14/01/2024
6ສິ່ງທີ່ຄວນຮູ້ກ່ອນຕັດສິນໃຈຊື້ລົດໄຟຟ້າ
1 ໄລສະໄຕສຊີວິດການໃຊ້ລົດ.
ກ່ອນທີ່ເຮົາຈະເລືອກຊື້ລົດຈັກຄັນຫນຶ່ງໂດຍສະເພາະລົດໄຟຟ້າ ເຮົາຕ້ອງຮູ້ກ່ອນວ່າສະໄຕລຊີວິດການຂັບຂີ່ຂອງເຮົາ ແຕ່ລະວັນໄດ້ໃຊ້ລົດເຮັດຫຍັງແດ່ເຊັ່ນ: ຊື້ມາຈະໃຊ້ວຽກແບບໃດ? ທ້ຽວໄປການ, ໃຊ້ແລ່ນວຽກວຽກທົ່ວໄປ, ໃຊ້ໄປຫາລູກຄ້າ ພົວພັນທຸລະກິດ, ເປັນລົດປະຈໍາຕໍາແຫນ່ງ, ໃຊ້ອອກວຽກຕ່າງແຂວງ ຫລື ອື່ນໆ ເຊີ່ງສິ່ງສໍາຄັນທ່ານຕ້ອງໄດ້ຄໍານວນເຖິ່ງການເດີນທ່ານເຫລົ່ານັ້ນ ວ່າເຫມາະສົມຫລືບໍ່? ສະເລ່ຍມີການເດີນທາງຈັກກີໂລຕໍ່ວັນ? ສາກ1ຄັ້ງໃຊໄດ້ຈັກວັນ? ແນ່ນອນແຕ່ລະທ່ານຈະມີອັດຕາທີເດີນທາງຕໍ່ວັນທີແຕກຕ່າງກັນ, ດັ່ງນັ້ນໃຫ້ເລືອກລົດປະເພດທີສາມາດຕອບໂຈດກັບໄລຍສະໄຕລຂອງທ່ານ.
2 ແບ໋ດເຕີຣີ
ແນ່ນອນວ່າ ຖ້າເວົ້າເຖິ່ງລົດໄຟຟ້າທຸກທ່ານກໍຈະຮູ້ດີວ່າ ແບ໋ດເຕີ້ຣີ ຖືເປັນຫົວໃຈຫລັກຂອງໄຟຟ້າຢູ່ແລ້ວ, ເມືອເຮົາຈະຊືລົດໄຟຟ້າຈະຕ້ອງໄດ້ເຊັກເບີ່ງສະເປັກຂອງແບ໋ດເຕີ້ຣີຂອງລົດລຸ້ນດັ່ງກ່າວເສຍກ່ອນ ວ່າຜະລິດມາຈາກວັດສະດຸປະເພດໃດ?, ມີຄວາມຈຸໄຟຟ້າເທົ່າໃດ?, ສາມາດແລ່ນໄດ້ຈັກກີໂລຕໍ່ການສາກໄຟ1ຄັ້ງ, ການສາກໄຟຈາກ 0-100% ໃຊ້ເວລາຈັກນາທີ?, ລະບົບສາກໄຟຟ້າຮອງຮັບໄດ້ຈັກແບບ? ສະຖານທີພັກອາໄສຢູ່ ສາມາດຕິດຕັ້ງຕູ້ສາກໄດ້ ຫລື ບໍ່ເປັນຕົ້ນ. ດັ່ງນັ້ນໃຫ້ທ່ານພິຈາລະນາອົງປະກອບເຫລົ່ານີ້ໃຫ້ຕົງກັບການໃຊ້ງານຂອງທ່ານ. (ການທີເຮົາເລືອກຄວາມຈຸຂອງແບ໋ດເຕີ້ຣີໃຫ້ພໍດີກັບການໃຊ້ງານຂອງທ່ານ ຈະຊ່ວຍໃຫ້ທ່ານປະຫຍັດງົບທີຈະຕ້ອງເລືອກລົດລຸ້ນແບ໋ດເຕີ້ຣີສະເປັກສູງໆແລະ ຄາລາຄາສູໄດ້).
3 ການວາງແຜ່ນການເດີນທາງ.
ເມື່ອເວົ້າເລື່ອງໃຊ້ລົດໄຟຟ້າຢູ່ບ້ານເຮົາຕອນນີ້ຍັງມີຂໍ້ຈໍາກັດໃນການໃຫ້ບໍລິການຕູ້ສາກໄຟຢູ່. ສະຖານທີທີ່ໃຫ້ສາກໄຟຍັງມີບໍ່ຫລາຍເທົ່າທີຄວນ. ດັ່ງນັ້ນທ່ານໃດຈະໃຊ້ລົດໄຟຟ້າຈໍາຕ້ອງໄດ້ມີການວ່າງແຜ່ນຫລວງຫນ້າເສຍກ່ອນວ່າຈະເດີນທາງໄປຈຸດໃດ, ຕ້ອງໄດ້ເຊັກເບີ່ງວ່າເສັ້ນທາງທີ່ເຮົາຈະໄປນັ້ນ ມີຕູ້ສາກໃຫ້ບໍລິການຫລືບໍ່ ແລະ ຕ້ອງໄດ້ເຊັກໄລຍະທາງພ້ອມວ່າເມືອໄປຮອດຈຸດນັ້ນແບ໋ດຈະເຫລືອຈັກເປີເຊັ້ນ? (ທາງທີດີຄວນຄໍານວນໃຫ້ເພື່ອໄວຈັກ30%ເມື່ອໄປເທິ່ງຈຸດສາກ ແລະ ຕ້ອງພົກພາສາຍ ແລະ ອຸປະກອນສາກຕິດລົດໄປພ້ອມທຸກໆຄັ້ງ ເພື່ອໃນເຂດບໍ່ມີຕູ້ສາກໃຫ້ບໍລິການ ຈໍາເປັນຕ້ອງໄດ້ສາກໄຟໃນບ້ານທົ່ວໄປ) ສໍາຕູ້ສາກໃນປະຈຸບັນອີງຕາມຂໍ້ມູນຜູ້ໃຫ້ບໍລິການ ແອບຂອງ LOCA EV CHARGER ແມ່ນມີທັ່ງຫມົດ 17 ຈຸດ ດັ່ງນີ້:
- ນະຄອນຫລວງວຽງຈັນ ມີ6 ຈຸດ
- ວັງວຽງ 3 ຈຸດ
- ເມືອງເຟືອງ 1 ຈຸດ
- ຫລວງພະບາງ 2 ຈຸດ
- ປາກຊັນ 1 ຈຸດ
- ເຂົ້າທາງແບ໋ງ ຫລັກຊາວ 1 ຈຸດ (ພູພາມານ)
- ທ່າແຂກ 1 ຈຸດ
- ສະຫວັນນະເຂດ 1 ຈຸດ
- ປາກເຊ 1 ຈຸດ
ລາຍລະອຽດແມ່ນສາມາດດາວໂຫລດ ແອບຂອງ LOCA EV
- ອິງຕາມການເຕີບໂຕຂອງອຸດສະຫະກໍາລົດໄຟຟ້າຂອງໂລກໂດຍສະເພາະໃນປະເທດລາວ ທາງລັດຖະບານກໍໄດ້ມີນະໂນບາຍຮ່ວມມືກັບບັນດາບໍລິສັດຕ່າງໆ ເພື່ອເລັ່ງພັດທະນາເລື່ອງພະລັງງານໂດຍສະເພາະຕູ້ສາກໃຫ້ພຽງພໍກັບການຂະຫຍາຍຕົວໃນຂອບເຂດທົ່ວປະເທດ, ເຊິ່ງນະໂນບາຍໃນງານສໍາມະນາໃຫຍ່ ( Laos National Electric Vehicle Summit ວັນທີ່ 2/4/2019 ລັດຖະບານລາວໄດ້ຕັ້ງເປົ້າຫມາຍວ່າພາຍໃນປີ2030 ຈະໃຫ້ມີລົດໄຟຟ້າແລ່ນທຸກສາຍສູງເຖິ່ງ 30%)
4 ການຮັກສາ ຫລື ສ້ອມແປງ
ເນື່ອງຈາກລົດໄຟຟ້າມີອົງປະກອບຂອງສ່ວນຕ່າງຫນ້ອຍກວ່າລົດທີໃຊ້ເຄື່ອງຈັກ ແລະ Functionການໃຊ້ງານຕ່າງໆໃນລົດກໍຈະເປັນລະບົບໄຟຟ້າທັງຫມົດ ສະນັ້ນຖ້າລະບົບໃດ1ມີບັນຫາ ລະບົບກໍຈະເຕືອນ ແລະ ສາມາດກວດເຊັກບັນຫາຂອງລົດໄດ້ດີກວ່າ. ດ້ວຍທີ່ລົດໄຟຟ້າມີສ່ວນທີຫນ້ອຍກວ່າ ບວກກັບມີລະບົບການກວດເຊັກທີທັນສະໃຫມ່ກວ່າ ລົດໄຟຟ້າຈິ່ງໄດ້ປຽບໃນການສ້ອມແປງງ່າຍກວ່າ ແລະ ການເຂົ້າສູນກວດເຊັກສະພາບປະຈໍາກໍມີອັດຕາທີຫນ້ອຍກວ່າ, ໂດຍປົກກະຕິລົດໃຊ້ນໍ້າມັນຈະເຂົ້າກວດເຊັກໃນສູນ ທຸກໆການແລ່ນໄດ້ປະມານ 10,000Km ແຕ່ຖ້າເປັນລົດໄຟຟ້າຈະສະເລ່ຍຢູ່ 20,000Km.
5 ຄວາມທັນສະໃຫມ
ເວົ້າເລື່ອງຄວາມທັນສະໃຫມ່ຂອງລົດໄຟຟ້າໃນໃນປະຈຸບັນແມ່ນຢູ່ໃນຊ່ວງການແຂ່ງຂັນກັນຢ່າງຫນັກ. ບັນດາບໍລິສັດ ຫລື ຄ່າຍທີ່ຜະລິດລົດໄຟຟ້າແມ່ນໄດ້ສຸ່ມໃສ່ໃນການພັດທະນາTcehnology ຂອງຕົວເອງໃຫ້ກ້າວຫນ້າບໍ່ຢຸດຢັ້ງ. ໃນເມືອມີການແຂ່ງຂັນກັນແບບນີ້ ແນ່ນອນລົດໄຟຟ້າກໍຈະຖືກພັດທະນາໃຫ້ທັນສະໃຫມ່ຂື້ນເລື່ອຍໆ.ເຊິ່ງປະຈຸບັນ ຖ້າທຽບກັບລົດໃຊ້ນໍ້າມັນແລ້ວເຫັນວ່າລົດໄຟຟ້າແມ່ນລໍາຫນ້າກວ່າຢ່າງຊັດເຈນຕົວຢ່າງ:
ລະບົບ Solfware ລົດໄຟຟ້າແມ່ນມີຄວາມສາມາດຫລາຍຢ່າງ ເຊັ່ນ: ສາມາດສັ່ງການຜ່ານໂທລະສັບໄດ້, ມີລະບົບຂັບຂີ່ອັດຕາໂນມັດ ຫລື Autopilot, ມີລະບົບຄວາມປອດໄພໃນການຂັບຂີ່ແມ່ນຂອນຂາງດີ, ທີສໍາຄັນແມ່ນສາມາດ Update Solfware ຕາມການປັບປຸງຂອງລຸ້ນນັ້ນໄດ້ອີກ, ຕໍ່ໄປຈະໄດ້ຍິນຄໍາວ່າ Smart cars ໃນວົງການລົດຍົນໄຟຟ້າຫລາຍຂື້ນເລື່ອຍໆ.
6 ລາຄາ
ສໍາລັບລົດໄຟຟ້າທີ່ເຂົ້າມາຈໍາຫນ່າຍຢູ່ບ້ານເຮົາມີຫລາຍຢີ່ຫໍ້ ແລະ ມີຫລາຍລາຄາໃຫ້ເລືອກ ເຊິ່ງຂື້ນກັບເງື່ອນໄຂ ແລະ ປັດໃຈຂອງແຕ່ລະທ່ານ ລາຄາທີ່ຈໍາຫນ່າຍລົດມື1ເລີ່ມຕົ້ນ 20,000$ ຂື້ນໄປ, ຖ້າທຽບກັບລາຄາລົດນໍ້າມັນແລ້ວ ຍັງເຫັນວ່າບາງລຸນແມ່ນຍັງມີລາຄາແພງກວ່າເລັກນ້ອຍ ແຕ່ຖ້າທຽບໃຊ້ການປະຫຍັດແລ້ວ ລົດໄຟຟ້າຈະໄດ້ປຽບກ່ອນຊັດເຈນຕົວຢ່າງ:
ການເດີນທາງໄປກັບ ຈາກນະຄອນຫລວງ- ຫລວງພະບາງ
• ລົດນໍ້າມັນຈະມີຄ່າໃຊ້ຈ່າຍເຕີ່ມນໍ້າມັນຢູ່ປະມານ 1,400,000-1,800,000 ກີບ
• ລົດໄຟຟ້າ ຈະມີຄ່າໃຊ້ຈ່າຍສາກໄຟປະມານ 400,000 ກີບ
#ລົດໄຟຟ້າລາວ #ສູນບໍລິການຫລັງການຂາຍລົດໄຟຟ້າລາວ #ສູນບໍລິການມາດຕະຖານສູງ #ຂາຍລົດໄຟຟ້າ #ຕິດຕໍ່78946514
#ຄວາມຮູ້ລົດໄຟຟ້າ
