الأعطال الكهربائية-السيارات

11/06/2026

مهم شوية

11/06/2026

06/06/2026

موضوع خارج نطاق السيارات .
عندي غسالة عدسة وقفت ماعادش تاخذ امية
بعد الكشف لقيت الصمام مايفتحش
اتصلت بالخبراء قالوا لو الفلتر نظيف معناها الصمام انضرب
لما حركته من مكانه خدم وفصل
غيرت صمام جديد نفس الشي
قست الكهرباء مافيش
اتصلت قالوا لوحة مضروبة
كسدت شوية نمتص في الصدمة وفجأة جتني فكرة
فتحت الطابة متاع تصريف المية طلعت امية تقريبا لتر ...
ولعت الغسالة ولعت والامور تمام والحمد لله
كيف قلت غدوة بندير الكشف ب100 باش نلقط حق غسالة .
الشاهد فيه حاجات تافهة تخليك تلف على روحك وتصرف فلوس في الهواء

03/06/2026

سوناتا 2017 2.4GDI
السيارة فيها مشكلتين
الاولى حساس الطرق داير تأمينة للمحرك ماتشرينش فوق ال2500 مسحت الخطأ لكن السبب مش معروف و فيها ضعف بومبة تشي وبومبة gdi صمام الضغط مضروب غيرناهم
السيارة تعدلت وتنحت الغصة وتعطيل الولوع
البارح انطفت بيه وماعادش ولعت والمحرك ماعادش يلف
طلع طوبو الدفاية مضروب والسيارة سخت ومن كثر التوليع الموتورينو انضرب وهذا كله ومؤشر الحرارة في الوضع الطبيعي وهذا العيب في اغلبية السيارات لأن التشيبولة تقرأ في حرارة الماء فقط .
صاحب السيارة قال بداية المشاكل ركب فيها شخص قال له سيارتك مريحة تقول مقعمز في مربوعة☠️☠️...

24/05/2026

يجي يقولك عندي تسريب كهرباء
تسأله يقولك بطارية جديدة ... نحي المرسيتة في الليل والصبح ركبها وولع
لو ولعت السيارة معناها تسريب لو ما ولعتش معناها بطارية مبوكة .
يقولك جربتها ونفس الشي...... هكي معناها بطارية

تفتح الكوفني تلقى بطارية تركية والا تلقاها متنجرة ومطلعة مادة تقول يكر فيها وراه .

بطارية بالهون يا زعيم مش تسريب

23/05/2026

الصبح جاني زبون سيارته ازيرا 2007
قال السيارة غاصة نبي نشوفها
لما سألته كيف الغصة قال توصل ال40 ماعادش تاخذ والجيراماطور يوصل لل5 والسيارة ماتمشيش .
قلت له ورشة كمبيوات ..... سيبني نتكلم ومشى قعمز يمتص في الصدمة

22/05/2026

قبل ما تفكر تحط يديك بتصلح حاجة ضروري تكون عارفها كيف تخدم بالعلم مش بكلام تسمعه من حد مش فاهم ويفتي يبي لايكات وخلاص .
موديفكات لبز وخدمة لبز وتخصصات خاشة بعضها ماعادش تعرف الميكانيكي من صاحب محل قطع الغيار من الكهربائي .
اخدم ربي يعينك لكن افهم قبل