05/05/2022
មានបញ្ហាក្នុងការថែរក្សាសុវត្ថិភាព គណនី Telegram ហើយមានអារម្មណ៍ថាមាននរណាម្នាក់កំពុងព្យាយាមលួចចូលក្នុងគណនីរបស់អ្នកជារៀងរាល់ថ្ងៃមែនទេ?
ពួកយើងសូមបង្ហាញអ្នកពីរបៀបដើម្បីធានាថាគណនីរបស់អ្នកគ្មានការត្រូវបានគេលួចចូល និងមានសុវត្ថិភាពតឹងរ៉ឹង ដោយប្រើគន្លឹះទាំងបីខាងក្រោម៖
• កំណត់ការចាក់សោរលេខសម្ងាត់៖
កំណត់មុខងារ “ចាក់សោរលេខសម្ងាត់” ដើម្បីការពារទិន្នន័យផ្ទាល់ខ្លួនរបស់អ្នក ដែលអាចកំណត់បានទាំងនៅលើ Andriod និង IOS ដោយចូលទៅកាន់ setting -> Privacy and Security-> Passcode Lock ហើយធ្វើការបើកវា។ វានឹងរក្សាគណនីតេឡេក្រាមរបស់អ្នកឱ្យមានសុវត្ថិភាពជាងមុនពីហានិភ័យណាមួយ
• កុំឆ្លើយតបនឹងសារក្លែងក្លាយ៖
ចងចាំជានិច្ចថា telegram នឹងមិនដែលសួរអ្នកឱ្យបញ្ជាក់ពីអត្តសញ្ញាណរបស់អ្នកទេ។ បើឃើញបែបនេះ អ្នកនឹងអាចសម្គាល់បានហើយថា វាមិនមែនជា link ត្រឹមត្រូវនោះទេ ហើយវាជាការក្លែងបន្លំយ៉ាងច្បាស់!
• ប្រើពាក្យសម្ងាត់ខ្លាំង៖
យើងស្នើឱ្យអ្នកបង្កើតពាក្យសម្ងាត់ខ្លាំង ឬប្រើគេហទំព័របង្កើតពាក្យសម្ងាត់ដែលខ្លាំង។ ពាក្យសម្ងាត់ខ្លាំងត្រូវតែវែង យ៉ាងហោចណាស់ 15 តួអក្សរ មានអក្សរធំ អក្សរតូច លេខ និងតួអក្សរពិសេសរួមជាមួយ។ វាជាពាក្យសម្ងាត់តែមួយគត់ ហើយអ្នកមិនគួរបញ្ចូលព័ត៌មានផ្ទាល់ខ្លួនក្នុងពាក្យសម្ងាត់នេះទេ។
