NoNo Autor

24/09/2024

🤔ចង់និយាយពីLexus RX300 99-03 ដែលមានអាយុ ល្បាក់ជិត30ឆ្នាំហើយ តែការបើកបរនៅ ស្រួលជើងនៅឡើយ ។ ចំពោះធុងសាំងមានចំនុះ75L ។
👉កំរិតស៊ីផ្លូវលាត 11L-13L /100km
👉ក្នុងក្រុងភ្នំពេញ ប៉ុង1អាច 18-20L/100km បើប៉ុង2អាច 20Lស្តើង
⁉️តាមបទពិសោធន៍របស់បងប្អូន យ៉ាងណាដែរ? សូមcomment ប្រាប់ផង👏

#គុនខ្មែរ

07/07/2024

ខ្ញុំនិងធ្វើការចែករំលែកត្រួសៗ អំពីរថយន្ត highlander ចំពោះការស៊ីប្រេង របស់វា

29/05/2023

#បទពិសោធន៍ថ្មី
ថ្ងៃនេះខ្ញុំចង់ចែករំលែក ពីគុណសម្បត្តិ និងគុណវិបត្តិ ប្រភេទ RX400h ដែរធ្លាប់មានបទពិសោធន៍ខ្លះៗលើការប្រើប្រាកន្លងមក

-គុណសម្បត្តិ ជាប្រភេទរថយន្តពាក់កណ្តាលស្វ័យប្រវត្តិ ការប្រើជាមួយនឹងប្រព័ន្ធ hybrid ស៊ីសាំងតិច បើសិនជាន់ថេរ បើជាន់កប់ជើង កុំនិយាយអី😂 កំលាំងម៉ាស៊ីនស្ទុះជាងប្រភេទ Rx330 ចង្កូតក៏ធូរជាង
-កាងពិលជាប្រភេទគុជ ភ្លឺច្បាស់ល្អ ប៉ាណាមានរន្ធខ្យល់រត់ចេញចូល ជំនួយដល់ម៉ាស៊ីនក្នុងពេលរត់ ស្តុបក្រោយជាប្រភេទ LED ស្អាតភ្លឺច្បាស់ល្អ នឹងជះពន្លឺបានឆ្ងាយ រីឯតួក៏វែងជាង ប្រភេទ RX330 បន្តិចផងដែរ សូមកុំយល់ច្រឡំថា RX330 និង400h តួប្រវែងគ្នា គ្រឿងបន្លាស់ដូចគ្នាទាំងអស់ មិនពិតទេ គ្រឿងបន្លាស់អាចត្រូវគ្នាក្នុងបំណែកខ្លះៗដែរ តែមិនច្រើនមុខពេកទេ
-ពេល start ម៉ាស៊ីន នឹងបើកបរមានសភាពស្ងាត់ ជិះទៅមានអារម្មណ៍ល្អមិនរំខានសំឡេងម៉ាស៊ីន

+គុណវិបត្តិ
-ប្រើប្រភេទ hybrid គួរយកចិត្តទុកដាក់បំផុត គឺទឹកស្អំ Coolant វាមានតួនាទីសំខាន់ក្នុងប្រព័ន្ធដំណើរការម៉ាស៊ីន គួរជ្រើសយកប្រភេទ Coolant ដែរមានគុណភាពខ្ពស់ ជាទូទៅ Coolant ឡាន hybrid វាមានពីរកន្លែងខុសពីឡានធម្មតា ទី១ ទឹកស្អំ hybrid ទី២ ធុងទឹក គួរប្រើ Coolent សុទ្ធកុំចាក់លាយជាមួយទឹកធម្មតា បើមិនចង់ត្រៀមលុយពិនិត្យជម្ងឺវា
-តាបឡូ ប្រភេទ ឆាប់ប្រេះ បើសិនជាយើងឧស្សាហ៍ទុកវាចោលហាលថ្ងៃ យល់ល្អយើងអាចបិទ UV ការពារកញ្ចក់ ហើយនឹងគ្រប់កញ្ចក់ ពេលចតក្រោមកំដៅថ្ងៃ តែសូមកុំប្រើប្រាស់ កម្រាលតាបឡូ វាមិនបានជួយការពារ ទេតែ វាជួយឲ្យតាបឡូនឹង ហប់ងាយនឹងប្រេះជាងមិនប្រើ
-ពេលឈប់ស្តុប សូមកុំដាក់លេខ N
-មិនគួរ ប្រើកម្រាលជើង ខុសស្តង់ដារ គ្រប់បិទជិត រន្ធខ្យល់អាគុយ hybrid ដែរនៅខាងក្រោមជើងកៅអីផ្នែក ខាងក្រោយឡើង វាធ្វើឲ្យគ្មានខ្យល់រត់ឆ្លាស់ចេញចូលក្នុងសំណុំអាគុយ
-ចំពោះពាក្យអាចាមរាម ថា ការប្រើប្រាស់ប្រភេទរថយន្តនេះ ឆាប់ខូចអាគុយ hybrid វាមិនពិតទេ វាកម្រនឹងខូចណាស់ បើសិនជាអ្នកប្រើប្រាស់ មិនតប្រព័ន្ធភ្លើងរញ៉េរញ៉ៃ ដូចជា កំលាំងហ្វ្រា អំពូលខុសពីស្តង់ដារ បាស់....។
-ចង្កូតវា ប្រើម៉ែត្រភ្លើង សូមការពារ កុំបុកក្រលុកច្រើនពេកអី បើសិនមិនចាំបាច់
+ឯការជុសជួល អ្នកប្រើប្រាស់ត្រូវដឹងពីឡានយើងខ្លះៗផង ថាវាខូចអី កុំជឿទុកចិត្តជាងខ្លាំងពេក មិនខូច ថាខូច ឯភាគច្រើនតម្លៃគ្រឿងបន្លាស់លើហាងឆេង តាមមាត់ជាងផ្សេងៗគ្នា សូមប្រុងប្រយ័ត្ន

កំរិតស៊ីសាំងក្នុងក្រុង 9-11L/100km ទៅខេត្ត7-9L/100km ការប្រេី​ប្រាស់smoothល្អ​ ត្បិតតែhybrid ប៉ុន្តែជាន់ស្ទុះណាស់ ហេីយមិន​កន្រ្តាក់​ទេ​។ សម្រាប់​ខ្ញុំ​នៅតែ​ពេញ​ចិត្ត​ឡាននេះ ទោះជាវាមានអាយុ10ឆ្នាំ​ជាងហើយក៏ដោយ។
-ជើងក្រោមហាប់ណែនល្អ
រក្សារសំលេងរំខានពីខាងក្រៅបាន80%
ម៉ាសុីនស្ទុះ នឹងឆេះស្ងាត់ ជាន់បានដូចចិត្ត
អាគុយABS មិនងាយមានបញ្ហាដូច Prius ទេ
អាចនិយាយបានថា 👍

29/05/2023

តាមបទពិសោធន៍ប្រើប្រាស់
Toyota Fortuner 2018 ប្រើប្រាស់រាល់ថ្ងៃ មិនទំនើបពេក ហើយក៏មិនអន់ពេកដែរជាប្រភេទឡានSpec Asia មិនមែនជាឡានSpec USA Germeny English 😁
-មានកៅអីអូតូសំរាប់អ្នកបើក ទ្វារក្រោយបើកបិទអូតូ
-មានរូបរាងស្អាត មើលមិនសូវសាំងភ្នែក😅
-ជាMid Size SUV 7កៅអី មិនតូចមិនធំ ប្រើប្រាស់ម៉ាសុីនម៉ាស៊ូត4សុីឡាំង 2.8L 175hp ប្រអប់លេខCVT 6speed ប្រើប៉ុង2 កាប់ពីតាស
-កំរិតសុីប្រេងល្អប្រសើរ(ក្នុងក្រុង8-10L/100km ក្រៅក្រុង6-8L/100km)
-រត់ស្មូតលើផ្លូវរាប ឡានតួរខ្ពស់រៀងឃ្លោងបន្តិច(ដាក់ដៃឃ្លោងរិតតែប្រហើរ) ជើងក្រោមហាប់ល្អ តែរៀងរឹងបន្តិចបើសិនជាជិះម្នាក់ឯង តែបើជិះគ្នាច្រើនល្អ(បើបានដាក់បូមលេងរឹតតែល្អ)
-ល្អប្រើសំរាប់គ្រួសារមានសមាជិកគ្នា7-8នាក់ទាំងកូនក្មេងតូចៗ
-ម៉ាសុីនម៉ាស៊ូតស្ងាត់ល្អ ប្រអប់ល្អ សំរាប់អ្នកស្រលាញ់ឡានម៉ាស៊ូត(មិនRecomments អ្នកប្រើឡានសាំងមកប្រើឡានម៉ាស៊ូតទេ ព្រោះឡានសាំងស្ងាត់ល្អជាង

09/05/2021

04/05/2021

📝🕯️យល់ដឹងទាំងអស់គ្នា ចែរំលែកចំណេះដឹង💡📌

ដោយមើលឃើញថារថយន្ត Toyota Prius ពីឆ្នាំ2004 ដល់ 2009 នៅតែជាម៉ូដែលដែលពេញនិយមនិងការប្រើប្រាស់មានការសន្សំសំចៃខ្ពស់ ថ្ងៃនេះខ្ញុំចង់ចែករំលែកខ្លះៗអំពី អាគុយ Hybrid ដែលភាសាបច្ចេកទសហៅ HV battery (high Votage Battery) និងបញ្ហាដែលអ្នកប្រើប្រាស់រថយន្រប្រភេទនេះជួបប្រទះ។ តាមពិតទៅអាគុយHybrid របស់Toyota prius គឺជាប្រភេទ Nickel Metal hydride battery ដែអាចបង្កើតកម្លាំងបាន 7.2 វ៉ុលហើយក្នុងរថយន្ត Prius បណ្តុំអាគុយរបស់វាមានសរុប 28 សន្លឹកដែចែកចេញជា14ប្លុក និងអាចបង្កើតថាមពលសរុប201.6វ៉ុល និងមានប្រអប់បញ្ជាមួយនៅជាមួយនិងប្រអប់អាគុយដែលមានតួនាទីជាអ្នកត្រួតពិនិត្យ និងដំណើរការជាខួរក្បាលដើម្បីបញ្ជាអោយរថយន្តធ្វើការបាន។ ដំណើរការរបស់អាគុយ hybrid ប្រៀបបានដូចជាថ្មទូរស័ព្ទរបស់យើង ដែលយើងប្រើប្រាស់រាល់ថ្ងៃ និងសាកបញ្ចូលវាដើម្បីប្រើបន្តទៀត។ រាល់ការសាកបញ្ចូលថ្មនិងការប្រើប្រាស់ឡើងវិញក្នុងរយះពេលមួយថ្មរបស់វានិងចាប់ផ្ដើមថយថាមពលបន្តិចម្ដងៗ រហូតដល់ពេលមួយដែលវាខ្សោយដល់អបប្បរមា ប្រអប់បញ្ជានិងធ្វើការកំណត់ថាតើប្លុកមួយណាដែលខ្សោយ ពេលនោះសញ្ញាត្រីកោណពណ៌ក្រហមមានសញ្ញាឧទានចំកណ្តាលនិងបង្ហាញនៅលើ តាប្លូឡានសញ្ញានឹងគេហៅថា Master Warning Light ប៉ុន្តែក្នុងករណីនេះរថយន្តរបស់លោកអ្នកនៅតែអាចបើកបរបានដោយសុវត្ថិភាព ដើម្បីអាចស្វែងរកកន្លែងជួសជុលដែនៅជិតបំផុត។ ករណីមួយទៀតនៅពេលដែលមានអាគុយមួយសន្លឹកណាឆ្លង រឺមានការប៉ោងនិងហ៊ារទឹកអាស៊ីត ក្នុងករណីនេះគឺគ្រប់ប្រព័ន្ធ Hybrid ទាំងអស់នឹងត្រូវបានផ្តាច់ដើម្បីរក្សាសុវត្ថិភាពរបស់អ្នកធ្វើដំណើរ ព្រោះនៅពេលករណីនេះកើតមានឡើងវាអាចធ្វើអោយមានចរន្តឆ្លងកាត់តាមតួរថយន្តដែលអាចធ្វើអោយឆក់បាន។ រាល់បញ្ហាអាគុយ hybrid ទាំងនេះការជួសជុលត្រូវធ្វើឡើងដោយមានជំនាញច្បាស់លាស់ និងទាមទារការយល់ច្បាស់អំពីប្រព័ន្ធរបស់វា ឧទាហរណ៍ៈ ក្នុងករណីអាគុយមួយប្លុកខ្សោយការដោះវាស់ដោយ អ៊ូម៉ែត(Multimeter) មួយមុខគឺមិនអាចទទួលបានភាពច្បាស់លាស់ 100% ក្នុងការសន្និដ្ឋានថាអាគុយនិងខូចទេ គឺតម្រូវអោយមានឧបករណ៍វាស់ថាមពលផ្ទុករបស់អាគុយនីមួយៗគឺ (Battery Capacity tester)។ ហើយបញ្ហាមួយទៀតគឺនៅពេលដែលអាគុយឆ្លង អ៊ូម៉ែត(multimeter) មិនអាចវាស់ដឹងបានឡើយ គឺត្រូវមានឌបករណ៌តេស្តពិសេសដើម្បីដឹងថាមួយណាឆ្លង។

សម្រាប់បងប្អូនដែលកំពង់ប្រើប្រាស់រថយន្តប្រភេទHybrid នេះខ្ញុំសង្ឃឹមថាបងប្អូនអាចទទួលបានការយល់ដឹងពីអត្ថបទមួយ និងអាចជាផ្នែកមួយដែលជួយបងប្អូនកុំអោយមានការបារម្មណ៍ច្រើនចំពោះបញ្ហាអាគុយ និងប្រព័ន្ធសុវត្ថិភាពរបស់ប្រព័ន្ធ hybrid ព្រោះពេលខ្លះច្បាស់ជាមានអ្នកធ្លាប់លឺថាឡានប្រភេទនេះឆក់។ ហើយចំពោះបងប្អូនដែលកំពង់ចង់បានរថយន្តប្រភេទនេះប្រើសង្ឃឹមថាវាជាចំណេះដឹងមួយផ្នែកដែលអាចជួយអោយបងប្អូនសម្រេចចិត្តបានត្រឹមត្រូវក្នុងការជ្រើសរើសរថយន្តប្រភេទ Hybrid មកប្រើប្រាស់។

02/05/2021

🎆ចែករំលែកដឹងទាំងអស់គ្នា🚘🚙
//...//-