Myanmar Car Lover

24/06/2022

ကားဝယ်/ရောင်းတစ်ဦးရဲ့ လေးစားထိုက်တဲ့ စိတ်ထား
==========
ကားလာဝယ်သော ဝယ်သူနှင့်ဈေးတည့်ပြီး ဝယ်သူကငွေချေကာ မောင်းသွားတော့မယ်လို့ ပြောသောအခါ အစ်ကိုဆရာက “မရသေးဘူး ခဏနေဦး” ဟုဆိုကာ တပည့်တစ်ယောက်အား “ဟေ့ ကားဘီး လေးလုံးစလုံး စစ်၊ ဘက်ထရီစစ်၊ ပြီးရင် ဆီအပြည့် ဖြည့်ပေးလိုက်” ဟု ပြောပြီး အားလုံးလုပ်ကိုင်စစ်ဆေး ပြီးတဲ့အချိန်မှ ရပြီ နောင်ကြီးဟု ဆိုကာ ကားသော့အပ်လိုက်ပါတယ်။

ဝယ်သူမှာ ပြောဖွယ်ရာမရှိ ရတနာပီတိ ဂွမ်းဆီထိ သကဲ့သို့ ကားအသစ်ကြီးအား ပျော်ရွှင်စွာ မောင်းထွက်သွားလေပါတော့တယ်။ ရင့်ကျက်မှု နည်းသေးသော ကျွန်တော်က အစ်ကိုဆရာအား “ဘာလို့ သူက မလုပ်ခိုင်းဘဲ အစ်ကိုက လုပ်ပေးလိုက်ရတာလဲ” ဟု ရိုးရှင်းသော စိတ်ဖြင့်မေးရာ အစ်ကိုဆရာက ပြုံးရင်း “သား…ငါသူများလို showroom မဖွင့်ဘဲ ခြံထဲမှာရပ်ပြီးရောင်းတာ တနေ့ ဘယ်နှစ်ဦး လာဝယ်နေလဲ မင်းအမြင်ပဲ မဟုတ်လား?” ဒါလည်းဟုတ်တာပဲ တစ်နေ့တစ်နေ့ ပြေးဝယ်လိုက်ရတဲ့ စာချုပ်ဆိုတာ။

“အဲဒါ ဘာလဲမင်းသိလား သား.. စေတနာသည် ကံပဲကွ။ အခုငါရောင်းတာ Brand new နော်။ အရင်က Sunny, Publica ကားဟောင်းလေးတွေ ခေတ်က အချို့သောသူတွေ အရောင်းအဝယ် ဖြစ်ပြီဆိုရင် ကားတာယာကောင်းတာနဲ့ ပါးတာ ပြောင်းထည့်ကြတယ်။ ဆီစုပ် ထုတ်ကြတယ်၊ ကက်စက်တွေလဲကြတယ်။ အဲဒါတွေပြောင်းထည့်လိုက်တော့ရော မင်းဘဝကြီးပြောင်းလဲသွားမှာမို့လား?

အဆိုးဆုံးက ကားဘီးတာယာနဲ့ ဆီပဲကွ။ ဝယ်တဲ့သူက ဝယ်ပြီး အပျော်များစွာနဲ့ မောင်းသွားရင်း လမ်းမှာဆီပြတ်တာ၊ မတွေးဝံ့ဆုံးက ကားတာယာ ပွင့်ထွက်သွားခဲ့သည်ရှိသော် ဘာနဲ့မှလဲလို့မရတဲ့ အသက်ပဲ။ သား မင်းဘယ်တော့မှ အဲလိုစိတ်မျိုးနဲ့ စီးပွားမရှာလေနဲ့။

လောကကြီးမှာ မျှတရင် မိတ်ဆွေပေါမယ်၊ ကတိတည်ရင် background ကောင်းမယ်၊ မင်းထိုက်ရင်ရမယ် မထိုက်ရင်မရဘူး၊ ပြုသူအသစ်ဖြစ်သူအဟောင်းတဲ့။ ငါ့သား ကြွေးသစ်ထပ်မယူသွားနဲ့။ မင်းကြိုက်လား ငါလည်းကြိုက်တယ် မင်းမခံနိုင်ဘူးနော် ငါလည်းမခံနိုင်ဘူး။ အဲ့ဒါအရိုးရှင်းဆုံးသော ကိုယ်ချင်းစာတရားပဲ။

#ကားသတင်းစုံ

23/06/2022

အင်ဂျင်တစ်လုံး၏ toque နှင့် power တွက်ချက်နည်း
👨‍🔧 အင်ဂျင်တစ်လုံးရဲ့ အခြေခံ လိမ်လှည့်အား (torque) နှင့် ပါဝါ (power) အကြောင်းမျှဝေချင်ပါတယ်။ အင်ဂျင်ကိုင်ဖူးတဲ့ မဂ္ဂင်းနစ်များလည်း ဒီအခြေခံသိထားရင် လူပိုအထင်ကြီးမယ်။ လေ့လာနေတဲ့ ကားဝါသနာရှင်များလည်း ဒီအခြေခံကနေ စလေ့လာရင် ပိုလွယ်ပါလိမ့်မယ်။
🔰 torque ဆိုတာ လိမ်အားဖြစ်ပါတယ်။ ကရိုင်ရှပ်လည်ရင် လိမ်အားရပါမယ်။ အင်ဂျင်ခမ်းအတွင်း ဆီနဲ့လေ မီးလောင်မှုကြောင့် ပါဝါစတုတ် ရရှိပြီး ပစ္စတင်အောက်ကို ဆင်းလာမယ် ထိုအချိန်မှာ ကရိုင်းရှပ်လည်မယ်။ ကရိုင်းလည်တဲ့အခါ အင်ဂျင်အတွက် လိမ်အားရရှိလာပါမယ်။ လိမ်အားရဲ့ ပုံသေနည်းက T=F*r*sin(theta) ဖြစ်ပါတယ်။ ယူနစ်ကတော့ N-m ဖြစ်ပါတယ်။ T ဆိုတာ torque ၊ F ဆိုတာ force ၊ r ဆိုတာ radius ၊ sin(theta) ဆိုတာ ဆုံချက်ကနေလည်သွားတဲ့ထောင့်ဖြစ်ပါတယ်။ လိမ်အား torque ကိုတွက်ရင် ဒီတိုင်းတွက်ရမယ်။ အကယ်၍ အင်ဂျင်ရဲ့ လိမ်အားကို သိချင်ရင် ခုန F r sin(theta) သိရင်ဖြင့် T ကိုရပါတယ်။ ဥပမာ အင်ဂျင်ရဲ့ toque သည် 180Nm ရှိတယ်ဆိုကြပါစို့ r နဲ့ sin(theta) သိရင် ကရိုင်းရှပ်ရဲ့ တွန်းအား F ကိုရပါတယ်။
🔰 အင်ဂျင်ပါဝါဆိုတာဘာလဲ? အင်ဂျင်ပါဝါဆိုတာ hp (or) kW ဖြင့်ပြပါတယ်။ hp ဆိုတာ အဂ်လိပ်ယူနစ် ၊ kW ဆိုတာ အမေရိကန်ယူနစ် ဖြစ်ပါတယ်။ အဂ်လိပ်လက်အောက်ခံဖြစ်ခဲ့တဲ့ ကျွန်တော်တို့ က အဂ်လိပ်ယူနစ်ကို အကျွမ်းဝင်သလို ၊ အမေရိကန်ယူနစ်နဲ့လည်း သိပ်မစိမ်းကြပါဘူး။ အင်ဂျင်ပါဝါကို တချို့ကလည်း ဆလင်ဒါရဲ့ displacement (ထုထည်) နဲ့ မှားကြပါတယ်။ အင်ဂျင်ပါဝါဆိုတာ အင်ဂျင်တစ်လုံးရဲ့ နောက်ဆုံးရရှိတဲ့ စွမ်းအားဖြစ်ပါတယ်။ အင်ဂျင်ပါဝါ (hp) ရဲ့ ယူနစ်ကတော့
hp=L*W/33000*t ဖြစ်ပါတယ်။ L ဆိုတာ အကွာအဝေး ၊ W ဆိုတာ ထုထည် ၊ t ဆိုတာ အချိန် ၊ 33000 ဆိုတာ ကိန်းသေတန်ဖိုးဖြစ်ပါတယ်။ အထက်ပါ ပုံသေနည်းအတိုင်းတွက်ချက်ခဲ့ရင် hp ကိုရရှိပါမယ်။ hp ရဲ့ နောက်ထပ်ပုံသေနည်းတစ်မျိုးကတော့ hp=T*rpm/5252 ဖြစ်ပါတယ်။ torque နဲ့ rpm ကိုသိရင် အထက်ပါပုံသေနည်းသုံးပါလျှင် hp ကိုရရှိပါတယ်။ hp ကနေ kW ကို ပြောင်းချင်ရင်လည်း အဆင်ပြေပါတယ်။ ကျွန်တော်တို့ရဲ့ မဂ္ဂင်းနစ်များ ဘေးကင်းကြပါစေ 🙏
Crd:Auto Mechanic Book

23/06/2022

check မီးလင်းတိုင်း ကားမှာ အန္တရယ်ရှိနိုင်လား?
👨‍🔧 ကျွန်တော်မိတ်ဆွေ တစ်ယောက်မေးတာလေး သတိရလို့ပါ။ ချက်မီးဆိုတာ ဘာလည်း? အရင်သိဖို့ လိုအပ်ပါတယ်။ ချက်မီးဆိုတာ ကားအတွက် ကွန်ပြူတာဘောက် ECU က သတိပေးထားတဲ့ မီးစနစ်ဖြစ်ပါတယ်။ ချက်မီးတော်တော်များဟာ အင်ဂျင်နဲ့သက်ဆိုင်လေ့ရှိပါတယ်။ အင်ဂျင်တစ်လုံးမှာပါတဲ့ ပြစ်ချက်တွေကို ဒီချက်မီးနဲ့ ပြသပေးတာဖြစ်ပါတယ်။ ကားမောင်းသူကော ၊ ဝပ်ရှော့ဆရာကော ဒီချက်မီးကို ကြည့်ကြရတယ်။ ချက်မီးဆိုတာ အင်ဂျင်တစ်ခုလုံးခြုံငုံသတိပေးထားတယ်လို့ပြောရင် မမှားဘူး။ အတိအကျသိဖို့ဆိုရင် စက်ထိုးကြည့်မှရမယ်။ ကွန်ပြူတာဆော့ကဒ်ကို စက်ထိုးကြည့်မှသိရမှာဖြစ်ပါတယ်။ ဒါ့ကြောင့် ငါ့ကားတော့ ချက်မီးလင်းနေပြီ အန္တရာယ် ရှိနိုင်လားဆိုရင် အဲ့ဒါက 50% to 50% ဘဲ။ ကျွန်တော့်ကို ဖုန်းဆက်ပြီး " ဆရာကျွန်တော့်ကား ချက်မီးလင်းနေပြီ။ အဲ့ဒါ အန္တရာယ် ရှိနိုင်လား " လို့မေးရင် ရှိနိုင်တယ် ၊ မရှိနိုင်ဘူးဆိုတာ ထပ်ပြီး မေးခွန်းထုတ်ရအုံးမှာပါ။ အစ်ကို့ကား အရုန်းအဆွဲကျလား ၊ တွန့်ဆုတ်တွန့်ဆုတ်ဖြစ်လား ၊ ဖြစ်တယ်ဆိုရင် စက်ထိုးကြည့်လိုက် လို့ အကြံပေးပါတယ်။ MAF က ဖြစ်တယ်လို့ ၊ O2 ဆင်ဆာက ဖြစ်တယ်လို့ ဘာညာကွိကွ ထင်ကြေးနဲ့ ပြောလို့ မရပါဘူး။
♈ ဒါဆို ဘယ်လို ချက်မီးအမျိုးအစားတွေက အန္တရာယ် ရှိနိုင်လဲ?
အထူးသဖြင့် အင်ဂျင်နဲ့တိုက်ရိုက်သက်ဆိုင်နေတဲ့ ချက်မီးတွေသည် များသောအားဖြင့် အန္တရာယ် ရှိနိုင်ပါတယ်။ ဥပမာအားဖြင့် knocking (မီးသံခေါက်နေတာ) ၊ ignition system (မီးလိုင်းပြစ်ချက်) ၊ Engine oil low level (အင်ဂျင်ဝိုင်ပြဿနာ) ၊ Engine cooling (ဆင်ဆာ၊ရေလိုင်း၊ဖန် ပြစ်ချက်တွေ) ၊ Charging system( ချက်ချင်မဝင်တာ၊ဝါယာရိန်း၊အော်တာနေတာ၊ဘတ်ထရီ) စတဲ့ ပြစ်ချက်တွေနဲ့ ဆက်စပ်ပြီး ချက်မီးလင်းခဲ့ရင် အန္တရာယ်ရှိပါတယ်။ နောက်ဆက်တွဲပြဿနာတွေက သပိတ်ဝင်အိတ်ဝင် ငွေအများကြီးကုန်နိုင်ပါတယ်။ ချက်မီးလင်းနေပေမဲ့ ကိစ္စမရှိဘူး ခဏ ထိန်းမောင်းလို့ ရတယ်ဆိုတဲ့ ပြစ်ချက်များကတော့ အရေးသိပ်မကြီးတဲ့ဆင်ဆာပိုင်းပြစ်ချက်တွေ ( Fuel temperature sensor ၊ Intake air temperature sensor ၊ Fuel filter ၊ Air fuel sensor ) စတဲ့ ဆင်ဆာပြစ်ချက်တွေ ၊ ဆီလိုင်းနဲ့ဆိုင်တာတွေ ( အင်ဂျက်တာ ၊ ကာဗွန်များ ၊ ဖစ်တာချီးပိတ် ) ၊ ဂီယာပြစ်ချက်တွေ (ဂီယာဆောင့် ၊ ဂီယာအဝင်အထွက်မမှန် ၊ ဂီယာလေး) စတဲ့ ပြစ်ချက်မျိုးတွေက ခဏတော့ ထိန်းမောင်းလို့ရမယ်။ ရေရှည်ဆိုရင်တော့ မရပါဘူး။ ဒါ်ကြောင့် မိတ်ဆွေတို့အနေနဲ့ ချက်မီးလင်းတာကို လေ့လာကြည့်တဲ့အခါမှာ 50% သည် လုံးဝအန္တရာယ်ရှိတဲ့ အနေထား နောက်ထက် 50% ဆိုတာကလည်း မကြာသော ကာလမှာ ပြင်ကိုပြင်ရမယ်။ မပြင်လို့ရဘူးဆိုတော့ 100% လောက် ကို ချက်မီးလင်းတာက ဂရုစိုက်ဖို့ လိုပါတယ်။ ဒါ့ကြောင့် ချက်မီးဖျောက်တာ ၊ ချက်မီးကျော်ခွတာတွေ မလုပ်ပါနဲ့ဗျာ။ ကားအတွက် အန္တရာယ်ကြီးပါတယ်။ ကျွန်တော့် မိတ်တွေ စက်ဆရာများ ဘေးကင်းကြပါစေ 🙏

Crd: Auto Mechanic Book

23/06/2022

Gear [ L ]
ကုန်းအတက်တစ်ခုကို ကားမောင်းတက်ရင်း အင်ဂျင်ထိုးရပ်သွားပြီး ကားက နောက်ပြန်လှိမ့်တော့မလို ဖြစ်သွားတာ ဖြစ်တတ်ပါတယ်။ အခုလို ဖြစ်ရတာ ကုန်းအတက်မှာ ထိုးထားတဲ့ ဂီယာရွေးချယ်မှု မှားယွင်းနေတာကြောင့် အင်ဂျင်က ကုန်းတက်ဖို့အတွက် လိုအပ်တဲ့ပါဝါ လုံလောက်အောင် ထုတ်မပေးနိုင်ရာမှ ဆက်မရုန်းနိုင်တော့တဲ့အတွက် ထိုးရပ်သွားတာ ဖြစ်နေတတ်ပါတယ်။
ကားမောင်းလို့အဆင်ပြေအောင် ဂီယာတွေ အဆင့်ဆင့် ထည့်ပေးထားပြီး ဆီလျော်ရာ ဂီယာကို ရွေးချည်သုံးစွဲသွားရမှာ ဖြစ်ပါတယ်။ အဲဒီအတွက် L ဂီယာကို ထည့်ပေးထားတယ်။
L က ကုန်းတက်နဲ့ ကုန်းဆင်း မောင်းနှင်တဲ့အခါ ရွေးချယ်သုံးစွဲဖို့ ဒီဇိုင်းလုပ်ထားတယ်။
အော်တိုဂီယာမှာ
P Park,
R Reverse,
N Neutral,
D Drive.
L ဆိုတာက ဘာကို ဆိုလိုချင်တာလဲ။
L က Low gear ကို ဆိုလိုပါတယ်။
လက်ထိုးဂီယာမှာသုံးတဲ့ ဂီယာနံပါတ် ၁ နဲ့ ၂ တို့ကို ဆိုလိုပါတယ်။ အင်ဂျင် ရုန်းဖို့အတွက် ရည်ရွယ်ထားတဲ့ အနိမ့်ဂီယာ ဖြစ်ပါတယ်။
အင်ဂျင်မှာ လည်တဲ့ပတ်ရေ ပိုမြန်ဖို့ ဦးစားပေးတာ ရွိသလို အင်ဂျင်ရဲ့ လှည့်အား ကောင်းဖို့ ဦးစားပေးတာလည်း ရှိတယ်။ အမြင့်ဂီယာတွေမှာ အင်ဂျင်ကို လှည့်အားကောင်းဖိုထက်အပတ်ရေမြန်မြန် လှည့်ပေးဖို့ကို ဦးစားပေးထားတယ်။ ကားက ပိုမြန်မြန် ပြေးတယ်။
အနိမ့်ဂီယာမှာတော့ အင်ဂျင်ကို အားပိုရဖို့ ဦးစားပေးတယ်။ လှည့်အား ပိုသန်မာနေစေတယ်။ ရုန်းအား ပိုကောင်းနေစေတယ်။ ကုန်းတက်ကုန်းဆင်းမှာ မောင်းနှင်ဖို့ အဆင်ပြေနေစေတယ်။ ချိုင့်ခွက်တွေများလို့ ကားကို ဖြည်းဖြည်း လှိမ့်နေရတဲ့အခါမျိုးမှာလည်း L ကို သုံးရမှာဖြစ်ပါတယ်။
L ကို သုံးထားတဲ့အခါ အင်ဂျင် လှည့်အားကို ကောင်းနေစေပြီး အမြန်နှုန်းက လျော့ကျနေမယ်။ ဒီတော့ ကုန်းဆင်းမှာ L ကို သုံးထားတဲ့အခါ ကားကို အရှိန်မလွန်အောင် ဂီယာက ကူထိန်းပေးထားတယ်။
ကုန်းတက်မှာ L ကို သုံးထားတဲ့အခါ အင်ဂျင်က လှည့်အား ကောင်းနေတဲ့အတွက် ရုန်းအား ကောင်းနေလို့ ကုန်းတက်ကို တက်ဖို့ ရုန်းနိုင်စေတယ်။
-
(ဗဟုသုတ အနေဖြင့်ပြန်လည်မျှဝေခြင်းသာ ဖြစ်ပါသည်)
မူရင်းရေးသားမျှဝေသူအားကျေးဇူးတင်ပါသည်။

19/12/2021

ယာဉ် လိုင်စင် သက်တမ်း မတိုးခင် ပြင်ဆင်သင့်ထားသော အချက်များ
Myanmar Car Lover

ယာဉ် လိုင်စင် သက်တမ်း မတိုးခင် ပြင်ဆင်သင့်ထားသော အချက်များ

17/12/2021

မော်တော်ယာဥ် တင်သွင်းခွင့် ၂၀၂၂ခုနှစ် ဇန်နဝါရီ (၃) ရက်နေ့စ၍ ပြန်လည် ခွင့်ပြုမည်။

17/12/2021

ကား ဘော်ဒီသံချေးမတက်အောင် ဘယ်လိုကာကွယ်မလဲ
============
ကားပိုင်ရှင်တိုင်းလိုလို ကြုံတွေ့ရတဲ့စိတ်ပျက်စရာပြသနာကတော့ ကားဘော်ဒီသံချေးတက်တဲ့ပြဿနာပါ။ ဒီသံချေးတက်တာက ကားကို ကြည့်မကောင်း ၊ ရှုမကောင်းဖြစ်သလို အခြေအနေဆိုးရွားလာရင် ကားဘော်ဒီ အသား ပဲ့ထွက်တာတွေ ဖြစ်စေနိုင်ပါတယ်။

ကားကို သေချာထိမ်းသိမ်းပြီ မဖြစ်ခင် ကြိုတင်ကာကွယ်မှုတွေပြုလုပ်နိုင်ရင် ကားဘော်ဒီသံချေးတက်တဲ့ ပြသနာကိုရှောင်ရှားနိုင်ပါတယ်။

၁။ သံချေး မပျံ့ခင် ကြိုတင် ရှင်းလင်းပါ။

သံချေးတစ်နေရာလေးမှာစတက်လာပြီဆိုရင် ထိုနေရာတစ်ဝိုက်မှာ သံချေးတွေ ပျံ့နှံ့လာတတ်ပါတယ်။ ဒီလိုမပျံ့နှံ့သွားခင် ကြိုတင်တွေ့ရှိထားရင် ငွေအကုန်အကျနည်းနည်းနဲ့ သံချေးပြသနာကို ဖြေရှင်းနိုင်ပါတယ်။

သံချေးကွက် သေးသေးလေးပါဆိုပြီးအထင်တော့မသေးလိုက်နဲ့ ။ အချိန်တိုအတွင်း မှာ ဘေးပါတ်ပါတ်လည်ကပါ သံအကောင်းတွေကို သံချေးတွေ ပျံ့နှံ့လာနိုင်တဲ့အတွက်သင့် ကားဘော်ဒီမှာသံချေး ရှိ မရှိ မကြာခဏစစ်ဆေးသင့်ပါတယ်။

ကားဘော်ဒီအပြင်ဘက်က သံချေးတွေကပဲ အရေးကြီးတာမဟုတ်ပါဘူး။ ကားဘော်ဒီ အောက်ပိုင်းမှာ သံချေးတွေတက်လာရင်လည်း ပြသနာကြီးတစ်ခုဖြစ်လို့ ကားတစ်ကားလုံးကိုစစ်ဆေးပါ။

၂။ ပုံမှန် ကားရေဆေးပါ။

ကား ညစ်ပတ်ပြီးရုပ်ဆိုးလာမှ ရေဆေးတာမျိုးမလုပ်ပဲ ပုံမှန်တစ်ပါတ် တစ်ကြိမ်လောက် ကားရေဆေးပေးသင့်ပါတယ်။ ဒီလိုကားကို ပုံမှန်ရေဆေးပေးမှ ကားပေါ်မှာကပ်နေတဲ့ သံချေးတက်စေမယ့် အရာတွေကို သံချေးမတက်စေခင်မှာ ဖယ်ရှားပြီးသား ဖြစ်သွားမှာပါ။

ဆီတွေ ပေစွန်းနေတာမျိုးတွေကနေလည်း သံချေးတွေတက်လာစေလို့ ပေစွန်းနေတာတွေကို ပုံမှန်ဖယ်ရှားပေးခြင်းအားဖြင့် သံချေးတက်ခြင်းမှကာကွယ်နိုင်မှာပါတယ်။ ကားဘော်ဒီအောက်ပိုင်းကိုလည်း သေချာဆေးပေးရပါမယ်။ဆေးကြောတဲ့အခါ Baking soda မုန့်ဖုတ်ဆော်ဒါ အနည်းငယ်ထည့်ပြီးဆေးကြောပေးရင်ပို ထိရောက်ပါတယ်။

၃။ Wax တစ်နှစ်မှာ၂ကြိမ်ခန့် လုပ်ပါ။

ကားကို wax လုပ်တာ ဖရောင်းသွင်းတာဟာ ကားကိုတောက်ပြောင်ပြီး လှပနေစေရုံတင် အကျိုးပြုတာ မဟုတ်ပါဘူး။ ကားဆေးရောင်မှိန်ခြင်းကိုလည်း ကာကွယ်ပေးနိုင်သလို သံချေးတက်ခြင်းမှလည်း ကာကွယ်ပေးနိုင်ပါသေးတယ်။ ဒါ့ကြောင့် တစ်နှစ်ကို အနည်းဆုံး၂ကြိမ်ခန့်တော့ waxing လုပ်ပေး သင့်ပါတယ်။

၄။ Rust arrestor အသုံးပြုခြင်း ။

ကားမှာ သံချေးနဲနဲစတက်လာတာတွေ့ပေမယ့် ဆိုင်သွားပြီးသံချေးချွတ်ဖို့က အဆင်မပြေသေးဘူးဆိုရင် rust arrestor အသုံးပြုပြီးသံချေး မပျံ့နှံ့အောင် လုပ်ထားလို့ရပါတယ်။ ကားပစ္စည်း အရောင်းဆိုင်တွေမှာ အလွယ်တကူ ရရှိနိုင်သလို အသုံးပြုရလည်း အင်မတန်လွယ်ကူပါတယ်။ rust arrestor ကို စုတ်တံလေးအသုံးပြုပြီး သံချေးတက်နေတဲ့နေရာ တစ်ဝိုက်ကို သုတ်ပေးပါ။ သေချာခြောက် သွားပြီဆိုတော့မှ ထုတ်စီးပါ။ နေရောင်ထဲမှာ ထုတ်ထားရင် မြန်မြန်ခြောက်ပါတယ်။

၅။ ရေဝပ်သော နေရာတွင် ကားမရပ်ပါနဲ့။

ရေထိပါများရင်သံချေးတက်လွယ်လာပါတယ်။ ဒါ့ကြောင့်ကားကိုရပ်မယ်ဆိုရင် ရေမဝပ်တဲ့နေရာမျိုးတွေမှာသာရွေးပြီးရပ်ပါ။ ကုန်းမြင့်ပိုင်းတွေမှာ ကားကိုရပ်တာ စိတ်အချရဆုံးပါ။


Myanmar Car Lover
#ကား #ကားဗဟုသတ #ကားအကြောင်း

17/12/2021

အင်ဂျင် Slow မငြိမ်ရင် ပြုပြင်သင့်သောအရာများ
===========
ကားအင်ဂျင် Slow မငြိမ်ရင် ပုံမှန်အားဖြင့် Car Plug, Oil Tank Filter, Carbon cleaning, Engine Mounting, etc စတဲ့ အချက်တွေ စစ်ဆေးပြုပြင်ကြပါတယ်။

စစ်ဆေးပြုပြင်တဲ့အခါမှာလည်း အထက်ပါ အချက်တွေစစ်ဆေးပြီး အဆင်သွားတဲ့ကားများရှိသလို အဆင်မပြေတဲ့ကားတွေလည်းရှိပါတယ်။ ကားအားလုံးလုပ်ရမည်မဆိုလိုပါ..ဖြုတ်စစ်ပြီးလိုအပ်သောကားများအတွက်သာဖြစ်ပါတယ်။

အ့ဒါကတော့ MAF Sensor,Throttle Body Cleaning ဖြစ်ပါတယ်။ ဒါကတော့ ကားအင်ဂျင်ပေါက်ကွဲရင် ဆီ နဲ့ လေအချိုးကျ ပေါက်ကွဲဖို့ လေတံခါးအတွက် လေစုပ်ယူဖို့ အာရုံခံပေးတဲ့အပိုင်းဖြစ်ပါတယ်။ ဒီအပိုင်းက ကားအင်ဂျင်ခန်းအတွင် လေပိုက်အကြီးဆုံး လေစစ်နဲ့တွဲထားတဲ့ ပိုင်းလိုက်ကြီး ပါ။ ဒီအပိုင်းကို ဖြုတ်ပြီရင် လေတံခါးအပေါက်တွေကို တွေ့ရပါလိမ့်မယ်။

ထိုလေတံခါးအပေါက်ထဲကို လက်နဲ့မထိုးမိဖို့ သတိပြုရပါမယ်။ ဆေးရမယ့်အရာတွေကတော့ Mass Air Flow နဲ့ Throttle Body (လေတံခါး)ကိုဆေးရပါမယ်။ ထိုလေတံခါးအပေါက်ထဲမှာရှိတဲ့ မဲမဲတူးတူးဂျီးတွေတွေ့ရင် သေချာပါပြီ ။ ဒီဂျီတွေကို ဆေးဖို့ အတွက် ဆေးရည်အမျိုးအစား Brand ပေါ်မူတည်ပြီး Design အမျိုးမျိုးနဲ့လာပါတယ်။

ဆေးရမယ့်ပုံစံကတော့ Throttle Body (လေတံခါး) ကို ဆေးဘူးတွေမှာပါ ကော်ပိုက်သေးသေးနဲ့ Spray အသုံးပြုပြီ ဆေးကြော်ရမှာြဖစ်ပါတယ်။ လက်နိုက်သန့်စင် ၊ လက်ထည့်သန့်စင်တာမျိုးမပြုလုပ်ရပါ။ Spray ဖြန်းပြီးရင် Throttle Body မှာ ကပ်ရှိနေတဲ့ ဂျီတွေက သူအလိုလိုကျဆင်းလာပါလိမ့်မယ်။

Cleaning Spray ဝယ်မရတဲ့ပြဿနာမျိုးကြုံတွေ့ပါ ဓာတ်ဆီကို အဝတ်စပါးပါးတွင် စွတ်ပြီး ပြုလုပ်နိုင်ပါတယ်။ (သတိထားရန်။ ။ မကျွမ်းကျင်လျှင်အင်ဂျင် Check မီးလင်းတတ်ပါတယ်။)

ဆေးကြောပြီးနောက် သေချာစွာပြန်တပ်ပြီး စက်နှိုးကြည့်ပါ သိသိသာသာ Slow ငြိမ်သွားပါလိမ့်မယ်။



#ကား
ဗဟုသုတ
#ကားအကြောင်း

17/12/2021

007 Jame Bond ရုပ်ရှင်များထဲမှ ဈေးကောင်းရတဲ့ ကား (၁၀) စီး