https://www.facebook.com/109568331754779/

K K K Car Services, Meiktila (2026)

Permanently closed.

04/06/2022

Ignition Timing (မီးတိုင်းမင်း)

Ignition Timing ဆိုသည်မှာ အင်ဂျင်တစ်လုံး၏ Compression Stroke တွင် Spark Plug မှ မည်သည့်အချိန်၌ မီးပွင့်ပေးရမည်အား ထိန်းချုပ်ခြင်းဖြစ်ပါသည်။ ၄င်း Timing အား Before Top Dead Center (BTDC) ဟုခေါ်သည့် Crankshaft လည်ပတ်သည့် ဒီဂရီအားအခြေခံ၍ တိုင်းတာပါသည်။ Ideal အခြေအနေအားဖြင့် Spark Plug မီးစပွင့်ပြီး မီးညွန့်မှ ဆလင်ဒါအတွင်းရှိ လေ/ဆီ အရောအား စတင်လောင်ကျွမ်းစေပါမည်။ ထိုအခါ ဆလင်ဒါအတွင်း လောင်ကျွမ်းမှုမှ Gas များထွက်ရှိလာပြီး ဖိအားတက်လာပါမည်။ ယင်းဖိအားသည် Top Dead Center (TDC) သို့ ပစ္စတင်အရောက်တွင် အမြင့်ဆုံးဖြစ်သွားပြီး ပစ္စတင်အား အပြင်းထန်ဆုံးပါဝါဖြင့် ပြန်တွန်းချလိုက်ခြင်းဖြင့် Power Stroke ဖြစ်ပါမည်။ သို့သော် လက်တွေ့တွင် မီးပွင့်တစ်ချက်ဖြင့် လေ/ဆီ အရောအား အပြည့်အဝ လောင်ကျွမ်းစေရန်မလွယ်ကူခြင်းမှာ ပထမဆုံးအချက်ဖြစ်ပါသည်။ ကားအင်ဂျင်များအတွင်း အမှန်တကယ်လောင်ကျွမ်းခြင်းမှာ deflagration ဖြစ်၍ combustion အမျိုးအစားတစ်မျိုးဖြစ်ပါသည်။ တိကျပြည့်စုံသည့် လောင်ကျွမ်းမှုတစ်ခုဖြစ်ရန်အတွက် လိုအပ်ချက် ၄ ခုရှိပါသည်။ Proportion ဆိုသည့်လောင်စာနှင့် အောက်စီဂျင်ဟာ မျှတသည့် အချိုးအစားရှိရပါမည်။ Mixing ဆိုသည့် လောင်စာနှင့် အောက်စီဂျင်သည် လောင်ကျွမ်းမှုမစမီ သမမျှတစွာရောနှောနေရပါမည်။ Initiation ဆိုသည့် လောင်စာနှင့် အောက်စီဂျင်အား အစပျိုး (ignition) လောင်ကျွမ်းပေးမှုရှိရပါမည်။ Time ဆိုသည့် လောင်စာနှင့် အောက်စီဂျင်အပြည့်အဝ လောင်ကျွမ်းနိုင်ရန် အချိန်ပေးရပါမည်။ ယင်း အချက်၄ချက် ပြည့်စုံပြီဆိုပါက လောင်ကျွမ်းမှု complete ဖြစ်ပါသည်။ ထိုမှ နောက်ဆုံးအချက်ဖြစ်သည့် (Time) အချိန်လိုအပ်ချက်သည် ဒုတိယအချက်ဖြစ်ပါသည်။ တတိယ အချက်မှာ ပစ္စတင် မျက်နှာပြင်ဒီဇိုင်း နှင့် ဆလင်ဒါ Head ဒီဇိုင်း ကွာခြားချက်ကြောင့် အင်ဂျင် တစ်လုံးနှင့်တစ်လုံး Ignition Timing မတူညီခြင်းဖြစ်သည်။ စတုတ္ထအချက်မှာ လောင်ကျွမ်းပြီးထွက်လာသည့် မီးခိုးများပျံ့ကားမှုသည် ပစ္စတင် TDC အရောက်တွင် အမြင့်ဆုံးဖြစ်နေစေရန် အချိန်လိုအပ်ခြင်းဖြစ်ပါသည်။ နောက်ဆုံးအချက်အနေဖြင့် ဆီများ၏ အရည်အသွေး စံ မဖြစ်ခြင်းကြောင့် လောင်ကျွမ်းမှု မပြည့်စုံခြင်းဖြစ်စေပါသည်။ ထို့ကြောင့် Ignition Timing အား ပြောင်းလဲပေးရမည်ဖြစ်သည်။

(၁) Ignition Re**rd
Re**rding ဆိုသည်မှာ Compression Stroke တွင် Plug အား TDC နှင့် ပစ္စတင် နီးသည့် အချိန်တွင် Spark ပေးခြင်းဖြစ်သည်။ ထိုသို့ Spark နောက်ကျ၍ပေးခြင်းဖြင့် Detonation အား ကာကွယ်နိုင်ပါသည်။ သို့သော် ပစ္စတင် TDC သို့ရောက်ရှိပြီး၍ Power Stroke ပြန်ဆင်းနေသည့်အချိန်တွင်မှ ဖိအားအမြင့်ဆုံး ရရှိသည့်အတွက် မမီတော့ချေ။ ထို့ပြင် ရရှိသည့် အမြင့်ဆုံးဖိအားမှာလည်း ပုံမှန်ထက် နည်းသွားသောကြောင့် ပါဝါလျော့နည်းပါမည်။

(၂) Ignition Advance
၄င်းသည် Compression Stroke တွင် Plug အား TDC နှင့် ပစ္စတင် ဝေးသည့် အချိန်တွင် Spark ပေးခြင်းဖြစ်သည်။ ထိုသို့ မီးပွားစော၍ ပေးမှသာ မီးညွှန့်မှ လေဆီအရော အားလုံးကို လောက်ကျွမ်းသွားစေရန် အချိန်ရမည်ဖြစ်သည်။ သို့သော် အရမ်းစောသွားပါက ပစ္စတင် TDC သို့မရောက်ခင် ဖိအားပြင်းထန်လာမည်ဖြစ်သောကြောင့် ဆလင်ဒါအတွင်း ဖိအားမတည်ငြိမ်မှု ဖြစ်ကာ Deflagration မှ Detonation အဖြစ်အသွင်ပြောင်း၍ Knocking ဖြစ်စေပါမည်။

ထို့အပြင် Ignition Timing သည် အင်ဂျင် rpm နှင့်ဆက်စပ်မှုရှိပါသည်။ အင်ဂျင် rpm မြန်လာပြီး Ignition Timing အသေဖြစ်နေပါက Ignition Re**rd ဖြစ်သွားပါမည်။ ထို့ကြောင့် အင်ဂျင် rpm များလာလေလေ IG အားပို၍ Advance လုပ်ပေးရလေလေ ဖြစ်ပါမည်။ ထို့ကြောင့် အင်ဂျင် rpm နှင့် IG Advance အားချိတ်ဆက်၍ ထိန်းချုပ်ရပါသည်။ ဤတွင် Mechanical Advance နှင့် Vacuum Advance ဟူ၍ ၂ မျိုးရှိပါသည်။

(ကက) Mechanical Advance
Centrifugal Advance ဟုလည်းခေါ်သည့် နည်းပညာသည် Distributor Ignition စနစ်တွင်အသုံးပြု၍ အချိတ်အဆက်မှာ ၄င်း Distributor အတွင်းတွင် တပ်ဆင်ထားပါသည်။ Distributor အတွင်းရှိ Central shaft သည် အင်ဂျင် Camshaft နှင့် ချိတ်ဆက်၍ လည်ပတ်ပါသည်။ ၄င်း Shaft သည် Distributor အုံအတွင်း IG Advance လုပ်ပေးမည့် Rotor Shaft တစ်ခုနှင့် ထပ်မံချိတ်ဆက်ကာ အလေးတုံး ၂ တုံးအား ချိတ်ဆွဲထားသည့် ဂါနာ(Governor)
နှင့် လည်းတွဲထားပါသည်။ Governor weight တုံး ၂ ခုသည် အင်ဂျင် rpm တက်လာသည်နှင့် Centrifugal force အရ ဘေးသို့ ကား၍လည်လာပါမည်။ ထို အလေးတုံး ၂ ခုသည် စပရင်ဖြင့် Rotor အားချိတ်ထားသည့်အတွက် Rotor ကိုရွှေ့ပေးလိုက်ပါသည်။ ထိုအရွေ့သည် IG timing အား စောသည့်ဘက်သို့ ရွေ့စေပါမည်။ Mechanical Advance သည် အင်ဂျင် rpm 3000 အထက်တွင်သာ အလုပ်ကောင်းကောင်းလုပ်ပါသည်။ ထို့ကြောင့် Low rpm အတွက် Vacuum Advance နှင့်တွဲ၍ သုံးရပါသည်။

(ခခ) Vacuum Advance
Vacuum Advance သည် အင်ဂျင် Low rpm နှင့် Mid rpm တွင် Advance ပြုလုပ်ပေးရန် အသုံးပြုပါသည်။ Vacuum Advance ဖြစ်သောကြောင့် Vacuum Chamber တစ်ခုပါဝင်ပါမည်။ Vacuum Chamber ဆိုသည်မှာ ကြားတွင် Diaphram ခံထားသည့် Pressure Differential အခန်း ၂ ခန်းပါဝင်သော ဗူးဖြစ်ပါသည်။ Diaphram ၏ အောက်ဘက်ခြမ်းအား အင်ဂျင် throttle (Manifold Vacuum) ဖြင့် ပိုက်လိုင်းဆက်သွယ်ထားပြီး အပေါ်ခြမ်းအား Distributor အုံအတွင်း IG Advance plate နှင့် ချိတ်ဆက်ထားပါသည်။ အင်ဂျင် Low rpm တွင် Throttle ပိတ်နေသည့်အတွက် Vacuum မြင့်နေသောကြောင့် Diaphram အား Tube ဘက်မှဆွဲထားကာ ၄င်း၏ အချိတ်အဆက် Advance plate အားဆက်ဆွဲထား၍ IG Advance ဖြစ်ပါမည်။ Throttle (WOT) ပွင့်လာသောအခါ Vacuum နည်းသွားသောကြောင့် Diaphram သည် စပရင် ကန်အားဖြင့် မူလနေရာသို့ပြန်ရောက်သွားပြီး ပုံမှန် Advance ပြန်ဖြစ်ပါမည်။ Vacuum Advance သည် Low နှင့် Mid rpm တွင်သာ အလုပ်လုပ်ပြီး Mechanical Advance နှင့် တွဲ၍သုံးပါသည်။ Vacuum Advance သည် ဆီစားသက်သာစေပြီး Low rpm တွင် မောင်းနှင်မှု အဆင်ပြေချောမွေ့စေပါသည်။

(ဂဂ) Computer Controlled Ignition System
ယနေ့ခေတ် ကားအင်ဂျင်များတွင် Distributor မသုံးတော့ဘဲ Coil on Plug (COP) ဟုခေါ်သည့် ပလက်ဂ် တစ်လုံးတွင် ပလက်ဂ်ကွိုင်တစ်ခု သုံးပါသည်။ ထို့ကြောင့် Distributor ကိုမူတည်၍ IG Advance ပြုလုပ်ရသည့် Centrifugal နှင့် Vacuum Advance အားလည်းအသုံးမပြုတော့ချေ။ Computerized IG System ကိုသာ အသုံးပြုပါသည်။ ကွန်ပျူတာတွင် Lookup table ဟုခေါ်သည့် Timing Map အားထည့်သွင်းထားကာ အင်ဂျင် rpm နှင့် Load အခြေအနေအလိုက် IG Advance မည်မျှရှိရမည်ကို သိရှိပြီးဖြစ်ပါသည်။ ထို့ကြောင့် Advance လုပ်ပေးရမည့် အချိန်အတိအကျ၌ Plug Coil အားတိုက်ရိုက် Signal ပေး၍ plug ကို မီးပွင့်စေပါသည်။ Mechanical နှင့် Vacuum Advance တွင် IG Advance အားပြင်ဆင်နိုင်သော်လည်း Computer Controlled စနစ်တွင် Program ပြန်ရေးနိုင်မှသာပြင်နိုင်ပါမည်။
ထို့အပြင် Computer စနစ်၌ Knock Sensor ဟုခေါ်သော အင်ဂျင် Detonation အားထောက်လှမ်းသည့် Sensor အသုံးပြု၍ IG Advance လွန်နေခြင်းအားလည်း Re**rd ပြန်၍လုပ်ပေးနိုင်ပါသည်။
Ignition Advance ၏Typical တန်ဖိုးမှာ 15~35 Before TDC ဖြစ်သော်လည်း အင်ဂျင်အမျိုးမျိုးအတွက် များစွာရှိမည်ဖြစ်ပါကြောင်းဖြင့်။ ။ LinHtet(EEM)

#ကားအကြောင်း

#မီးတိုင်ပင်

17/05/2022

*** အိတ်ဇောပိုက်က ကျောက်ဇကာဆိုတာဘာလဲ ? ဘာကြောင့်တန်ဖိုးရှိတာလဲ ? ***

ကားလောက အခေါ်အဝေါ်အတိုင်း ကျောက်ဇကာလို. ခေါ်လိုက်တာပါ ။ သူ.နာမည်အရင်းက ( Catalytic Converter ) ကဲ့တဲ့လစ်တစ်ကွန်ဗာတာ ပါ ။ Catalytic Converter ဆိုတာက Catalyst ဆိုတဲ့ ( ကိုယ်တိုင်မပြောင်းလဲသော်လည်း
ဓာတ်ပြုမှုကို လျှင်မြန်စွာပြောင်းလဲစေသော ဓာတ်ကူပစ္စည်း ) ဆိုတဲ့စကားလုံးကနေလာတာပါ ။ သူရဲ.လုပ်ဆောင်ချက်က အိတ်ဇောမန်နီဖိုး ( Exhaust Manifold ) ကနေထွက်လာတဲ့ အဆိပ်ရှိတဲ့ ၊ ပတ်၀န်းကျင်ကို အန္တရာယ်ပြုမယ့်
ဓာတ်ငွေ.တွေကို အန္တရာယ်အဆင့်နိမ့်ကျသွားအောင် ဓာတ်ပြောင်းလဲမှုဖြစ်ပေါ်စေရန် ဓာတ်ကူပစ္စည်းအဖြစ်ဆောင်ရွက်ပေးတာပါ ။ သူ.ကဘယ်လိုလုပ်ဆောင်ပေးသလဲဆိုရင် ကျနော်တို. ၉ တန်း ၁၀ တန်း ဓာတုဗေဒ (Chemistry)
ဘာသာရပ်မှာ သင်ရတဲ့ အောက်ဆီဂျင်နဲ. ပေါင်းပြီးဓာတ်တိုးသည့်ဖြစ်စဉ် နှင့် ဓာတ်လျော့သည်.ဖြစ်စဉ် ( an Oxidation and Reduction reaction ) အခြေခံသဘောတရားကိုသုံးပြီး အဆိပ်ငွေ.တွေကို လျော့ကျအောင်လုပ်ဆောင်ပါတယ်။

ကားရဲ.ဓာတ်ဆီအင်ဂျင်နဲ. ဒီဇယ်အင်ဂျင်ကနေထွက်လာတဲ့ အဆိပ်ဓာတ်ငွေ.နဲ. ပတ်၀န်းကျင်ကို အန္တရာယ်ဖြစ်စေတဲ့ ဓာတ်ငွေ.တွေရှိပါတယ် ။ အဲ့ဒါတွေက

CO ( Carbon Monoxide ) ကာဗွန်မိုနောက်ဆိုက်
HC ( Unburned Hydrocarbons ) စွမ်းအင်အဖြစ်အကုန်မလောင်ကျွမ်းဘဲ ကျနေတဲ့ လောင်စာဆီတွေ
NoX ( Oxides of Nitrogen ) နိုက်ထရိုဂျင်အောက်ဆိုက်
အစရှိတဲ့ ဓာတ်ငွေ.တွေပါ ။ အဲ့ဒီဓာတ်ငွေ.တွေကို အောက်ပါ ဓာတုဓာတ်ပြောင်းလဲခြင်း ညီမျှခြင်းတွေသုံးပြီး ပြောင်းလဲပါတယ် ။

Example
ဓာတ်လျှော့ညီမျှခြင်း ( Reduction reaction ) ကိုသုံးပြီး အဆိပ်ရှိတဲ့ နိုက်ထရိုဂျင်အောက်ဆိုက်ကို အဆိပ်မရှိတဲ့ အောက်ဆီဂျင်နှင့် နိုက်ထရိုဂျင်အဖြစ်ပြောင်းလဲပေးပါတယ် ။
NoX (Oxides of Nitrogen ) = N2 ( Nitrogen) + O2 ( Oxygen )

Example
ဓာတ်တိုးညီမျှခြင်း ( Oxidation reaction ) ကိုသုံးပြီး ပတ်၀န်းကျင်ကို အန္တရာယ်ဖြစ်စေတဲ့ ဓာတ်ငွေ.တွေကို အောက်ဆီဂျင်နဲ.ပေါင်းပြီး အန္တရာယ်လျော့ပါးအောင်ပြုလုပ်ပေးပါတယ် ။
CO ( Carbon Monoxide ) + O2 ( Oxygen ) = CO2 ( Carbon Dioxide )

HC ( Hydrocarbons ) + O2 ( Oxygen ) = H2O ( Water ) + CO2 ( Carbon Dioxide )

Catalytic Converter က ကိုယ်တိုင်ဓာတ်ပြောင်းလဲမှုမရှိပေမယ့် အဲဒီအထက်က ဖော်မျူလာတွေ အတိုင်း ဓာတ်ငွေ.တွေတခုခုနဲ. တခုခု ပေါင်းစီးဖို. ၊ ခွဲထွက်ဖို.ကို လျှင်လျှင်မြန်မြန်ဖြစ်ပေါ်လာအောင်ဆောင်ရွက်ပေးပြီး ကားအင်ဂျင်ကနေ
ထွက်ပေါ်လာတဲ့ လူကို ဒုက္ခပေးမယ့် အဆိပ်ဓာတ်ငွေ.တွေနဲ. ၊ ပတ်၀န်းကျင်ကို ညစ်ညမ်းစေမယ့် ဓာတ်ငွေ.တွေကို အန္တရာယ်မဖြစ်စေမယ့် ဓာတုပြောင်းလဲမှုတွေဖြစ်ပေါ်လာအောင် ကူညီဆောင်ရွက်ပေးပါတယ် ။ ဒါက Catalytic
Converter ခေါ် ကျောက်ဇကာရဲ. အလုပ်လုပ်ပုံတွေပါ ။

( Catalytic Converter ) ကျောက်ဇကာက ဘာလို.ရောင်းစားလို.ရတာလဲ ?

အခုကားတော်တော်များများမှာ ကျောက်ဇကာခွဲရောင်းရင် ၂ သောင်းခွဲ ၃ သောင်းကနေ သိန်းဂဏန်းနားအထိရနိုင်တယ်လို. ကြားသိရပါတယ် ။ ကျောက်ဇကာအလကားခွဲပေးတယ်ဆိုတဲ့ ဆိုင်တွေလည်း နေရာတော်တော်များများမှာ
တွေ.လာရပါတယ် ။ ကျောက်ဇကာကို ဘာကြောင့်၀ယ်တာလဲဆိုရင် ကျောက်ဇကာထဲမှာပါတဲ့ တန်ဖိုးရှိတဲ့အရာတွေကြောင့်ပါ ။ ကျောက်ဇကာထဲမှာ ဘာတွေပါလဲပြောပြပါမယ် ။ ကျောက်ဇကာ ( Catalytic Converter ) ရဲ.ပုံစံက
ပျားအုံ ၊ ပတူအုံလိုပုံစံမျိုးတွေပါ ။ ကျောက်ဇကာထဲမှာ အဓိက အလုပ်လုပ်တဲ့( an Oxidation and Reduction reaction ) နေရာနှစ်ခုရှိပြီး တန်ဖိုးကြီး ကျောက်သုံးမျိုးပါ၀င်ပါတယ် ။

1. Platinum (ဓာတ်တိုးခြင်း ဓာတ်လျှော့ခြင်းနှစ်မျိုးစလုံးကိုဖြစ်စေတဲ့ ရွှေဖြူ လို.ခေါ်တဲ့ ပလက်တီနမ် )
2. Rhodium ( ဓာတ်လျှော့ခြင်းဖြစ်စဉ်ကို ဖြစ်ပေါ်စေသည့် အဖြူရောင် သတ္တုဒြပ်စင် )
3. Palladium ( အောက်ဆီဂျင်နှင့်ပေါင်းပြီး ဓာတ်တိုးဖြစ်စဉ်ကို ဖြစ်ပေါ်စေသည့် ပလက်တီနမ်နွယ်၀င် သတ္တုဒြပ်စင် ) ဆိုတဲ့ တန်ဖိုးရှိ သတ္တုဒြပ်စင်သုံးမျိုး ထုတ်လုပ်တဲ့ပုံစံနဲ. ထုတ်လုပ်တဲ့နေရာကွာခြားပြီး ၃ ဂရမ်ကနေ ၇ ဂရမ်အထိ
အဓိက ပါ၀င်ပါတယ် ။ ဒါ့အပြင် Copper , Nickel , Cerium , Iron နှင့် Manganese ဆိုတဲ့ အခြားသတ္တုတွေလည်းပါ၀င်ပါသေးတယ် ။ အဲ့ဒီသတ္တုတွေကြောင့် ရောင်းစားလို.ရတာပါ ။

ဒါကတော့ ကားလောက အခေါ်ကျောက်ဇကာ ( Catalytic Converter ) ရဲ.အကြောင်းတစိတ်တပိုင်းပါ ။
===================

Credit - Online Book

#ကားအကြောင်း
#အိတ်ဇောကျောက်ဇကာ

15/05/2022

▪️အင်ဂျင်ချိန်းကားကို_အများစု_ဘာလို့_စိုးရိမ်ကြောင့်ကြ_ပါသလဲ ▪️
============================
◾ အပေါ်က မေးခွန်းကို ဖြေရမယ်ဆိုရင်တော့ အဖြေက တစ်ခုထဲပါ အဲဒါကတော့......
◾ သေသေချာချာ ထဲထဲဝင်ဝင် မသိကြလို့ပါ ။

◾ နည်းပညာအရ လက်တွေ့ကျကျပြောရရင် အင်ဂျင်ချိန်းကားဟာ ကြောက်စရာလုံးဝ မဟုတ်ပါ ။ အမှန်တော့ကြိုက်စရာပါ ။
◾ ဘာကြောင့်လဲဆိုတော့ မြန်မာနိုင်ငံရဲ့ လူအများစု လက်လှမ်းမှီနိုင်တဲ့ ကားအများစုဟာ 2010 အောက်ကားတွေပါ ။ ဆယ်စုနှစ်တစ်ခု‌ကျော် အသုံးပြုပြီးသားအင်ဂျင်အဟောင်းတွေအများစုဟာ ဘာမှပြန်လည်ပြုပြင်မှု မလုပ်ထားဘဲ ကောင်းမွန်တဲ့‌အနေအထားမှာ လုံးဝမရှိနိုင်ပါဘူး။
◾အင်ဂျင်တစ်လုံးမှာ ပျက်စီးတဲ့အထိ သုံးလို့ရတဲ့ အစိတ်အပိုင်းတွေပါရှိသလို မပျက်ပေမယ့် အသုံးပြုနိုင်တဲ့ သက်တမ်းပြည့်သွားပြီဆိုတာနဲ့ လဲလှယ်ပေးရမယ့်အစိတ်အပိုင်းတွေ အများကြီးပါဝင်ပါတယ် ( ဥပမာ။ ။ Connecting Bearing, Main Bearing, Piston Ring, Timing Chain Kit, Valve seat, Valve guide, နောက်ထပ်လဲ အများကြီးရှိပါတယ် ) အစရှိသဖြင့်ပေါ့။

▪️ ဒါပေမယ့် ဒီမှာကတော့ ဘယ်အရာဘဲ ဖြစ်ဖြစ် မပျက်မခြင်းသုံးကြပါတယ် ၊ ဘယ်တော့မှ သတ်မှတ်ချက်အတိုင်း မလဲလှယ်ကြပါဘူး။ အဆိုးဆုံးက အရည်အသွေးမပြည့်မီတဲ့ စက်ဆီ ချောဆီတွေကြောင့် အင်ဂျင်အများစု ပျက်စီးကြရပါတယ်။ ဒါကြောင့် ပျက်စီးပြီဆိုရင် ပြင်လို့ရတဲ့ အနေအထားထက် အသစ်ဝယ်တင်ကြရတဲ့ အနေအထားတွေက များပါတယ်။
▪️ ဒါကြောင့် ဆယ်စုနှစ်တစ်ခုကျော် ဖြစ်သလိုအသုံးပြုထားတဲ့ Original အင်ဂျင်နဲ့ကားထက် အင်ဂျင်အသစ်ပြောင်းတင်ပြီးသားကားက ပိုသာပိုကောင်းပါတယ်။
▪️ ကဲဟုတ်ပြီ အသစ်ဝယ်တင်ကြပြီဆိုပါစို့ ။ ဒီမှာပြဿနာက စပါပြီ။ ကားအမျိုးအစားတူ မော်ဒယ်တူ အင်ဂျင်ပါဝါတူ တစ်ပုံစံထဲ ရခဲ့ရင်တော့ဘာပြဿနာမှမရှိနိုင်ပေမယ့် အမျိုးအမည်တူ_ပါဝါတူ ပေမယ့် ကားအမျိုးအစားခြင်းမတူခဲ့ရင်( ဥပမာ။ ။ 1kz ဟာ prado KZJ-95 မှာလဲလာသလို Hiace အပြင် Hilux-Surf မှာလဲလာပါတယ်။) အနည်းအကျဉ်း တော့ ပြဿနာလေးတွေရှိတတ်ကြပါတယ် ။
▪️စာရှည်သွားမှာစိုးလို့ အသေးစိတ်မပြောတော့ဘဲ တွေ့ရအများဆုံးနဲ့ အများစု ဒွိဟ သံသယ ဖြစ်နေကြ ကြောက်နေကြတဲ့ ကားနှစ်မျိုးကို ဥပမာ ထားပြီး ပြောပြပေးပါမယ်။

▪️No.1 Toyota Probox
1.3 to 1.5 ( 2nz to 1nz )

▪️ ဒီကိစ္စကတော့အများစုသိကြတဲ့ကိစ္စပါ ။ Probox မှာ 1.3 ကို 1.5 ချိန်းရင် အများစုကြောက်ကြတယ်၊ ဘာလို့ကြောက်တာလဲမေးရင် ဝါးတားတားနဲ့ သေချာ မဖြေနိုင်ကြဘူး။
▪️1. တစ်ချို့က ဂီယာဆောင့်လို့ ဂီယာချိန်းမမှန်လို့ ပြောတဲ့သူကပြောတယ်
▪️2. တစ်ချို့က အင်ဂျင်တုန်လွန်းလို့ အင်ဂျင်သံမမှန်လို့ ပြောတဲ့သူကပြောကြတယ်
▪️3. တစ်ချို့က အဲကွန်းပျောက်ပြီးဖွင့်မရဘဲ ဖြစ်ဖြစ်သွားတတ်လို့ ဆိုပြီးပြောကြတယ်
▪️4. တစ်ချို့ကလဲ ကားမခံနိုင်ဘူး ပြိုသွားလိမ့်မယ် 1.3 ကားကသံသားပါးတယ်ဆိုပြီး ဘောင်မဝင်တန်းမဝင်တဲ့ ပညာမဲ့ စကားတွေတောင်ကြားရတတ်သေးတယ်။ အဲ့လိုလူတွေ တစ်ခါတည်း မှတ်ထားပါ NCP-50 , 51, 55, 58 ကားအားလုံးရဲ့ Curb weight ဟာ 1030 kg တစ်သမတ်ထဲပါ၊ ဟိုကားက ပါးလို့ 1000 ဘဲရှိတယ် ဒီကားက ထူလို့ 1050 ရှိတယ်ဆိုပြီး လုံးဝမကွဲပါ။ ဟုတ်ပြီ ဘာတွေဘဲ ပြောပြော မသိလို့ပြောကြတာဘဲ ရှိစေတော့။
▪️ အဓိက အကြောင်းစပြောပါမယ် ။ 1.3 ကို 1.5 ချိန်းရင် ( 2nz to 1nz ) ပြဿနာ တစ်ကယ်ဘဲ ရှိသလား ?
▪️ ဟုတ်ကဲ့ပါ ။ နည်းစနစ်မမှန်တဲ့ချိန်းပုံမျိုးက ပြဿနာ တစ်ကယ်ရှိပါတယ်။ ဒါဆို နည်းစနစ်မမှန်တဲ့ချိန်းပုံကဘာလဲ ? ဘယ်လိုပြဿနာတွေ ရှိလဲ ?
▪️ နည်းစနစ်မမှန်တဲ့ချိန်းပုံဆိုတာ အင်ဂျင်ပျက်စီးတယ် ဆိုပါစို့၊ အင်ဂျင်ဘဲ ချိန်းလိုက်တယ် ကျန်တာဘာမှ မလုပ်ဘူး ဂီယာဘောက်မချိန်းဘူး ECU မချိန်းဘူး ဝါယာရိန်းမစစ်ဘူး ကုန်ကျစရိတ်သက်သာအောင်လို့
ကဲစပြီလေ ပြဿနာက 1nz နဲ့ 2nz က အင်ဂျင်ခြင်းမှမတူတာ ( တပ်ဆင်လို့ရပုံခြင်းတူတာပါ )
ဂီယာဆောင့်မယ် ဂီယာချိန်းနောက်ကျမယ် အဲကွန်းပျောက်မယ် ဆီပိုစားမယ် ရံဖန်ရံခါ chack မီးလင်းမယ် ဖြစ်မှာပေါ့ ကားတစ်စီးလုံးရဲ့စနစ်ကို ထိန်းချုပ်ထားတဲ့ ECU က 2nz အတွက်ထုတ်လုပ်ထားတဲ့ ECU လေ 2nz ECU နဲ့ 1nz အင်ဂျင်ကို ထိန်းချုပ်ခိုင်းမှတော့ မှန်ကန်တဲ့ လုပ်ဆောင်ချက်တွေရနိုင်ပါဦးမလား ? Input sensors တွေက လာတဲ့ signal အတိုင်း output ကို ပြန်ထုတ်ပေးရမှာ input တွေမှားနေမှတော့ output ကဘယ်လိုမှန်ပါဦးမလဲ ၊ စာရှည်တဲ့အတွက် အသေးစိတ်မပြောတော့ဘူး ၊ ဖြေရှင်းနည်းဘဲ ပြောမယ်
▪️ အင်ဂျင်ချိန်းချင်တယ်မလား နည်းစနစ်မှန်အောင်ချိန်းပါ ဖားတစ်ပိုင်း ငါးတစ်ပိုင်း မလုပ်နဲ့ 2nz ကနေ 1nz အင်ဂျင်ချိန်းမယ်ဆို 1nz gearbox, 1nz ECU , 1nz ကြိုးထုပ် အစုံလိုက်ချိန်းပါ ၊ ဘာပြဿနာမှ မရှိဘူး၊ ဖားတစ်ပိုင်းငါးတစ်ပိုင်းလုပ်မယ်ဆိုရင်တော့ Professional Skill လိုပါတယ် ဒါပေမယ့် အချိန်အတိုင်းအတာ တစ်ခုထိဘဲရမယ် အဲ့အချိန်ကျော်လွန်လာရင် ပြဿနာတွေ စလာမယ်။ ဖားတစ်ပိုင်းငါးတစ်ပိုင်း နည်းစနစ်မမှန်အောင်လုပ်ထားပြီး ရလဒ်ကို အမှန်လိုချင်လို့တော့မဖြစ်နိုင်ပါဘူး။
▪️ ထပ်ပြောပါမယ် နည်းစနစ်မှန်အောင်ချိန်းပါ ၊ ဘာပြဿနာမှ မရှိဘူး။ ကြောက်စရာလဲ မလိုဘူး။ ကြောက်ရမယ့်အကြောင်းလဲ မဟုတ်ဘူး ၊ ကြိုက်ရမယ့်အကြောင်း ၊ ဖြစ်နေတာက အင်ဂျင်ချိန်းခြင်းပြဿနာမဟုတ်ပါဘူး ။ မသိကြတဲ့ နားမလည်ကြတဲ့ ပြဿနာပါ၊ ယောင်ဝါးဝါးတွေက တွေ့ကရာတွေ လျှောက်ပြော ယုံတဲ့သူကလဲ ယုံ ဆိုတော့ အဲ့ဒါကမှ ပြဿနာအစစ်ပါ။
▪️ လေ့လာကြပါ ၊ ကိုယ်တိုင်မသိရင် တစ်ကယ်သိတဲ့နားလည်တဲ့ သူကို စစ်ဆေးခိုင်းပါ၊ တိုင်ပင်ပါ ။ ငကန်းပြောတဲ့ တစ္ဆေကြီးအကြောင်း ယုံနေသမျှတော့ ယုံနေသူတိုင်း မြင်လျှက်နဲ့ကန်းနေသူတွေပါဘဲ။

▪️စာရှည်နေပြီ နောက်ထပ်အသုံးများကြတဲ့ ကားတစ်စီးရဲ့ ဥပမာနဲ့ အဆုံးသတ်ပါမယ်။

▪️ No.2 Nissan AD Van▪️

AD Van မှာလဲ ဖြစ်လေ့ဖြစ်ထရှိတဲ့ အမှားတစ်ခုရှိပါတယ် အဲ့ဒါကတော့ gearbox အမှားချိန်းတဲ့ပြဿနာပါ
▪️ နွားကြီး 1.3 လို့အသိများကြတဲ့ AD Van မှာတော့ CR-12DE engine နဲ့ လာပြီး 1.5 ကတော့ HR-15 DE ဖြစ်သွားပြီး 1.8 ဆိုရင်တော့ MR-18 DE ဖြစ်သွားတဲ့အတွက် Probox လို ဖားတစ်ပိုင်းငါးတစ်ပိုင်း လုပ်လို့မရပါ။
▪️ သို့သော် AD Van ခြင်းအင်ဂျင်ဂီယာမမှားနိုင်ပေမယ့် ကားခြင်းမတူရင် ဂီယာဘောက်မှာ မှားပါမယ် ။ Nissan March မှာလဲ CR-12DE အင်ဂျင်ပါ။ဒါဆိုတော့ AD Van 1.3 ကို ဂီယာဘောက်လဲမယ်ဆိုပါစို့ ၊ ဆိုင်မှာဂီယာဘောက်သွားဝယ်ပြီ၊ CR-12DE အင်ဂျင်ဘဲ ဒါပေမယ့် Nissan March ကဖြုတ်တဲ့အင်ဂျင်လား AD Van ကဖြုတ်တဲ့အင်ဂျင်လား ခွဲသိမှ ဂီယာဘောက်အမှန်ကိုရပါမယ် ( ရောင်းတဲ့သူအများစု မခွဲတတ်ကြပါဘူး ) ဘာကြောင့်လဲဆိုတော့ မတူတာတစ်ခုဘဲရှိပါတယ် ကျန်တာအားလုံးအတူတူပါ ။
▪️ အဲ့ဒီမတူတာက Nissan March ကဖြုတ်တဲ့ အင်ဂျင်ဂီယာဆိုရင် revolution sensor ပါပြီးတော့ AD Van ကဖြုတ်တဲ့ အတွဲမှာ Revolution sensor မပါပါဘူး။ ဒါကိုကြည့်ပြီး ခွဲရပါတယ်။ ဒီလိုဆိုတော့ Ad van မှာ March ကဖြုတ်တဲ့ CR-12DE ကိုတင်ရင် ဂီယာဘောက်မှာ sensor တစ်ခုပိုပါနေပြီး ကားရဲ့ ကြိုးထုပ်မှာ တပ်စရာ ဆော့ကဒ်မရှိဖြစ်နေပါလိမ့်မယ်။ AD Vanမှာ ပြဿနာသိပ်မရှိပေမယ့် March မှာ ad ကဖြုတ်ထားတဲ့ အတွဲကိုတင်မိရင်တော့ဂီယာဘောက်မှာ revolution sensor မပါတဲ့အတွက် ဒိုင်ခွက်မှာ RPM တက်မှာမဟုတ်ပါဘူး။
▪️ ဒါကြောင့် အင်ဂျင်ဘဲ ချိန်းချိန်း ဂီယာဘောက်ဘဲ ချိန်းချိန်း နည်းစနစ်တစ်ကျ မှန်ကန်စွာ ချိန်းကြပါလို့ ပြောချင်ပါတယ်။

▪️ စနစ်တကျ မှန်ကန်စွာ ချိန်းထားတဲ့ ကားတစ်စီးမှာ ဘာပြဿနာ မှ မရှိပါ ခင်ဗျာ။

▪️ အင်ဂျင်ချိန်း ဂီယာဘောက်ချိန်း ကားတစ်စီးဟာ ကြောက်စရာ လုံးဝမဟုတ်ပါ။ ကြိုက်စရာသာ ဖြစ်ပါတယ် ခင်ဗျာ။

▪️ အမှန်တစ်ကယ် ကြောက်စရာကတော့ တတ်ယောင်ကား စမ်းတဝါးဝါး တွေကို ဆရာတင်ပြီး ယုံလွယ်အားကိုး မိခြင်းသာ ဖြစ်ပါကြောင်း ......
ကားအသုံးပြုသူ ယာဉ်ပိုင်ရှင်များ အတွက် မေတ္တာ ရှေ့ထားပြီး အမုန်းခံ ပြောပြလိုက်ပါရစေဗျာ

Credit original uploader

#ကားအကြောင်း

Address

Meiktila

Website

facebook.com

Alerts

Be the first to know and let us send you an email when K K K Car Services posts news and promotions. Your email address will not be used for any other purpose, and you can unsubscribe at any time.

K K K Car Services

04/06/2022

17/05/2022

15/05/2022

Address

Website

Alerts

Shortcuts

Share

Category

Listing takedown request