Aung Aung Battery

16/09/2026

📌 Tesla ကို ပလ္လင်ပေါ်က ဆွဲချလိုက်တဲ့ တရုတ် EV စက်ဘုရင်များ
အနောက်တိုင်းရဲ့ လျှပ်စစ်ကား နည်းပညာဘုရင် Tesla ရဲ့ စိုးမိုးမှုကို အပြီးတိုင် အဆုံးသတ်လိုက်ပြီး ကမ္ဘာ့ EV ဈေးကွက်ကို တရုတ် Brand တွေက ပြတ်ပြတ်သားသား စိန်ခေါ်စိုးမိုးလာခဲ့ပါပြီ။

၂၀၂၅ ခုနှစ် ကမ္ဘာလုံးဆိုင်ရာ BEV (Pure Electric) နဲ့ PHEV (Plug-in Hybrid) ရောင်းအားစံချိန်တွေအရ ထိပ်သီး Top 10 နေရာမှာ တရုတ် Brand ၇ ခုအထိ အပြတ်အသတ် နေရာယူထားတာတွေ့ရပါတယ်။

📊 ၂၀၂၅ ကမ္ဘာ့ EV ရောင်းအား ထိပ်သီး ၁၀ ခု စာရင်း

1. BYD (တရုတ်) – 3,967,070 စီး
2. TESLA (အမေရိကန်) – 1,635,753 စီး
3. GEELY (တရုတ်) – 1,196,394 စီး
4. WULING (တရုတ်) – 912,260 စီး
5. LEAPMOTOR (တရုတ်) – 569,629 စီး
6. VOLKSWAGEN (ဂျာမနီ) – 568,032 စီး
7. BMW (ဂျာမနီ) – 535,910 စီး
8. AITO (တရုတ်) – 453,037 စီး
9. XPENG (တရုတ်) – 427,309 စီး
10. LI AUTO (တရုတ်) – 424,987 စီး

💡 ဒီကိန်းဂဏန်းတွေက ပေးနေတဲ့ မက်ဆေ့ချ်

BYD ရဲ့ စံချိန်တင် အသာစီးရမှု : ရောင်းအား ၄ သန်းနီးပါးအထိ စံချိန်တင်နိုင်ခဲ့ပြီး ဒုတိယနေရာက Tesla ထက် ရောင်းအား ၂ ဆကျော်အထိ သာလွန်သွားခဲ့ပါတယ်။

တရုတ် Brand များ၏ လွှမ်းမိုးမှု : Top 10 မှာ တရုတ်ကုမ္ပဏီ ၇ ခုအထိ ပါဝင်နေပြီး Geely, Wuling, Leapmotor နဲ့ AITO စတဲ့ Brand သစ်တွေကပါ တဟုန်ထိုး တက်လှမ်းလာတာ ဖြစ်ပါတယ်။

ဥရောပ အမှတ်တံဆိပ်ကြီးများ ရုန်းကန်ရမှု : Volkswagen နဲ့ BMW တို့လို ဝါရင့် ဂျာမနီအမှတ်တံဆိပ်ကြီးတွေဟာ အဆင့် ၆ နဲ့ ၇ နေရာတွေမှာပဲ ရပ်တည်နိုင်တော့တာမို့ EV ပြိုင်ဆိုင်မှုမှာ အရှိန်အဟုန်မြှင့်ဖို့ လိုအပ်နေကြောင်း မီးမောင်းထိုးပြနေပါတယ်။

(မှတ်ချက် : အထက်ပါ စာရင်းသည် BEV နှင့် PHEV နှစ်မျိုးလုံး ပေါင်းစပ်ထားသည့် စာရင်းဖြစ်သည်။ BEV သီးသန့် ပြိုင်ဆိုင်မှုတွင်လည်း BYD က Tesla ကို ကျော်လွန်ထားပြီး ဖြစ်သည်။)

---
တရုတ် Brand တွေရဲ့ ဘက်ထရီနည်းပညာ၊ မောင်းနှင်နိုင်သည့် အကွာအဝေး (Range) နဲ့ စျေးနှုန်းချိုသာမှုတွေကြားမှာ Tesla အနေနဲ့ ပလ္လင်ပြန်လုနိုင်မလား? ဒါမှမဟုတ် BYD တို့ရဲ့ တရုတ်စက်ဘုရင်တွေကပဲ ဆက်လက်စိုးမိုးသွားမလား?

ကားချစ်သူတို့ရဲ့ အမြင်တွေကိုလည်း ကော်မန့်မှာ ဆွေးနွေးခဲ့ကြပါဦး! 👇

30/08/2026

ဆိုလာစနစ်ကို မှန်ကန်စွာ ဝယ်ယူတပ်ဆင်နိုင်ဖို့ အောင်နေသွေးမှ ဆွေးနွေးတိုင်ပင်ဖို့ နွေးထွေးစွာ ကြိုဆိုနေပါတယ်

13/08/2026

သဘာဝဘေးအန္တရာယ်ကြောင့် မီးပြတ်သွားရင် Solar စနစ်က တကယ်ပဲ အားကိုးလို့ရရဲ့လားဆိုတာကို သိချင်နေသော မိဘပြည်သူများ ဒါလေးကို လေ့လာဖတ်ရှုကြည့်ပါခင်ဗျာ

သဘာဝဘေးအန္တရာယ်ကြောင့် မီးပြတ်သွားရင် Solar စနစ်က တကယ်ပဲ အားကိုးလို့ရရဲ့လား?
မုန်တိုင်း၊ ရေကြီးမှု ဒါမှမဟုတ် အခြားသော သဘာဝဘေးအန္တရာယ်တွေကြောင့် လျှပ်စစ်ဓာတ်အားလိုင်းတွေ ပျက်စီးပြီး မီးအကြာကြီး ပြတ်တောက်သွားတဲ့အခါ Solar (နေရောင်ခြည်စွမ်းအင်) စနစ်ကနေ လျှပ်စစ်မီး ဆက်လက်ရရှိနိုင်သလားဆိုတာ လူတော်တော်များများ သိချင်ကြတဲ့ မေးခွန်းတစ်ခုဖြစ်ပါတယ်။

အဖြေကတော့ "ရပါတယ်"။
ဒါပေမဲ့ သင်သုံးထားတဲ့ Solar စနစ် အမျိုးအစားပေါ်မူတည်ပြီး အလုပ်လုပ်ပုံချင်း မတူပါဘူး။

ဒါကြောင့် သဘာဝဘေး ကြုံတွေ့ချိန်မှာ Solar နဲ့ မီးဘယ်လိုရယူမလဲဆိုတာ Aung Nay Thway ကနေ မိဘပြည်သူတွေ နားလည်လွယ်အောင် အချက်ကျကျ ရှင်းပြပေးလိုက်ပါတယ်။
---

၁။ Hybrid Solar System (ဘက်ထရီပါသော စနစ်) – အကောင်းဆုံးနှင့် အားကိုးရဆုံး

သဘာဝဘေးကြောင့် မီးလိုင်း (National Grid) လုံးဝပြတ်တောက်သွားချိန်မှာ အဓိက အားကိုးရတာကတော့ Hybrid စနစ် ဖြစ်ပါတယ်။

ဘယ်လိုအလုပ်လုပ်လဲ – နေ့လယ်ဘက်မှာ နေရောင်ခြည်ကနေ လျှပ်စစ်ထုတ်ပြီး အိမ်မှာ တိုက်ရိုက်သုံးသလို ပိုလျှံတဲ့ စွမ်းအင်ကို ဘက်ထရီ (Lithium Battery) ထဲမှာ သိမ်းဆည်းထားပါတယ်။

မီးပြတ်သွားချိန် – ပင်မမီးလိုင်း ပြတ်သွားတာနဲ့ ဘက်ထရီထဲမှာ သိမ်းထားတဲ့ စွမ်းအင်ကနေ မီးသီး၊ ပန်ကာ၊ ရေခဲသေတ္တာနဲ့ ဖုန်းအားသွင်းတာတွေကို လုံးဝ အဆက်အသွယ်မပြတ် အလိုအလျောက် ပေးပို့ပေးပါတယ်။

အကျိုးကျေးဇူး – သဘာဝဘေးကြောင့် ရက်ပေါင်းများစွာ မီးပြတ်နေရင်တောင် နေ့ဘက် နေပြန်သာတာနဲ့ ဘက်ထရီကို ပြန်လည် အားသွင်းပေးနိုင်တာကြောင့် လျှပ်စစ်စွမ်းအင်အတွက် ပူစရာမလိုတော့ပါဘူး။

---
၂။ On-Grid Solar System (ဘက်ထရီမပါသော စနစ်) – မီးပြတ်လျှင် အလိုအလျောက် ပိတ်သွားမည်

လူတော်တော်များများ မှားယွင်းထင်မှတ်ထားကြတာက "Solar တပ်ထားရင် မီးပြတ်လည်း ရတာပဲ" ဆိုတဲ့ အယူအဆပါ။

ဘယ်လိုအလုပ်လုပ်လဲ – On-Grid စနစ်ဆိုတာ ဘက်ထရီမပါဘဲ အစိုးရမီးလိုင်းနဲ့ ချိတ်ဆက်ပြီး နေ့ဘက်မှာ မီးခ်ယှပ်စစ်အသုံးပြုခ သက်သာအောင် သုံးတဲ့စနစ်ပါ။

မီးပြတ်သွားချိန် – ပင်မမီးလိုင်း ပြတ်တောက်သွားတာနဲ့ အန္တရာယ်ကင်းရှင်းရေးအတွက် (Inverter က Anti-Islanding စနစ်နဲ့) Solar ကိုပါ အလိုအလျောက် ပိတ်ပစ်လိုက်ပါတယ်။ ဒါကြောင့် On-Grid တစ်ခုတည်း သုံးထားရင် မီးပြတ်ချိန်မှာ လျှပ်စစ်ဓာတ်အား ရရှိတော့မှာ မဟုတ်ပါဘူး။

---
သဘာဝဘေးအန္တရာယ်များအတွက် Aung Nay Thway ရဲ့ အကြံပြုချက်များ

၁။ Off-Grid / Hybrid ပြောင်းလဲတပ်ဆင်ပါ – သဘာဝဘေး သို့မဟုတ် မကြာခဏ မီးပြတ်တောက်တတ်သည့် ဒေသများအတွက် ဘက်ထရီပါဝင်သော Hybrid စနစ်ကို ရွေးချယ်တာ အကောင်းဆုံးပါ။

၂။ ဆိုလာပြားများ ခိုင်ခံ့စွာ တပ်ဆင်ပါ – မုန်တိုင်း သို့မဟုတ် လေပြင်းတိုက်ခတ်ချိန်မှာ ဆိုလာပြားများ လွင့်ပါးပျက်စီးမှုမရှိစေရန် Structural Frame များကို စနစ်တကျ ခိုင်ခံ့စွာ တပ်ဆင်ထားရန် လိုအပ်ပါတယ်။

၃။ အရေးပေါ် သုံးစွဲမှု စီမံပါ – သဘာဝဘေး ကြုံတွေ့ချိန်မှာ မိမိတို့ ဘက်ထရီသက်တမ်း ကြာရှည်ခံစေရန် ရေခဲသေတ္တာ၊ အရေးကြီး ဖုန်းအားသွင်းမှုနှင့် မီးသီးအနည်းငယ်ကဲ့သို့ လိုအပ်သော ပစ္စည်း (Essential Loads) များကိုသာ ဦးစားပေး အသုံးပြုပါ။

---
💡 Solar System တပ်ဆင်လိုသူများအတွက် သတင်းကောင်း

မရေရာတဲ့ ရာသီဥတုနဲ့ သဘာဝဘေးအန္တရာယ်တွေ အချိန်မရွေး ကြုံတွေ့လာနိုင်တဲ့အတွက် မိသားစုတိုင်း လျှပ်စစ်အလင်းရောင် အမြဲရရှိစေဖို့ Aung Nay Thway မှ အရည်အသွေးမြင့် Tai Energy Hybrid Solar System များကို လူကြီးမင်းတို့ လိုအပ်ချက်နှင့်ကိုက်ညီအောင် အထူးကျွမ်းကျင်သော အင်ဂျင်နီယာများဖြင့် ဝန်ဆောင်မှုပေးလျက်ရှိပါတယ်။

"သင့်အိမ်ထောင်စုအတွက် လျှပ်စစ်စွမ်းအင် လုံခြုံစိတ်ချရမှု – Tai Energy နဲ့မှ စိတ်ချရမည်"

ကျွမ်းကျင်အင်ဂျင်နီယာများကိုယ်တိုင် စနစ်တကျ တိုင်ပင်ဆွေးနွေး တပ်ဆင်ပေးနေတာမို့ အသေးစိတ်ကို အခုပဲ Page Messenger ကနေဖြစ်စေ၊ Tel/Viber - 09 259300956, 01-8205763 ကိုဖြစ်စေ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။

12/08/2026

တစ်ခေတ်တခါက သယ်ယူပို့ဆောင်ရေးမှာ အသုံးဝင် ခေတ်စားခဲ့တဲ့ ဒီကားအမျိုးအစားကို သိတဲ့သူရှိသေးလား?

သိတဲ့သူ ဖြေခဲ့ပေးနော် . .

29/07/2026

မင်္ဂလာရှိသော ဝါဆိုလပြည့် ဓမ္မစကြာအခါတော်နေ့ပါ 🙏

ဇူလိုင်လ ၂၉ ရက် ဗုဒ္ဓဟူးနေ့ - မြန်မာသက္ကရာဇ် ၁၃၈၈ ခုနှစ်၊ သာသနာနှစ် ၂၅၇၀ ခုနှစ်
ဒုတိယဝါဆိုလပြည့်နေ့ ဓမ္မစကြာအခါတော်နေ့ ✨

မြတ်ဗုဒ္ဓရှင်တော်ဘုရား၏ ဓမ္မစကြာတရားဦး ဟောကြားတော်မူသော နေ့ထူးနေ့မြတ်ကြီးမှာ အားလုံး ကုသိုလ်တရားများနဲ့ ပြည့်စုံကြပါစေကြောင်း အောင်အောင်မိသားစုမှ ဆုမွန်ကောင်းတောင်းအပ်ပါသည်။

19/07/2026

"အာဇာနည်နေ့ ဒို့မမေ့"

“ ၁၉ ဇူလိုင် မမေ့နိုင် “
၁၉၄၇ ခုနှစ်၊ ဇူလိုင်လ ( ၁၉ ) ရက်နေ့၊ နံနက် ( ၁၀ ) နာရီ ( ၃၇ ) မိနစ် အချိန်တွင် မသမာသူ လူတစ်စု၏ လုပ်ကြံမှုကြောင့် ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ ကျဆုံးခဲ့ရပါသည်။

ယနေ့ ၂၀၂၆ ခုနှစ်၊ ဇူလိုင်လ ( ၁၉ ) ရက်နေ့တွင် ကျရောက်သော ( ၇၉ ) နှစ်မြောက် အာဇာနည်နေ့တွင် ကျဆုံးလေပြီးသော အာဇာနည်ခေါင်းဆောင်ကြီးများအား ရိုသေလေးစားစွာဖြင့် ဦးညွှတ်ဂါရဝပြုလိုက်ပါသည်ခင်ဗျာ။

17/07/2026

ယာဉ်ပိုင်ရှင် အမည်ပြောင်း ဒစ်ဂျစ်တယ်စနစ်အသုံးပြု
၁၆.၇.၂၀၂၆ ရက် မှ စတင်၍ မော်တော်ယာဉ် အမည်ပြောင်း အခွန်စိစစ်ခြင်းနှင့် ကျသင့်အခွန် ပေးသွင်းခြင်းကို ဒီဂျစ်တယ်နည်းလမ်းဖြင့် အသုံးပြု ဆောင်ရွက်နိုင်မည်။

15/07/2026

၁။လိုက်နာရမည့်အချက်များ
ပို့ဆောင်ရေးဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှု ဦးစီးဌာန “ခ”၊ “ဂ”၊ “ဃ”၊ “င” ယာဉ်မောင်းလိုင်စင်သက်တမ်း တိုးခြင်းအား Online စနစ် အသုံးပြုရာတွင် အများပြည်သူမှ သိရှိလိုက်နာရမည့် စည်းကမ်းချက်များ

ကုန်းလမ်းပို့ဆောင်ရေးညွှန်ကြားမှုဦးစီးဌာနရှိ နေပြည်တော်ရုံး၊ ခရိုင်ရုံး (ရန်ကုန်အရှေ့ပိုင်း)၊ ခရိုင်ရုံး(ရန်ကုန်အနောက်ပိုင်း)၊ ခရိုင်ရုံး(ရန်ကုန် တောင်ပိုင်း)နှင့် ခရိုင်ရုံး(ရန်ကုန် မြောက်ပိုင်း)၊ ခရိုင်ရုံး(မန္တလေးတောင် ပိုင်း)နှင့် ခရိုင်ရုံး(မန္တလေးမြောက်ပိုင်း)ရုံးများ၏ သက်တမ်းမကုန်ဆုံးမီ ရက်ပေါင်း ၉၀ အတွင်း “ခ”၊ “ဂ”၊ “ဃ”၊ “င” ယာဉ်မောင်းလိုင်စင်များကို သာ Online စနစ်ဖြင့် ကြိုတင်သက်တမ်းတိုး ဆောင်ရွက်နိုင်မည်ဖြစ် ပါသည်။

၂။ မြန်မာ့အာမခံလုပ်ငန်းတွင် သူတစ်ပါးထိခိုက်မှုအာမခံကြေးပေးဆောင် ထားပြီးဖြစ်သည့် ယာဉ်မောင်းလိုင်စင်များကိုသာ Online စနစ်ဖြင့် သက်တမ်းတိုးဆောင်ရွက်နိုင်မည်ဖြစ် ပါသည်။

၃။ Online စနစ်ဖြင့် ယာဉ်မောင်းလိုင်စင်သက်တမ်းတိုးဆောင်ရွက်ရာတွင် လိုင်စင်ဓာတ်ပုံ Upload ပြုလုပ်ရမည်ဖြစ်ပြီး စုစုပေါင်းဖိုင် Size မှာ 10 MB(Max)သာရှိရပါမည်။

၄။ လိုင်စင်ဓာတ်ပုံမှာ လိုက်နာရမည့်အချက်များ

(က) နောက်ခံအပြာရောင်၊ (၆)လအတွင်းရိုက်ကူးထားသောဓာတ်ပုံ
(ခ) အမျိုးသား ကော်လံပါအင်္ကျီ(စပို့ရှပ်၊ တီရှပ်မဖြစ်ရ)၊ အမျိုးသမီး လည်မဟိုက်ရ
(ဂ) နားရွက်နှစ်ဖက်လုံးပေါ်ရမည်။ မျက်နှာကိုရှင်းလင်းစွာပေါ်ရ မည်။
(ဃ) ဓာတ်ပုံကို ပကတိအရှိအတိုင်းပုံဖြစ်ရမည်။
(င) ပြင်ပပုံဖြင့်မတူညီအောင် AI ဖြင့် ပြန်လည်ပြင်ဆင်ထားသည့်ပုံ များမဖြစ်ရ။
(စ) Selfie ပုံမဖြစ်စေရ။

၅။ ယာဉ်မောင်းလိုင်စင်သက်တမ်းမကုန်ဆုံးမီ ရက်ပေါင်း ၉၀ အတွင်း Online စနစ်ဖြင့် ကြိုတင် သက်တမ်းတိုးဆောင်ရွက်နိုင်ပါသည်။

၆။ ယာဉ်မောင်းလိုင်စင်သက်တမ်းကုန်ဆုံးသည့်နေ့ရက်၌ Online စနစ် ဖြင့် သက်တမ်းတိုး ဆောင်ရွက်ပါက လိုင်စင်သက်တမ်းကုန်ဆုံးမည့် ရက်၊ လ၊ ခုနှစ်၏ နေ့လည် ၀၂ နာရီ ၅၉ မိနစ်အထိသာ Online စနစ်ဖြင့် သက်တမ်းတိုးဆောင်ရွက်နိုင်မည်ဖြစ်ပါသည်။ (ယာဉ်မောင်း လိုင်စင် သက်တမ်းကုန်ဆုံးသည့်နေ့ရက်သည် အစိုးရရုံးပိတ်ရက်မဖြစ်ရပါ။)

(၇) Online စနစ်ဖြင့် ယာဉ်မောင်းလိုင်စင်သက်တမ်းတိုးဆောင်ရွက်ပြီး အစိုးရရုံးဖွင့်ရက် (၃)ရက်ပြည့်ပြီးနောက်တွင် သက်ဆိုင်ရာရုံးသို့ သွားရောက်၍ လိုင်စင်ကတ်အဟောင်းနှင့် ငွေသွင်း Receipt တို့တင်ပြပြီး လိုင်စင်ကတ်အသစ်ကို ထုတ်ယူရန်ဖြစ်ပါသည်။

၈။၊ သက်တမ်းတိုးပြီးဖြစ်သည့်လိုင်စင်ကို သက်ဆိုင်ရာရုံးတွင် ရက် ပေါင်း(၃၀)အထိသာ ထိန်း သိမ်းထားမည်ဖြစ်ပြီး သတ်မှတ်ရက်ကျော်လွန် ပါက ပျက်စီးစာရင်းသွင်းပြီး ဖျက်စီးသွားမည် ဖြစ်ပါသည်။

၉။ ယာဉ်မောင်းလိုင်စင်ကတ် အဟောင်းနှင့် အသစ်လဲလှယ်ရာ၌ လူစားထိုးဓာတ်ပုံလဲလှယ်ခြင်း၊ ကတ်အတု တင်ပြခြင်း၊ ကတ်အဟောင်းမ တင်ပြနိုင်ခြင်း၊ ကတ်ပျက်စီးနေခြင်း စသည့် သံသယဖြစ်စရာ တစ်စုံတစ်ခု ရှိပါက ယာဉ်မောင်းလိုင်စင်ကတ်အသစ်ကို ထုတ်ပေးမည် မဟုတ်ဘဲ သွင်းပြီးသွားသော ငွေများသည်လည်း နိုင်ငံတော်ဘဏ္ဍာသို့ ဝင်သွားပြီဖြစ်၍ ပြန်လည်ထုတ်ပေးမည်မဟုတ်ပါ။

၁၀။ Online စနစ်ဖြင့် ယာဉ်မောင်းလိုင်စင် သက်တမ်းတိုးပြီး လိမ်လည်၍လိုင်စင်(၂)ကတ် ကိုင်ဆောင်ထားခြင်းကိုတွေ့ရှိရပါက ယာဉ်မောင်းလိုင်စင်ကို ပိတ်သိမ်းမည်ဖြစ်ပါသည်။

၁၁။ ယာဉ်မောင်းလိုင်စင်သက်တမ်းတိုးခြင်းအတွက် Online Payment ငွေပေးချေရာတွင် ဘဏ် ဝန်ဆောင်ခကို အသုံးပြုသူမှပေးဆောင်ရမည်။

၁၂။ (၅)နှစ်ကျော် သက်တမ်းပြတ်နေသော လိုင်စင်များ၊ သက်တမ်းကျော် လွန်နေသော လိုင်စင် များ၊ ပျောက်ဆုံး/ပျက်စီးလိုင်စင်များ၊ လိုင်စင် အချက်အလက်ပြင်ဆင်လိုသည့် လိုင်စင်များ၊ နေရပ်လိပ်စာပြောင်းလို သည့်လိုင်စင်များ ဝန်ဆောင်မှုရယူလိုပါက ပုံမှန်ဆောင်ရွက်နေသည့် အတိုင်း သက်ဆိုင်ရာရုံးသို့ သွားရောက်ဆောင်ရွက်ရမည်ဖြစ်ပါသည်။

၁၃။ ရဲမှုဆိုင်ရာကိစ္စရပ်များ၊ ယာဉ်တိုက်ခိုက်မှုကျူးလွန်ထားသော တား စာရင်းမှတ်တမ်းဝင်ဖြစ် သည့်လိုင်စင်များကို Online စနစ်ဖြင့် သက်တမ်း တိုးဆောင်ရွက်၍မရပါ။သက်ဆိုင်ရာရုံးသို့ သွားရောက်၍ ဆောင်ရွက်ရမည်ဖြစ်ပါသည်။

၁၄။ နိုင်ငံခြားသား မြန်မာလိုင်စင်ကိုင်ဆောင်ထားသူများအနေဖြင့် 'ခ' လိုင်စင် (B License) တစ်မျိုးတည်းကိုသာ Online စနစ်ဖြင့် သက်တမ်း တိုးဆောင်ရွက်နိုင်ပြီဖြစ်ပါသည်။

#ကုန်းလမ်းပို့ဆောင်ရေးညွှန့်ကြားမှု့ဦးစီးဌာန

14/07/2026

ယာဥ်မောင်းလိုင်စင် အွန်လိုင်းစနစ်ဖြင့် သက်တမ်းတိုးပေးမည်
၁၇-၇-၂၀၂၆ ရက်နေ့မှစပြီး ယာဉ်မောင်းလိုင်စင် ဝန်ဆောင်လုပ်ငန်းများ၏ ကျသင့်ငွေများအား digital payment ဖြင့် ငွေပေးချေခြင်းနှင့် online စနစ်ဖြင့် သက်တမ်းတိုးခြင်းအား ဆောင်ရွက်ပေးသွားမည်

02/07/2026

လူကြီးမင်း EV ကားအတွက် လျှပ်စစ်စွမ်းအင်ဖြည့်တင်းဖို့ အချိန်ကန့်သတ်ချက်တွေ မရှိဖို့ ယခုပဲ အောင်နေသွေးမှာ ဆွေးနွေးဖို့ နွေးထွေးစွာ ကြိုဆိုနေပါပြီ။

🚗🔋 EV ကားမောင်းသူတိုင်းအတွက် အကောင်းဆုံးနဲ့ စိတ်အချရဆုံး အဖော် - Tai Energy

လက်ရှိခေတ်ရေစီးကြောင်းအရ EV (လျှပ်စစ်) ကားတွေ ပြောင်းလဲမောင်းနှင်နေကြပေမယ့် "လျှပ်စစ်အားသွင်းတာ အချိန်စီမံရ အခက်အခဲဖြစ်နေပါသလား?"

Aung Nay Thway Co., Ltd မှ တရားဝင်တင်သွင်းတဲ့ တရုတ်နိုင်ငံရဲ့ ထိပ်တန်းအဆင့်မြင့်နည်းပညာသုံး Tai Energy Lithium Battery နှင့် Inverter စနစ်ရှိရင်တော့ ဒါကိုစိုးရိမ်စရာ မလိုတော့ပါဘူး။

Tai Energy က EV ကားတွေ အားသွင်းဖို့ အဆင်ပြေဆုံး ဖြစ်ရတာလဲ?
✅ High Stability & Power : EV ကားတွေရဲ့ အားသွင်းစနစ် (EV Charger) အတွက် လိုအပ်တဲ့ မြင့်မားတဲ့ လျှပ်စစ်ဝန်အားကို ပုံမှန်နဲ့ တည်ငြိမ်စွာ ပေးစွမ်းနိုင်ခြင်း။

✅ Smart Inverter System : ဆိုလာကရတဲ့ စွမ်းအင်၊ ဘက်ထရီထဲက စွမ်းအင်နဲ့ အစိုးရမီးတို့ကို စမတ်ကျကျ ပေါင်းစပ်ထိန်းညှိပေးလို့ လျှပ်စစ်ပစ္စည်းတွေ ပျက်စီးခြင်းမှ ကာကွယ်ပေးခြင်း။

✅ Long Lifespan & Eco-Friendly : အရည်အသွေးမြင့် ကမ္ဘာသုံး Lithium နည်းပညာကြောင့် သက်တမ်းကြာရှည်ခံပြီး သဘာဝပတ်ဝန်းကျင်ကို မညစ်ညမ်းစေဘဲ ကားအားသွင်းစရိတ်ကို ရေရှည်မှာ လုံးဝ (သုည) အထိ လျှော့ချပေးနိုင်ခြင်း။

ခေတ်မီဆန်းသစ်တဲ့ နေထိုင်မှုပုံစံနဲ့အတူ စိမ်းလန်းတဲ့စွမ်းအင်ကို အသုံးပြုပြီး သင့်ရဲ့ EV ကားလေးကို စိတ်အေးချမ်းသာစွာ အားသွင်းမောင်းနှင်လိုက်ပါ။
ကျွမ်းကျင်အင်ဂျင်နီယာများကိုယ်တိုင် စနစ်တကျ တိုင်ပင်ဆွေးနွေး တပ်ဆင်ပေးနေတာမို့ အသေးစိတ်ကို အခုပဲ Page Messenger ကနေဖြစ်စေ၊ Tel/Viber - 09 259300956, 01-8205763 ကိုဖြစ်စေ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။