30/08/2025
အိုးဝေမှာ လူ ဘယ်နှစ်ဦး တင်ဆောင်နိုင်သလဲ
*******************************************
အိုးဝေမှာ
ခရီးသည်ဘယ်လောက်
တင်ခွင့်ရှိသလဲဆိုတာသိချင်ရင် အဆိုပါအိုးဝေရဲ့
ဝှီးတက် နောက်ကျောကိုကြည့်လိုက်ပါ
ပုံထဲကအတိုင်းပေါ့
တင်အားဆိုတဲ့နေရာမှာ 2P လို့ ပါရင်
ယာဉ်မောင်းသူမပါဘဲ ခရီးသည် ၂ ဦး
တင်ဆောင်နိုင်တယ်လို့ပြောတာပါ။
အိုးဝေမဟုတ်တဲ့ အခြားယာဥ်တွေမှာလည်း
4P/6P/10P စသည်ဖြင့် ပါရှိလျှင်
ယာဉ်မောင်းသူမပါဘဲ ၄ ဦး/၆ဦး/၁၀ဦး
တင်ဆောင်နိုင်တယ်လို့ ပြောတာပါ။
ဒီလိုနဲ့
ကျွန်တော့်စာတွေဖတ်ပြီး
ဒီနေ့ ယာဉ်စစ်ဆေးစဉ်မှာပဲ
လူ ၃ ဦး တင်ဆောင်လာတဲ့ အိုးဝေတစ်စီးနဲ့
ဆုံပါလေရော-
ကျွန်တော်ကဘာမှမပြောခင် ယာဉ်မောင်းဆရာက
ရွှမ်းရွှမ်းဝေအောင် အရင်ပြောပါတော့တယ်
" ဆရာရယ် အခုဟာကလေ
သားအမိတွေပါ နောက်ပြီး ဒီအဒေါ်ကလေ
နေမကောင်းဘူးဆရာ
ဆေးခန်းကို လိုက်ပို့ရမှာ
အဲ့ဒါ ဒီက ညီမနှစ်ယောက်က
ဒီအဒေါ် သူတို့အမေကို
သူတို့နှစ်ယောက်ကြားမှာ ညှပ်ထိုင်ခိုင်းပြီး
ထိန်းလို့ လိုက်ခဲ့တာပါဆရာ
ကျွန်တော့်အိုးဝေက 2P ပါဆရာ
အဲ့ဒါလေ ဆရာ ဟိုလေ--"
ယာဉ်မောင်းဆရာက လက်ရှိအခြေအနေကို
ရိုးသားစွာရှင်းပြနေပါတယ်
" မရဘူးလေ 2P ဆိုမှတော့
ခရီးသည် ၂ ဦးပဲ တင်ရမှာပဲလေ
ကဲပါ ဆရာ့ရဲ့ ဝှီးတက်သာ
ကျွန်တော့်ပြလိုက်ပါ"
" ဆရာရယ် မလုပ်ပါနဲ့
ခုဟာက ကျန်းမာရေးကိစ္စပါဆရာ
နားလည်ပေးပါဆရာရယ်"
" ပြပါ ဝှီးတက်ပြပါဆို
အချိန်မရှိဘူး မြန်မြန်ပြဗျာ"
ကျွန်တော့စကားဆုံးတော့
ကားဆရာက မျက်နှာမသာမယာနဲ့
ဝှီးတက်လေး ထုတ်ပြပါတယ်
" ဒီမှာပါဆရာ 2P ပါဆရာ
ကျန်းမာရေးမို့ နားလည်ပေးပါဆရာရယ်"
ကျွန်တော်ဝှီးတက်ကို ယူကြည့်လိုက်တယ်
ပြီးတော့ အသံခပ်မာမာနဲ့ ပြောလိုက်တယ်
" ခင်ဗျားဗျာ သက်သက်မဲ့
အချိန် မကုန်ကုန်အောင်လုပ်နေတယ်
ဘာ 2P လဲ
ခင်ဗျာဝှီးတက်ကို ခင်ဗျာ
သေချာရော ကြည့်ဖူးရဲ့လား
ဒီမှာကြည့် ဘယ်မလဲ 2P
3P လေ မမြင်ဘူးလားဗျာ
အချိန်မရှိပါဘူးဆိုနေမှ"
ကျွန်တော်ကလေသံမာမာလေးပြောလိုက်တော့
ယာဉ်မောင်းဆရာက သူ့အိုးဝေဝှီးတက်ကို
ပြာပြာသလဲ ယူကြည့်ပါတယ်
ပြီးတော့ ကျွန်တော့်ကိုကြည့်တယ်
တစ်ခါ ဝှီးတက်ကို ပြန်ကြည့်ပါတယ်။
" တွေ့လား အဲ့ဒီမှာကြည့်
2P လား 3P လား
သေချာကြည့်"
" 3
3P ပါဆရာ"
"ဒါဆို မြန်မြန်လုပ်လေ
အချိန်မရှိတော့ဘူး
ဆေးခန်းသွားရမှာပဲဟာကို"
ကျွန်တော့်စကားဆုံးတော့
ယာဉ်မောင်းဆရာက အိုးဝေကိုစက်နှိုးပါတယ်
ကျွန်တော့်ကို ကျွန်တော်ပြောမပြတက်တဲ့
မျက်နှာမျိုးနဲ့တစ်ချက်ကြည့်ပါတယ်
" ကျေးဇူးပါဆရာ" တဲ့
ကျွန်တော်ခေါင်းလေးငြိမ့်ပြလိုက်ပါတော့တယ်။
စာလေးရေးချင်လို့
ယာဉ်မောင်းဆရာရဲ့ ဝှီးတက်လေး
ဓါတ်ပုံရိုက်ယူထားလိုက်ပါတယ်
သေချာကြည့်ကြည့်ပါဗျာ
3P တဲ့။
နေမျိုးသူရ
26.8.2025
လေးစားစွာဖြင့်ကူးယူဖော်ပြပါသည်။
Credit ဆရာနေမျိုးသူရ #အိုးဝေ #သုံးဘီးရောင်းဝယ်ရေး #မှန်ကန်တိကျစျေးမှန်
