27/06/2022
ကားမှာပါတဲ့ မသိမဖြစ် Filter 4 မျိုး
♦♦♦♦♦♦♦♦♦♦♦♦♦♦
ကားကြီး ၊ ကားလေး ၊ စက်ယန္တယား တွေနဲ့ ပတ်သက်ပြီး အရေးကြီး Filter 4 မျိုးအကြောင်းပြောချင်ပါတယ် Filter ဆိုကတော့ စစ်ထုတ်ပေးတာကိုပြောတာဖြစ်တယ်။ Filter တွေသည် သက်တမ်းတမ်းအလိုက် အသုံးပြုရတဲ့ ကားအစိတ်အပိုင်းတွေဖြစ်ပါတယ်။ Filter တွေ မကောင်းရင် ကားရဲ့ အတွင်းအစိတ်အပိုင်းတွေ ရေရှည်မှာ ပျက်စီးထိခိုက်ပါတယ်။
⛔ Filter ၄ မျိုးမှာ
၁။ Air Filter
၂။ Exhaust Filter
၃။ Engine Filter
၄။ Fuel Filter
📌 Air filter များသည် ကားရဲ့ လေစနစ်ကို သန့်ရှင်ရေးလုပ်ပေးပြီး လေထုထဲမှာပါတဲ့ ဖုန်မှုန့် ၊ အမှိုက်သရိုက် ၊ အညစ်အကြေးတွေကိုသန့်စင်ပေးပါတယ်။ Air filter တွေမကောင်းရင် အင်ဂျင်ချက်မီးလင်းပြီး ၊ မီးခိုးမဲလိုက်တက်ပါတယ်။ နောက်ပြီး ကွန်ပြူတာစစ်ဆေးတဲ့အခါ လေလိုင်းကုဒ်တွေ တက်တက်ပါတယ်။ air filter တွေကို သန့်စင်ပြီး ပြန်သုံးလို့ ရသော်လည်း အချိန်ကြာကြာမသုံးသင့်ပါဘူး။ ရေရှည်မှာ အင်ဂျင်သက်တမ်းတိုပါတယ်။ air filter တွေကိုတော့ ကီလို 30000 မတိုင်ခင်လဲပေးရပါမယ်။
📌 Exhaust filter များသည် emission standard ပါတဲ့ ကားတွေမှာသာ ပါလေ့ရှိပါတယ်။ အဓိကကတော့ ဒီဇယ်ကားကြီး ၊ ကားလတ် ၊ ကားလေး တွေမှာသာပါလေ့ရှိပါတယ်။ သူ တာဝန်သည် exhaust ရဲ့ မီးခိုးမှိုင်းတွေကို စစ်ထုတ်ပေးရပါတယ်။ filter ဖြစ်တာကြောင့် ဓာတ်ပြု ၊ ဓာတ်ခွဲစတာတွေကိုတော့ မလုပ်နိူင်ပါဘူး။ exhaust ကို သန့်စင်ပေးတာလောက်ပဲ လုပ်နိူင်မှာဖြစ်ပါတယ်။ Exhaust filter တွေကတော့ လဲလှယ်စရာမလိုတဲ့ filter တစ်မျိုးဖြစ်ပါတယ်။ Exhaust တွေ ပိတ်ရင်တော့ filter ပြန်ဆေးပေးရတာမျိုးရှိပါတယ်။ ဒါကို DPF regeneration လုပ်တာလို့ခေါ်ပါတယ်
📌 Oil filter ကတော့ အင်ဂျင်မှာ ၃ မျိုး ၄ မျိုးလောက်ထိပါတာတွေ့ရပါတယ်။ ဥပမာအားဖြင့် Engine oil filter, Gear oil filter , Hydraulic oil filter , fan oil filter စသဖြင့် filter တွေမျိုးစုံရှိပါတယ်။ အသုံးပြုတဲ့ နေရာမတူတာကြောင့် filter ပုံစံနဲ့သက်တမ်းကတော့တူမှာမဟုတ်ပါဘူး။ Oil Filter တွေက တစ်ခါသုံးတွေဖြစ်ပါတယ်။ ဆေးကြောသုံးလို့မရပါဘူး။ သူ့သက်တမ်းထက်ကျော်သုံးရင် ပြဿနာရှိပါတယ်။ အင်ဂျင်ကို ကြီးကြီးမားမား ဒုက္ခပေးတက်ပါတယ်။ Engine oil filter တွေကို ကီလို 25000 / 30000 ထက်ပိုမသုံးသင့်ပါဘူး။ ဂီယာမှာဆိုရင် ရိုးရိုးဂီယာနဲ့အော်တိုဂီယာ 2 မျိုးရှိပါတယ်။ ဂီယာဝိုင်ဖစ်တာတွေသည် အကြမ်းဖြင်း ကီလို 100,000 နဲ့ 160,000 ကြားမှ လဲလှယ်ပေးရလေ့ရှိပါတယ်။
📌 ဆီ filter များသည် ဆီထဲပါတဲ့ အညစ်အကြေး ၊ အမှုန်အမွှား စတာတွေကို စစ်ထုတ်သန့်စင်ပေးပါတယ်။ ဓာတ်ဆီကားတွေမှာ ဆီ filter ကို ဆီတိုင်ကီထဲမှာ pump နဲ့အတူထားလေ့ရှိပြီး တချို့ကားတွေမှာတော့ အပြင်ထုတ်ထားလေ့ရှိပါတယ်။
ဒီဇယ်ကားတွေမှာတော့ ဆီ လမ်းကြောင်းတစ်လျောက်မှာဘဲ အလွယ်တကူဖြုတ်ရတက်ရလွယ်အောင်ထားပေးတာမျိုးရှိပါတယ်။ ဒီဇယ် Fliter တွေသည် ဓာတ်ဆီ Filter တွေထက် မြန်မြန်လဲလှယ်ရလေ့ရှိပါတယ်။ Filter တွေကို အရည်အသွေးနဲ့ထုတ်လုပ်တဲ့ ကုမ္ပဏီရဲ့ သတ်မှတ်ချက်နဲ့အညီသုံးပေးရပါတယ်။ ဒီဇယ်ကားတွေမှာတော့ ကီလို 30,000 တစ်ခါလဲတာမျိုးရှိပါတယ်။ ဓာတ်ဆီကားတွေမှာတော့ ကီလို 40,000 နဲ့ 60,000 ကြားမှာလဲလှယ်ကြပါတယ်။ ဆီတိုင်ကီထဲမှာထားတဲ့ filter တွေကတော့ ကီလို 160,000 လောက်ထိအသုံးခံကြပါတယ်။ Filter သက်တမ်းကတော့ ကုမ္ပဏီပေါ်မူတည်ပြီး အနည်းများရှိပါတယ်။ ဆီ Filter တွေမကောင်းရင် ချက်မီးလင်းပြီး ဆီလိုင်းကုဒ်တွေတက်ပါမယ်။
Car Quality ထိန်းသိမ်းဖို့အတွက် အမြဲစစ်ဆေးပြီး အချိန်မတိုင်ခင်ပျက်စီးတာကိုကာကွယ်နိုင်ကြပါစေ။
