فضاء السائق المهني الصفريوي Odtl

10/08/2026

📢 من أجل تسوية الديون المتراكمة على السائقين المهنيين

السائق المهني اليوم كيعاني من تراكم مجموعة من الديون والغرامات، والهدف ماشي هو إسقاط المسؤولية، ولكن إيجاد حل واقعي وإنساني يساعد السائق يخرج من هاد الوضعية ويرجع يخدم بشكل قانوني ومستقر.

🔹 الرؤية المقترحة: فتح باب تسوية استثنائية للديون المتراكمة، عبر:

- جدولة الديون على أقساط ميسّرة وطويلة المدى.
- إعفاء أو تخفيض جزء من الغرامات والزيادات.
- توقيف الإجراءات القاسية خلال فترة التسوية.
- تمكين السائق من أداء مستحقاته تدريجياً دون ما يتوقف مصدر رزقه.

هاد الإجراءات، إلا تم اعتمادها، غادي تكون حل رابح للجميع: السائق يسترجع الاستقرار ديالو، والإدارة تضمن استخلاص مستحقاتها، والقطاع كيمشي نحو تنظيم أفضل.

✊ ما كنطلبوش الامتياز، كنطلبو حل عادل وواقعي يحافظ على كرامة السائق المهني ومصدر رزقه.

04/08/2026

---

علاش المازوت ولا كيشعل؟

الزيادة الأخيرة فالمازوت فالمغرب ماشي غير رقم فالطّابلو، هي نتيجة مباشرة لسياسة التحرير اللي بدات من 2015، واليوم كتكمّل بقطع الدعم الاستثنائي اللي كانت كتعطيه الوزارة للمهنيين.

الحكومة كانت كتعطي دعم ديال 3 دراهم على كل لتر للمهنيين باش تخفف عليهم الصدمة، ولكن ملي توقف هاد الدعم ورجعات زيادات جديدة، وصل المازوت لحوالي 12.90 درهم للتر والليصانص قريب لـ 14 درهم، وحتى زيادات اخرى ديال 0.45 درهم فالليلة وحدة، ولا الحال لا يطاق عند المهني.

فين كاين الخلل؟

الدولة كتبرر هاد الشي بتقلبات السوق الدولية وأن الدعم كيكلفها 180 مليون دولار كل شهر، ولكن الواقع أن المهني الصغير هو اللي كيخلص الفاتورة. النقابات ديال النقل كتقول بالواضح أن تجاوز المازوت لـ 10 دراهم كيضرب القطاع كامل وكيهدد السلامة الطرقية.

الآثار السلبية اللي ما كيهضر عليها حد:

المهني مقتول: مول الطاكسي والشاحنة ولا النقل المزدوج، الكلفة ديالو طلعات بـ 40%، والمدخول بقا هو هو. الدعم اللي كان ما كانش كيغطي حتى الزيادة الحقيقية.

المواطن كيخلص: ملي كيغلى المازوت، كلشي كيغلى. الخضرة، النقل، الحافلات. لأن النقل هو العمود الفقري ديال أي سلعة.

اقتصاد غير مستقر: المهنيين دابا عايشين فالترقب وفقدان الأمل فأي إصلاح حقيقي، وولاو كيطالبو غير يرجع الدعم الشهري المنتظم باش يبقاو خدامين.

الخلاصة: قطع الدعم فهاد الظرفية ماشي ترشيد للنفقات، هو نقل للأزمة من ميزانية الدولة لجيب المواطن البسيط والمهني الصغير. بلا تسقيف للأسعار وبلا دعم حقيقي ومنتظم، أي زيادة فالمازوت هي زيادة مباشرة فالفقر وغلاء المعيشة.

21/07/2026

@معاناة سائق سيارات الأجرة بالمغرب بين الإكراهات اليومية والدوريات الوزارية@
يُعد سائق سيارة الأجرة بالمغرب من الفئات التي تساهم بشكل كبير في ضمان تنقل المواطنين، لكنه يواجه يومياً مجموعة من الصعوبات التي تؤثر على ظروف عمله واستقراره المهني. فمن جهة، يعاني من ارتفاع أسعار المحروقات، وتكاليف الصيانة، وقطع الغيار، والتأمين، إضافة إلى المنافسة المتزايدة مع وسائل النقل غير المهيكلة والتطبيقات الرقمية.
ومن جهة أخرى، فإن الدوريات الوزارية التي تهدف إلى تنظيم القطاع أثارت نقاشاً واسعاً بين المهنيين، خاصة فيما يتعلق بتنظيم استغلال المأذونيات، والعقود النموذجية، وشروط مزاولة المهنة. ويرى عدد من السائقين أن بعض هذه الدوريات، رغم سعيها إلى تأهيل القطاع وتحسين جودة الخدمات، لم تعالج جميع الإشكالات الاجتماعية والمهنية، ولا تزال تطرح تحديات مرتبطة بحقوق السائقين وعلاقتهم بالمستغلين وأصحاب المأذونيات.
ورغم الجهود التي تبذلها وزارة الداخلية لتحديث القطاع عبر الرقمنة، والتكوين، وتحسين المراقبة، وتجديد الأسطول، فإن العديد من المهنيين يطالبون بإصلاح شامل يضمن الكرامة المهنية، والعدالة في تنظيم المأذونيات، وتحسين الحماية الاجتماعية، بما يحقق التوازن بين مصلحة السائق، وجودة الخدمة، وحقوق المواطنين.

16/07/2026

الحقيقة هي أن قطاع الطاكسي بحال أي قطاع آخر فيه المزيان وفيه الخايب ولكن المشكل هو أن بزاف ديال الناس ولات كتعتبر الشيفور هو المسؤول على كل الفوضى مع العلم أن بزاف ديال المشاكل سببها سوء التنظيم وقرارات ما عندوش فيها لا يد ولا دخل
الشيفور كيخدم داخل منظومة مفروضة عليه وإذا كانت هاد المنظومة فيها اختلالات فمن غير المنطقي نحملوه المسؤولية
إلى كان الهدف فعلاً هو إصلاح القطاع فالحل ماشي هو السب والتعميم ولكن المطالبة بتنفيذ القوانين والتنظيم وإصلاح حقيقي يعالج أصل المشكل ماشي غير النتيجة
الانتقاد مرحبا به ولكن خاص يكون موجه للمسؤول ماشي لأضعف حلقة فهاد القطاع.
وتحياتي للعقول الراقية

16/07/2026

سبحان الله الحق والحقوق كتبان للمواطن غير عند شيفور طاكسي ...
ايييه اسيدي من حقك يديك فين ابغيتي ويديك حسب قانون سيارات الاجرة ...

لكن كنتمنى تطالب بحقوقك الاخرى في الادارة والمستشفيات وحق العيش الكريم وحقك في السكن والعمل ..

كما تفعل في الطاكسي متانزلش حتى يجي المسؤول او الشرطة ..

الحكرة ما يقبلها لا ربي لا عبدو ..

راعييو لظروف ذاك السائق ..

المعيشة كلها اتزادت الا ذيك التعريفة 3 شادين كورسة والزحام ب ثمن أقل من2,50 dh للبلاصة ...كرديان تحشم تعطيها ليهفسائق الطاكسي يعتبر من روافد الحياة اليومية،حيث يلعب دورا حيويا في تسهيل حركة الناس وتوصيلهم إلى وجهاتهم المختلفة.لكن ما لا يلاحظه الكثيرون هو التشويه الإعلامي الذي يتعرض له هؤلاء المهنيون،حيث يتم تسليط الضوء على الجوانب السلبية دون التركيز على الإيجابيات والتحديات التي يواجهونها
يتعين على الجميع أن يدركوا أن سائقي سيارات الأجرة هم جزء لا يتجزأ من نسيج المجتمع، وعلينا جميعا أن نحترم عملهم ونقدّر جهودهم في تسهيل حياة الناس اليومية.
عاش الطاكسي ولا عاش من خانه
وتحية للمهنيين الشرفاء !!!!

تحياتي .

16/07/2026

14/07/2026

بيان # إستنكاري # وتوضيح # للرأي # العام # الصفريوي #
لقد تداول الموقع المحقق كونان وبعض المدونين خبر إلقاء القبض على سائق مهني لسرقته مفقودات في سيارة الأجرة وتسويف وتزوير الحقائق في هذه الحادثة ربما لغرض في نفسه
ليست هذه هي المرة الأولى الذي ينشر هذه المغالطات وزرع الفتنة بين السائقين المهنيين من جهة والزبائن و المجتمع الصفريوي من جهة أخرى لا لشئ إلا لجمع اللايكات والجيمات
باش إدير البوووز
هيهات غير أجي أدير البوز
البوز كيدار بالمصداقية ماشي بالأخبار الكاذبة وتزوير الحقائق
والسبق الصحفي ماشي غير لي سمعتيها فالزنقة تنشرها
باش تكون صحفي خاصك الدليل بين إديك أترجع الى المحاضر الرسمية لي دارت في هذه الواقعة عاد تنشر الحقائق ماشي لي جابهالك راسك تنشرها وتشوه السمعة والصورة دواحد آخر
والحقيقة كولها غتكون بين إديك فمحضر رسمي نهار تتقابل مع المعني بالأمر أمام القضاء

14/07/2026

الله يهدي ماخلق

28/05/2023

في ظل المشاركة في الدورة السادسة للمجلس الوطني للمنضمة الديمقراطية للنقل و اللوجستيك متعددة الوسائط

10/05/2023

/حوار خيالي مستوحى من واقع الدوريات 444 و 750/

لآلة المأدونية و بنت عمها الحلاوة و بنت بنت عمها الروسيطة جمعتهم واحد الجلسة حول واحد البراد ديال أتاي و كعب الغزال لتدارس ما جاءت به المذكرة 750 و المذكرة 444..

و بالطبع لالة المأدونية بحكم الأقدمية هي لي فتحت الاجتماع قائلة : شحال هادي ما تجمعا في شي مناسبة ؟

- قالت الحلاوة : راك عارفة ألالة الخدمة دالي كا تكون غير تحت الطابلة و تم محبوسة..

قالت الروسيطة : و أنا و الله ما كنرتاح لا بنهار لا بالليل و لا في العطل و لا في العيد و انا جالسة معاكم دبا حنت مول طاكسي دار كسيدة ..

- قالت لآلة المأدونية : سمعتو هاد البلان الجديد ديال الداخلية قاليك غادي تضبطنا و تنظمنا تقول حنا سايبات و لا ما عندنا لي يدافع علينا

- قالت الحلاوة : سمعت ألالة رآه عينهم فيك مباشرة

_ردت عليها لآلة المأدونية : رآه بسبابك المسخوطة من نهار تولدتي تولدو معاك المشاكل بقيتي طلعي طلعي حتى نوضتي علينا العافية .

_ ردت عليها الحلاوة : ياك الآلة... ديما كا ترمي كلشي على ضهري و أنا لي رفعت ليك الشأن و عليت قيمتك بعد ما كنتِ كتمشي في فابور و لا سادين عليك في المجر ..

تدخلت الروسيطة قائلة : نعلو الشيطان واش تجمعنا باش نشوفو الحل ولا نديرو المشاكل

نظرت إليها لآلة المأدونية و قالت : سكتي يا فليفلة كلشي خرج منك بقيتي تمصي في دم الشيفورات حتى ولاوو طامعين فيا أنااااا بنت القاع و الباع و لي عمرت غير القصور و الديور الكبار أناااا دور بيا الوقت و نتربط بشيفور

ردت عليها الروسيطة : و لآلة المأدونية واش ما في خباركش . الشيفور مبقاش حاملك و يطالب بإسقاطك مقابل يرخصو ليه بالقانون

و التفتت الروسيطة الى أمها الحلاوة : و قاليك الحلاوة ما غتبقاش و حتى حاجة ما غتبقى دوز تحت الطابلة

ردت عليها امها الحلاوة : و انت أبنيتي غا تفلتي زعما !!!

اجابتها ابنتها الروسيطة : أنا ما زال حايرين فيا العلماء ديالهم و ما زال مالقاو ليا الحل هههه

- ردت عليها لآلة المأدونية : ضحكي.. عندك الحق أبنتي الروسيطة ..لقيتي الشيفورات مساكن و حقرتي عليهم ..

قاطعتهم الحلاوة : هادشي لي جاي رآه كاس غا نشربو منها جميع و و خاصنا نديرو اليد في اليد باش نحبسو هاد الطوفان قبل ما يجرفنا..واش بغيتو الشيفورات و النقابات يتشفاو فينا

-قالت الروسيطة : كنقترح نوسعو القاعدة ديالنا رآه كاين بزاف ضد هاد المذكرات و انا غا نبدا من اليوم التواصل مع معلمين الشكارة لي معانا قلبا و قالبا

و قالت الحلاوة : و أنا غا نتواصل مع صحابي السماسرية لي كلاو معايا الكاميلة و حتى هوما ما عاجبهمش الحال

و قالت لآلة المأدونية : هذا مقترح في المستوى و بدوري أنا غا نتواصل مع أصحابي أصحاب المأدونيات و نديرو تنسيق قوي وراكم عارفين شكون معانا أما الشيفورات رآه معاهم غير الله اما النقابات و الجمعيات في سبات ..

شربو شربو اتي هاكي كعب غزال

انتهى