိတ္တရကျေးရွာရှိ အိမ်ထောင်စု ၄ဝ နှင့် အမရပူရ တောင်မြို့ရှိ အိမ်ထောင်စု ၂ဝ ရှိ ပြည်သူများ အတွက် KSH CSR အဖွဲ့သားများ မှ ဧပြီလ ၂ ရက်နေ့တွင် တိုက်ရိုက်သွားရောက်ကာ အကူအညီလိုအပ်နေသည့်မိသားစုများအတွက် ကူညီထောက်ပံ့ရေး ပစ္စည်းများကို လက်ဆင့်ကမ်းပေးအပ်ခဲ့ပါတယ်။

ကူညီလှူဒါန်းမှုအစီအစဉ်မှာ -
ဆန်အိတ် ၂ဝဝ ကျော်၊ ဆီ ၁ဝပိသာပုံး ၂ဝ၊ ရေသန့် ကဒ် ၂၆ဝ နှင့် အရေးပေါ်သုံးဆိုလာမီးအိမ် အလုံး ၅ဝ အား လှူဒါန်းခဲ့ပါတယ်။
ငလျင်ဘေးသင့် ပြည်သူများရဲ့ အခက်အခဲအခြေအနေကို သက်သာရာရစေရန် ရည်ရွယ်ပြီး လှူဒါန်းကူညီထောက်ပံ့ခဲ့တာဖြစ်ပါတယ်။ ဘေးအန္တရာယ်ကျရောက်ခံစားနေရသူများအတွက် စားဝတ်နေရေး ပံ့ပိုးမှုများသာမက ဘဝပြန်လည်ထူထောင်ရေးအတွက်ပါ ဆက်လက်ကူညီပေးသွားမှာလည်း ဖြစ်ပါတယ်ရှင်။

ယခုလှူဒါန်းမှုအစီအစဉ်က KSH CSR အဖွဲ့နှင့်အတူ ကျွန်မတို့ရဲ့ Supplier ကြီးများရဲ့ စုပေါင်းဒါနတစ်ခုဖြစ်ပြီး ဘေးအန္တရာယ်ကြောင့် နစ်နာဆုံးရှုံးမှုများကို ရင်ဆိုင်နေရသူများအတွက် အနည်းငယ်မျှသော သက်သာရာရစေရန် ရည်ရွယ်ပြီးပြုလုပ်ခဲ့တဲ့ KSH လူမှုအကျိုးပြုလုပ်ငန်းစဉ် (CSR)ရဲ့ တစ်စိတ်တစ်ပိုင်းဖြစ်ပါတယ်။

"အတူရပ်တည်၊ အတူဖြတ်သန်း" ဆိုသည့် စိတ်ဓာတ်ဖြင့် KSH အဖွဲ့အစည်းအနေဖြင့် လိုအပ်နေတဲ့နေရာများသို့ အမြန်ဆုံးရောက်ရှိကူညီသွားရန်လည်း ပြင်ဆင်ထားပါတယ်ရှင်။

16/04/2025

KSH CSR ဖောင်ဒေးရှင်းမှ ငလျင်ဘေးသင့်ပြည်သူများအတွက် အရေးပေါ်လှူဒါန်းခြင်း
==============================
၂၀၂၅ ခုနှစ်၊ မတ်လ ၂၈ ရက်နေ့က ဖြစ်ပွားခဲ့သော ပြင်းထန်သည့်ငလျင်ဒဏ်ကြောင့် နေပြည်တော်၊ ပျော်ဘွယ်ဒေသရှိ အခက်အခဲများစွာကြုံတွေ့နေရသည့် ပြည်သူများထံသို့ KSH CSR အဖွဲ့မှ အရေးပေါ်အကူအညီများ လျင်မြန်စွာပို့ဆောင်လှူဒါန်းနိုင်ခဲ့ပါတယ်။

ကူညီမှုအစီအစဉ်မှာ ငလျင်ဒဏ်ကို ပြင်းထန်စွာခံစားခဲ့ရသော
အိမ်ထောင်စုပေါင်း ၈ဝဝ ကျော်အတွက်-
*အခြေခံစားနပ်ရိက္ခာများ
*သောက်သုံးရေသန့်ဗူးများ
*လူသုံးကုန်ပစ္စည်းများ ၊ အရေးပေါ်သုံးဆိုလာမီးအိမ်များ
*ကျန်းမာရေးဆိုင်ရာ အရေးပေါ်သုံးပစ္စည်းများ
စုံလင်စွာပါဝင်အောင်စီစဉ်နိုင်ခဲ့ပါတယ်။

KSH CSR အဖွဲ့သည် နေပြည်တော် နှင့် ပျော်ဘွယ် အတွင်းရှိ အထူးထိခိုက်မှုများရှိသည့် ကျေးရွာများသို့ တိုက်ရိုက်သွားရောက်၍ လိုအပ်နေသည့်မိသားစုများထံ ထောာက်ပံ့ရေးပစ္စည်းများကို လက်ဆင့်ကမ်းပေးအပ်ခဲ့ပါတယ်။
ယခုလှူဒါန်းမှုအစီအစဉ်ဟာ KSH CSR အဖွဲ့နှင့်အတူ ကျွန်မတို့ရဲ့ Supplier ကြီးများရဲ့ စုပေါင်းဒါနတစ်ခုဖြစ်ပြီး ဘေးအန္တရာယ်ကြောင့် နစ်နာဆုံးရှုံးမှုများကို ရင်ဆိုင်နေရသူများအတွက် အနည်းငယ်မျှသော သက်သာရာရစေရန် ရည်ရွယ်ပြီးပြုလုပ်ခဲ့တဲ့ KSH လူမှုအကျိုးပြုလုပ်ငန်းစဉ် (CSR)ရဲ့ တစ်စိတ်တစ်ပိုင်းဖြစ်ပါတယ်။
KSH CSR အဖွဲ့မှ ငလျင်စတင် ဖြစ်ပွားခဲ့ပြီးသည့် နောက်ရက် ၂၉ရက်နေ့ မှစ၍ ကူညီထောက်ပံ့ရေးအတွက် ကူညီလှူဒါန်းမှုများပြုလုပ်ရန်အတွက် စတင်ပြင်ဆင်ပြီး ၃၁ရက်နေ့စတင်ကာ ကူညီထောက်ပံ့ရေးလုပ်ငန်းစဉ်များကို ထိခိုက်ခဲ့တဲ့ မြို့များအလိုက် လမ်းကြောင်းခွဲပြီး စတင်လှူဒါန်းခဲ့ပါတယ်။
နောက်ထပ် ခက်ခဲတဲ့ နေရာတွေကိုလည်း သွားရောက်လှူဒါန်းမှုများ ပြုလုပ်သွားမယ့်အပြင် ငလျင်ဘေးသင့် ပြည်သူများအတွက် ပြန်လည်ထူထောင်ရေးလုပ်ငန်းစဉ်များတွင်လည်း ဆက်လက်ပံ့ပိုးသွားမှာ ဖြစ်ပါတယ်ရှင်။

21/05/2024

ကဆုန်လပြည့်နေ့ ညောင်ရေသွန်းပွဲတော် အခါသမယ
တွင် ခုနှစ်ရက်သား၊သမီးအပေါင်း စိတ်၏ ချမ်းသာ
ခြင်း၊ကိုယ်၏ကျန်းမာခြင်းနှင့် ပြည့်စုံပါစေကြောင်း ဆု
တောင်မေတ္တာပို့သအပ်ပါသည်။

#ကဆုန်လပြည့်နေ့

21/05/2024

🩸 Donate Blood Save Lives 🩸

ယနေ့ (၂၁.၅.၂၀၂၄) နေ့ရက်လေးမှာ ကျွန်တော်တို့ Kaung Swann Htet Trading Co Ltd ရန်ကုန်နှင့်မန္တလေးရုံးမှ Team members ညီအစ်ကိုမောင်နှမများအားလုံးရဲ့စုပေါင်းသွေးလှူဒါန်းပွဲကို KSH Foundation (CSR Team) ရဲ့ ဉီးဆောင်မှုနဲ့အတူ အောင်မြင်စွာ ပြုလုပ်ခဲ့ပါတယ်။ ခွဲစိတ်ကုသမှုတွေမှာဖြစ်စေ အရေးပေါ်အခြေအနေတွေမှာဖြစ်စေ အရေးပေါ်လိုအပ်နေသူတိုင်းအတွက် အရေးတကြီးလိုအပ်တဲ့သွေးကို မွန်မြတ်သောစိတ်ထားနဲ့အတူ ပါဝင်လှူဒါန်းပေးခဲ့ကြတဲ့ KSH Team Member တစ်ဉီးတစ်ယောက်ချင်းဆီတိုင်းကို ကျေးဇူးအထူးပင်တင်ရှိပါတယ်။ ကျွန်တော်တို့ KSH Team member များရဲ့ သွေးလှူဒါန်းမှုအမှတ်တရပုံရိပ်တွေကို မှတ်တမ်းတင်ဖော်ပြလိုက်ပါတယ်ခင်ဗျာ။🤩

17/05/2024

အလုပ်အကိုင်အခွင့်အလမ်းအသစ်များကို ရှာဖွေနေပါသလား ? 🤩

မနက်ဖြန်မှာ ကျင်းပပြုလုပ်တော့မယ့် Job Nation Yangon 2024 မှာ အလုပ်အကိုင်အခွင့်အလမ်းအသစ်နဲ့အတူ အောင်မြင်တိုးတက်မှုတွေကို ရယူပိုင်ဆိုင်လိုသူတိုင်းအတွက် Kaung Swann Htet Trading Co.,Ltd မှ အားလုံးကို စောင့်ကြိုနေပါမယ်နော်။

Job Nation အလုပ်အကိုင်ပြပွဲမှာ Kaung Swann Htet Trading Co.,Ltd အနေနဲ့ (Booth No - PB 33) မှာရှိနေမှာဖြစ်ပြီး ကုမ္ပဏီရဲ့ လက်ရှိလစ်လပ် Positions များအားလုံးကို ခေါ်ယူသွားမှာဖြစ်ပါတယ်။ အလုပ်အကိုင်အခွင့်အလမ်းသစ်များကို ရှာဖွေနေသူများအနေနဲ့ (18.5.2024) နေ့၊ Novotel Yagon Max Hotel မှာ KSH နဲ့အတူတူဆုံတွေ့ကြပါမယ်။

👉KSH မှာ လျှောက်ထားနိုင်မယ့် အလုပ်အကိုင်အခွင့်အလမ်းအသေးစိတ်အချက်အလက်များအတွက် 09 451 805 004 ကိုဆက်သွယ်စုံစမ်းနိုင်ပါတယ်။ 👈

07/05/2024

KSH ရဲ့ နှစ်ဦး စတုဒီသာအလှူ ပုံရိပ်များ

ကားဆရာကြီးတွေအတွက် နှစ်စဉ်နှစ်တိုင်းပြုလုပ်လေ့ရှိတဲ့ KSH ရဲ့ စတုဒီသာ
အလှူပွဲကို (၄.၅.၂၀၂၄)ရက်နေ့တွင် ရန်ကုန်နှင့် မန္တလေးမြို့မှာရှိတဲ့ ကားကြီးရပ်နားဝန်းတွေမှာ ပြုလုပ်ခဲ့ပါတယ်ရှင်။
ဒီနှစ်လုပ်တဲ့အလှူပွဲမှာ စတုဒီသာအလှူနဲ့အတူ ပျော်ရွှင်စရာ ဂိမ်းအစီစဉ်တွေ၊ လက်ဆောင်ပေးခြင်း အစီစဉ်တွေပါ ပါဝင်ခဲ့တာကြောင့်
စည်စည်ကားကား ရှိခဲ့ပါတယ်ရှင်။

ဒါကြောင့် ပျော်စရာလေးတွေ ကူးစက်အောင် စတုဒီသာအလှူမှ ကြည်နူးစရာပုံရိပ်များကို ပြန်လည်မျှဝေလိုက်ပါတယ်ရှင်။

#စတုဒီသာအလှူ

01/05/2024

အပြည်ပြည်ဆိုင်ရာ "အလုပ်သမားနေ့" တွင်
နယ်ပယ်အရပ်ရပ်မှာ ထာ၀န်ထမ်းဆောင်နေကြသော
အလုပ်သမားများအားလုံး
စိတ်ချမ်းသာ ၊ ကိုယ်ကျန်းမာခြင်းနှင့်ပြည့်စုံပြီး
အလုပ်အကိုင်များ အဆင်ပြေချောမွေ့ကြပါစေလို့ Kaung Swann Htet မိသားစုမှ ဆုမွန်ကောင်း တောင်းလိုက်ပါတယ် ခင်ဗျာ။

30/04/2024

👉 လုပ်ငန်းတိုးတက်ဖို့ လက်တွေ့အဆန်ဆုံး အကြံပြုချက်တွေကို ရယူနိုင်ပါပြီ 👈

ကျွန်တော်တို့ Kaung Swann Htet Trading Co.,Ltd ရဲ့ Dealer ကြီးများအတွက် အထူးစီစဉ်တင်ဆက်လိုက်တဲ့ Grow Together Program Webinar မှာ လုပ်ငန်းတိုးတက်ဖို့ အကောင်းဆုံးအကြံပြုချက်တွေကို ပေးသွားမှာပဲဖြစ်ပါတယ်။ ဒီ Webinar မှာဆိုရင် ငွေကြေးဖောင်းပွမှုရဲ့ နောက်ဆက်တွဲတွေကြောင့်ဖြစ်ပေါ်လာတဲ့ ဈေးနှုန်းမငြိမ်သက်မှုတွေ၊ ဈေးကွက်ရှားပါးလာမှုတွေနဲ့အတူ ရောင်းချရန်ခက်ခဲလာခြင်းတွေ၊ အရောင်းအဝယ်တွေအေးလာတာတွေလို အခက်အခဲတွေကို ဘယ်လိုကျော်ဖြတ်ကြမလဲဆိုတာကို လူကြီးမင်းတို့ကိုယ်တိုင်ပါဝင်ဆွေးနွေးအဖြေရှာနိုင်မှာပါ။

ဒီ Webinar အစီအစဉ်မှာ ပါဝင်တက်ရောက်ကြမယ့် Dealer ကြီးများအတွက် အကောင်းဆုံးအကြံပြုချက်တွေမျှဝေဆွေးနွေးပေးနိုင်ဖို့ စီးပွားရေးအကြံပေးပညာရှင် ဆရာဒေါက်တာဖြိုးပိုင် ကို ဖိတ်ခေါ်ထားပါတယ်။
လုပ်ငန်းတိုးတက်ဖို့ လက်တွေ့အဆန်ဆုံး အကြံပြုချက်တွေကို ရယူနိုင်မယ့် Online Webinar အစီအစဉ်ကို (၅.၅.၂၀၂၄)(တနင်္ဂနွေနေ့) မှာ Zoom Application မှတဆင့် ပြုလုပ်သွားမှာဖြစ်ပြီး
ညနေ (၅:၃၀) နာရီ မှ ည (၈:၃၀) နာရီအထိ စီစဉ်တင်ဆက်သွားမှာဖြစ်ပါတယ်။

အခက်အခဲများစွာကို ကျော်ဖြတ်နိုင်ဖို့ အားလုံးနဲ့အတူတူ ပါဝင်ဆွေးနွေးအဖြေရှာနိုင်မယ့်အပြင် ဆရာဒေါက်တာဖြိုးပိုင်မှ စီးပွားရေးလုပ်ငန်းအတွက်အကောင်းဆုံးအကြံပြုချက်တွေ ဆွေးနွေးမှုတွေကို မျှဝေသွားမှာဖြစ်လို့
KSH ရဲ့ Dealer ကြီးများအားလုံး လုံးဝလက်မလွှတ်သင့်တဲ့ Webinar ဖြစ်တယ်ဆိုတာ ကြိုတင်သတင်းကောင်းပါးလိုက်ပါရစေ။

KSH - Kaung Swann Htet Trading Co.,Ltd

22/04/2025

16/04/2025

16/04/2025

16/04/2025

16/04/2025

21/05/2024

21/05/2024

17/05/2024

07/05/2024

01/05/2024

30/04/2024

Address

Telephone

Website

Alerts

Contact The Business

Shortcuts

Share

Category