02/10/2026
🚘 Dashboard එකේ ලයිට් එකක් දැල්වුණාම ඒකෙන් කියන්නේ මොකක්ද?
හැම ලයිට් එකක්ම දැල්වෙන්නේ දෝෂයක් නිසාම නෙවෙයි. සමහර ලයිට්වලින් වාහනයේ යම් පහසුකමක් ක්‍රියාත්මක බවත් පෙන්වනවා. මේ ලයිට් 16 ගැන දැනගනිමු. 👇
🔴 1. Brake System
Handbrake එක දාලා තියෙන විට දැල්වෙන්න පුළුවන්. ඒක නිදහස් කළත් ලයිට් එක නිවෙන්නේ නැත්නම්, brake fluid අඩුවීමක් හෝ තිරිංග පද්ධතියේ දෝෂයක් වෙන්න පුළුවන්. ආරක්ෂිතව නවතා පරීක්ෂා කරගන්න.
🔴 2. Battery Charging
එන්ජිම ක්‍රියාත්මක වෙද්දී මේ ලයිට් එක දැල්වෙනවා නම් බැටරිය නිසි ලෙස charge නොවෙන ගැටලුවක් වෙන්න පුළුවන්. බැටරියට අමතරව alternator එක, belt එක හෝ විදුලි සම්බන්ධතාත් හේතු වෙන්න පුළුවන්.
🔴 3. Coolant Temperature
එන්ජිමේ coolant උෂ්ණත්වය අධික බව පෙන්වනවා. Coolant අඩුවීමක් හෝ cooling system එකේ දෝෂයක් හේතුවක් වෙන්න පුළුවන්. ආරක්ෂිතව නවතා එන්ජිම නිවා දමන්න. එන්ජිම උණුසුම්ව තිබියදී radiator cap එක අරින්න එපා.
🔴 4. Low Oil Pressure
එන්ජිමේ ඔයිල් පීඩනය අඩු බවට අනතුරු ඇඟවීමක්. ඔයිල් ප්‍රමාණය අඩුවීම හෝ ඔයිල් සංසරණයේ ගැටලුවක් නිසා ඇතිවෙන්න පුළුවන්. ආරක්ෂිතව නවතා එන්ජිම වහාම නිවා දමන්න. ඔයිල් මට්ටම හරි තිබුණත් මේ ලයිට් එක නොසලකා ධාවනය කරන්න එපා.
🟡 5. Check Engine
එන්ජිම, විමෝචන පාලන පද්ධතිය හෝ අදාළ sensorsවල ගැටලුවක් හඳුනාගත් විට දැල්වෙනවා. ඇතැම් වාහනවල automatic gearbox සම්බන්ධ දෝෂ නිසාත් දැල්වෙන්න පුළුවන්. නිවැරදි හේතුව හඳුනාගන්න diagnostic පරීක්ෂාවක් අවශ්‍යයි. ලයිට් එක දිගින් දිගටම blink වෙනවා නම් වහාම අවධානය යොමු කරන්න.
🟡 6. Tyre Pressure
ටයර් එකක හෝ කිහිපයක හුළං පීඩනය අඩු වූ විට දැල්වෙනවා. මුලින් blink වෙලා පසුව දිගටම දැල්වෙනවා නම්, පීඩනය මනින TPMS පද්ධතියේ දෝෂයක් වෙන්නත් පුළුවන්.
🟡 7. Traction Control
රෝද ලිස්සා යාම පාලනය කරන්න පද්ධතිය ක්‍රියාත්මක වෙද්දී ලයිට් එක blink වෙන්න පුළුවන්. දිගටම දැල්වෙනවා නම් පද්ධතියේ දෝෂයක් හෝ, වාහනය අනුව, එය අක්‍රිය කර ඇති බව පෙන්වන්න පුළුවන්.
🔴 8. Airbag System
එන්ජිම පණගැන්වූ පසුවත් නිවෙන්නේ නැත්නම්, airbag හෝ seat belt pretensioner පද්ධතියේ දෝෂයක් වෙන්න පුළුවන්. අනතුරකදී ඒවා නිසි ලෙස ක්‍රියා නොකරන්න ඉඩ තියෙන නිසා ඉක්මනින් පරීක්ෂා කරගන්න.
🟡 9. Low Fuel
ටැංකියේ ඉන්ධන ප්‍රමාණය අඩු බව පෙන්වනවා. ඉතිරිව ධාවනය කළ හැකි දුර වාහනය සහ ධාවන තත්ත්වය අනුව වෙනස් වෙන නිසා ඉක්මනින් ඉන්ධන පුරවාගන්න.
🟡 10. Diesel Glow Plug
ඩීසල් එන්ජිම පණගැන්වීමට පෙර අවශ්‍ය උණුසුම ලබාදෙන glow plugs ක්‍රියාත්මක බව පෙන්වනවා. සාමාන්‍යයෙන් ලයිට් එක නිවුණු පසුව එන්ජිම පණගන්වන්න. ධාවනයේදී දිගටම දැල්වීම හෝ blink වීම පරීක්ෂා කළ යුතු දෝෂයක් වෙන්න පුළුවන්.
🟡 11. Front Defogger
ඉදිරිපස වීදුරුවේ බැඳෙන මීදුම හෝ වාෂ්ප ඉවත් කරන පහසුකම ක්‍රියාත්මක බව පෙන්වනවා. මෙය සාමාන්‍යයෙන් දෝෂයක් පෙන්වන ලයිට් එකක් නෙවෙයි.
🔴 12. Seat Belt
රියැදුරු හෝ හඳුනාගත් මගියෙකු seat belt එක පැළඳ නැති බව මතක් කරනවා. සමහර වාහනවල ආසනය මත තැබූ බර බෑගයක් නිසාත් මෙය දැල්වෙන්න පුළුවන්.
🔺 13. Hazard Lights
මේ සලකුණෙන් හඳුන්වන්නේ දෙපස indicator lights එකවර blink කරන hazard පහසුකමයි. බොහෝ වාහනවල මෙය බොත්තම මත තිබෙන අතර, ක්‍රියාත්මක කළ විට dashboard එකේ දෙපස ඊතල එකවර blink වෙනවා.
🟢 14. Press Brake Pedal
බ්‍රේක් පැඩලය පාගන්න කියන මතක් කිරීමක්. Automatic වාහනයක gear lever එක P ස්ථානයෙන් මාරු කිරීමට හෝ, වාහනය අනුව, පණගැන්වීමට පෙර මෙය පෙන්වන්න පුළුවන්.
🟡 15. ABS
ධාවනයේදී දිගටම දැල්වෙනවා නම්, තිරිංග යෙදීමේදී රෝද lock වීම වළක්වන ABS පද්ධතියේ දෝෂයක් පෙන්වනවා. සාමාන්‍ය තිරිංග ක්‍රියා කළත් ABS සහාය නොලැබෙන්න පුළුවන්. Brake System ලයිට් එකත් සමඟ දැල්වෙනවා නම් ආරක්ෂිතව නවතා සහාය ලබාගන්න.
🟡 16. Rear Fog Light
පසුපස fog light එක ක්‍රියාත්මක බව පෙන්වනවා. මෙය දෝෂයක් නෙවෙයි. දෘශ්‍යතාව යහපත් වූ පසු එය නිවා දමන්න, පිටුපස රියැදුරන්ගේ ඇස්වලට අපහසුවක් ඇතිවිය හැකියි.
💡 වාහනය පණගැන්වීමට පෙර සමහර ලයිට් කෙටි වේලාවකට දැල්වීම සාමාන්‍ය පරීක්ෂාවක කොටසක්. සලකුණු සහ ඒවායේ අර්ථ වාහන මාදිලිය අනුව වෙනස් විය හැකි නිසා ඔබේ වාහනයේ අත්පොතත් බලන්න.
🔧 Auto gearbox එකේ ගැටලුවක් ගැන සැකයක් තියෙනවාද? රසංජන මෝටර්ස් වෙතින් නොමිලේ gearbox පරීක්ෂාවක් සඳහා අමතන්න.
📞 011 284 1185 | 077 137 5195
📍 නො. 42, පරණ පාර, පන්නිපිටිය
මේ තොරතුරු අවශ්‍ය වෙලාවක බලන්න Save කරගන්න. තවත් රියැදුරෙකුට දැනගන්න Share කරන්න.
