04/02/2024
صوت فيروز يعلو
في قهوة عالمفرء
في موئد وفي ناس
إيه يا فيروز ، لا بئى قهوة ولا موئد ولا بئى ناس.الأهوة بئت بلا طعم والناس كبرو وتفرقو شي مات شي سافر لبعيد وآكلتهن الغربه وما بئى غيرى يتفئد اللي بقيوا واللي بئيو كثير ئلال .
والسيارة عم تمشي تتوصل الجسر العتيئ وفيروز عم تغني عالجسر العتيئ
كنا نتلائى من عشية
ونئعد على الجسر العتيئ
وتنزل على السهل الضباب
تمحي المدى وتمحي الطريئ
والجسر العتيئ لو تعرفي يا فيروز صار كثير كتير عتيئ ولا ظل أحباب ولا ظل أصحاب ولا ظل حدن يئعد على الجسر العتيئ.
والسيارة عم تمشي تصرنا عحدود البلاد وفيروز عم تغني
احكيلي عن بلدي احكيلي
احكيلي عن بلدي احكيلي
يا نسيم اللّي مارء عَ الشّجر مئابيلي
عن أهلي حكايِة، عن بيتي حكايِة
عن جار الطّفولِة حكايِة طويلِة
يا نسيم اللّي مارئ عَ أرض الغار
حلّفتك تجي تلعَب عندي بهالدَّار
خبّرني انْ كان بعدو بيذكِرني
بِبَلدي وعَ السَّهرة ناطرني
ساعات الفرح القليلة
حبيبي احكيلي
إيه يا فيروز عم توجعني كلماتك وتصحي اللي كان غافي بئلبي
بلادي صارت أسيرة والجيران اللي كانوا صاروا غربا وتفرقوا في البلاد ما بئيت غيرى أنا والليل والعتم الغريب وساعات الفرح كثير ئليلة.
حلّفتك خبّرني كيف حال الزّيتون
والصّبي والصّبيّة بِفَيّ الطّاحون
واللّوزة والأرض وسمانا
هَو هنّي بلدنا وهوانا
زهرالإيّام البخيلِة
حبيبي احكيلي
إيه يا ستي
حال الزيتون حزين كثير حزين يا فيروز والصبي أسير والصبية ناطرة وما نسيت إيام الصبى
واللوزة اقتلعها الغرباء و الأرض سرقوها وسمانا ما عادت سمانا والأيام غدت عقيمة وبخيلة ما ظل زهرة ولا عطر
ما ظل غير الذكرى بتوجع الئلب.
Mohamad Majdallawi
