مركز icheck - للكشف الحديث عن مشاكل السيارات

18/07/2026

30/07/2025

تم توفير ماكينة تنظيف رشاشات حديثة في المركز ✅ Gdi و العادي ✅ الطريق السريع كوبري جندوبة

14/02/2022

تعطل محرك السفينة ولم يتمكن أحد من إصلاحه ، لذلك أحضروا مهندسًا ذو خبرة كبيرة جدا .

فتش المحرك بعناية فائقة،من أعلى إلى أسفل بعد فحص كل الأشياء ، مد الرجل يده إلى حقيبته وأخرج مطرقة صغيرة
ونقر بلطف على شيء ما في المحرك، على الفور عاد المحرك إلى الحياة. تم إصلاح المحرك!

بعد 7 أيام ، أرسل المهندس إلى الملاك فاتوره بمبلغ 10000 دولار !
قال ملاك السفينة أنت بالكاد لم تفعل أي شيء 🤔 . أرسل إلينا فاتورة مفصلة.

فكان الرد ببساطة :
استخدام مطرقة= 2 دولار .
معرفة مكان النقر ومقدار النقر بقوة معينة = 9998 دولار .

👈 *....:::::العبرة:::::....*
انت لما تطلب مني شيء واعمله في 5 دقائق
انت لا تدفع لي ثمن الدقائق التي عملت فيها أنا
انت تدفع لي ثمن سنين من الخبرة التي تعلمت فيها كيف أصلحها.

12/06/2021

مركز i-Check 👨🏼‍💻👨🏻‍🔧
فني كهرباء سيارات 🚙
كشف و اصلاح أعطال بالجهاز ⚠️
سفتوير كامل للسيارة ⚠️🚙
كشف أعطال ABS ⚠️
طفي لمبات العداد AIRBAG, SRS
تصليح كل الاعطال الكهربائية المتعلقة بالسيارات
تصليح دينيمو، موتيرينو. اضاءة
كهرباء عاااااامة ⚡
تعريف لارم... تعريف كود للسيارة.. 🔌
غريان - بجانب كوبري جندوبة
لأي استفسار تواصل على بريد الصفحة 🤩

09/02/2021

تخفيض خاااص لملاك ال كيا و ال هونداي🤑🤑🤑
سيارتك كود وعندك مفتاح وحدة ؟؟؟وخايف تريح وتقعد تغير في منظومة تامة بهاديكة الحسبة ؟؟ أقرب جاااي داير تخفيض سمح لنسخ المفتاح الإحتياطي 😃ولمدة أسبوع من تاريخ هذا المنشور فقط ب (120) دينار تاخذ نسخة على مفتاح سيارتك 🙂🙂
شارك المنشور ،،،،يستفيد غيرك

25/12/2020

هدرزة اليوم على حساس الكولو او الcrankshaft position sensor
حساس الكولو مكانه في الجبة مقابل للترس متع الكولو او "السفرة" متع الكولو ،،، وظيفة الحساس هذا انه يحسب عدد لفات المحرك و سرعة لفات المحرك... و يعطي في القراءة مباشرة الى بوكس السيارة ECU, و في بعض السيارات الي فها بوكس خاص بالبوبينات يرسل في الاشارة للبوكس هذا طول.
حساس الكولو مسؤول على توزيع الكهرباء على البوبينات او الignition coils... و فيه من سيارات الحساس نفسه مسؤول على توليع بومبة البنزينه fuel pump.
في حالة انضربلك الحساس هذا اذا انضرب مرة وحدة ،،، السيارة مش راح تولعلك.. و في من حالات لما الحساس يسمع او يتلخبط، السيارة تصيرلها تقطيعة في الطريق و نفضات قوية.. بمعنى السيارة تطفى و تولع في اجزاء من الثانية... و ب الطبيعي اول ما يصير خلل الحساس ح تولع لامبة التشيك 😉.
لايك و مشاركة و كل يوم هدرزة جديدة ان شاء الله 🙏

04/12/2020

⭐اكبر سوق سيارات على مستوى الجبل هوا سوق الاصابعة اليوم الجمعة :
⭐عندك سيارة فاها لامبة تشيك والعة ⚠️و تبي تطفيها، لامبة إيرباق لامبة ABS ... تعالى لمركز iCheck للكشف 🔍الحديث على اعطال السيارات بالكمبيوتر 💻 نطفولك اللامبات كلهم و اذا كان السيارة فها عطل تعرف عطلك شنو و مرات انصلحولك🔧🔩 في نفس الوقت باش ربي يباركلك في بيعتك ↗️↗️
⭐خديت سيارة من السوق و تبي تكشف علاها و اتشوف وضعها شنو بزبط كذلك تفضل عندنا في المركز عندنا اجهزة كشف اعطال و عندنا فني كهرباء سيارات 👍🏻⭐⭐
مركز iCheck لكشف اعطال جميع انواع السيارات
الطريق الرابط بين غريان و الاصابعة بجانب معصرة الاجنف سابقاً
هاتف رقم 0916201562
👌🏻

29/11/2020

شن هيا لامبة ال check؟🤔
هل تعرف إنه كل شئ كهربائي في السيارة مربوط مع بوكس السيارة واللي يسموه عقل السيارة 🦲
يعني من الأخير السيارة تنضرب فاها حاجة تعطي علم للعقل والعقل ماعنداش كيف يتكلم كان هذا راهو كلمك كلام🗣
الشي الوحيد اللي يقدر يديره يولعلك لامبة التشك⚡
يعني لازم تمشي ترفعها لجهاز والجهاز بدوره زي المترجم لعقل السيارة يقرأ المشكلة ويحددها ويقولك وين العطل
لكن لو ال تشك تولع ومادورهاش شن يصير؟
بإختصار السيارة تبدأ زي المريض اللي مش عارف شن يوجع فيه مرة يقول سني 🦷 ومرة يقول ظهري ومرة يقول رجلي ومرة بطني😆
ولهذا السبب في جميع السيارات دايرين وصلة باش تقرأ منها كمبيوتر السيارة وتعرف مشكلتها وهذا يختصر عليك وعلى الميكانيكي مجهود تتبع المشكلة وبدل كل واحد يقولك غير هذي والا جرب هذي 👌