27/07/2026
ကြမ်းတမ်းမှုနဲ့ အနုပညာတို့ ပေါင်းစပ်သွားတဲ့အခါ
Royal Enfield x Rough Crafts: Caliber Royale
ထိုင်ဝမ်က နာမည်ကြီး Custom ဆိုင် Rough Crafts ရဲ့ Winston Yeh ဟာ Shotgun 650 ကို အခြေခံပြီး Caliber Royale ဆိုတဲ့ Custom ဆိုင်ကယ်တစ်စီးကို ဖန်တီးခဲ့ပါတယ်။
ဒါဟာ နောက်ပိုင်းမှာ Royal Enfield အနေနဲ့ Limited Edition မော်ဒယ်ကို ထုတ်လုပ်ဖို့ပါ(inspiration) ဖြစ်စေခဲ့ပါတယ်။
Caliber Royale ဟာ ပိုရှည်တဲ့ အချိုးအစား၊ စူးရှတဲ့ လိုင်းတွေနဲ့ Racing စတိုင် ရှေ့ Fairing တွေ ပါဝင်လာအောင် ဆက်လက်မွမ်းမံထားပါတယ်။
အဓိက သဘောတရားကတော့ မူလ Frame ကို အနည်းဆုံးပဲ ပြင်ဆင်ပြီး အကြီးမားဆုံး အပြောင်းအလဲဖြစ်အောင် ဖန်တီးထားတာပဲ ဖြစ်ပါတယ်။
ဒီဆိုင်ကယ်ဟာ Faber Studio, CH Moto, JZO Crafts, Simon Fiber Craft, Rover Works, Churui Leather နဲ့ 2 Abnormal Sides စတဲ့ ပညာရှင်ဆိုင်ပေါင်းများစွာရဲ့ ပူးပေါင်းပါဝင်မှုနဲ့ ပေါ်ထွက်လာတာပါ။
Suspension ပိုင်းကို Öhlins နဲ့ Upgrade လုပ်ထားပြီး BST Carbon ဘီးတွေ၊ Pirelli Diablo Supercorsa SP တာယာတွေနဲ့ Beringer Brake စနစ်တွေကို အသုံးပြုထားပါတယ်။
အထူးမှာယူထားတဲ့ Aluminum Swingarm ကို နောက်ထပ် 100 mm ထပ်ဆန့်ထုတ်ထားတာကြောင့် ပိုမိုက်သွားတဲ့အပြင် မောင်းနှင်ရတာလည်း ပိုကောင်းမွန်စေပါတယ်။
ရှေ့ Fairing၊ ဆီတိုင်ကီနဲ့ အနောက်ပိုင်းကနေ အနက်ရောင် Matte ပေါ်မှာ ရွှေရောင်လိုင်းတွေ ကွပ်ထားတဲ့ Carbon Fiber အလုပ်တွေအပြင် Premium ချုပ်ရိုးနဲ့ သားရေခုံအထိ ဆိုင်ကယ်တစ်စီးလုံး နီးပါးကို အသစ်ပြန်လည် ဒီဇိုင်းဆွဲထားတာပါ။
အပေါ်ဘက် Control ပိုင်းမှာတော့ Clip-on Handlebar တွေ၊ KOSO က LED မီးတွေနဲ့ စွမ်းဆောင်ရည်ရော သီးသန့်အသံကိုပါ ပေးစွမ်းနိုင်တဲ့ SC-Project S1 Exhaust တို့ကို တပ်ဆင်ထားပါတယ်။
Caliber Royale ရဲ့ အောင်မြင်မှုကြောင့် Royal Enfield ဟာ ကမ္ဘာတစ်ဝှမ်း အစီးရေ ၁၀၀ သာ ထုတ်လုပ်မယ့် Shotgun 650 x Rough Crafts Limited Edition ကို မိတ်ဆက်ခဲ့ပါတယ်။
အဆိုပါ မော်ဒယ်ဟာ Custom ပုံစံကြမ်းကနေ Production ဆိုင်ကယ်ဆီကို စတိုင်တွေ ကူးပြောင်းလာတာဖြစ်ပြီး အနက်ရောင်ပြောင်နဲ့ အနက်ရောင် Matte အပေါ် ရွှေရောင်လိုင်းတွေ၊ တူညီတဲ့ သားရေခုံ၊ လက်နဲ့သွန်းလောင်းထားတဲ့ ကြေးဝါ (Brass) တိုင်ကီတံဆိပ်နဲ့ ဒီမော်ဒယ်အတွက် သီးသန့် အလှဆင်ထားတဲ့ အသေးစိတ်အချက်အလက်တွေ ပါဝင်ပါတယ်။
အခြေခံ အင်ဂျင်နဲ့ တည်ဆောက်ပုံတွေက အတူတူပဲ ဆိုပေမယ့်လည်း ဒါဟာ လက်ရှိအချိန်မှာ စက်ရုံထုတ် Shotgun 650 တွေထဲက အထူးခြား အပေါ်လွင်ဆုံး Special Edition တစ်ခုပဲ ဖြစ်ပါတယ်။
