https://www.facebook.com/828664037501607/

KKT

ဝန်ဆောင်မှုလဲကောင်း၊ စျေးနှုန်းလဲချိူသာ
ကားအစုံအလင်ကိုလဲ တနေရာတည်းမှာ ဌါးရမ်းနိုင်ပြီ ခရီးစဥ်တလျှောက်စိတ်ချမ်းသာဖို့ MCRSမှာကားဌါးကြစို့

12/04/2022

**** Toyota Ipsum အကြောင်းတစေ့တစောင်း ****

🚙 သက်တမ်းတစ်လျှောက်မှာ မျိုးဆက်နှစ်မျိုးသာ ခွဲခြားထုတ်လုပ်ခဲ့တဲ့ တိုယိုတာရဲ့ Ipsum ဆိုတဲ့ အမျိုးအစားလေးအကြောင်းဖေါက်သည်ချ ချင်ပါတယ်။ လက်ရှိ ပြည်တွင်းမှာ ယာဉ်အိုယာဉ်ဟောင်း အစားထိုး တင်သွင်းခွင့်ရရှိထားတဲ့ မော်ဒယ် အတွင်းမှာ အကျုံးဝင်လျှက်ရှိနေသေးတဲ့ ဒီ မိသားစုသုံး ကားလေးဟာ Asia မှာတော့ Picnic ဆိုတဲ့နာမည်နဲ့ ရောင်းချပေးပါတယ်။

🏆 First Generation ( 1995-2001)
Compact MPV အမျိုးအစား ထိုင်ခုံ ၃ တန်း နဲ့ ခပ်လုံးလုံး စတိုင် ချိုးထားပြီး ခါးကြောရှည်ရှည်လေး ထုတ်ထားတဲ့ ဒီမျိူးဆက်ကို လူကြိုက်များခြင်းမရှိခဲ့ပါဘူး။ အင်ဂျင်ပါဝါ ကတော့ 2.0L 3S-FE I4 အင်ဂျင်တပ် ပြီး ထုတ်လုပ်ထားပေမယ့် , 2.2L 3C-TE ဒီဇယ်အင်ဂျင်တပ် လို့လည်း ထုတ်ပါသေးတယ်။
ခေတ်ပြိုင် တိုယိုတာ မော်ဒယ် GAIA ရဲ့ ရှေ့ပြေး ရုပ်ထွက်လည်း ဖြစ်ခဲ့ပါတယ်။ တိုယိုတာ ရဲ့ လက်ရှိအချိန်ထိ ထုတ်လုပ်ဆဲဖြစ်တဲ့ Avensis တွေရဲ့ အဓိက platform အဖြစ်စတင် ရပ်တည်လာတာပါ။ 1997 model မှာ ရုပ်အနည်းငယ် အပြောင်းအလဲ ရှိပါတယ်။
Chassis အနေနဲ့ကတော့ ဓါတ်ဆီဆို GF-SXM10 နဲ့ ထွက်ပြီး ဒီဇယ်တွေကတော့ KH-CXM10 တဲ့ ထွက်ပါတယ်( 4WD ဆိုရင် 15 )။

🏆 Second Generation ( 2001-2009)
ဒီဒုတိယနဲ့ နောက်ဆုံးမျိုးဆက်မှာတော့ ရုပ်ထွက်က တော်တော်ကြွထွက်လာပြီး မြန်မာပြည်မှာ လူကြိုက်များကြပါတယ်။ ဂျပန် မှာတော့
2.4L 2AZ-FE I4 အင်ဂျင်တပ် တစ်မျိုးတည်းကိုသာ ထုတ်လုပ်ပြီးတော့ , အခြားသော နိုင်ငံတွေမှာတော့
2.0L 1AZ-FE I4 အင်ဂျင်အပြင် , ဒီဇယ် ဆီသုံး 2.0L 1CD-FTV I4 တွေမှာတပ်ဆင် ထုတ်လုပ်ပါတယ် ( အင်ဒို/ မလေး / ဗီယက်နမ်)။ ပြည်တွင်းမှာ အသွင်းများတဲ့ ဂရိတ်တွေကတော့ E , I , I Limited , U, UG Selection ဂရိတ်တွေ ဖြစ်ကြပါတယ်။ တံခါးငါးပေါက်၊ ထိုင်ခုံသုံးတန်းဖြစ်ပြီး ဂရိတ်အားလုံးကို အဲကွန်းပတ်လည်ဖြင့် ထုတ်လုပ်ထားပြီး UG selection ဟာ အမြင့်ဆုံးဂရိတ်လို့ ပြောနိုင်ပါတယ်။
Japan မှာ ဓါတ်ဆီ 2.4L တစ်မျိုးသာ ထုတ်တဲ့အတွက် ပြည်တွင်း ရောက်ရှိလာတဲ့ Ipsum တွေမှာလည်း 2.4 L အင်ဂျင်နဲ့သာ တွေ့ရလေ့ ရှိပါတယ်။
ဂရိတ်တွေမှာ ပါဝင်ပစ္စည်း ကွဲပြားမှုတွေကိုအောက်မှာ စုစည်းဖေါ်ပြပေးထားပါတယ်။

🎖 “E ဂရိတ်”
အတွင်းခန်းဒက်ရ်ှဘုတ် ကျွန်းကွက်၊စတီယာရင်ကျွန်းကွက်၊ ရှေ့ထိုင်ခုံတံခါးလက်တင်၊ တီဗွီ၊ ပါ၀င်ပါတယ်။ ရှေ့နောက်စကတ်အသေး၊ Fog Light ၊ နောက်မှန်ဝိုက်ဘာ(နောက်ဒုတ်)၊စပွိုင်လာအသေး၊ Sunroof နှစ်ခု တို့ဖြစ်ပါတယ်။

🎖“I ဂရိတ်”
အတွင်းခန်းကျွန်းကွက်၊ စတီယာရင်ကျွန်းကွက်၊ စတီယာရင်ကွန်ထရိုးလ်၊ အဲကွန်းဒီဂျစ်တယ်ကွန်ထရိုးလ်၊ အလယ်တန်းထိုင်ခုံသုံးခု၊ နောက်ထိုင်ခုံ လက်တင်အပြည့် ဖြစ်ပါတယ်။ ရှေ့နောက်စကတ်အကြီး၊ Fog Light မပါ၊ နောက်မှန်ဝိုက်ဘာ(နောက်ဒုတ်)၊ စပွိုင်လာအကြီး၊ နောက်မှန် အရောင်၀င်တာ တွေ့ရပါတယ်။

🎖“I Limited”
I ဂရိတ်ထက်အနည်းသာပိုတဲ့ ဂရိတ်တစ်ခု ဖြစ်ပါတယ်။ ပတ်လည်မှန်မည်းတာ၊ ရှေ့ခန်းအလယ်ခန်း လေအိပ်ပါ၀င်တာ၊ တီဗွီ၊ ဒီဗွီဒီပါ၀င်တာတွေပဲ ကွာခြားတာတွေ့ရပါတယ်။

🎖“U ဂရိတ်”
ဒီဂရိတ်ကတော့ အတွင်းခန်းကျွန်းကွက်အပြည့်၊ အတွင်းခန်းပတ်လည်အဝါ၊ တီဗွိ၊ ဒီဗွီဒီ၊ ထိုင်ခုံသုံးတန်းခုံပြည့် ဖြစ်ပါတယ်။ ရှေ့နောက်စကတ်အကြီး၊ Fog Light ရှေ့နောက်၊ နောက်မှန်ဝိုက်ဘာ၊ ပတ်လည်မှန်မည်းပြီး၊ Sunroof နှစ်ခုဖြစ်ပါတယ်။

🎖“UG Selection”
အတွင်းခန်းကျွန်းကွက်ဖြစ်တဲ့အထဲမှာ ဂီယာလက်ကိုင်ကျွန်းကွက်ဖြစ်တဲ့ ဂရိတ်ဖြစ်ပါတယ်။ စတီယာရင်ကွန်ထရိုးလ်၊ အဲကွန်းဒီဂျစ်တယ်ကွန်ထရိုးလ်၊ လေအိပ် ပတ်လည်(၈)လုံး၊ ထိုင်ခုံပါဝါမော်တာ ဖြစ်ပါတယ်။ ရှေ့နောက်စကတ်အကြီးပုံပြောင်း (၂၀၀၅မော်ဒယ်အထက်)၊ ပတ်လည်မှန်အရောင်၀င်ပြီး၊ နောက်မှန်ဝိုက်ဘာ၊ စပွိုင်လာအကြီး၊ Fog Light ပတ်လည်ဖြစ်တာတွေ့ရပါတယ်။

🎫 Chassis အနေနဲ့ကတော့ 2001 မော်ဒယ်တွေမှာ TA နဲ့ လာပြီး 2002 ကစပြီး UA ဖြစ်သွားပါတယ်။ TA-ACM21 နဲ့သာ ဂရိတ်စုံထွက်လာလေ့ရှိပြီး 4WD ဆိုရင်တော့ TA-ACM26 နဲ့ ထွက်ပါတယ်။ ကားအားလုံးဟာ 4 speed Auto gear ( U241E) နဲ့သာလာလေ့ရှိပြီး 4WD မှာသာ အနည်းငယ်ကွဲလွဲမှုရှိပါတယ်။ ဒီဇယ်ဗားရှင်းမှာတော့ မန်နူရယ်ဂီယာ ၅ ချက်နဲ့ ထုတ်ပေမယ့် ပြည်တွင်းမှာတော့ အသုံးပြုမှုမရှိပါဘူး။
လက်ရှိ ပြည်တွင်းမှာ လူကြိုက်များပြီး ရောင်းပန်းလှတဲ့ Wish နဲ့ နှိုင်းယှဉ်မယ်ဆိုရင်တောင် Ipsum ဟာ အများကြီးအားသာချက်ရှိနေပါသေးတယ်။

🚙 Toyota Ipsum အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

To Original Upload

09/04/2022

Toyota Caldina အကြောင်း

ဂျပန် တစ်နိုင်ငံအတွက်သာ ထုတ်လုပ်ရောင်းချတဲ့ brand ကို ပြပါဆိုရင်တော့ Caldina ကိုပဲ ညွှန်ပြရပါလိမ့်မယ်။
ဂျပန်ရဲ့ ပြင်ပ နိုင်ငံတွေမှာ Caldina brand ကို ရောင်းချခြင်း မရှိပါဘူး။
တကယ်လို့ ဂျပန် ပြင်ပမှာတွေ့ခဲ့ရတယ်ဆိုရင်တော့ ဂျပန် used market ကနေ တင်သွင်းလာတယ်လို့သာမှတ်ယူရပါ့မယ်။
Station wagon အနေနဲ့သာထုတ်လုပ်တဲ့ အမျိုးအစား လည်းဖြစ်ပါတယ်။
သူ့အရင် Carina နဲ့ Corona van တွေထုတ်လုပ်မှု ရပ်ဆိုင်းပြီးချိန်မှာ အစားထိုးထုတ်ခဲ့တဲ့ model တစ်မျိုး ဖြစ်ပြီးတော့ လက်ရှိအချိန်မှာတော့ ထပ်မံထုတ်လုပ်ခြင်းမရှိတော့ပါဘူး ။
မျိုးဆက်အနေနဲ့ ၃ ဆက်ထိ ရှိပြီး
First generation T190, ( 1992-1997)
မြန်မာအခေါ် ပဲခြမ်း
Second generation T210, (1997-2002)
မြန်မာအခေါ် ကြက်တူရွေး
Third generation T240, ( 2002-2007)
မြန်မာအခေါ် စက်ရုပ်
( မြန်မာတွေကလည်း နာမည်ပေးတဲ့နေရာ မှာတော့ ပြိုင်စံရှားတွေပဲ )
ပထမ မျိုးဆက်မှာ တော့ ရွေးချယ်စရာ အင်ဂျင်ပေါင်း သောင်းခြောက်ထောင် လောက် ပေးထားပါတယ်။
Petrol သုံးထဲမှာ ရနိုင်တဲ့ အင်ဂျင်တွေကတော့
1.5 L 5E-FE I4
1.8 L 4S-FE I4
1.8 L 7A-FE I4
2.0 L 3S-FE I4
2.0 L 3S-GE I4
Diesel ထဲမှာကတော့
2.0 L 2C I4
2.0 L 2C-T I4
2.2 L 3C-E I4 တွေနဲ့ ဖြစ်ပါတယ်။
ထူးခြားချက်အနေတဲ့ semi-independent leaf springs ဆိုတဲ့ suspension system ကို စတင် သုံးစွဲပေးခဲ့ပါတယ်။

Second generation T210 မှာတော့ ရုပ်ထွက်လေးက ပိုမို လုံးဝန်းတဲ့ ရုပ်ထွက်လေးနဲ့ ထုတ်လုပ်ပါတယ်။ ကြက်တူရွေးမှာ ဂရိတ်အနေနဲ့ GT, E စသဖြင့် ခွဲထုတ်ပေးပါတယ်။
သူ့မှာတော့ တာဘိုပါဝင်တဲ့ ဓါတ်ဆီ အင်ဂျင်တွေ စထုတ်ပေးခဲ့ပါတယ် GT-T ဆိုတဲ့ အမျိုးအစားမှာ 3S-GTE အင်ဂျင်နဲ့ တာဘို ပါဝင်ပါတယ်။
သူ့မျိုးဆက်ရဲ့ ရနိုင်တဲ့ အင်ဂျင်တွေကတော့
ဓါတ်ဆီ လိုင်းမှာ
1.8 L 7A-FE I4
2.0 L 3S-FE I4
2.0 L 3S-GE I4
2.0 L 3S-GTE I4 ( Turbo)
ဒီဇယ် လိုင်းမှာတော့
2.0 L 2C-T I4 ( Turbo diesel )
2.2 L 3C-TE I4 ( Turbo diesel )
တွေ တပ်ဆင်ပေးပါတယ်။

အဓိက ဒီ မော်ဒယ်တွေမှာ ဂရိတ်တွေကို ရေးမပြတာကတော့ အားလုံးနီးပါးဟာ တူညီတဲ့ ပါဝင်ပစ္စည်းတွေ ရှိကြပါတယ်။ အဓိက ကွဲလွဲသွားတာကတော့ chassis နဲ့ အင်ဂျင်ပါ ဒါကြောင့် ဂရိတ်တွေပြောလည်း သိပ်မထူးလှပါဘူး။
ကားတိုင်းမှာ PW/ PS / Auto Transmission စတာတွေက တူပါတယ် ကွဲလွဲချက်အနေနဲ့က နောက်wiper / CD player / alloy / 2WD or 4WD စတာတွေပဲ ဖြစ်ပါတယ်။

Third generation, စက်ရုပ် ကိုတော့ ဂရိတ်ကွဲတွေနဲ့ ထုတ်ပေးပြီး sport type ဖြစ်အောင် အဓိက ဆွဲထုတ်သွားပါတယ်။ Diesel engines နဲ့ ထုတ်လုပ်ခြင်း မရှိတော့ပါဘူး။ စက်ရုပ်ကတော့ လူကြိုက်များပြီး လက်ရှိလမ်းပေါ်မှာ အတွေ့များတော့ ပိုပိုသာသာလေး ဖေါက်သည်ချချင်ပါတယ်။

X grade
ရှေ့ယက် 2WD, 1.8 L 1ZZ-FE I4 အင်ဂျင် နဲ့
EFI fuel system
Airbag 2 လုံး
Chassis အနေနဲ့ UA-ZZT241နဲ့ ထွက်ပါတယ်
Z grade ကတော့ X grade နဲ့ အားလုံးတူပါတယ်
Aircon auto ဖြစ်တာ နဲ့ မဖြစ်တာ ပဲကွာပါတယ်။AC Auto ဆို Z ( 1.8) / AC manual ဆို X ( 1.8) ။

Z grade မှာ 2.0 ဆိုရင်
Engine က 1AZ-FSE , D-4 Fuel system နဲ့ Chassis ကတော့ TA-AZT241 ( 2WD) & TA-AZT246 (4WD) ဖြစ်သွားမယ် ။
Original fog lamp ပါလာပါ့မယ်။

ZT grade မှာတော့ Z ( 2.0) နဲ့ အားလုံးတူတယ်
ပိုပါလာမှာကတော့ 17 inch alloy wheel ဖြစ်သွားမယ်။ xenon head lamp ဖြစ်မယ်, front spoiler ပါလာမယ်, လည်သာ စီယာရင် ကြိုးချုပ်ဖြစ်သွားပါ့မယ်။

GT-FOUR Grade မှာတော့ 2WD မရှိတော့ပါဘူး အကုန်လုံး Full time 4WD တွေပဲလာပါတယ်။
2.0 L 3S-GTE I4 engine တပ်ပြီး တာဘိုပါဝင်ပါတယ်။ EFI စနစ်ကိုပြန်သုံး ပြီး Or 6 CD player ပါဝင်ပါတယ်။ ကျန်တာကတော့ ZT မှာပါတဲ့ အတိုင်း အတူတူပါပဲ။ Chassis ကတော့ LA-ST246 နဲ့ထွက်ပါတယ်။
GT-Four C edition ဆိုပြီးလည်းထွက်ပါတယ်, Xenon headlamp နဲ့ front spoiler မပါဝင်ပါဘူး။
GT-Four N edition ဆိုပြီးလည်း ထွက်ပါတယ်, သူကတော့ အစုံဆုံး ဂရိတ်ပါ ။
L*D - Limited Slip Differential ဆိုတဲ့ စနစ်အပိုပါလာပါတယ်။
Rear wiper, Rear spoiler, ABS, TCS, Privacy glass , UV glass , central door lock နဲ့ power window တွေက third generation ကားတိုင်းမှာပါပါတယ်။
2007 ခုနှစ်မှာ ကမ္ဘာလုံးဆိုင်ရာ စီးပွားရေး crisis ဖြစ်တော့ တချို့ အမြတ်အစွန်းနဲတဲ့ brand တွေ ကို လုပ်ငန်းရပ်ဆိုင်းပြီး လျော့ပစ်ခဲ့တဲ့ထဲမှာ မြန်မာ့ အကြိုက် Caldina လေးလည်း တစ်ခန်းရပ်ခဲ့ရရှာပါတော့တယ်။

ဒီလောက်ဆို တော်တော်လေးလေ့လာမိပြီလို့ မှတ်ယူပါရစေ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

To Original Upload

08/04/2022

Toyota Probox /Succeed အကြောင်း

မြန်မာမှာခိုင်းမယ်ဆို Probox သာဝယ်
ယနေ့ တော်တော်များများ ပြောကြသော
ကားလောက အသံများ။
ပရိုဘောက်က ဘာကြောင့် စွတ်ခိုင်းလို့
ကောင်းနေရတာတုန်း, အများစု Probox ကို ရွေးဝယ်နေကြတာလဲ စသဖြင့် လေ့လာမိပါတော့တယ်။
အများစု အသိထပ်နေကြတာက Probox နဲ့ succeed အတူတူ ပဲ လို့ ထင်မြင်နေကြတာပါ။
ရုပ်ချင်း ဆင်တယ်ဆိုရင် ပိုမှန်မလား , အတွင်းပစ္စည်းကျတော့ရော တူနေပြန်ရော ,
ဒါပေမဲ့ နောက်မီးခွက် ကျတော့ ကွဲပြန်ရော ,
အဲ ရှေ့ မီးခွက်ကျ တူပြန်ရော။
ဘာတွေ မှန်းမသိ တော့ဘူး မောင်းကောင်းရင် ပြီးရော ကွာဆိုပြီး အလွယ်သာရွေးလိုက်ရပါလေရော။

🇲🇲 Probox

☑ First generation လို့ ခေါ်တဲ့ ပရိုဘောက်ကို ၂၀၀၂ မှာစတင်ထုတ်လုပ်ခဲ့ပါတယ်။
Commercial compact car အမျိုးအစား
တံခါး ၅ ပေါက် နဲ့ ရှေ့ယက် သို့ 4WD နှစ်မျိုး
ထုတ်ပါတယ်။အင်ဂျင်ကတော့ ၂ မျိုးထုတ်ပါတယ် 1.3 L နဲ့ 1.5 L တွေပါ။

➽ 1.3 L 2NZ-FE I4
1.5 L 1NZ-FE I4 တွေတပ်ဆင် ထုတ်လုပ်ပါတယ်။
1.3 L အင်ဂျင်တပ် ပရိုဘောက်မှာ
chassis အနေနဲ့ UA-NCP50 လို့ ထွက်ပြီး
1.5 L အင်ဂျင်တပ်ရင်တော့ UA-NCP58G / NCP55 / NCP51လို့ ထွက်ပါတယ်
( 4WD ဆိုရင် NCP59G )။

☑ ဘာဂရိတ်မှ မဖေါ်ပြတဲ့ ကတုံး ဆိုရင်တော့
NCP50 နဲ့ ထွက်လေ့ရှိပြီး မှန်လက်လှည့်/ မှန်ချိုး မပါ/ ဘက်မှန်အသေး နဲ့ လာလေ့ရှိပါတယ်
( DX လို့လည်းတပ်တတ်ပါတယ်)။

➽ DX grade အမှန်အကန် ဆိုရင်တော့
ဒရိုင်ဘာ မှန်တစ်ပေါက် ပါဝါ ဖြစ်သွားမယ်,
မှန်ချိန် ပါလာမယ်,
ဘက်မှန်အကြီး ဖြစ်လာမယ်,
radio FM ပါပါတယ်။

➽ GL grade ကတော့
ရှေ့တံခါး ၂ ပေါက် ပါဝါ ဖြစ်သွားမယ်,
မှန်ချိုး မှန်ခေါက် ခလုပ်လေး ပါလာမယ်,
နောက်wiper ပါလာမယ်,
ကျန်တာကတော့ DX နဲ့ အားလုံးတူပါတယ်။

➽ F grade မှာတော့ 1.3 အနေနဲ့ မလာတော့ပဲ
၁.၅ သာလာတာတွေ့ရပါတယ်။
မန်နူရယ် ဂီယာ ၅ ချက်နဲ့လည်း ထုတ်သလို
ကတုံးလည်း ထွက်ပါတယ်။
မှန်းရအခက်ဆုံး ဂရိတ် လို့တောင် ပြောချင်ပါတယ်။

➽ F extra package မှာတော့
GL နဲ့ ဆင်တူ ပါတယ် ထူးခြားတာကတော့
နောက်ထိုင်ခုံ ခေါင်းမှီ ပါလာတာပါ။
F extra မှာ တံခါး ၄ ပေါက် ပါဝါနဲ့လည်း လာပါတယ်။

🇲🇲 Succeed

☑ Succeed မှာတော့ Probox ကို အဆင့်မြှင့်ထားတဲ့ လူစီး wagon အမျိုးအစား ဖြစ်သွားပါပြီ။ နောက်ဖုံးတံခါး , ရှေ့မီးခွက် , နောက်မီးခွက် နဲ့ အတွင်း ထိုင်ခုံတွေ မတူပါဘူး။

☑ UL, ULX , TX, TXG ဆိုပြီး ဂရိတ် ၄ မျိုး လောက်တွေ့ရလေ့ရှိပြီး
chassis ကတော့ Probox နဲ့ သွားတူနေပါတယ်။ Succeed မှာကတော့
အင်ဂျင်ပါဝါ 1.5L 1NZ-FE I4 ဟာ
standard ပါပဲ( တခြား အင်ဂျင်မတပ်ပါ)။

➽ UL ဂရိတ်မှာ က
အကွဲ ၂ မျိုးလောက်တွေ့ရပါတယ်။
ရှေ့ပါဝါ ၂ ပေါက် , မှန်ချိန် နဲ့ လာသလို ,
လက်လှည့်နဲ့လည်း လာပါတယ်။

➽ ULX ကတော့
ရှေ့ပါဝါ ၂ ပေါက် သို့ ၄ ပေါက် ပါပြီး
ကျန်တာကတော့ အားလုံး နီးပါးပါဝင်ပါတယ်။

➽ TX grade ကတော့
ပါဝါ ၂ ပေါက် နဲ့ ထူးခြားချက် အဖြစ် မှန်ချိုး
မပါဝင်ပါဘူး။

➽ TXG ကတော့
အစုံဆုံး ဂရိတ်လို့သာ သတ်မှတ်ရမှာပါ။
ပါဝါ ၂ ပေါက် / ၄ ပေါက် , မှန်ချိုး, မှန်ချိန်, Alloy , back mirror heater စသဖြင့် တော်တော်စုံပါတယ်။

☑ Succeed တိုင်း ရဲ့ ထူးခြားချက်
အနေနဲ့ကတော့
နောက်တုတ် ဂရိတ်တိုင်းမှာပါသလို /
ပါဝါ တစ်ပေါက် မရှိပါဘူး
( လက်လှည့် သို့ ၂ ပေါက် သို့ ၄ ပေါက်)။

➽ Succeed မှာ ဒီဇယ် အင်ဂျင်တပ်
အမျိုးအစားလည်းထုတ်ပါတယ်

1.4L 1ND-TV I4 D4-D ဒီဇယ်အင်ဂျင်ကို
မန်နူရယ် ဂီယာ ၅ ချက်နဲ့ တွဲလာပါတယ်။
Probox ရဲ့ ဆီစားနှုန်း ကလည်း သက်သာလှပါတယ်။ ယနေ့ ရန်ကုန်မြို့လို့ ယာဉ်ကြောကျပ်တည်းတဲ့ နေရာမှာ Probox ရဲ့ ဆီစားနှုန်းဟာ တခြားသော ကားအမျိုးအစားတွေထက် သာလွန် သက်သာနေပါတယ်။

🇲🇲 အောက်မှာ ပျှမ်းမျှ ဆီစားနှုန်းလေးတွေ
ယှဉ်ပြထားပါတယ်,

Probox 41.8 mpg
ADvan 39.9 mpg
Passo 44.8 mpg
Note 48.8 mpg
Fielder 42.8 mpg
Fit GD1 51.4 mpg
Fit GE6 52.3 mpg
Fit GP1 64.0 mpg ( hybrid)
Insight 64.2 mpg ( hybrid)

• 2014 July မှာတော့
ပုံပြောင်း Probox နဲ့ Succeed ကို စတင်ရောင်းချ ခဲ့ပါတယ်။ လက်ရှိ ဂျပန်မှာ ရောင်းချနေတဲ့ မော်ဒယ် ဖြစ်ပါတယ်။
F, GL, DX comfort , DX ဆိုပြီး ရောင်းချလျှက်ရှိပါတယ်,
chassis အနေနဲ့ကတော
့ NCP50 / 51/55/58/59 စသဖြင့် သုံးစွဲနေပါသေးတယ်။

➽ F grade မှာ ကတော့
ပါဝါ ၄ ပေါက် , နောက်ထိုင်ခုံ ခေါင်းမှီ, စီယာရင် logo နီကယ်, ဘီးဖုံး , တံခါးလက်ကိုင် ကားအရောင်တူ, ဘက်မှန် ကားအရောင်တူ,
မှန်မည်း, remote key နဲ့ audio-less cover
တွေ ပါဝင်မှာပါ။

➽ GL မှာတော့
ဘီးဖုံး မပါတော့ပါဘူး, ပါဝါ ရှေ့တံခါး ၂ ပေါက်ပဲ ပါမယ်, FM radio ပါလာမယ်, နောက်ခေါင်းမှီ
မပါတော့ဘူး, စီယာရင် logo ကတော့ နီကယ်
မပါတော့ပါဘူး။ ကျန်တာ အားလုံးကတော့
F grade အတိုင်းပါပဲ။

➽ DX comfort မှာတော့
သံဂွေဘီးဖုံးမပါ, လက်ကိုင် နဲ့ နောက်တံခါး လက်ကိုင်, စီယာရင် လိုဂို အားလုံး အမည်းရောင် , ဘက်မှန် အမည်းရောင် ( အသေး) ဖြစ်သွားပြီး GL နဲ့ ကျန်တာ အားလုံးတူပါတယ်။
DX ကတော့ အနိမ့်ဆုံး ဂရိတ် ပါဝါ တစ်ပေါက် , ရိုးရိုးကီး , နဲ့ မှန်ချိုး မပါတော့ပါဘူး။

➽ Dashboard မှာ
slide table, ABS , driver cup holder
စတာတွေကတော့ ကားအားလုံးမှာပါဝင်ပါတယ်။
1.3L နဲ့ 1.5L အင်ဂျင် ၂ မျိုး ကို
super CVT-i transmission
တပ်ဆင်ထုတ်လုပ်ပါတယ်။ 1.5L အင်ဂျင်မှာသာ 4WD model ကိုရနိုင်ပါတယ်။

➽ ဆီစားနှုန်းကတော့
F & GL ( 1.5L, 2WD) - 18.2 km/L
F & GL ( 1.5L,4WD) - 15.8 km/L
DX ( 1.3L, 2WD) - 17.6 km/L
အသီးသီးရှိတယ်လို့ တိုယိုတာ ဂျပန် မှာ
ပြောထားပါတယ်။

☑ Succeed အနေနဲ့ ထူးခြားသွားတာကတော့
ပုံပြောင်းချိန်မှာ လုံးဝ ပုံစံတူသွားတာပါပဲ။
ဂရိတ်လည်း ၄ မျိုး အတူတူ ထွက်ပါတယ်
TX, UL-X, UL နဲ့ U ပါ။
U = DX , UL= DX comfort, UL-X=GL, TX= F လို့ သတ်မှတ်လို့ ရပါတယ်။
တစ်ခုပါပဲ Succeed မှာ
1.5 L အင်ဂျင်နဲ့သာ ထုတ်ပါတယ်။
အရောင်အနေနဲ့ ၆ ရောင်ထိ ရရှိနိုင်ပြီး
အဖြူ 058, အနက် 209, အစိမ်းနု 6U6 , ငွေမှင် 1E7, ဇီး 3R9 နဲ့ နက်ပြာ 8P4 တို့ ဖြစ်ပါတယ်။

ဒီလောက်ဆိုရင်တော့ မြန်မာတွေ သိပ်ခိုင်းကောင်းတယ်ဆိုတဲ့ ပရိုဘောက်အကြောင်း အနည်းငယ်သိရှိပြီလို့ ယူဆမိပါတယ်။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်

ကြိုက်နှစ်သက်ရင် like & shareလေးလုပ်ခဲ့
ပေးကြပါအုန်းခင်ဗျာ🙏

to Original Upload

07/04/2022

Toyota Passo အကြောင်း

ဒီတစ်ပတ် ဖော်ပြမယ့်ကားကတော့ Buget ကားတစ်စီးဖြစ်ပြီး ကားစတင်မောင်းနှင်သူတွေ၊ ကားပါကင် ခက်ခဲတဲ့နေရာတွေမှာ အသုံးပြုလိုသူတွေအတွက် တန်ဖိုးနည်းနည်းနဲ့ ပထမဆုံးကား စတင်ဝယ်ယူသူ တွေအတွက် ရေပန်းစားပြီး အထူးကောင်းမွန်တဲ့ Toyota Passo ပဲ ဖြစ်ပါတယ်။Toyota က Toyota Passo ၊ကို ၂ဝဝ၄ ခုနှစ်ကနေ အခုအချိန်အထိ ထုတ်လုပ်နေပြီး Buget ကားလေးအဖြစ် အောင်မြင်နေတာ ဖြစ်ပါတယ်။1.0 နဲ့ 1.3L အင်ဂျင်ဆိုပြီး နှစ်မျိုး ထုတ်လုပ်ထားပါတယ်။ လက်ရှိ အသုံးအများဆုံး မိုဒယ်တွေကတော့ ၂ဝဝ၇-၂ဝ၁၂ မိုဒယ်တွေပဲဖြစ်ပြီး Grade အနေနဲ့ကတော့ X ၊ L Package ၊ +Hana G Package ၊ Plus Hana ၊ X G Package ၊ G ၊ C Package ၊ X HID Package စတဲ့ Grade ခွဲများစွာ ထုတ်လုပ်ထားတဲ့အပြင် Customer Option Grade ခွဲများစွာလည်း ထုတ်ထားတဲ့အတွက် ရွေးချယ်စရာများပြီး ခွဲခြားရခက်တဲ့ Toyota Passo ရဲ့ Grade တွေလည်း ဖြစ်ပါတယ်။ ဒါကြောင့် Toyota Passo မှာ ပါဝင်တဲ့ ရေပန်းစားလူကြိုက်များတဲ့ အချက်အလက်တွေကို ရေးသားဖော်ပြမှာ ဖြစ်ပါတယ်။

ရေပန်းစား လူကြိုက်များသောအချက်များ
၁။ ကားရဲ့ ဒီဇိုင်းအသွင်အပြင်ဖွဲ့စည်းပုံ
Toyota Passo ရဲ့ ဒီဇိုင်းကို Buget Hatchback ကားတစ်စီးအဖြစ် ထုတ်လုပ်ထားပြီး တန်ဖိုးနည်း ကားတစ်စီးဆိုပေမဲ့ ကားရဲ့ပုံစံ လုံးလုံးလေးနဲ့ ချစ်စရာကောင်းတဲ့ ဝက်ပေါက်လေးလိုပုံ ဖြစ်လို့ ကားစဝယ်မယ့်သူတွေ နှစ်သက်သဘောကျကြပါတယ်။ ဒါကြောင့် Toyota Passo ဟာ ငွေကျပ် သိန်းတစ်ရာကျော်ကျော်နဲ့ အိမ်စီးကား ဝယ်ယူမယ့်သူတွေအတွက် ရေပန်းစားရွေးချယ်စရာ ကားလေးပဲ ဖြစ်ပါတယ်။

၂။ မောင်းနှင်ရလွယ်ကူမှု
Toyota Passo ကို အထူးရေပန်းစားပြီး ကြိုက်နှစ်သက်ကြတာကလည်း ကားရဲ့ ဘော်ဒီအရွယ်အစား သေးငယ် မှုကြောင့် ပါကင် ရှာရလွယ်ကူသလို ကားမောင်းရ လွယ်ကူတဲ့အတွက် ကား စတင်မောင်းသူတွေ၊ ရန်ကုန်မြို့လို ကားပိတ်တဲ့ နေရာတွေမှာ အသုံးပြုဖို့ တန်ဖိုးနည်းနည်းနဲ့ ကားဝယ် ယူလိုသူတွေအပြင် လူကုံထံတွေကပါ မြို့ တွင်းအသုံးပြုဖို့ ရွေးချယ်စရာ ဖြစ်လာခဲ့တာဖြစ်ပါတယ်။
စက်ယန္တယားတွေအကြောင်း
ကားအကြောင်း တင်ဆက်ပေးမှာမို့
Channelလေးကို Subscribeလုပ်ဖို့ ဖိတ်ခေါ်ပါတယ်ဗျာ
👇👇👇👇👇👇👇👇👇👇👇👇👇👇👇👇👇👇
https://t.me/mecEngr

၃။ Grade အမြင့်တွေမှာပါဝင်တဲ့
Smart Key
G Grade ၊ Hana Grade နဲ့ Customer Grade တွေမှာ ပါဝင်တဲ့ Smart Key ဆိုရင်လည်း ပေါ့ပေါ့ပါးပါးနဲ့ တန်ဖိုးနည်းကားလေးမှာ Smart ကျကျ အသုံးပြု စေနိုင်တဲ့အတွက်လည်းToyota Passo ရဲ့ Smart Key ပါဝင်တဲ့ Grade တွေက ရောင်းသူ/ဝယ်သူကြား အထူးရေပန်းစားပါတယ်။

၄။ ဆီစားသက်သာစေတဲ့ စနစ်
Toyota Passo ကို အဓိကဝယ်ယူတာဟာ အခြေခံလူတန်းစားတွေ ဖြစ်တဲ့အတွက် ကားစျေးလည်း သက်သာရမယ်၊ ဆီစားလည်းသက်သာ ရမယ် ဆိုတဲ့ အချက်တွေအားလုံး Toyota Passo မှာ ရှိနေပါတယ်။ ကားရဲ့ ဘော်ဒီအရွယ်အစားသေးငယ်မှုကို Toyota ရဲ့ VVT-I Engine နဲ့ ပေါင်းစပ်လိုက်တဲ့အခါမှာတော့ ပုံမှန် အင်ဂျင်ပါဝါတူ ကားတွေထက် ပိုပြီး ဆီစားသက်သာတဲ့အတွက် Toyota Passo က ရေပန်းစား ရွေးချယ်စရာ ဖြစ်လာတာပါပဲ။

၅။ အရှေ့ခုံ တစ်ဆက်တည်းပါဝင်မှု
Toyota Passo ရဲ့ ၂ဝ၁ဝ Late မိုဒယ်မှာတော့ ကားရဲ့ရှေ့ထိုင်ခုံဟာ တစ်ဆက်တည်းဖြစ်သွားပြီး သုံးယောက်ထိုင်လို့ ရသွားတဲ့အတွက် ကားသေးသေးလေးနဲ့ လူများများတင်လိုသူတွေ ရေပန်းစားကြိုက်နှစ် သက်တဲ့ ပါဝင်မှုပဲ ဖြစ်ပါတယ်။

၆။ ကားပါကင်ထိုးရ လွယ်ကူမှု
ကားမောင်းသူအများစုဟာ ကားမောင်းတဲ့အခါမှာ အရှေ့ကိုပဲ မောင်းတာ အားသန်ကြပါတယ်။ ကားပါကင်ထိုးတဲ့အခါမှာ အဆင်မပြေမှုတွေ ရှိတတ်ပါတယ်။ ဒီလိုအဆင်မပြေမှုတွေ ဖြစ်နေရင်တော့ Toyota Passo ကို မောင်းပြီး ကားပါကင် နေရာချလိုက်တဲ့အခါမှာ ထင် မှတ်မထားရအောင် လွယ်ကူပေါ့ပါးနေပါတယ်။ ဒီအချက်ကြောင့်လည်း Toyota Passo ကို ဝယ်ယူသူအများစုက ရွေးချယ်ကြတာ ဖြစ်ပါတယ်။

၇။ သက်သာစျေးနှုန်းနဲ့ အိမ်စီးကား
စာရေးသူတို့နိုင်ငံမှာ ကားစျေးတွေက အခွန်အခကြောင့် စျေးနှုန်း အရမ်းမြင့်ပါတယ်။ သိန်းတစ်ရာကျော်နဲ့ အိမ်စီးကား ဝယ်မယ်ဆိုရင် ရွေး ချယ်စရာကား မရှိသလောက် ရှားပါတယ်။ Toyota Passo ရဲ့ ထူးခြား ချက်ကတော့ ကျပ်သိန်း ၁ဝဝ-၁၅ဝ ဝန်းကျင်သုံးပြီး ဝယ်ယူနိုင်တဲ့ အတွက် ငွေအနည်းငယ်နဲ့ အိမ်စီးကား ဝယ်ယူမယ့်သူတွေအတွက် Buget ကားတစ်စီးအဖြစ် ရေပန်းစားရွေးချယ်လာတဲ့ကားပဲ ဖြစ်ပါတယ်။
Toyota Passo ကို Hatchback ကားထဲမှာ ပါကင်ထိုးရလွယ်ကူမှု၊ တန်ဖိုးနည်း ကားဝယ်ယူလိုသူတွေ ရွေးချယ်စရာ ဖြစ်မှု၊ ပေါ့ပေါ့ပါးပါးရှိပြီး မောင်းနှင်ရလွယ်ကူမှု၊ တန်ဖိုးသင့် ကားတစ် စီးဆိုပေမဲ့ ချစ်စရာကောင်းတဲ့ဒီဇိုင်းနဲ့ ဖန်တီးမှု၊ ဆီစား အထူးသက်သာစေ မှုစတဲ့ အချက်တွေက ရေပန်းစားရွေးချယ်စရာ Buget Hatchbackကားတစ်စီး ဖြစ်လာစေပါတယ်။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

To Original Upload

06/04/2022

TOYOTA WISH အကြောင်း

မြန်မာပြည်မှာတော့ လူကြိုက်များတဲ့ ကားလေးပါပဲ။MPV အမျိုးအစား ကိုယ်လုံးကိုယ်ထည် မကြီးပေမဲ့ အတွင်းလူဝင်ဆံ့ပုံက အံ့မခန်းပါပဲ။

၂၀၀၃ ခုနှစ်ကနေ ၂၀၀၇ ခုနှစ်အထိ ဂျပန်မှာ အရောင်းရဆုံး နံပါတ် ၁ ကနေ ၅ အတွင်းမှာ အချိန်အကြာဆုံး ရှိခဲ့ပါတယ်။ယခုဆိုရင် second generation တောင်ရောက်ရှိလာပါပြီ။First generation ကတော့ 2003 to 2008 ဖြစ်ပြီး Second generation ကတော့ 2009 to present ဖြစ်ပါတယ်။ Wish အကြောင်းကတော့ လူတော်တော်များများလည်း သိပြီးသားဆိုတော့ ဒီမှာ grade နဲ့ အင်ဂျင်အကြောင်းကို ပိုအသားပေးပြီး ပြောပေးပါ့မယ်။

First Generation

သူက မြန်မာပြည်မှာ တော်တော်များများတွေ့နေရပါပြီ။ အင်ဂျင်မှာတော့ ၁.၈လီတာကို 1ZZ-FE နဲ့ထုတ်လုပ်ပြီး ၂.ဝလီတာကိုတော့ 1AZ. FSE နဲ့ထုတ်လုပ်ကာ ဂီယာလေးချက် အော်တိုဂီယာစနစ် ဂီယာခုနစ်ချက် Super CVT-i စနစ်များနဲ့ ထုတ်လုပ်ပါတယ်။ ဘီးနှစ်ဖက်အကျယ် 2750mm (108.3 inch) အရှည် 4560mm(179.5 inch) အ ကျယ်1695mm(66.7inch) အမြင့် 1590mm (62.6 inch) အသီးသီးရှိပါတယ်။ ဦးဆောင်ထုတ်လုပ်ခဲ့တဲ့အင်ဂျင်နီယာကတော့ Mr.Takesh Yoshidea ဖြစ်ပြီွးှWish ရဲ့ပထမ Generation ကို Tokyo Motor Show မှာ 2002 October မှာစတင်မိတ်ဆက်ခဲ့ပြီး ဂျပန်ဈေးကွက်မှာတော့ ၂ဝဝ၃ ခုနှစ် January မှာစတင်ရောင်းချပေးခဲ့ပါတယ်။ ရှေ့ဘီးယက် 2wheels drive ကိုတော့ Codename ZNE 10G နဲ့ ထုတ်လုပ်ပြီး 4 wheels drive ကို ZNE 14G နဲ့ ထုတ်လုပ်ထားပါတယ်။

Grade တွေကတော့…

၁.၈ လီတာ အင်ဂျင်တပ်ထား ရင် ၄ မျိုးလောက် တွေ့ရပါတယ်။ X / XE package / XS package / X areo sport ဆို ပြီးတော့ပါ။ဘောင်နံပါတ်ကတော့ ZNE10 နဲ့ စပါလိမ့်မယ်။နောက်တစ်ခုက 2WD နဲ့ 4WD ပါ။ ရှေ့ယက်စနစ်မှာ ဘာမှ မပြောပေမဲ့ လေးဘီးလုံးမောင်းရင်တော့ 4WD ဆိုတာလေး ပါပါတယ်။ ဘောင်နံပါတ်က ZNE14 ဖြစ်ပါလိမ့်မယ်။ မြန်မာတွေအကြိုက်ကတော့ 2WD ပါ။ ဆီစားနှုန်းသက်သာလို့ပါ။၂.၀ လီတာ မှာတော့ နှစ်မျိုး အဓိက တွေ့ရပါတယ်။ G grade နဲ့ Z grade ပါ။ Z က ပိုမြင့်ပါတယ်။ ဘောင်နံပါတ်ကတော့ ANE10 / ANE11 စသဖြင့် ရှိပါတယ်။ NEO edition ဆိုတဲ့ တစ်မျိုးလည်း တွေ့ဖူးပါတယ်။ G နဲ့ X မော်ဒယ်တွေမှာပါ။

2003 model အင်ဂျင် 1.8L/ZZFE အင်ဂျင်မှာ မြင်းကောင်ရေ 170mm (125lb/ft) four-wheel speed automatic ဖြစ်ပြီး 2.0L မှာတော့ ခြောက်ယောက်စီးအတွက် Codename ANE 11W နဲ့ ခုနစ်ယောက်စီးအတွက် ANE 10G version မျိုးကွဲနှစ်မျိုးကွဲပါသေးတယ်။ 2.0L မှာတော့ IAZ FSE Direct injection ဖြစ်ပြီး မြင်းကောင်ရေ ၁၅၅ကောင် (114 kw)ရုန်းအား 192Nm(142lb/ft) ရှိပါတယ်။ မျိုးကွဲအနေနဲ့ 2.0 D4 အင်ဂျင်များကို CVT ဂီယာဘောက်များနဲ့ တွဲဖက်ထုတ်လုပ်ပါသေးတယ်။ Wish ဟာဈေးကွက်အတွင်း အချိန်တိုကာလမှာပဲ Top 5 စာရင်းဝင်တဲ့အထိ အောင်မြင်ခဲ့ပြီး ပြိုင်ဘက်များကတော့ Honda Stream, Mazda Premacy နဲ့ Mazada 5 တို့ဖြင့်ပြီး Thailand market မှာတော့ ၂ဝဝ၃နှစ်ကုန်ပိုင်းမှာ စတင်ထုတ်လုပ်ခဲ့ပါတယ်။ ထိုင်းဈေးကွက်ထုတ် Wish မှာတော့ အင်ဂျင် 1AZ FE, wheel 17inch size, No privacy glass, Leather upholstery standard, 2 WD wheel drive, စတာတွေနဲ့ကန့်သတ်ထုတ်လုပ်ပြီး ၂ဝဝ၄ ခုနှစ် နိုဝင်ဘာမှာထုတ်လုပ်ခဲ့ တဲ့Taiwan Market မှာတော့ D4 Technology အင်ဂျင်အဆင့်မြှင့်ထားတဲ့LED နောက်မီး၊ Body color, packing censor စနစ် dual moonroof, leather seat တွေနဲ့ထုတ်လုပ်ခဲ့တာဖြစ်ပါတယ်

၂ဝဝ၅ခုနှစ်မှာတော့ Wish ရဲ့အောင်မြင်မှုအရှိန်ဟာ ဈေးကွက်မှာပိုမိုမြင့်မားလာတာကြောင့် အနည်းငယ်အ ဆင့်မြှင့်တင်ထားတဲ့ Wish ကိုထုတ်လုပ်ခဲ့ပါတယ်။ Headlight Bumpass LED taillight နဲ့ Dashboard တွေကို အဆင့်မြှင့်တင်ခဲ့တာကြောင့် ဆီသုံးစွဲမှုကိုထိထိရောက်ရောက်လျှော့ချနိုင်ခဲ့ပါတယ်။ 2005 model မှာ Wish ရဲ့ ‘W’ သင်္ကေတအစုံကို အနည်းငယ်ပြောင်းလဲခဲ့ပြီး Electronic throttle control စနစ်ကိုလည်း ပြောင်း လဲတပ်ဆင်ပေးခဲ့ပါတယ်။2007 mode မှာ တော့ G-Book ခေါ်တဲ့Telematics service ကိုဂျပန်မှာတပ်ဆင် ရောင်းချတဲ့ကားတွေမှာ ထည့်သွင်းပေးခဲ့ပါတယ်။2008 Wish model မှာတော့ စင်ကာပူဈေးကွက်မှာ အများအပြားတင်သွင်းခဲ့ပြီးကားရဲ့ Bodykit ငါးမျိုး နောက် LED break မီး၊ နောက်ကင်မရာ၊ ဘက်မှန်အချက်ပြမီး Flluminated Scuff plate, window muffler cutter စတဲ့ အဆင့်မြှင့်တင်မှုတွေပြုလုပ်ခဲ့ပါတယ်။

2015 Wish model

Wish ဒုတိယမျိုးဆက်(၂ဝဝ၉)ရဲ့ 2015 model မှာတော့ အတွင်းအပြင်ပိုင်းတွေမှာ ပိုမိုကောင်းမွန်တဲ့အဆင့် မြှင့်တင်မှုတွေပြုလုပ်ခဲ့ပြီး ခရီးသည်ရှစ်ဦးအထိ တင်ဆောင်လာနိုင်တော့မှာဖြစ်ပါတယ်။ ပိုမိုသက်သောင့်သက်သာ ဖြစ်စေမယ့်ထိုင်ခုံတွေ၊ ဝန်စည်စလယ်တွေတင်နိုင်မယ့်ကျယ်ဝန်းတဲ့ Luggage space ၊ အဆင့်မြင့်လေအေးပေးစနစ် နဲ့သတင်းအချက်အလက်ပေးစနစ်များ၊ ဖျော်ဖြေရေးစနစ်နဲ့ DVD sound စနစ်တွေအဆင့်မြှင့်တင်ပေးခဲ့ပါတယ်။

Dynamic stability control, Airbag ရှစ်လုံးဆီစားနှုန်းဓာတ်ဆီတစ်လီတာ ၁၆ကီလိုမီတာဖြစ်ပြီး 1800 CC ကို (Chassis ZGE 20G ၊ 2000 CCကို ZGE 22W 4WD) တွေကိုတော့ ZGE25 W နဲ့ထုတ်လုပ်ထားပါတယ်။ မြန်မာပြည်မှာလူကြိုက်များတဲ့ Grade တွေကတော့ ZGE 20 CX, S ဂရိတ် ZGE 22, Z Grade) များပဲဖြစ်ပါ တယ်။ ZGE 20 မှာတော့ ဂရိတ်ခွဲ X, A, S ဆိုပြီးခွဲပါသေးတယ်။ X ဂရိတ်ကတော့ ရှေ့ Shell မှာနီကယ်မဖြစ် Bumper Spoiler မပါတာ Fog Light မီးမပါတာ Push start မဖြစ်တာတွေရှိပါတယ်။ S Grade မှာတော့ရှေ့ Shell နီကယ်၊ Bumper Spoilers, Fog Light မီးပါပြီး Xenon headlight, Gear Daddle Shift 16” အလွိုင်း Push Start ဖြစ်ပါပြီ။ အမြင့်ဆုံးဂရိတ် Z မှာတော့ အင်ဂျင်ပါဝါ 2.0 L ZGE 22 နဲ့ထုတ်လုပ်ပြီး Overfender, 17” Original allay, Fog Light, Xenon Headlight, Push start, Cruise Control, Steptronic ဂီယာခုနစ် ချက်အပြင် Sport/Eco mode ခရီးသည်ခြောက်ဦးစီလျှောက်လမ်းပါပါတယ်။

သူကတော့ ၁.၈ လီတာ အင်ဂျင်တပ်ရင် grade 2 မျိုးလာပါတယ်။ S and X Grade တွေပါ။ ၂.၀ လီတာဆိုရင် နှစ်မျိုးလာပါတယ။ G and Z Grade ပါ။ ဘောင်နံပါတ်တွေက S and X – ZGE20 / ZGE25 (4WD)၊ G – ZGE21 ၊ Z – ZGE22 တို့ဖြစ်ကြပါတယ်။ များသောအားဖြင့် ၁.၈ လီတာတွေမှာ ဂီယာ ၄ ချက် အော်တို Transmission ဖြစ်ပြီးတော့ ၂.၀ လီတာ အင်ဂျင်တွေမှာ CVT ဆိုတာကို သုံးပါတယ်။First generation မှာတပ်ဆင်တဲ့ အင်ဂျင်တွေကတော့ 1.8 L 1ZZ-FE , I4 , DOHC 16 Valve , 2.0 L 1AZ-FSE , I4 , VVT-i 16 valve တို့ဖြစ်ကြပါတယ်။

Second generation မှာတပ်ဆင်တဲ့ အင်ဂျင်တွေကတော့ 1.8 L 2ZR-FAE , I4 Dual VVT-i , 2.0 L 3ZR-FAE , I4 Valve Matic တို့တပ်ဆင်ထားပါတယ်။ Engine ရဲ့ စွမ်းအားတွေ ကွာသွားပါတယ်။ ဆီစားနှုန်းတွေလဲ ကွာသွားပါတယ်။ နောက်ပြီး ဂျပန်တွေ ကိုယ်တိုင် 4WD ကို မကြိုက်တာတွေ့ရပါတယ်။ ၂၀၀၅ လောက်ကစပြီး 4WD မော်ဒယ် အတွေ့ရနည်းသွားပါတယ်။

🚘 Toyota Wish အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

To Original Upload

05/04/2022

Toyota Vitz အကြောင်း

Toyota ကုမ္ပဏီကနေ Hatchback ကားအမျိုးအစားဖြစ်တဲ့ Toyota Vitz ကို ၁၉၉၉ ခုနှစ်ကတည်းက စတင်ထုတ်လုပ်ခဲ့တာဖြစ်ပြီး ၂၀၀၅ မိုဒယ်အထိကို ပထမမျိုးဆက်၊၂၀၀၆ မိုဒယ်ကနေ ၂၀၁၀ မိုဒယ်အထိကို ဒုတိယမျိုးဆက်၊၂၀၁၁ မိုဒယ်နောက်ပိုင်းကို တတိယမျိုးဆက်အဖြစ်သတ် မှတ်ခဲ့ပါတယ်။ Toyota Vitz ကို Toyota Yaris ဆိုတဲ့ အမည်တစ်မျိုးနဲ့ လည်း ထုတ်လုပ်ပြီး အမေရိကန်နဲ့ ဥရောပနိုင်ငံတချို့ကို တင်ပို့ရောင်း ချခဲ့ပါတယ်။ ဆီစားနှုန်းသက်သာပြီး ကားကြံ့ခိုင်မှုရှိတဲ့ Toyota Vitz ကို လူကြိုက်များခဲ့တဲ့အတွက်လည်း ၂၀၁၀ မိုဒယ်အထိ နိုင်ငံပေါင်း ခုနစ်ဆယ် ကို အစီးရေ ၃ ဒသမ ၅ သန်း တင်ပို့ရောင်းချနိုင်ခဲ့ပါတယ်။

အင်ဂျင်အမျိုးအစား
Toyota Vitz (ပုံပြောင်း) မှာ အရင်မိုဒယ်တွေလိုပဲ အင်ဂျင်ပါဝါ ၁၅၀၀ စီစီ၊ ၁၃၀၀ စီစီ နဲ့ ၁၀၀၀ စီစီ သုံးမျိုးထုတ်လုပ်ထားပြီး ၂၀၁၀ မိုဒယ် နောက် ပိုင်းမှာတော့ ၁၀၀၀ စီစီကို တင်သွင်းတဲ့သူနည်းပါတယ်။ ၁၅၀၀ စီစီမှာ RS ဂရိတ်နဲ့ Manual ဂီယာ ငါးချက် ထုတ်လုပ်ထားပြီး ကျန်တဲ့အင်ဂျင် တွေမှာတော့ CVT ဂီယာတစ်မျိုးတည်းနဲ့ပဲ ထုတ်လုပ်ထားပါတယ်။

အပြင်ပိုင်းနှင့် အတွင်းခန်း အပြင်အဆင်
Toyota Vitz ပုံပြောင်းဟာ အရင်မိုဒယ်ဟောင်းတွေနဲ့ ပုံစံလုံး၀ကွဲပြားသွား ပါတယ်။၂၀၁၁ မိုဒယ်ပုံပြောင်းကားတွေက Sport Type ဆန်သွားပြီး Wiper ကလည်း တစ်ချောင်းတည်းပါသွားပါတယ်။ နောက်ပြီး ဒိုင်ခွက်က လည်း ပုံဟောင်းကားတွေလို အလယ်မှာမရှိတော့ဘဲ ယာဉ်မောင်းရဲ့အရှေ့မှာ ရှိသွားပါတယ်။ အရင်ပုံဟောင်းမှာ I’LL ဂရိတ်ကအမြင့်ဆုံးဖြစ်ပြီး ပုံပြောင်း မှာတော့ Jewela ကအမြင့်ဆုံးဖြစ်သွားပါတယ်။ ဒီဂရိတ်မှာ Push Start ၊ Digital Aircon ၊ Steering Volume Control ဖြစ်သွားပြီး ထိုင်ခုံနှစ်ရောင် စပ်နဲ့ စတီယာရင်ကြိုးချုပ်ဖြစ်သွားပါတယ်။ U ဂရိတ်မှာလည်း Jewela ဂရိတ်မှာပါတဲ့အတိုင်း ပစ္စည်းတော်တော်များများ ပါ၀င်ပါတယ်။ F ဂရိတ် ကတော့ အရင်မိုဒယ်တွေလိုပဲ ဂရိတ်အနိမ့်ဖြစ်လို့ Key Remote နဲ့ Manual အဲကွန်းဖြစ်ပါတယ်....

🚙 Toyota Vitz အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

to Original Upload

04/04/2022

HONDA FIT အကြောင်းသိကောင်းစရာ

Honda Fit ဟာ 2001 ခုနှစ်မှာ စတင်ထုတ်လုပ်ခဲ့တာဖြစ်ပြီး ယခုဆိုရင် သက်တမ်းအားဖြင့် နှစ်(၂၀)တိုင်ခဲ့ပြီဖြစ်သလို Generation (၃) ဆက်အထိ ပြောင်းလဲခဲ့ပြီး ဖြစ်ပါတယ်.။ ကမ္ဘာအနှံကို တင်ပို့ရောင်းချခဲ့တဲ့ Honda Fit ကားတွေဟာ Honda Jazz အနေနဲ့လဲ ဈေးကွက်တင်ခဲ့ပြီး နိုင်ငံ (၈) နိုင်ငံမှာ ရှိတဲ့ စက်ရုံ (၁ဝ) ရုံမှ ထုတ်လုပ်တာဖြစ်ပါတယ်.။ တံခါး (၅) ပေါက် Hatchback ကားအမျိုးအစားဖြစ်ပြီး ရှေ့အင်ဂျင်၊ ရှေ့ယက်အမျိုးအစား ကားတစ်စီးဖြစ်ပါတယ်.။

Honda ဟာ Fit Hybrid အမျိုးအစားကိုလဲ ထုတ်လုပ်ခဲ့ပြီး ဂျပန်နိုင်ငံမှာ 2010 နဲ့ ဥရောပမှာ 2011 ခုနှစ်မှာ ဈေးကွက်တင်ခဲ့ပါတယ်.။ Honda Fit EV လို့ခေါ်တဲ့ လျှပ်စစ်ကားတစ်မျိုးကိုလဲ အရေအတွက်အကန့်အသတ်နဲ့ ထုတ်လုပ်ခဲ့ဖူးပြီး အမေရိကန်နဲ့ ဂျပန်တို့မှာ 2012 ခုနှစ်မှာ ဈေးကွက်တင်ခဲ့ပါတယ်.။ အမည်နှစ်မျိုးအနက် "Jazz" ဆိုတဲ့အမည်ကို ဥရောပ၊ သမုဒ္ဒရာပိုင်းဒေသ၊ အရှေ့အလယ်ပိုင်း၊ အာဖရိက၊ သြစတေးလျနဲ့ အာရှအချို့ဒေသတွေမှာ အသုံးပြုခဲ့ပြီး "Fit" အမည်ကိုတော့ ဂျပန်၊ အမေရိကန်နဲ့ တရုတ်တို့မှာ အသုံးပြုခဲ့တာဖြစ်ပါတယ်.။ ကျွန်တော်တို့နိုင်ငံမှာတော့ ဂျပန်မှကားများကို အများဆုံးတင်သွင်းတဲ့အတွက် "Fit" အမည်နဲ့ ကားတွေပဲ တွေ့ရတာဖြစ်ပါတယ်.။

Honda Fit ရဲ့ Generation (၃) ဆက်အနက် 1stGeneration ကို 2001 မှ 2008 အထိ ထုတ်လုပ်ခဲ့ပါတယ်.။ ဂျပန်နိုင်ငံအတွက် ထုတ်လုပ်တဲ့ 1st Gen Honda Fit တွေဟာ 1.3 i-DSI နဲ့ 1.5 VTEC အင်ဂျင် အမျိုးအစား (၂) မျိုးနဲ့ ရရှိနိုင်ပါတယ်.။ ဒီကားတွေကို ဈေးကွက်မှာ chassis code GD1 ကို အစွဲပြုပြီး GD1 လို့ခေါ်ကြပါတယ်.။ GD1 တွေမှာ 4WD တွေ၊ ဂီယာ (၅) ချက် Manual တွေ အစရှိသဖြင့် အခွဲငယ်များ မျိုးစုံရှိပါတယ်.။ Original TV နဲ့ Navigation တွေကတော့ ထပ်တိုးပြီး ဝယ်လို့ရတဲ့ Optional တွေ ဖြစ်ပါတယ်.။

2nd Generaion Honda Fit တွေကိုတော့ 2007 မှာ စတင်ပြသခဲ့ပြီး Car of the Year Japan ဆု ရရှိခဲ့ပါတယ်.။ ဒီကားတွေကိုတော့ Chassis Code GE6 ကိုအစွဲပြုပြီး GE6 လို့ ခေါ်ကြပါတယ်.။ အင်ဂျင် (၂) မျိုးနဲ့ ရရှိနိုင်ပြီး 1.3 L အင်ဂျင်ဟာ မြင်းကောင်ရေ 98 ကောင်အား ထုတ်လုပ်ပေးနိုင်ပြီး 1.5 L အင်ဂျင်ကတော့ 117 ကောင်အားအထိ ရရှိနိုင်ပါတယ်.။ ဂီယာ (၅) ချက် Manual, ဂီယာ (၅) ချက် Auto (4WD) နဲ့ CVT Transmission တွေ ရရှိနိုင်ပါတယ်.။

GE6 ကို အကြမ်းအားဖြင့် Modification / Grade ခွဲချင်တယ်ဆို G, G F package, L package ဆိုပြီး (၃)မျိုးခွဲခြားလို့ ရပါတယ်.။ G Grade မှာ မှန်ကာလာမပါခြင်း၊ ဘေးမှန်မှာ မီးတန်းမပါခြင်း၊ မှန်ချိုးမှန်ခေါက် မရခြင်း စတဲ့အချက်တွေ ရှိပါတယ်.။ GF ကတော့ G ထက် အနည်းငယ် Grade ပိုမြင့်ပြီး G မှာ မပါဝင်တဲ့ အချက်တွေ ပါဝင်လာမှာဖြစ်ပါတယ်.။ အမြင့်ဆုံး L Package မှာတော့ Button Type နဲ့ Digital Aircon ဖြစ်ပါတယ်.။ GE6 ရဲ့ ၂ဝ၁ဝ ခုနှစ် ၁ဝ လပိုင်းနောက်ပိုင်း ထုတ်လုပ်တဲ့ကားတွေမှာ ရှေ့ဘန်ဘာနဲ့ နောက်မီးခွက်ဒီဇိုင်း ကွဲပြားသွားပါတယ်.။ ရှေ့ဘန်ဘာ ရုပ်ပြောင်းသွားပြီး နောက်မီးမှာလဲ အဖြူတစ်တန်းဖြစ်သွားပါတယ်.။

3rd Generation တွေကိုတော့ 2013 ကနေ ယနေ့အထိ ထုတ်လုပ်နေပါတယ်.။
Honda Fit မှာ အခြားမော်ဒယ်များအဖြစ် ပိုပြီးကြီးတဲ့ Fit Shuttle နဲ့ ဆီစားသက်သာတဲ့ Hybrid ကားတွေလဲ ရှိပါသေးတယ်။

ဒီလောက်ဆိုရင်တော့ HONDA FIT အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

to Original Upload

03/04/2022

TOYOTA COROLLA FIELDER အကြောင်း
+++++++++++++++++++++++++++++

Toyota Corolla Fielder ကို Toyota Company ကနေပြီးတော့ ၂၀၀၀ ခုနှစ်မှာစတင်ထုတ်လုပ်ခဲ့ပါတယ်။
ပထမဆုံးအနေနဲ့ Fielder လေးရဲ့ မျိုးဆက်တွေကို အရင်ဆုံးတင်ပြပေးပါ့မယ်ခင်ဗျ။
Toyota Corolla Fielder မှာ မျိုးဆက် သုံးခု ရှိပါတယ်ဗျ။ အဲ့တာတွေကိုဘယ်လိုခွဲထားလဲဆိုရင်
2000 Model ကနေ 2006 ထိကို ပထမမျိုးဆက်အဖြစ်
2006(Late) ကနေ 2012 ထိကို ဒုတိယမျိုးဆက်အဖြစ်
2012(Late) ကနေ ယနေ့အချိန်ထိကိုတော့ တတိယမျိုးဆက်အဖြစ် ရှိနေခဲ့ပါတယ်။

ကျွန်တော်တို့ မြန်မာနိုင်ငံမှာ ကားသွင်းပုံနဲ့ ဆိုရင် ပထမမျိုးဆက် နဲ့ ဒုတိယ မျိုးဆက်ကို အသွင်းများတယ်ဗျ။
ပထမမျိုးဆက်ကို ကျတော့ Taxi သမားတွေ အ၀ယ်များကြပြီး ဒုတိယမျိုးဆက်ကိုတော့ အိမ်ကားအဖြစ် အ၀ယ်များတာ တွေ့ရတယ်ပေါ့နော်။ တတိယမျိုးဆက်ကတော့ CIF တန်း ဘိုးသတ်မှတ်ချက်မြင့် မား နေသေးတဲ့အတွက်ဒီမှာ သိပ်မသွင်းဖြစ်ကြဘူးဗျ။
ဒီလို မျိုးဆက်ပြောင်းလဲမှုတွေ တိုင်းမှာ ရုပ်ပြောင်း လဲ မှုတွေ ရှိနေသလိုပဲ မျိုးဆက် တစ်ဆက်ထဲမှာပဲ ရုပ်ပြောင်းတာလေးတွေရှိတယ်ဗျ။့ ကျွန်တော် ပထမမျိုးဆက် နဲ့ ဒုတိယမျိုးဆက် မှာ လူသုံးများတဲ့ Grade တွေ လောက်ပဲ ရှင်းပြပေးသွားပါမယ်ခင်ဗျ။
ဒီ Toyota Corolla Fielder လေးမှာ Grade ခွဲတွေ အများကြီးရှိတယ်ခင်ဗျ။ သူ့ရဲ့ Grade တွေကတော့ …
X, X Limited, X G Edition, X Aero Tourer, S, S Aero Tourer, Z Aero Tourer, S Limited, X S Limited, X HID, X HID Sport Selection ဆိုပြီး Grade ခွဲတွေ အများကြီးရှိပါတယ်ခင်ဗျာ။

2000 ပြည့်နှစ် က စပြီးတော့ X, X LTD, X HID, X G Edition, S, Z Aero Tourer ဆိုတဲ့ Grade တွေကို စတင်ထုတ်လုပ်ခဲ့ပြီး အဲ့ Grade တွေထဲမှာ မှ 2WD နဲ့ 4WD ဆိုပြီး ထပ်မံခွဲထားပါတယ်။ Engine Power အနေနဲ့ 1500 CC, 1800 CC နဲ့ 2200 CC ဆိုပြီးလာပါတယ်။ 2200 CC ဆိုတာနဲ့ ဒီဇယ် ဆိုတာတန်းသိနိုင်ပြီး ကျွန်တော်တို့ နိုင်ငံက လူတွေ သိပ်မကြိုက်ကြတဲ့ အတွက် သိပ်လဲ မသွင်းကြပါဘူး။
ယနေ့ ချိန်ထိ “Fielder” ဆိုရင် လူများစု နဲ့ ထိတွေ့နေတဲ့ Grade တွေကတော့ “X”, “X G Edition နဲ့ “S” တွေပဲဖြစ်ကြပါတယ်။
“Fielder” 2000 Model မှာ ရှေ့ Grill (ရှဲလ်) က နှစ်တန်းပါ၊ 2001 (Late) ကစပြီးတော့ ရှေ့ Grill (ရှဲလ်) က တစ်တန်း ပဲ ဖြစ်သွားပါတယ်။ ရှဲလ် ကတစ်တန်းပဲ ဖြစ်သွားပေမဲ့ ပိုကြီးလာပြီးတော့ နှင်းခွဲမီး နေရာပါ ပါလာပါတယ်။ Logo က လဲ အပေါ်နား နဲနဲ တက်သွားပါမယ်။ ရှေ့မီးကြီးလဲ ပြောင်းသွားသလို၊ ပါးခြမ်းမီးလဲ ပါလာပါတယ်။ နောက်မီးခွက်တွေလဲ လုံးဝပြောင်းလဲသွားပြီး အချက်ပြမီးကလဲ သီးသန့်ဖြစ်သွားပါမယ်။ Interior (အတွင်းခန်း) ပိုင်းနဲ့ ခွဲကြည့်မယ်ဆိုရင်တော့ Console (ဒိုင်ခွက်) က ပထမ ၃လုံးကနေ ၂ လုံးဖြစ်သွားပြီး Air-con အပေါက်တွေလဲ မသိမသာလေးပြောင်းသွားပါတယ်။
“X” Grade ကတော့ အခြေခံအကျဆုံးဖြစ်ပြီး Power Steering, Power Windows တွေကတော့ ပုံမှန်ပါပေမဲ့ Air-con က တော့ Manual (ဂျောက်ဂျက်) ဖြစ်ပါတယ်။ မှန်ချိုးမှန်ခေါက် စနစ်ပါ၀င်ပြီး နောက်ကြည့်မှန် အချက်ပြမီး တော့ မပါပါဘူး။ အတွင်းခန်း ထိုင်ခုံ အမဲရောင် ဖြစ်ပါမယ်။
“X G Edition” မှာတော့ Air-Con တော့ Digital ဖြစ်သွားပါမယ်။ အတွင်းခန်း အဝါ နဲ့ လာပါမယ်။
“S” Grade မှာလဲ A/C Digital ဖြစ်လာတာသာမက Gear ပုံစံ ဟာ “ဇစ်ဇက်” အဖြစ်ပြောင်းသွားပါမယ်။ Push Start လဲ ဖြစ်သွားပါလိမ့်မယ်။ ဒါပေမဲ့ မဖြစ်တဲ့ ကားတွေလဲ ရှိပါတယ်။ အများစုကတော့ ဖြစ်ကြပါတယ်။ Body ပိုင်းအနေနဲ့ ဆိုရင်တော့ ဘေးတွေမှာ Skirt ပတ်လည် ပါလာပါမယ်။ ရှေ့မီးလုံးကတော့ HID ဖြစ်သွားပါမယ်။
အဲ့ ကျွန်တော် အပေါ်မှာပြောဖို့ ကျန်သွားသဗျ။ “Z Aero Tourer” ဆိုတဲ့ Grade လေးလဲ အနည်းငယ်ပြောပြဦးမယ်ဗျ။ ဒီ Z Aero Tourer က တော့ လူငယ်ကြိုက်ပေါ့။ ဘာကြောင့်လဲဆိုတော့ Sport Type ဆန်တယ်လေ။ သူကလဲ “S” Grade လိုပဲ Skirt ပတ်လည်ပါမယ်။ ဒါပေမဲ့ ဂီယာကတော့ တည့်ဖြစ်သွားမယ်ခင်ဗျ၊ ထူးခြားချက်တစ်ခုက ရှေ့ ဘန်ဘာတွေက ဇကာကွက်ပုံစံဖြစ်လာပြီး အဲ့ပေါ်မှာ "Z" တံဆိပ်လေးပါလာပါမယ်။ “Z Aero Tourer” မှာတော့ 2WD နဲ့သာလာပါတယ်ခင်ဗျာ။
အောက်မှာတော့ သူ့တို့ရဲ့ Chassis နံပါတ်တွေနဲ့ အတူ Engine Power တွေကို ခွဲခြားပြသပေးလိုက်ပါတယ်။
Grade---------Drive System-----Engine Power--Chassis
X,X G----------2WD---------------1500CC----------NZE121
X,X G----------4WD---------------1500CC----------NZE124
S---------------2WD---------------1800CC----------ZZE122
S---------------4WD---------------1800CC----------ZZE124
Z Aero Tourer-2WD--------------1800CC---------ZZE123

စက်ယန္တယားတွေအကြောင်း
ကားအကြောင်း တင်ဆက်ပေးမှာမို့
Channelလေးကို Subscribeလုပ်ဖို့ ဖိတ်ခေါ်ပါတယ်ဗျာ
👇👇👇👇👇👇👇👇👇👇👇👇👇👇👇👇👇👇
https://t.me/mecEngr

သူကတော့ မျိုးဆက်ပြောင်းသွားတာကြောင့် ကားရဲ့ Body ပိုင်းဆိုင်ရာတော်တော်များများ ပြောင်းသွားမှာဖြစ်ပါတယ်။ မြန်မာအခေါ်အဝေါ်နဲ့ ဆိုတော့ “ရုပ်ပြောင်း” ပေါ့။
ဘာတွေပြောင်းသွားမလဲဆိုရင်တော့ မီးခွက်တွေ၊ ကားရဲ့ Body အချိုးအစားတွေ၊ Grade ဖော်ပြတဲ့ပုံစံတွေ၊ Logo နေရာတွေ…. တော်တော်လေးပြောင်းသွားတယ်ဗျ။
Interior(အတွင်းပိုင်း) ကျတော့ ပထမ နဲ့ယှဉ်ရင် တော်တော်လေးကွာလာပြီးတော့ ခေတ်မှီလာပါတယ်။ အရင် ဂီယာက ပထမမှာတုံးက တည့်အနေနဲ့ လာရာနေ ဇစ်ဇက် ဖြစ်သွားပါမယ်။ Chassis နံပါတ်တွေက လဲ ပြောင်းလဲသွားပြီးတော့ 2WD နဲ့ 4WD က တော့ ရှိတုန်းပါပဲ။ ကားရဲ့ Grade တွေကလဲ 1.5X, 1.5X HID, 1.5HID LTD, 1.5X G Edition နဲ့ 1.5X Aero Tourer ဆိုပြီးဖြစ်သွားပါတယ်။
1.5X ကတော့ ရိုးရိုးပုံမှန် Grade ပဲဖြစ်ပြီးတော့ အတွင်းခန်း အမဲရောင် နဲ့ လာပြီး A/C က Manual (ဂျောက်ဂျက်) ဖြစ်သွားပါတယ်။ နောက်မှန်ငါးချပ်မဲ တဲ့ ကောင်တွေမှာ ဘက်မှန် အချက်ပြမီးပါ၀င်လာပါတယ်။
1.5X G Edition မှာတော့ “X G” တုန်းကလိုပဲ A/C Digital ဖြစ်သွားပါမယ်၊ Push Start တွေပါလာပေမဲ့ မပါတာလဲ ရှိနိုင်တာကြောင့်အသေမှတ်လို့မရပါ။
1.5X Aero Tourer ကတော့ အရင် “Z Aero Tourer” လိုပါပဲ၊ Sport type ဖြစ်တဲ့ အတွက် SKIRT တွေဘေးပတ်လည်ပါလာတာပါ။ ထူးထူးခြားခြား ပြောင်းလဲချက်က သိပ်မရှိပေမဲ့ "Z" တံဆိပ်လေးကတော့ Grill (ရှဲလ်) ပေါ်မှာ ရှိမနေတော့ပါဘူး။
1800CC နဲ့ လာတဲ့ Aero Tourer မှာတော့ 1.8S Aero Tourer ဆိုပြီးဖြစ်သွားပါမယ်။ 1.5X Aero Tourer နဲ့ ကွဲပြားမှုသိပ်မရှိပါ။ Engine Power သာကွာသွားမယ်လို့မှတ်ရပါမယ်။
နောက်တစ်ခုအနေနဲ့ X HID Limited ဆိုတဲ့ Grade လေး တစ်ခုက စိတ်၀င်စားစရာကောင်းလို့ ထပ်ပြောလိုက်ပါမယ်။
X HID ဆိုတဲ့ အတိုင်း HID မီးလုံးက အခြား Grade တွေလို Xenon Headlight ချည်းပဲမဟုတ်တော့ပဲနဲ့ မြန်မာအခေါ်အဝေါ် ကြောင်မျက်လုံး ပုံစံ ဖြစ်သွားပါမယ်။
သူ့တို့တွေရဲ့ Chassis တွေကတော့ 1500CC အတွက် 2WD ဆိုရင် NZE141 နဲ့ 4WD ဆိုရင် NZE144 ဆိုပြီးလာပါတယ်။
1800CC အတွက် 2WD ဆိုရင် ZRE142 နဲ့ 4WD ဆိုရင် ZRE144 ဆိုပြီးဖြစ်သွားပါမယ်ခင်ဗျ။
မြန်မာနိုင်ငံအနေအထားနဲ့ ဆိုရင်တော့ ဒီလို ကားသေးပိုင်းမှာ 2WD ကိုတော့ လူကြိုက်များကြပါတယ်ခင်ဗျာ။
ဒီလောက်ဆိုရင်တော့ Toyota Corolla Fielder အကြောင်း တစေ့တစောင်း တော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

ကြိုက်နှစ်သက်တယ်ဆိုရင် like & shareလေးလုပ်ခဲ့
ပေးကြပါအုန်းခင်ဗျာ🙏

To Original Upload

Address

Magway
04016

Telephone

+959986788927

Website

facebook.com

Alerts

Be the first to know and let us send you an email when KKT posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KKT:

Shortcuts

Want your business to be the top-listed Autos & Automotive Service in Magway?

KKT