មជ្ឈមណ្ឌលឆៀកយានយន្ត - HK Car Inspection Center

  • Home
  • Cambodia
  • Phnom Penh
  • មជ្ឈមណ្ឌលឆៀកយានយន្ត - HK Car Inspection Center
Call Directions Website Contact the business

មជ្ឈមណ្ឌលឆៀកយានយន្ត - HK Car Inspection Center ស្វាគមន៍មកកាន់ទំព័រផ្លូវការ​ មណ្ឌលត្រួតពិនិត្យលក្ខណៈបច្ទេកទេសយានយន្ត បឹងបៃតង​ សែនសុខ មានទីតាំងនៅ https://goo.gl/maps/qSsU6FT5vDU25i4d6
(2)

សូមស្វាគមន៍អតិថិជនទាំងអស់មកកាន់ page ផ្លូវការរបស់ក្រុមហ៊ុន អេចខេ ខា អុិនស្ពេកសិន (ខេមបូឌា) ខូ អិលធីឌី ដែលជាមជ្ឈមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) បឹងបៃតង ខណ្ឌសែនសុខ រាជធានីភ្នំពេញ។

យើងខ្ញុំទាំងអស់គ្នា សូមកោតសរសើរ និងថ្លែងអំណរគុណយ៉ាងជ្រៀលជ្រៅបំផុត ដល់ម្ចាស់យានយន្តទាំងអស់ ដែលមានការជឿទុកចិត្តខ្ពស់មកលេី មជ្ឈមណ្ឌលត្រួតពិនិត្យលក្ខណៈបច្ចេកទេស (ឆៀក) HK បឹងបៃតង សែនសុខ ដែលលោកតែងតែយកយានយន្តទំនេីបៗជាទីស្រឡាញ់មកឆៀកបានយ៉ាងទៀងទាត់ ដោយសារតែកន្លែងរបស់យើងខ្ញុំ មានទីតាំងធំទូលាយ មានច្រកឆៀកសម្រាប់រថយន្តទំនេីបៗ ស៊េរីខ្ពស់ ច្រកឆៀកសម្រាប់រថយន្តគ្រួសារ ធុនស្រាល AWD ឬ 4WD ច្រកឆៀកសម្រាប់រថយន្តធុនធ្ងន់គ្រប់ប្រភេទរហូតដល់

លេខកំហាប់ប្រេងម៉ាស៊ីនរថយន្ត តើវាជាប់ពាក់ព័ន្ធនឹងអាកាសធាតុឬអត់?=============នៅពេលអ្នកទិញ ឬប្តូរប្រេងម៉ាស៊ីនម្តងៗ ចំណុចដ៏ស...
16/10/2026

លេខកំហាប់ប្រេងម៉ាស៊ីនរថយន្ត តើវាជាប់ពាក់ព័ន្ធនឹងអាកាសធាតុឬអត់?
=============
នៅពេលអ្នកទិញ ឬប្តូរប្រេងម៉ាស៊ីនម្តងៗ ចំណុចដ៏សំខាន់បំផុតគឺលេខកំហាប់ប្រេងម៉ាស៊ីនតែម្តង ដែលមានដូចជាលេខ
0W-20, 5W-30 ឬ 10W-40 ជាដើម ថាតើលេខមួយណាដែលត្រូវនឹងរថយន្តរបស់អ្នក។ តើលេខកំហាប់ប្រេងម៉ាស៊ីននេះ មានអត្ថន័យយ៉ាងណាខ្លះ?

អក្សរ W តំណាងឱ្យពាក្យ Winter បកជាខ្មែរថា រដូវរងា ឬអាកាសធាតុត្រជាក់។ ដូច្នេះលេខដែលនៅជាប់អក្សរ W នេះ សំដៅលើកម្រិតរាវឬខាប់នៃប្រេងម៉ាស៊ីន នៅពេលម៉ាស៊ីនរថយន្តត្រជាក់ ដែលមានលេខចាប់ពី 0 ដល់ 25។ លេខខាងមុខនេះ គឺមានសារៈសំខាន់ណាស់ក្នុងការជ្រើសរើស ជាពិសេសនៅប្រទេសដែលមានអាកាសធាតុត្រជាក់ ឬធ្លាក់ទឹកកក ព្រោះថាបើលេខវាកាន់តែធំ នោះវានឹងរឹតតែខាប់ ដែលពិបាកដល់ការបញ្ឆេះរថយន្ត។

ដោយឡែកសម្រាប់ប្រទេសអាកាសធាតុក្តៅ មិនចោទជាបញ្ហាប៉ុន្មានឡើយ។ ចំណែកលេខកំហាប់នៅខាងក្រោយ គឺសំដៅទៅលើកម្រិតរាវ ឬខាប់នៃប្រេងម៉ាស៊ីន នៅពេលម៉ាស៊ីនរថយន្តក្តៅ ឬហៅថា Normal Temperature បើមើលលើកុងទ័រកម្តៅវិញ គឺនៅពេលទ្រនិចវាចូលដល់សីតុណ្ហភាពនៅចំណុចកណ្តាល។ សម្រាប់លេខនៅខាងក្រោយនេះ បច្ចុប្បន្នគឺវាមានលេខកម្រិតរាវទាបបំផុតចាប់ពីលេខ 8 ដល់លេខខាប់បំផុត 60។ ដូចគ្នាដែរ លេខកាន់តែតូច គឺកាន់តែរាវ ហើយលេខកាន់តែធំ គឺកាន់តែខាប់ នៅពេលម៉ាស៊ីនរថយន្តកំពុងដំណើរការ។

គួររម្លឹកដែរថា លេខកំហាប់ប្រេងម៉ាស៊ីននេះ គេហៅថា Multi Grade ដែលត្រូវបានកំណត់ស្តង់ដារដោយអង្គការ SAE (Society of Automotive Engineers) តាមរយៈការពិសោធលើលំហូរប្រេងក្នុងស្ថានភាពពីរផ្សេងគ្នាដូចដែលបានរៀបរាប់ខាងលើ គឺស្ថានភាពម៉ាស៊ីនរថយន្តនៅពេលត្រជាក់ ដែលស្ថិតក្រោមលក្ខខណ្ឌអាកាសធាតុខាងក្រៅ និងពេលម៉ាស៊ីនរថយន្តក្តៅដែលកំពុងដំណើរការ។

យ៉ាងណាមិញ បើសួរថាតើរថយន្តអ្នកគួរប្រើលេខកំហាប់ប៉ុន្មាន? ការពិតទៅរាល់រថយន្តនីមួយៗ គឺសុទ្ធតែមានការណែនាំចេញពីក្រុមហ៊ុនផលិតហើយ ដូច្នេះគួរប្រើប្រាស់តាមការណែនាំ។ ប៉ុន្តែបើរថយន្តមានអាយុកាលច្រើនឆ្នាំហើយ សូមយករថយន្តទៅជួបជាមួយអ្នកជំនាញដើម្បីវាយតម្លៃពីកម្រិតសឹករិចរិលរបស់ម៉ាស៊ីន និងជ្រើសរើសលេខកំហាប់ប្រេងឱ្យបានត្រឹមត្រូវ៕

🚦តើរថយន្តណាមានសិទ្ធទៅមុន? 👇ចូលរួមឆ្លើយទាំងអស់គ្នាដើម្បីយល់ដឹងបន្ថែមអំពី សិទ្ធិអាទិភាពលើផ្លូវប្រសព្វ ប្រសិនគ្មានផ្លាកសញ្...
15/10/2026

🚦តើរថយន្តណាមានសិទ្ធទៅមុន?

👇ចូលរួមឆ្លើយទាំងអស់គ្នាដើម្បីយល់ដឹងបន្ថែមអំពី សិទ្ធិអាទិភាពលើផ្លូវប្រសព្វ ប្រសិនគ្មានផ្លាកសញ្ញាសម្គាល់!!!

#សិទ្ធិអាទិភាពលើផ្លូវប្រសព្វ #គោរពច្បាប់ចរាចរណ៍ #សុវត្ថិភាពជាចម្បង

14/10/2026

🙏 សូមលំឱនកាយ វាចា និងចិត្ត ថ្វាយមហាព្រះរាជកុសលដ៏ឧត្តុង្គឧត្តម
ក្នុងឱកាសខួបគម្រប់ ១៤ព្រះវស្សា នៃការយាងសោយព្រះទិវង្គតរបស់ព្រះករុណា ព្រះបាទសម្តេចព្រះ នរោត្តម សីហនុ «ព្រះបរមរតនកោដ្ឋ» យើងខ្ញុំសូមថ្វាយមហាព្រះរាជកុសល និងឧទ្ទិសថ្វាយចំពោះដួងព្រះវិញ្ញាណក្ខន្ធព្រះអង្គ។

សូមបួងសួងដល់គុណព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមព្រះវិញ្ញាណក្ខន្ធព្រះបរមរតនកោដ្ឋ បានយាងទៅកាន់សុគតិភព កុំបីឃ្លៀងឃ្លាតឡើយ។ 🙏

១៥ តុលា ២០១២–១៥ តុលា ២០២៦

#ព្រះករុណា_ព្រះបាទសម្តេចព្រះ_នរោត្តម_សីហនុ

🙏 ១៥ តុលា ២០២៦ | ខួប ១៤ឆ្នាំ នៃការយាងសោយព្រះទិវង្គត «ព្រះបរមរតនកោដ្ឋ»នៅថ្ងៃទី១៥ ខែតុលា ឆ្នាំ២០២៦នេះ គឺជាខួបគម្រប់ ១៤ឆ្នា...
14/10/2026

🙏 ១៥ តុលា ២០២៦ | ខួប ១៤ឆ្នាំ នៃការយាងសោយព្រះទិវង្គត «ព្រះបរមរតនកោដ្ឋ»

នៅថ្ងៃទី១៥ ខែតុលា ឆ្នាំ២០២៦នេះ គឺជាខួបគម្រប់ ១៤ឆ្នាំ (១៥ តុលា ២០១២ – ១៥ តុលា ២០២៦) នៃការយាងសោយព្រះទិវង្គតរបស់ព្រះករុណា ព្រះបាទសម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» ជាទីគោរពសក្ការៈដ៏ខ្ពង់ខ្ពស់បំផុត។

ក្នុងឱកាសដ៏មានអត្ថន័យនេះ យើងខ្ញុំសូមសម្ដែងនូវការគោរពដឹងគុណ និងចងចាំជានិច្ចនូវព្រះរាជបូជនីយកិច្ចដ៏ឧត្តុង្គឧត្តម ព្រមទាំងព្រះរាជការលះបង់ដ៏ធំធេងរបស់ព្រះអង្គ ចំពោះជាតិមាតុភូមិកម្ពុជា។ ព្រះរាជគំរូដ៏ថ្លៃថ្លារបស់ព្រះអង្គ នឹងស្ថិតស្ថេរជាអមតៈក្នុងដួងចិត្តប្រជារាស្ត្រខ្មែរគ្រប់ជំនាន់ ជាកូន ចៅ និងចៅទួតរបស់ព្រះអង្គជានិច្ច។

សូមថ្វាយមហាព្រះរាជកុសល និងឧទ្ទិសថ្វាយចំពោះដួងព្រះវិញ្ញាណក្ខន្ធព្រះបរមរតនកោដ្ឋ សូមព្រះអង្គយាងទៅកាន់សុគតិភព កុំបីឃ្លៀងឃ្លាតឡើយ៕ 🙏

#ព្រះបរមរតនកោដ្ឋ #១៥តុលា២០២៦ #ខួប១៤ឆ្នាំ #ព្រះបាទនរោត្តមសីហនុ #ព្រះរាជបូជនីយកិច្ច

ប្តូរប្រេងម៉ាស៊ីនម្តងៗ ធ្លាប់ឆ្ងល់ពាក្យ ILSAC, API និង ACEA លើសម្បកកាដុងដែរឬទេ?====================ជាទូទៅនៅលើសម្បកកាដុង ...
13/10/2026

ប្តូរប្រេងម៉ាស៊ីនម្តងៗ ធ្លាប់ឆ្ងល់ពាក្យ ILSAC, API និង ACEA លើសម្បកកាដុងដែរឬទេ?

====================

ជាទូទៅនៅលើសម្បកកាដុង ឬកំប៉ុងប្រេងម៉ាស៊ីន ព័ត៌មានដែលបង្ហាញធំជាងគេគឺលេខកំហាប់ប្រេង ប៉ុន្តែអ្វីដែលសំខាន់មួយទៀត គឺពាក្យ ILSAC, API និង ACEA ដែលលោកអ្នកគួរតែដឹងផងដែរ ព្រោះវាជាស្ថាប័នដែលទទួលស្គាល់ប្រេងម៉ាស៊ីននោះ។
-ILSAC (International Lubricant Specification Advisory Committee) ត្រូវបានបង្កើតឡើងនៅក្នុងឆ្នាំ១៩៩២។ ILSAC តំណាងឱ្យកិច្ចសហប្រតិបត្តិការរវាងក្រុមហ៊ុនរថយន្តអាមេរិក និងជប៉ុន។ ហើយអង្គការនេះ កំណត់ស្តង់ដារ Performance អប្បបរមាសម្រាប់ប្រេងម៉ាស៊ីន នៅក្នុងរថយន្តសាំង។

តួនាទីរបស់ ILSAC គឺជាស្ពានចម្លងរវាងក្រុមហ៊ុនផលិតប្រេង និងក្រុមហ៊ុនរថយន្ត ដើម្បីធានាថា ប្រេងម៉ាស៊ីននោះ គឺបំពេញតាមតម្រូវការរបស់ Spec រថយន្តដែលជួយដល់ Performance និងបង្កើនអាយុកាលរបស់រថយន្ត។

-API (American Petroleum Institute) បង្កើតឡើងក្នុងឆ្នាំ១៩១៩។ API តំណាងឱ្យគ្រប់ផ្នែកទាំងអស់នៃឧស្សាហកម្មប្រេង និងឧស្ម័នធម្មជាតិរបស់អាមេរិក។ អង្គការនេះមានសមាជិកជិត ៦០០ ដែលសុទ្ធតែជាអ្នកផលិត ដំណើរការ និងចែកចាយថាមពលរបស់អាមេរិក។ API ជាអ្នកទទួលស្គាល់ថា ប្រេងម៉ាស៊ីននោះបានបំពេញនូវស្តង់ដារ Performance របស់ក្រុមហ៊ុនរថយន្ត។ ជាមួយនឹងពាក្យ API នេះ លោកអ្នកក៏នឹងអាចកត់សម្គាល់លើអក្សរ S ផងដែរ ដូចជា SN និង SM ដែលសំដៅដល់ម៉ាស៊ីនសាំង និងអក្សរ C ដូចជា CJ-4 និង CI-4 ដែលសំដៅលើម៉ាស៊ីនម៉ាស៊ូត។

-ACEA (European Automobile Manufacturer’s Association) ជាអង្គការដែលតំណាងឱ្យក្រុមហ៊ុនរថយន្តអឺរ៉ុបធំៗចំនួន១៥។ ការពិតទៅ ACEA មិនមែនជាអ្នកអនុញ្ញាតឱ្យប្រើប្រាស់ប្រេងម៉ាស៊ីននោះទេ ប៉ុន្តែអង្គការនេះជាអ្នកកំណត់ស្តង់ដារ សម្រាប់ក្រុមហ៊ុនប្រេងអឺរ៉ុប តាមរយៈការធ្វើតេស្តដោយប្រព័ន្ធគ្រប់គ្រងគុណភាពប្រេងម៉ាស៊ីនអឺរ៉ុប (EELQMS)។ ប្រេងម៉ាស៊ីនដំបូងដែលមានស្តង់ដា ACEA ដំបូងត្រូវបានដាក់ឱ្យប្រើប្រាស់ក្នុងឆ្នាំ១៩៩៦។

សរុបសេចក្តីមក យើងមិនអាចនិយាយបានទេថារវាងស្តង់ដា API និង ACEA មួយណាល្អជាង គ្រាន់តែអាចពិចារណាបានថា Spec របស់ ACEA គឺលម្អិតជាង ពោលគឺវាត្រូវបែងចែកទៅតាមប្រភេទម៉ាស៊ីនរថយន្តទៀតផង។ ចំណែក API គឺទូលំទូលាយសម្រាប់ម៉ាស៊ីនរថយន្តទូទៅ។ ក្រៅពីនោះ យើងអាចកត់សម្គាល់បានទៀតថា ស្តង់ដា ACEA គឺផ្តោតទៅលើបរិស្ថាន ដូចជាការមិនបញ្ចេញផ្សែង និងសន្សំសំចៃសាំង រីឯ API ផ្តោតខ្លាំងលើការការពារសំណឹក។ ដូច្នេះហើយ ប្រសិនបើអ្នកប្រើប្រាស់ប្រេងម៉ាស៊ីនដែលត្រូវនឹងម៉ាស៊ីនរថយន្តអ្នក ហើយមានទាំង API និង ACEA ទៀតនោះ គឺល្អបំផុតហើយ តែវាក៏មានតម្លៃថ្លៃផងដែរ៕

ពេលណា គួរបើកឬបិទ ប៊ូតុងខ្យល់ដែលមានសញ្ញាព្រួញវិលជុំនេះ?================រថយន្តភាគច្រើនបំផុត គឺសុទ្ធតែមកជាមួយប៊ូតុងខ្យល់ដែល...
13/10/2026

ពេលណា គួរបើកឬបិទ ប៊ូតុងខ្យល់ដែលមានសញ្ញាព្រួញវិលជុំនេះ?

================

រថយន្តភាគច្រើនបំផុត គឺសុទ្ធតែមកជាមួយប៊ូតុងខ្យល់ដែលមានសញ្ញាព្រួញវិលជុំ ដើម្បីប្រើប្រាស់ក្នុងលក្ខខណ្ឌផ្សេងៗ។ មុខងារប៊ូតុងនេះ នៅពេលយើងចុចបើក គឺប្រើប្រាស់សម្រាប់លំហូរខ្យល់ក្នុងកាប៊ីនវិលជុំ តែនៅពេលយើងបិទ វានឹងទាញយកខ្យល់ពីខាងក្រៅចូលមកក្នុងវិញ។ សូមពិនិត្យនូវស្ថានភាពដែលគួរបិទ-បើក ដូចខាងក្រោម៖

១. ស្ថានភាពដែលគួរបើកប៊ូតុងខ្យល់នេះ ពេលបើកម៉ាស៊ីនត្រជាក់ ដើម្បីឱ្យវាឆាប់ត្រជាក់ក្នុងកាប៊ីន ហើយក្នុងទីប្រជុំជន និងកន្លែងដែលមានការកកស្ទះ ដើម្បីកុំឱ្យមានផ្សែងពុលចូលក្នុងកាប៊ីនរថយន្ត។ ជាពិសេសការពារកុំឱ្យមានក្លិនស្អុយ ក្លិនផ្សែង ឬក្លិនណាដែលមិនល្អចូលមកក្នុងកាប៊ីន និងជួយសន្សំសំចៃសាំង ព្រោះវាជួយដល់ប្រព័ន្ធម៉ាស៊ីនត្រជាក់ ជាពិសេសគឺក្នុងអាកាសធាតុក្តៅ។

២. ស្ថានភាពដែលគួរបិទប៊ូតុងខ្យល់នេះ ដើម្បីទាញយកខ្យល់ពីខាងក្រៅ ពេលបើកតាមផ្លូវក្រៅក្រុងស្រឡះល្អ និងមានខ្យល់អាកាសល្អ ដើម្បីបង្កើនអុកស៊ីសែនក្នុងកាប៊ីន ព្រោះវានឹងជួយឱ្យអ្នកបើកបរ និងអ្នករួមដំណើរ ស្រូបអុកស៊ីសែនគ្រប់គ្រាន់ កាត់បន្ថយការងងុយគេង និងការពុល និងជួយសម្អាតអ័ព្ទចេញពីកញ្ចក់រថយន្តបានយ៉ាងលឿនទៀតផង៕

13/10/2026

ថ្ងៃនេះមណ្ឌលឆៀកបឹងបៃតង សែនសុខយើងខ្ញុំ!
បើកដំណើរការឡើងវិញហើយ
ពីម៉ោង ៧ ដល់ ម៉ោង ៥ ល្ងាច​
បន្ទាប់ពីឈប់សម្រាកភ្ជុំ០៣ថ្ងៃមក!

មណ្ឌលឆៀកយានយន្ត HK បឹងបៃតង សែនសុខ សូមឆ្លើយតបនឹងសំណួរដល់ម្ចាស់យានយន្ត ដែលបានសួរថា ក្នុងករណីឆៀកយានយន្តមិនជាប់ (ធ្លាក់) តើគ...
13/10/2026

មណ្ឌលឆៀកយានយន្ត HK បឹងបៃតង សែនសុខ សូមឆ្លើយតបនឹងសំណួរដល់ម្ចាស់យានយន្ត ដែលបានសួរថា ក្នុងករណីឆៀកយានយន្តមិនជាប់ (ធ្លាក់) តើគួរធ្វើបែបណា?

សម្រាប់ចម្លើយមានជម្រើសដូចខាងក្រោម៖

១. ធ្លាក់កម្រិតមួយ (ស្រាល)៖ អនុញ្ញាតចេញវិញ្ញាបនបត្រជូន តែតម្រូវឱ្យម្ចាស់យានយន្ត ត្រូវយករថយន្តរបស់ខ្លួនទៅជួសជុលបន្ថែមនូវរាល់ចំណុចខ្វះខាតដែលមន្ត្រីជំនាញបាន ជម្រាបជូន (ដូចមាននៅក្នុងកិច្ចសន្យាស្រាប់)។

២. ធ្លាក់កម្រិតពីរ៖ មិនអនុញ្ញាតចេញវិញ្ញាបនបត្រជូនទេ គឺតម្រូវដាច់ខាតឱ្យម្ចាស់យានយន្ត យកទៅជួសជុលឡើងវិញរាល់ចំណុចខ្វះខាតទាំងឡាយណា ដែលមន្ត្រីជំនាញបច្ចេកទេសយានយន្តបានចង្អុលបង្ហាញនឹងជម្រាបជូន បន្ទាប់ពីការជួសជុលរួចរាល់ហើយ ម្ចាស់យានយន្ត ត្រូវយករថយន្តមកពិនិត្យបច្ចេកទេសយានយន្ត (ឆៀក) ឡើងវិញ បើមន្ត្រីជំនាញពិនិត្យទៅឃើញថាត្រូវទៅតាមលក្ខណៈបច្ចេកទេសត្រឹមត្រូវហើយ ទើបចេញវិញ្ញាបនបត្រជូន។

បញ្ជាក់៖ (ធ្លាក់កម្រិតទី២នេះ មានរយៈពេលមិនលើសពី 30 ថ្ងៃឡើយ) ហើយក៏ពុំមានតម្រូវឱ្យបង់ប្រាក់ក្នុងការត្រួតពិនិត្យឡើងវិញនោះដែរ)៕

---------------------------------
📍ទីតាំងមជ្ឈមណ្ឌលឆៀក HK បឹងបៃតង សែនសុខ (Map)
(https://goo.gl/maps/qSsU6FT5vDU25i4d6)

☎️លេខទំនាក់ទំនងផ្នែកឆៀក៖ 📲 015 389 800 📲 090 389 800 📲 092 389 800

📨Telegram HK ៖ https://t.me/HKCarInspection_BoengBaitong_015

👉បណ្តាញសង្គមផ្លូវការរបស់ក្រុមហ៊ុន HK៖ https://hk-social-link.vercel.app/

តស់ មកស្វែងយល់អំពីរថយន្តអគ្គិសនីទាំង៣ប្រភេទនេះ! =============បច្ចេកវិទ្យាអគ្គិសនីនេះមិនចាំបាច់ប្រើប្រាស់ប្រេងសាំងដូចជាយ...
12/10/2026

តស់ មកស្វែងយល់អំពីរថយន្តអគ្គិសនីទាំង៣ប្រភេទនេះ!

=============

បច្ចេកវិទ្យាអគ្គិសនីនេះមិនចាំបាច់ប្រើប្រាស់ប្រេងសាំងដូចជាយានយន្តទូទៅទេ ហើយវាដំណើរការដោយប្រើថាមពលអគ្គិសនីពីថ្មដែលអាចសាកចូលបាន។ អ្វីដែលធ្វើឱ្យរថយន្តអគ្គិសនីមានភាពទាក់ទាញជាងមុនគឺដោយសារបច្ចេកវិទ្យាទំនើប និងគុណភាពប្រើប្រាស់រយៈពេលវែង។ សូមពិនិត្យអំពីប្រភេទរថយន្តអគ្គិសនីដូចខាងក្រោម៖

១. រថយន្ត Hybrid (HEV): ប្រើប្រាស់ថាមពលពីម៉ាស៊ីនសាំង និងអគ្គិសនីរួមគ្នា ដើម្បីសន្សំសំចៃ និងបន្ថយការប្រើប្រាស់ប្រេងឥន្ធនៈ។

២. រថយន្ត Plug-in Hybrid (PHEV): អាចសាកថ្មតាមប្រព័ន្ធភ្លើងបាន ហើយប្រើដំណើរផ្សំគ្នារវាងថាមពលអគ្គិសនី និងម៉ាស៊ីនសាំង។

៣. រថយន្តអគ្គិសនីលឿនសុទ្ធ (BEV): ជាប្រភេទរថយន្តដែលប្រើប្រាស់ម៉ាស៊ីនអគ្គិសនីពេញលេញ ដែលអាចដំណើរការដោយថាមពលពីថ្ម។

ជារួម រថយន្តអគ្គិសនីបានផ្តល់នូវបរិយាកាសថ្មីនៃការបើកបរដោយភាពងាយស្រួល និងបរិស្ថានស្អាតបន្ថែមទៀត៕

៦ចំណុចថែរក្សារថយន្តក្នុងរដូវវស្សា! =============ដើម្បីធានាបាននូវសុវត្ថិភាពក្នុងការបើកបរ និងការថែទាំរថយន្តនារដូវភ្លៀង សូម...
11/10/2026

៦ចំណុចថែរក្សារថយន្តក្នុងរដូវវស្សា!

=============

ដើម្បីធានាបាននូវសុវត្ថិភាពក្នុងការបើកបរ និងការថែទាំរថយន្តនារដូវភ្លៀង សូមអនុវត្តគន្លឹះទាំង៦ ដូចខាងក្រោម៖

១. កុំទុកឱ្យដំណក់ទឹកភ្លៀងនៅជាប់ជាមួយរថយន្តយូរពេក ទឹកភ្លៀងនឹងបង្កឱ្យខូចដល់ថ្នាំលាបរបស់រថយន្ត ដូច្នេះសូមលាងរថយន្តបន្ទាប់ពីបានបើកបរកាត់ភ្លៀងរួច។ ប្រសិនបើរថយន្តត្រូវនៅខាងក្រៅរយៈពេលយូរ អាចដុសខាត់ដោយប្រើក្រមួនសម្រាប់ប៉ូលា ហើយក្រមួននេះវាអាចបង្កើតស្រទាប់ការពារស្ដើងនៅលើថ្នាំលាប និងធ្វើឱ្យការសម្អាតលឿនហើយងាយស្រួលបំផុត។

២. ពិនិត្យមើលដំបូល ឬទ្វាររថយន្ត វាជាគន្លឹះមួយដែលមានសារសំខាន់បំផុត ដើម្បីកុំឱ្យទឹកភ្លៀងលេចធ្លាយនៅខាងក្នុងរថយន្ត។ ប្រសិនបើសង្កេតឃើញមានលេចជ្រាប ប្រញាប់ជួសជុលជាបន្ទាន់ បើទុកយូរអាចច្រែះ ឬខូចខាតកាន់តែច្រើន។
៣. លាងសម្អាតឱ្យបានញឹកញាប់ ការសម្អាតឱ្យបានញឹកញាប់នឹងជួយការពារគុណភាពទឹកថ្នាំរថយន្ត ព្រោះនៅក្នុងទឹកភ្លៀងលាយឡំទៅដោយជាតិអាស៊ីដ វាអាចបំផ្លាញគុណភាពទឹកថ្នាំបាន។

៤. ការពារផ្នែកខាងក្នុង ពីព្រោះទឹក និងសំណើម ទោះបីជាមានវិធានការបង្ការទាំងអស់ក៏ដោយ កម្រាលព្រំក្នុងរថយន្តក៏អាចមានសំណើមពីទឹកភ្លៀងបានដែរ។ យកល្អគួរតែប្រើកន្ទេលក្រណាត់ជំនួសជ័រកៅស៊ូ ដើម្បីឱ្យវត្ថុទាំងនោះបឺតយកសារធាតុរាវបានល្អ ហើយក៏ត្រូវតែទុកក្រណាត់ទាំងនោះបន្ថែម ដើម្បីជំនួសនៅពេលណាមួយចាំបាច់ផងដែរ។

៥. ថែរក្សាសម្បកកង់ ជារឿងចាំបាច់បំផុត ពីព្រោះយើងតែងតែបើកបរជាញឹកញាប់លើផ្ទៃរអិល និងភក់ជាដើម។ ដូច្នេះហើយគួរពិនិត្យសម្បកកង់ឱ្យបានត្រឹមត្រូវ ដើម្បីធានាបាននូវសុវត្ថិភាពក្នុងការបើកបរ និងការពាររថយន្តរបស់យើងនៅរដូវវស្សា។

៦. ត្រួតពិនិត្យប្រព័ន្ធហ្វ្រាំង ប្រព័ន្ធហ្វ្រាំងក៏កាន់តែសំខាន់ ព្រោះវាជាប្រព័ន្ធហ្វ្រាំងសុវត្ថិភាពរបស់រថយន្ដ សូមពិនិត្យ និងជួសជុលឱ្យបានត្រឹមត្រូវបំផុត ព្រោះថា កាលណាប្រព័ន្ធហ្វ្រាំងត្រូវទឹក ឬជាប់ភក់ញឹកញាប់ពេកវាក៏អាចធ្វើឱ្យប្រព័ន្ធហ្វ្រាំងរបស់រថយន្តឆាប់ខូចផងដែរ៕

Address

Oknha Mongrithy, Oknha Mong Reththy Street (1928), Phnom Penh 120806
Phnom Penh
120809

Opening Hours

Monday 07:00 - 17:00
Tuesday 07:00 - 17:00
Wednesday 07:00 - 17:00
Thursday 07:00 - 17:00
Friday 07:00 - 17:00
Saturday 07:00 - 17:00

Telephone

+85515389800

Website

,

Alerts

Be the first to know and let us send you an email when មជ្ឈមណ្ឌលឆៀកយានយន្ត - HK Car Inspection Center posts news and promotions. Your email address will not be used for any other purpose, and you can unsubscribe at any time.

Contact The Business

Send a message to មជ្ឈមណ្ឌលឆៀកយានយន្ត - HK Car Inspection Center:

Shortcuts

Share

Category